جۇڭگو كوممۋنيستىك پارتياسى ورتالىق كوميتەتىنىڭ نەگىزگى زاڭنىڭ ءىشىنارا مازمۇنىنا وزگەرىس ەنگىزۋ جونىندەگى ۇسىنىسى
2018.02.26 16:16 كەلۋ قاينارى : حالىق تورابى
مەملەكەتتىك حالىق قۇرىلتايى تۇراقتى كوميتەتىنە:
جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋدىڭ جاڭا جاعدايىنا، جاڭا امالياتىنا ساي، جۇڭگو كوممۋنيستىك پارتياسى ورتالىق كوميتەتى «جۇڭحۋا حالىق رەسپۋبليكاسىنىڭ نەگىزگى زاڭىنىڭ» ءىشىنارا مازمۇنىنا وزگەرىس ەنگىزۋ جونىندە مىناداي ۇسىنىس قويادى:
ءبىرىنشى، نەگىزگى زاڭنىڭ العى ءسوزىنىڭ 7 - ابزاتىسىنداعى «ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ جانە <ۇشكە ۋاكىلدىك ەتۋ> ماڭىزدى يدەياسىنىڭ جەتەكشىلىگىندە» دەگەن ءسوز «ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ جانە <ۇشكە ۋاكىلدىك ەتۋ> ماڭىزدى يدەياسىنىڭ، عىلمي دامۋ كوزقاراسىنىڭ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە» دەپ وزگەرتىلسە؛ «سوتسياليستىك تۇزىمدەردى ۇزدىكسىز كەمەلدەندىرىپ» دەگەن ءسوز «سوتسياليستىك زاڭمەن جونگە سالۋدى ۇزدىكسىز كەمەلدەندىرىپ» دەپ وزگەرتىلسە؛ «ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ» دەگەن ءسوزدىڭ الدىنا «جاڭا دامۋ تانىمىن تياناقتاندىرىپ» دەگەن ءسوز قوسىلسا؛ «ماتەريالدىق وركەنيەتتىڭ، ساياسي وركەنيەتتىڭ جانە رۋحاني وركەنيەتتىڭ سايكەستى دامۋىن جەبەپ، ەلىمىزدى باي، قۇدىرەتتى، دەموكراتيالى، وركەنيەتتى، سوتسياليستىك ەل ەتىپ قۇرادى» دەگەن ءسوز «ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن جەبەپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان ەل ەتىپ قۇرىپ، جۇڭحۋا ۇلتتارىنىڭ ۇلى گۇلدەنۋىن ىسكە اسىرادى» دەپ وزگەرتىلسە. وسى ابزاتىس سايكەستى بىلاي دەپ وزگەرتىلسە: «جۇڭگونىڭ جاڭا دەموكراتيالىق توڭكەرىسىنىڭ جەڭىسى مەن سوتسياليستىك ىستەرىنىڭ تابىسىنا جۇڭگو كوممۋنيستىك پارتياسىنىڭ جۇڭگوداعى ءار ۇلت حالقىن باستاپ، ماركسيزم - لەنينيزمدى، ماۋ زىدۇڭ يدەياسىن جەتەكشى ەتىپ، اقيقاتتا بەرىك تۇرۋى، قاتەلىكتەردى تۇزەتۋى، تولىپ جاتقان حاۋىپ - قاتەرلەردى جەڭۋى ارقىلى قول جەتتى. ەلىمىز ۇزاق ۋاقىت بويى سوتسياليزمنىڭ العاشقى ساتىسىندا تۇرادى. مەملەكەتتىڭ ءتۇبىرلى مىندەتى جۇڭگوشا سوتسياليزم جولىن بويلاپ، سوتسياليستىك وسىزامانداندىرۋ قۇرىلىسىن كۇشتى شوعىرلاندىرا وتىرىپ جۇرگىزۋ بولادى. جۇڭگوداعى ءار ۇلت حالقى جۇڭگو كوممۋنيستىك پارتياسىنىڭ باسشىلىعىندا، ماركسيزم - لەنينيزمنىڭ، ماۋ زىدۇڭ يدەياسىنىڭ، دىڭ شياۋپيڭ نازارياسىنىڭ، <ۇشكە ۋاكىلدىك ەتۋ> ماڭىزدى يدەياسىنىڭ، عىلمي دامۋ كوزقاراسىنىڭ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە حالىق دەموكراتياسى ديكتاتۋراسىندا، سوتسياليزم جولىندا، رەفورما جۇرگىزىپ، قاقپا اشۋدا تاباندى بولا بەرەدى، سوتسياليستىك تۇزىمدەردى ۇزدىكسىز كەمەلدەندىرىپ، سوتسياليستىك بازار شارۋاشىلىعىن، سوتسياليستىك دەموكراتيانى دامىتىپ، سوتسياليستىك زاڭمەن جونگە سالۋدى اقاۋسىزداندىرىپ، جاڭا دامۋ تانىمىن دايەكتىلەندىرىپ، ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، ونەركاسىپتى، اۋىل شارۋاشىلىعىن، قورعانىستى جانە عىلىم - تەحنيكانى بىرتىندەپ وسىزامانداندىرىپ، ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن جەبەپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان ەل ەتىپ قۇرىپ، جۇڭحۋا ۇلتتارىنىڭ ۇلى گۇلدەنۋىن ىسكە اسىرادى».
