بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

باس شۋجي باۋىرمالدىقتى تاۋداي اسقاق كورەدى (باس شۋجيدىڭ حالىققا ىقىلاسى)

2018.02.23 16:22     كەلۋ قاينارى : حالىق تورابى

  شانشيدىڭ سولتۇستىگىندەگى ءۇستىرتتى ءوڭىر مەرەكەلىك تۇسكە ەندى، وتباسىلار تىلەۋ جازىلعان بوساعالىق جاپسىرىپ، اس ازىرلەپ ابىگەرگە سالىنسا، تورسىلداق ءۇنى تاۋ – دالانى جاڭعىرتىپ، اڭعارلادان كوكتەم لەبى ەستى.


  باس شۋجي شي جينپيڭ كەزىندە بىلاي دەگەن بولاتىن: «سول كەزەڭدەردە ءوزىم كەتكەنىممەن، بۇل ارانى كوڭىلمنىڭ تەرەڭ تۇكپىرىنە ۇيالاتقان ەدىم». مىنە، بۇگىن لياڭجياحىدان كەتكەنىنە تابانى كۇرەكتەي 40 جىلدىڭ ءجۇزى بولسا دا، كەزىگە قالعان اۋىلداستاردى جىقپاي تانىپ ‹سۇي - ۋا، حيزى، تيەسو…› دەپ بالا كۇنگى ەركەلەتپە اتتارىمەن شاقىردى. باس شۋجيمەن بىرگە وتكىزگەن كۇندەرىن ەسكە العان اۋىلداستار: «شي جينپيڭ ءبىزدى ەجەلدەن ەسىنەن شىعارعان ەمەس، ول باۋىرمالدىقتى اسقاق كورەتىن كىسى»، ـــ دەستى.


  «باۋىرمالدىققا ءمان بەرۋ». ءتىلشى باس شۋجي باسىپ وتكەن كەزەڭدەر جونىنەن سۇحپاتىن باستاعاننان – اق، مەيلى كەزىندە ول وقىعان مەكتەپ، تومەنگە ءتۇسىپ ءومىر امالياتىن ۇيرەنگەن قىستاعى بولسىن، مەيلى قوعام تابالدىرىعىن اتتاپ قىزمەت ىستەگەن اۋدان ورتالىعى، تەكسەرىپ زەرتتەۋ جۇرگىزگەن ورىندارى نەمەسە شەتەلگە شىعىپ، شەكارا اتتاعان كۇندەرى بولسىن، ءبارى – بارىندە كەڭەسكە قاتىناسقانداردىڭ اۋزىنان جوعارىداعى ءسوزدى ءجيى ەستىدى. «سارى توپىراقتى ءۇستىرتتىڭ ازاماتى» كوڭىل كوگىنە لياڭجياحىداعى ۇلكەن – كىشىنى ساقتاپ قانا قالماي، بۇكىل جۇڭگو توپىراعىندا جاساپ جاتقان ءار ۇلت حالقىن دا باستان – اياق ەسىنەن شىعارعان ەمەس.


  لياڭجياحى قىستاعىنىڭ تۇرعىنى شى چۇنياڭ: «ول ۇنەمى حالىققا ەڭ قاجەتتى جۇمىستاردى تىندىراتىن ەدى»، ـــ دەدى.


  «زيالى جاس بولىپ تومەنگە تۇسكەن 7 جىلدا شي جينپيڭ مەن لياڭجياحى قىستاعىنىڭ تۇرعىنى شى چۇنياڭ قويۋ دوستىق ورناتتى. 1975 – جىلى قازاندا شي جينپيڭ لياڭجياحى قىستاعىنان كەتكەن سوڭ شى چۇنياڭ قىستاق پارتيا ياچەيكاسىنىڭ شۋجيى بولىپ سايلاندى، 2016 – جىلى لياڭجياحى قىستاعىنىڭ شۋجيلىك مىندەتىن تاعى ارقالادى. ول: «باس شۋجيدان قالعان باعاسىز بايلىقتىڭ ىشىندەگى ەڭ قۇندىسى باۋىرمالدىق بولاتىن»، ـــ دەدى.


  «اۋىلداستار ونىمەن تۋىستاي بولىپ كەتكەن، ونىمەن بىرگە وتكەن كۇندەرىن ساعىنا ەسكە الىپ تۇردى»، ـــ دەدى كرەسلوعا تىزە بۇككەن شى چۇنياڭ، ارتىنداعى تام قابىرعاسىندا باس شۋجيدىڭ 2015 – جىلى اقپاندا لياڭجياحىعا ات باسىن بۇرعانداعى بىرنەشە سۋرەتى ىلىنگەن، پەش ۇستىندەگى شاۋگىم بۋداقتاپ تۇر، ۇيقىشى مارعاۋ بالاققا ۇيكەنىپ ەركەلەيدى.


  سىرتقى دۇنيە نەشە مىڭ جىلدىق وزگەرىستەردى باستان كەشىردى.


  1969 – جىلى قاڭتاردا تومەنگە تۇسكەن زيالى جاس شي جينپيڭ شانشيدىڭ سولتۇستىگىندەگى بايىرعى توڭكەرىستىك رايونعا، وسى اياداي قىستاققا كەلدى. سول كەزەڭدەردە بۇل اراداعىلار، جۇيەدەن، كۇللى سولتۇستىك شانشيدەگىلەر تۇگەلدەي جەر تولەدە تۇرىپ، سارى توپىراقتى توسەنىش، كوك اسپاندى جامىلشى ەتەتىن. «شي جينپيڭ لياڭجياحى قىستاعىنىڭ شۋجيلىك مىندەت وتەگەن قىسقا عانا ءبىر جىلدان استام ۋاقىتتا كەدەي قىستاققا ومىرشەڭدىك كۇش باعىش ەتكەن – دى...». ول قىستاقتاعىلاردى باستاپ شانشيدەگى تۇڭعىش شالشىق گازى قۇدىعىن جاسادى، ەگىن سۋاراتىن قۇدىقتاردى قازدىردى، تەمىرشىلىك، تىگىنشىلىك كووپەراتيۆىن قۇردى، ۋاكىلدىك ساتۋ دۇكەندەردى اشتى، تيىرمەن سالدىردى... «قىستاقتىڭ كىرە بەرىسىندەگى مىنا تۇنبا توسپانى كەزىندە شي جينپيڭ بىزگە جەتەكشىلىك ەتىپ جوندەگەن بولاتىن».


  شى چۇنياڭ بىلاي دەدى: «شي جينپيڭ كەزىندە بىزگە قالدىرىپ كەتكەن قۇرىلعىلاردى ءالى دە پايدالانىپ كەلەمىز. ول ۇنەمى حالىققا ەڭ قاجەتتى جۇمىستاردى تىندىراتىن، قالدىرىپ كەتكەن 40 جىلدىق باۋىرمالدىعى دا قىستاقتاعىلاردىڭ جۇرەگىنە جىلۋ باعىشتاپ كەلەدى».


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار