بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

«سوتسياليستىك وسىزاماندانعان قۇدىرەتتى مەملەكەتتى» قالاي قۇرۋ كەرەك

2018.01.23 15:26     كەلۋ قاينارى : حالىق تورابى

 

  وسىزاماندانعان قوعامعا قادام تاستاۋ ـــ ادامزاتتىڭ باقىتتى تۇرمىسقا دەگەن شىنايى ارمانى؛ وسىزاماندانعان مەملەكەتتەردىڭ قاتارىنا ءوتۋ ـــ قازىرگى تاڭداعى دۇنيە جۇزىندەگى كوپ ساندى مەملەكەتتەردىڭ ۇزاق ۋاقىتتىق دامۋداعى تاماشا تىلەگى. ج ك پ 19 – قۇرىلتايى بايانداماسى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن بەلگىلەگەن نىساناعا انىق جازىپ، وسى عاسىردىڭ ورتا شەنىندە ەلىمىزدى باي دا قۋاتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋدى ورتاعا قويدى.


  پارتيا 19 – قۇرىلتايى سوتسياليستىك وسىزاماندانعان مەملەكەتتى جاپپاي قۇرۋ جانە «ەكى ساتى بويىنشا ورىنداۋ» ستراتەگيالىق ورنالاستىرۋىن ايقىندادى. ەلىمىزدىڭ سوتسياليستىك وسىزامانداندىرۋ قۇرىلىسىنىڭ ۋاقىت كەستەسىن، جول كارتاسىن تولىق ايشىقتادى.


  رەفورما جاساپ ەسىك اشۋدىڭ باستاپقى مەزگىلىندە، پارتيامىز سوتسياليستىك وسىزامانداندىرۋ قۇرىلىسىن «ءۇش ساتىعا» ءبولىپ ورىنداۋ ستراتەگيالىق نىساناسىن ءورتاعا قويدى، الدىڭعى ەكى ساتىداعى نىسانا الدەقاشان مەرزىمىنەن بۇرىن ورىندالىپ بولدى. پارتيا 16 – قۇرىلتايى وسى عاسىردىڭ باستاپقى 20 جىلىندا جاپپاي دوڭگەلەك داۋلەتتى قوعام قۇرۋدى ورتاعا قويدى، بۇل نىسانا ەندى ءۇش جىلدان كەيىن ىسكە اسادى.


  پارتيا 19 – قۇرىلتايى 2021 – جىلدان 2050 – جىلعا دەيىنگى 30 جىلدى ەكى 15 جىلعا ءبولىپ ورنالاستىرۋدى ايقىندادى. ءىس جۇزىندە مىناداي بەس كەزەڭگە بولىنەدى:


  ءبىرىنشى كەزەڭ: رەفورما جاساپ ،ەسىك اشۋدىڭ باستاپقى مەزگىلىنەن 1990 – جىلعا دەيىن نەگىزىنەن حالىقتىڭ ازىق - تۇلىك، كيىم - كەشەك ماسەلەسى شەشىم ەتىلدى.


  ەكىنشى كەزەڭ: 1991 – جىلدان 2000 – جىلعا دەيىن حالىقتىڭ تۇرمىس ورەسى دوڭگەلەك داۋلەتتى ورەگە جەتكىزىلدى؛


  ءۇشىنشى كەزەڭ: 2001 – جىلدان 2020 – جىلعا دەيىن جاپپاي دوڭگەلەڭ داۋلەتتى قوعام قۇرىلادى؛


  ءتورتىنشى كەزەڭ: 2021 – جىلدان 2035 – جىلعا دەيىن سوتسياليستىك وسىزامانداندىرۋ نەگىزىنەن ىسكە اسىرىلادى.


  بەسىنشى كەزەڭ: 2036 – جىلدان 2050 – جىلعا دەيىن باي دا قۋاتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرىپ شىعۋ.


  بۇرىن ورتاعا قويىلعان وسىزامانداندىرۋ نىساناسىمەن سالىستىرعاندا، پارتيا 19 – قۇرىلتايىنداعى «ەكى ءجۇز جىلدىقتى» ىسكە اسىرۋ جونىندەگى بايانداۋ جۇرت نازارىن ەرەكشە اۋداردى.