ەكىنشى، نەگىزگى زاڭ العى ءسوزىنىڭ 10 –ابزاتسىنداعى «ۇزاق مەزگىلدىك كۇرەس جانە قۇرىلىس بارىسىندا» دەگەن ءسوز «ۇزاق مەزگىلدىك كۇرەس، قۇرىلىس، رەفورما بارىسىندا» دەپ وزگەرتىلسە؛ «بارلىق سوتسياليستىك ەڭبەكشىلەردىڭ، سوتسياليزم ىستەرى قۇرۋشىلارىنىڭ، سوتسياليزمدى جاقتايتىن وتانشىلدار مەن مەملەكەت تۇتاستىعىن قورعايتىن وتانشىلداردىڭ كەڭ كولەمدى وتانشىلدىق بىرلىكسابىن قامتيدى» دەگەن ءسوز «بارلىق سوتسياليستىك ەڭبەكشىلەردىڭ، سوتسياليزم ىستەرى قۇرۋشىلارىنىڭ، سوتسياليزمدى جاقتايتىن وتانشىلداردىڭ، مەملەكەت تۇتاستىعىن قورعايتىن جانە جۇڭحۋا ۇلتتارىنىڭ ۇلى گۇلدەنۋىنە كۇش قوساتىن وتانشىلداردىڭ كەڭ كولەمدى وتانشىلدىق بىرلىكسابىن قامتيدى» دەپ وزگەرتىلسە. مىنا ابزاتست بىلاي وزگەرتىلسە: «سوتسياليستىك قۇرىلىس ىستەرى، ءسوزسىز، جۇمىسشى، شارۋا، زيالىلارعا ارقا سۇيەيدى، ىنتىماقتاسۋعا بولاتىن بارلىق كۇشتى جۇمىلدىرۋ كەرەك. ۇزاق مەزگىلدىك كۇرەس، قۇرىلىس، رەفورما بارىسىندا، جۇڭگو كوممۋنيستىك پارتياسى باسشىلىق ەتەتىن، ءارقايسى دەموكراتيالىق پارتيا – توپتار مەن ءارقايسى حالىقتىق ۇيىمدار قاتىناساتىن، بارلىق سوتسياليستىك ەڭبەكشىلەردى، سوتسياليزم ىستەرىنىڭ قۇرۋشىلارىن، سوتسياليزمدى جاقتايتىن وتانشىلدار، مەملەكەت تۇتاستىعىن قورعايتىن جانە جۇڭحۋا ۇلتتارىنىڭ ۇلى گۇلدەنۋىنە كۇش قوساتىن وتانشىلداردىڭ كەڭ كولەمدى وتانشىلدىق بىرلىكسابىن قامتيدى، بۇل بىرلىكساپ اناعۇرلىم نىعايادى جانە داميدى. جۇڭگو حالىق ساياسي ءماسليحات كەڭەسى – كەڭ كولەمدى ۋاكىلدىك سيپاتى بار بىرلىكساپ ۇيىم، بۇرىن ماڭىزدى تاريحي رول اتقارعان، بۇدان كەيىن دە مەملەكەتتىڭ ساياسي تۇرمىسى، قوعامدىق تۇرمىسى جانە سىرتپەن بولعان دوستىق بارىس – كەلىستە بولسىن، سوتسياليستىك وسىزامانداندىرۋ قۇرىلىسىن ىلگەرىلەتۋدە، مەملەكەت تۇتاستىعىن قورعاۋ جانە ىنتىماقتاستىرۋ كۇرەسىندە بولسىن، بارىندە دە ماڭىزدى رولىن اناعۇرلىم ساۋلەلەندىرە تۇسەدى. جۇڭگو كوممۋنيستىك پارتياسى باسشىلىق ەتكەن كوپ پارتيا ىستەستىگى مەن ساياسي – ءماسليحات كەڭەسى ءتۇزىمى ۇزاق مەزگىل جالعاسادى جانە داميدى».ءۇشىنشى، نەگىزگى زاڭ العى ءسوزىنىڭ 11 –ابزاتىسىنداعى «تەپە - تەڭ تۇراتىن، ىنتىماقتاساتىن، ءوزارا كومەك بەرەتىن سوتسياليستىك ۇلتتار قاتىناسى ورناتىلدى، بۇل جالعاستى كۇشەيتىلەدى» دەگەن ءسوز «تەپە – تەڭ تۇراتىن، ىنتىماقتاساتىن، ءوزارا كومەك بەرەتىن، جاراسىمدى بولاتىن سوتسياليستىك ۇلتتار قاتىناسى ورناتىلدى، بۇل جالعاستى كۇشەيتىلەدى» دەپ وزگەرتىلسە.ءتورتىنشى، نەگىزگى زاڭ العى ءسوزىنىڭ 12 –ابزاتىسىنداعى «جۇڭگونىڭ توڭكەرىس جانە قۇرىلىس جەتىستىكتەرىن الەم حالىقتارىنىڭ قولداپ – قۋاتتاۋىنان بولە قاراۋعا بولمايدى» دەگەن ءسوز «جۇڭگونىڭ توڭكەرىس، قۇرىلىس، رەفورمالاۋ جەتىستىكتەرىن الەم حالىقتارىنىڭ قولداپ – قۋاتتاۋىنان بولە قاراۋعا بولمايدى» دەپ وزگەرتىلسە؛ «جۇڭگو دەربەس، يەلىك ۇقىقتى سىرتقى ساياساتتا تاباندى بولىپ، دەربەس، ءوز – وزىنە قوجا بولۋ، يەلىك ۇقىعى مەن تەرريتوريا تۇتاستىعىنا ءوزارا قۇرمەت ەتۋ، ءبىر – بىرىنە سۇعاناقتىق جاساماۋ، ءبىر – ءبىرىنىڭ ىشكى ىستەرىنە ءوزارا كيلىكپەۋ، تەپە – تەڭ تۇرىپ، ءوزارا پايدا جەتكىزۋ، بەيبىت ورتاق يگىلىكتەنۋ» سىندى بەس ءتۇرلى پرينسيپتە تاباندى بولۋعا: «بەيبىت دامۋ جولىندا تاباندى بولۋ، ءوزارا پايدا جەتكىزۋ، ورتاق يگىلىكتەنۋ، رەفورما جۇرگىزۋ ستراتەگياسىندا تاباندى بولۋ» سىندى مازمۇن قوسىلسا؛ «ءارقايسى ەلدەرمەن بولعان سىرتقى ىستەر قارىم – قاتىناسى، ەكونوميكا، مادەنيەت اۋىس – كۇيىسى دامىتىلادى» دەگەن ءسوز «ءارقايسى ەلدەرمەن بولعان سىرتقى ىستەر قارىم – قاتىناسى، ەكونوميكا، مادەنيەت اۋىس – كۇيىسى دامىتىلىپ، ادامزاتتىڭ تاعدىرلاس ورتاق تۇلعاسىن قۇرۋ ىلگەرىلەتىلەدى» دەپ وزگەرتىلسە. مىنا ابزاتست بىلاي دەپ وزگەرتىلسە: « جۇڭگونىڭ توڭكەرىس، قۇرىلىس، رەفورما تابىسىن دۇنيە ءجۇزى حالىقتارىنىڭ قولداپ – قۋاتتاۋىنان بولە قاراۋعا بولمايدى. جۇڭگونىڭ بولاشاعى تورتكىل الەمنىڭ بولاشاعىمەن تىعىز بايلانىستىرىلعان. جۇڭگو دەربەس، يەلىك ۇقىقتى سىرتقى ساياساتتا تاباندى بولادى، دەربەس، ءوز – وزىنە قوجا بولۋ ، يەلىك ۇقىعى مەن تەرريتوريا تۇتاستىعىنا ءوزارا قۇرمەت ەتۋ، ءبىر – بىرىنە سۇعاناقتىق جاساماۋ، ءبىر – ءبىرىنىڭ ىشكى ىستەرىنە ءوزارا كيلىكپەۋ، تەپە – تەڭ تۇرىپ، ءوزارا پايدا جەتكىزۋ، بەيبىت ورتاق يگىلىكتەنۋدەي بەس ءتۇرلى پرينسيپتە تاباندى بولادى، بەيبىت دامۋ جولىندا تاباندى بولادى، ءوزارا پايدا جەتكىزۋ، ورتاق يگىلىكتەنۋ، رەفورمالاۋ ستراتەگياسىندا تاباندى بولادى، ءارقايسى ەلدەرمەن سىرتقى ىستەر قارىم – قاتىناسىن، ەكونوميكا، مادەنيەت اۋىس – كۇيىسىن دامىتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى؛ يمپەرياليزمگە، زورەكەرلىككە، وتارشىلدىققا قارسى تۇرۋدا تاباندى بولىپ، دۇنيە ءجۇزى حالىقتارىمەن بولعان ىنتىماقتى كۇشەيتەدى، ەزىلۋشى ۇلتتار مەن دامۋ ۇستىندەگى مەملەكەتتەردىڭ ۇلتتىق ەگەمەندىك الاتىن، ۇلتتىق ەكونوميكانى گۇلدەندىرۋدەگى ادىلەتتى كۇرەسىن قورعاپ، الەم بەيبىتشىلىگىن قورعاۋ جانە ادامزاتتى العا باستىراتىن كاسىپتەردى ىلگەرىلەتۋ ءۇشىن قۇلشىنادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
