حالىق قۇرىلتايى تۇراقتى كوميتەتىنىڭ 33 - ءماجىلىسى بەيجيڭدە وتكىزىلدى
مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنىڭ نۇسقاسى قارالىپ، مەملەكەتتىك 13 – كەزەكتى حالىق قۇرىلتايىنىڭ 1 – ءماجىلىسىن اشۋعا ازىرلىك جاسالدى، جاڭا دىجياڭ ءماجىلىستى باسقاردى
2018.02.24 18:26 كەلۋ قاينارى : حالىق تورابى
«حالىق گازەتى»، 23 – اقپان، بەيجيڭ (ءتىلشى ۋاڭ بيشۋە). مەملەكەتتىك 12 – كەزەكتى حالىق قۇرىلتايى تۇراقتى كوميتەتىنىڭ 33 - ءماجىلىسى 23 – اقپان تۇستەن بۇرىن بەيجيڭدەگى حالىق سارايىندااشىلدى. كوميتەت باستىعى جاڭا دىجياڭ ءماجىلىستى باسقاردى.
تۇراقتى كوميتەتتىڭ قۇرامىنداعىلاردان 158 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەستى. پارتيا 19 – قۇرىلتايى مەن پارتيا 19 – كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن دايەكتىلەندىرىپ، مەملەكەتتىڭ باقىلاۋ ءتۇزىلىس رەفورماسىن ىشكەرىلەي جۇرگىزۋدىڭ قاجەتىنە ۇيلەسىپ، نەگىزگى زاڭعا سەرت بەرۋ ءتۇزىمىن كەمەلدەندىرىپ، نەگىزگى زاڭ رۋحىن اناعۇرلىم اسقاقتاتىپ، نەگىزگى زاڭنىڭ بەدەلىن ايگىلەۋ ءۇشىن، مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتارى ماجىلىسىندە مەملەكەتتىك حالىق قۇرىلتايى تۇراقتى كوميتەتىنىڭ نەگىزگى زاڭعا سەرت بەرۋ ءتۇزىمىن اتقارۋ جونىندەگى قاۋلىعا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەستىك جوبانى ورتاعا قويدى. مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ ورىنباسار مەڭگەرۋشىسى جاڭ يۇڭ كوميتەت باستىقتارى ءماجىلىسىنىڭ تاپسىرۋىمەن تۇسىنىك جاسادى.
جارنا بەلەتىن تاراتۋ، تىزىمگە الدىرۋ ءتۇزىم رەفورماسىنىڭ اتقارىلۋىن ورنىقتى ىلگەرىلەتىپ، كاپيتال بازارىنىڭ ناقتى ەكونوميكاعا قىزمەت وتەۋدەگى نەگىزدىك يقۋاتىن اناعۇرلىم ساۋلەلەندىرۋ ءۇشىن، مەملەكەتتىك كەڭەس مەملەكەتتىك كەڭەستىڭ جارنا بەلەتىن تاراتۋ، تىزىمگە الدىرۋ ءتۇزىم رەفورماسىن ۇزارتۋ بارىسىندا اكتسيا زاڭىن پايدالانۋدى رەتتەۋگە قاتىستى بەلگىلەمەلەردىڭ ۋاقىت شەگى جونىندەگى قاۋلى جوباسىن قاراۋعا ۇسىنۋ جونىندەگى كەڭەستىك جوبانى ورتاعا قويدى. مەملەكەتتىك كەڭەستىڭ تاپسىرۋىمەن جۇڭگو اكتسيا باقىلاۋ – باسقارۋ كوميتەتىنىڭ ءتوراعاسى ليۋ شىيۇي تۇسىنىك جاسادى.
وسى رەتكى تۇراقتى كوميتەت ماجىلىسىندەگى ماڭىزدى مىندەتتەردىڭ ءبىرى مەملەكەتتىك 13 – كەزەكتى حالىق قۇرىلتايىنىڭ 1 - ءماجىلىسىن اشۋعا ازىرلىك كورۋ بولدى. سوندىقتان ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى نۇسقاسى، مەملەكەتتىك 13 – كەزەكتى حالىق قۇرىلتايى 1 - ءماجىلىسىنىڭ كۇن تارتىپتەرىن، ءتوراعالار القاسىنداعىلار مەن باس حاتشىنىڭ ەسىمدىگى، سىرتتاي قاتىناساتىنداردىڭ ەسىمدىگى جوباسى سياقتىلاردى قاراۋعا بەرۋ جونىندەگى كەڭەستىك جوبا قارالدى.
ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باس حاتشىسى شين چۇنيىڭ جاساعان مەملەكەتتىك حالىق قۇرىلتايى تۇراقتى كوميتەتى كەڭسەسىنىڭ مەملەكەتتىك 13 – كەزەكتى حالىق قۇرىلتايىنىڭ ۋاكىلدەرىن سايلاۋ قىزمەتىنىڭ جاعدايى جونىندەگى مالىمەتى تىڭدالدى. مەملەكەتتىك 13 – كەزەكتى حالىق قۇرىلتايىنىڭ ۋاكىلدەرىن سايلاۋ قىزمەتىندە پارتيانىڭ باسشىلىعىندا، دەموكراتيانى ساۋلەلەندىرۋدە، ءىس بىتىرۋدە زاڭدى قاتاڭ اتقارۋدا، كەزەك الماستىرۋ ءتارتىىبن قاتاڭ بەلگىلەۋدە تاباندى بولىندى، 2018 – جىلى قاڭتاردىڭ سوڭىنا دەيىن 35 سايلاۋ ورنىندا مەملەكەتتىك 13 – كەزەكتى حالىق قۇرىلتايىنىڭ جالپى 2 مىڭ 980 ۋاكىلى سايلاندى. جالپى جاقتان قاراعاندا، مەملەكەتتىك 13 – كەزەكتى حالىق قۇرىلتايىنىڭ ۋاكىلدەرى كەڭ كولەمدە ۋاكىلدىك سيپاتقا يە بولىپ، وڭىرلەردىڭ ۇلتتاردىڭ، ءارقايسى جاقتىڭ لايىقتى سانداعى ۋاكىلدەرى بولۋ تالابىنا كەپىلدىك ەتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