  بىرىنشىدەن، سوتسياليستىك وسىزامانداندىرۋدى نەگىزىنەن ىسكە اسىرۋ سىندى نىسانا مەرزىمىنەن 15 جىل بۇرىن ورىندالاتىن بولدى. بۇرىن ورتاعا قويىلعان كۇرەس نىساناسى بويىنشا وسى عاسىردىڭ ورتا شەنىندە وسىزامانداندىرۋدى نەگىزىنەن ىسكە اسىرۋ بەلگىلەنگەن، بۇل جولى 2035 – جىلعا بارعاندا – اق سوتسياليستىك وسىزامانداندىرۋدى نەگىزىنەن ىسكە اسىرۋ ورتاعا قويىلدى، بىلايشا ايتقاندا، وتكەندەگى نىسانامەن سالىستىرعاندا 15 جىل ەرتە ورىندالاتىن بولدى. ءبىر جاعىنان، بۇل ءبىزدىڭ دامۋ جەتىستىكتەرىمىزدىڭ زور ەكەنىن، مەجەلەگەنىمىزدەن اسىپ كەتكەنىن كورسەتەدى؛ ەندى ءبىر جاعىنان، ەلىمىزدىڭ بولاشاقتاعى دامۋىنداعى كومەسكى كۇشىنىڭ ءالى دە زور ەكەنىن، ۇزاق ۋاقىت بويى جاقسى بەتالىسىنىڭ وزگەرمەيتىنىن كورسەتەدى.


  ەكىنشىدەن، ەكىنشى ءجۇز جىلدىق كۇرەس نىساناسى جونىندەگى بايانداۋدى اناعۇرلىم كەمەلدەندىردى. بۇرىنعى نىسانا بويىنشا جاڭا جۇڭگو قۇرىلعانىنا 100 جىل بولعان كەزدە باي دا قۋاتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان مەملەكەت قۇرۋ بەلگىلەنگەن. پارتيا 19 – قۇرىلتايىندا مۇنىڭ ەكى جەرىنە وزگەرىس ەنگىزىلدى، بىرىنشىدەن، «كورىكتى» دەگەن ءسوزدى قوستى، بۇل ءبىر جاعىنان «بەستى ءبىر تۇلعالاندىرۋ» جالپى ورنالاستىرۋىمەن ءوزارا ءبىرتۇتاس، ءوزارا سايكەس كەلدى، ەندى ءبىر جاعىنان، «كورىكتىلىك» سوتسياليستىك وسىزامانداندىرۋ قۇرىلىسىنىڭ ماڭىزدى مازمۇنى رەتىندە قامتىلىپ، كورىكتى جۇڭگونى جەدەل قۇرۋعا دا ءتيىمدى بولدى؛ ەكىنشى وزگەرىس، بۇرىنعى «مەملەكەت» دەگەن ءسوزدى «قۇدىرەتتى مەملەكەت» دەپ وزگەرتتى، بۇل ەكىنشى ءجۇز جىلدىق كۇرەس نىساناسىنىڭ وزىندىك تالابىن جوعارىلاتتى.


  ۇشىنشىدەن، GDPدى ەسەلەۋ سىندى نىسانالار ەندىگارى ايتىلمايتىن بولدى. مۇندا نەگىزىنەن ەلىمىز قوعامىنىڭ باستى قايشىلىعىندا وزگەرىس تۋىلعانى ويلاستىرىلعان، ەلىمىز ەكونوميكاسىنىڭ دامۋى جوعارى ساپالى دامۋ كەزەڭىنە بۇرىلىس جاسادى، جوعارى قارقىنمەن دامۋ كەزەڭىنەن وتتىك. وسى كەزەڭدە ءبىز دامۋ قارقىنىن قاجەت ەتپەيمىز دەگەندىك ەمەس، ءبىز نەنى قاجەت ەتەمىز؟ ءبىز ساپا، ونىمدىلىك، قوزعاۋشى كۇش سىندى «ءۇش وزگەرىس» ارقىلى تەپە – تەڭسىزدىك پەن جەتكىلىكسىزدىك سىندى دامۋ ماسەلەسىن كۇش سالا شەشىم ەتۋىمىز قاجەت.


  ۇلتتىڭ گۇلدەنۋىن ىسكە اسىرۋ ـــ سانسىزداعان جۇڭحۋا پەرزەنتتەرىنىڭ ءجۇز جىلدىق ارمانى. تەك قىزمەتتى تىڭعىلىقتى ىستەگەندە عانا ارماندى شىندىققا اينالدىرۋعا بولادى. ءبىر كەزەكتىڭ جولىن ەندى ءبىر كەزەكتەگىلەر جالعاستىرىپ، ءبىر ۇرپاقتىڭ ءىزىن ەندى ءبىر ۇرپاق باسىپ، بىرلىكتە قۇلشىنىپ، سوتسياليستىك وسىزامانداندىرۋ قۇرىلىسىنىڭ جاڭا تاراۋىن ءۇرتىس جازايىق.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار