شي جينپيڭ نانجيڭدەگى قاندى قىرعىندا قازا بولعاندارعا ارنالعان مەملەكەتتىك ازا ءبىلدىرۋ سالتىنا قاتىناستى
يۇي جىڭشىڭ سالتقا قاتىناسىپ، ءسوز سويلەدى
2017.12.14 16:05 كەلۋ قاينارى : حالىق تورابى
«حالىق گازەتى»، 13 – جەلتوقسان، نانجيڭ. ج ك پ ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى 13 – جەلتوقسان تۇستەن بۇرىن نانجيڭدە نانجيڭدەگى قاندى قىرعىندا قازا بولعاندارعا ارنالعان مەملەكەتتىك ازا ءبىلدىرۋ سالتىن دابىرالى وتكىزدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سالتقا قاتىناستى. مەملەكەتتىك ساياسي كەڭەستىڭ ءتوراعاسى يۇي جىڭشىڭ سالتقا قاتىناسىپ، ءسوز سويلەدى.
ازا ءبىلدىرۋ سالتى جۇڭگوعا شاپقىنشىلىق جاساعان جاپونيا ارمياسىنىڭ نانجيڭدە جۇرگىزگەن زور قىرعىنىندا قازا بولعان باۋىرلاستاردى ەسكە ءتۇسىرۋ سارايىندا وتكىزىلدى. ەسكە ءتۇسىرۋ سارايىنىڭ جينالىس الاڭى ايبىندى دا سۇستى بەينەگە ەنگەن، الاڭداعى مەملەكەت تۋى جارتىلاي تۇسىرىلگەن. الاڭنىڭ باتىسىنداعى ۇلكەن «اپات داۋالىندا» قارا ءتۇستى كەرمە تۋعا «نانجيڭدەگى قاندى قىرعىندا قازا بولعاندارعا ارنالعان مەملەكەتتىك ازا ءبىلدىرۋ سالتى» دەگەن ءسوز جازىلعان. ءار سالادان كەلگەن 10 مىڭعا جۋىق ۋاكىل كەۋدەلەرىنە قارالىق گۇلىن تاعىپ جىم – جىرت تۇر.
9 ساعات 58 مينۋتتا شي جينپيڭ قاتارلى پارتيا مەن مەملەكەت باسشىلارى سالت وتكىزىلەتىن الاڭعا كىرىپ، ءار سالا ۋاكىلدەرى شارشى توبىنىڭ الدىندا تۇردى. جۇڭگو حالىق ازاتتىق ارمياسىنىڭ ءۇش ءتۇرلى ارمياسىنىڭ قۇرمەت قاراۋىلىنداعى 18 اسكەر يىقتارىنا مىلتىق اسىنىپ ءبىرىڭعاي قاداممەن مەملەكەتتىك ازا ءبىلدىرۋ سالتى وتكىزىلەتىن مىنبەىنىڭ ەكى شەتىنە ءوتىپ قۇرمەت كورسەتىپ تۇردى.
ساعات ءدال وندا مەملەكەتتىك ازا ءبىلدىرۋ سالتى باستالدى. اسكەري وركەستر «ەرىكتىلەر مارىشىن» ورىندادى، تۇتاس الاڭدا جۇڭحۋا حالىق رەسپۋبليكاسىنىڭ مەملەكەت ءانى اسقاق شىرقالدى، اسقاق ءۇن كوك ءجۇزىن جاڭعىرىقتىردى. مەملەكەت ءانى ورىندالىپ بولعان سوڭ تۇتاس الاڭداعىلار نانجيڭدەگى قاندى قىرعىندا قازا بولعاندارعا ازا ءبىلدىردى. سول ۋاقىتتا ازا ءبىلدىرۋ ناق مايدانى مەن نانجيڭنىڭ تۇتاس قالاسىندا اۋە شابۋىلىنان ساقتانۋ گۋدوگى شالىندى، اۆتوموبيل، پويەز، كەمەلەر دە گۋدوك شالدى، جۇرگىنشىلەر جۇرگەن ورنىندا توقتاپ ازا ءبىلدىردى.
ازا ءبىلدىرىلىپ بولعان سوڭ اسكەري وركەستر «مەملەكەتتىك ازا ءبىلدىرۋ مۋزىكاسىن» ورىندادى، جۇڭگو حالىق ازاتتىق ارمياسىنىڭ ءۇش ءتۇرلى ارمياسىنىڭ قۇرمەت قاراۋىلىنداعى اسكەرلەر 8 گۇلشەڭبەردى كوتەرىپ ازا ءبىلدىرۋ تەكشەسىنە قاراي باياۋ ءجۇرىپ، گۇلشەڭبەرلەردى «اپات داۋالىنىڭ» الدىنا قويدى. نانجيڭ قالاسىنداعى جاستار مەن ورەندەردىڭ 80 ۋاكىلى «بەيبىتشىلىك جارناماسىن» وقىدى.
وسىدان كەيىن يۇي جىڭشىڭ ءسوز سويلەدى. ول بىلاي دەدى: بۇگىن ءبىز بۇل ارادا نانجيڭدەگى قاندى قىرعىندا قازا بولعاندارعا ارنالعان مەملەكەتتىك ازا ءبىلدىرۋ سالتىن دابىرالى وتكىزىپ وتىرمىز، مۇنداعى ماقسات نانجيڭدەگى قاندى قىرعىندا قازا بولعانداردى، جاپون شاپقىنشىلارىنىڭ قىرعىنىندا قازا بولعان باۋىرلاستاردى، جۇڭگو حالىق ازاتتىق ارمياسىنىڭ جاپون شاپقىنشىلارىنا قارسى سوعىسىنىڭ جەڭىسى ءۇشىن ءومىرىن ارناعان توڭكەرىستىك قۇربانداردى جانە ۇلت قاھارماندارىن، جۇڭگو حالقىمەن قول ۇستاسا وتىرىپ جاپون شاپقىنشىلارىنا قارسى تۇرۋ سوعىسىندا ءومىرىن ارناعان حالىقاراداعى جاۋىنگەرلەر مەن حالىقارالىق دوستاردى ەسكە الۋ، جۇڭگو حالقىنىڭ تاريحتى ەستە بەرىك ساقتاپ، توڭكەرىستىك قۇربانداردى ەسكە الىپ، بەيبىتشىلىكتى قاستەرلەپ، بولاشاق جاراتۋداعى بەرىك مايدانىن ايگىلەۋ، بەيبىت دامۋ جولىمەن ءجۇرۋ سىندى وسكەلەڭ ارماندى سالتاناتپەن بەينەلەۋ بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
