شي جينپيڭ مەن پۋتين جۇڭگو - رەسەي جەرگىلىكتى سەلبەستىك، اۋىس - كۇيىس جىلىنىڭ اشىلۋ سالتىنا جەكە - جەكە قۇتتىقتاۋ ءسوزىن جولدادى
2018.02.08 14:23 كەلۋ قاينارى : حالىق تورابى
«حالىق گازەتى»، 7 – اقپان، حاربين (تىلشىلەر جىڭ شاۋجۇڭ، يىن شينيۇي، ياڭ شۇن). مەملەكەت ءتوراعاسى شي جينپيڭ مەن رەسەيدىڭ پرەزيدەنتى پۋتين 7 - اقپاندا جۇڭگو - رەسەي جەرگىلىكتى سەلبەستىك، اۋىس - كۇيىس جىلىنىڭ اشىلۋ سالتىنا جەكە - جەكە قۇتتىقتاۋ ءسوزىن جولدادى.
شي جينپيڭ قۇتتىقتاۋ سوزىندە مىنالاردى اتاپ كورسەتتى: جۇڭگو مەن رەسەي __ ىرگەلەس كورشى ەلدەر، ەكى ەل حالقى ەجەلدەن كورشى، دوستىعىنىڭ تامىرى تىم تەرەڭدە. جەرگىلىكتى ورىندار __ جۇڭگو مەن رەسەيدىڭ جان - جاقتى، ءبىرىن - ءبىرى جەبەۋ سەلبەستىگىن ورىستەتۋىندەگى ماڭىزدى كۇش. پرەزيدەنت پۋتين ەكەۋىمىز 2018 - جىلدان 2019 - جىلعا دەيىن جۇڭگو - رەسەي جەرگىلىكتى سەلبەستىك، اۋىس - كۇيىس جىلىن وتكىزۋ جونىندە ۇيعارىم جاساعان ەدىك، وسى كەلەلى قيمىلدىڭ ەكى ەلدىڭ جەرگىلىكتى سەلبەستىك ىنتاسىن جۇمىلدىرىپ، ەكى جاقتىڭ سەلبەستىك كومەسكى كۇشىن اشىپ، ءتىپتى دە كوپ جەرگىلىكتى ورىنداردىڭ، كاسىپورىنداردىڭ، جۇرتشىلىقتىڭ جۇڭگو - رەسەي دوستىق سەلبەستىگى مەن ورتاق دامۋ ىستەرىنە ات سالىسۋىنا دەم بەرىپ، جۇڭگو - رەسەي قاتىناسىنىڭ ءۇرتىس، اقاۋسىز، باياندى دامۋىنا ءتىپتى دە سەرپىندى قوزعاۋشى كۇش قوساتىنىنا سەنەمىن.
شي جينپيڭ مىنالاردى دارىپتەدى: جۇڭگو مەن رەسەي مەملەكەتتى دامىتۋ مەن ۇلتتى گۇلدەندىرۋدىڭ ماڭىزدى ساتىندە تۇر، ەكى ەلدىڭ دامۋ جوباسى وسكەلەڭ قابىسقان، جەرگىلىكتى سەلبەستىكتىڭ بولاشاعى زور. ەكى ەل ۇكىمەتتەرى مەن جەرگىلىكتى ورىندارىنىڭ تىعىز سەلبەسىپ، دەن قويا ۇيىمداستىرىپ، جۇڭگو - رەسەي جەرگىلىكتى سەلبەستىك، اۋىس - كۇيىس جىلىن جۇڭگو - رەسەي قاتىناسىنىڭ جاڭا كورىنەۋ تۇيىنىنە اينالدىرىپ، جۇڭگو - رەسەي قاتىناسىنىڭ كوركەم بولاشاعىن بىرگە جاراتاتىنىنا سەنەمىن.
پۋتين قۇتتىقتاۋ سوزىندە بىلاي دەدى: رەسەي مەن جۇڭگونىڭ جالپى بەتتىك ستراتەگيالىق سەلبەستىك، ارىپتەستىك قاتىناسى جەدەل دامۋدا، ەكى جاقتىڭ سەلبەستىك اياسى ءۇرتىس كەڭەيىپ، سەلبەستىك مازمۇنى ۇزدىكسىز مولىعۋدا. جەرگىلىكتى سەلبەستىك __ رەسەي - جۇڭگو قاتىناسىنىڭ ماڭىزدى قۇرامداس بولەگى. رەسەي - جۇڭگو جەرگىلىكتى سەلبەستىك، اۋىس - كۇيىس جىلى سىندى وسى زور كولەمدى قيمىل __ ەكى جاقتىڭ ءوزارا وتكىزگەن مەملەكەتتىك تاقىرىپتىق جىل ءداستۇرىنىڭ جالعاسى، مۇندا رەسەيدەگى فەدەراتسيالىق سۋبيەكتىلەر مەن جۇڭگوداعى ءارقايسى جەردىڭ بايلانىس جاساۋ جانە ءبىر - بىرىنە تيىمدىلىك جاساۋ سەلبەستىگىن كۇشەيتۋ ماقسات ەتىلگەن. ەكى جاق جەرگىلىكتى سەلبەستىك، اۋىس - كۇيىس جىلى جۇلگەسىندە قارجى قوسۋ، تانىستىرۋ جينالىسى، ساۋدا - ونەركاسىپ جانە اۋىل شارۋاشىلىق كورمەسى، زەرتتەۋ - تالقى ءماجىلىسى، كوركەمونەر مەرەكەسى، ۇيىمداردىڭ ءوزارا ساپاردا بولۋى سياقتى نەشە جۇزدەگەن قيمىل ۇيىمداستىرادى. ەكى ەلدەگى جەرگىلىكتى ورىنداردىڭ ۋاكىلدەرى تاعى ساند - پەتربۋرگ حالىقارالىق ەكونوميكا تالقى مىنبەسى، شىعىس ەكونوميكا تالقى مىنبەسى، رەسەي - جۇڭگو كورمەسى جۇلگەسىندە بەلسەنە اۋىس - كۇيىس جاسايدى. رەسەي - جۇڭگو جەرگىلىكتى سەلبەستىك، اۋىس - كۇيىس جىلىنىڭ ەكى جاقتىڭ ءتۇرلى سالالارداعى دامۋ بولاشاعى بار دارىپتەمەلەرىن تياناقتاندىرۋىنا دەم بەرىپ، جەرگىلىكتى سەلبەستىكتىڭ زور كومەسكى كۇشىن تولىق اشاتىنىنا سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
