بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك كەڭەستىڭ 36 ءتۇرلى جىلدىق كورسەتكىش مىندەتى تولىق ورىندالدى

2018.03.02 16:39     كەلۋ قاينارى : حالىق تورابى

  شينحۋا اگەنتتىگى، 1 – ناۋرىز، بەيجيڭ (تىلشىلەر ليۋ حۇڭشيا، چىن ۋەيۋەي). مەملەكەتتىك ەكى ءماجىلىس اشىلۋ قارساڭىندا، اتاپ ايتقاندا 1 – ناۋرىزدا مەملەكەتتىك كەڭەس 2017 – جىلعى «ۇكىمەت قىزمەتىنەن بايانداماداعى» كورسەتكىش مىندەتتەرىنىڭ تياناقتانۋ جاعدايىن سىرتقا جاريالادى، مالىمەتتە كورسەتىلۋىنشە 36 ءتۇرلى جىلدىق كورسەتكىش مىندەتى تولىق ورىندالعان.

  باياندامادا ىشكى ءوندىرىستىڭ جالپى ءونىم قۇنى (GDP) %6.5 مولشەرىندە ارتتىرۋ ورتاعا قويىلعان بولاتىن، ءىس جۇزىندە وتكەن جىلى GDP العاش رەت 80 تريلليون يۋاندىق ۇلكەن وتكەلدەن ءوتىپ، 82 تريلليون 712 ميلليارد 200 ميلليون يۋانعا جەتىپ، الدىنداعى جىلدىڭ ۇقساس مەزگىلىندەگىدەن %6.9 ارتىپ، جىلدىق مەجەلى نىساناعا ۇيلەستى.

  باياندامادا 2017 – جىلى قالا - قالاشىقتا تىڭنان كاسىپتەنەتىندەردىڭ سانىن 11 ميلليوننان اسىرۋ، قالا - قالاشىقتاعى تىزىمگە الىنعان جۇمىسسىزدىق شاماسىن %4.5تەن اسىرماۋ ورتاعا قويىلدى. تياناقتانۋ ناتيجەسىندە كورسەتىلۋىنشە، وتكەن جىلى ەل بويىنشا قالا - قالاشىقتا تىڭنان كاسىپتەنگەندەردىڭ سانى 13 ميلليون 510 مىڭعا جەتىپ، جىل سوڭىنداعى قالا - قالاشىقتاعى تىزىمگە الىنعان جۇمىسسىزدىق شاماسى %3.90 بولىپ، جىلدىق مەڭگەرۋ نىساناسى ىشىندە بولعان.

  باجى – اقىنى كەمەيتۋ جاعىندا باياندامادا 2017 - جىلدا كاسىپورىنداردىڭ باجى اۋىرتپالىعىن شامامەن 350 ميلليارد يۋان، كاسىپورىندارعا ساياتىن اقىنى شامامەن 200 ميلليارد يۋان جەڭىلدەتۋ ورتاعا قويىلعان. ءىس جۇزىندە بىلتىر تۇتاس جىلدا جەڭىلدەتىلگەن كاسىپورىنداردىڭ باجى اۋىرتپالىعى 380 ميلليارد يۋان، ءار تۇردەگى بازار تۇلعالارىنان جەڭىلدەتىلگەن اقى 643 ميلليارد 400 ميلليون يۋان بولىپ، مەجەدەگىدەن استى.

  اسىپ قالعان ءوندىرىس قۋاتىن ازايتۋ جاعىندا باياندامادا 2017 - جىلى بولات - تەمىر ءوندىرىس قۋاتىن 50 ميلليون توننا مولشەرىندە ازايتۋ، 150 ميلليون توننادان استام كومىر ءوندىرىس قۋاتىن كۇشىنەن قالدىرۋ، تازا ەنەرگيا ىستەرىنىڭ دامۋىنا ورىن بوساتۋ ءۇشىن 50 ميلليون كيلوۆاتتان استام كومىر ەلەكتر ەنەرگياسىن ءوندىرۋ قۋاتىن قاتاردان قالدىرۋ ورتاعا قويىلعان. تياناقتانۋ ناتيجەسىندە كورسەتىلۋىنشە، بىلتىر ەل بويىنشا بولات - تەمىر ءوندىرىس قۋاتى 50 ميلليون توننادان استام ازايىپ، 250 ميلليون توننا كومىر ءوندىرىس قۋاتى كۇشىنەن قالدىرىلىپ، تازا ەنەرگيا ىستەرىنىڭ دامۋىنا ورىن بوساتۋ ءۇشىن 65 ميلليون كيلوۆاتتان استام كومىر ەلەكتر ەنەرگياسىن ءوندىرۋ قۋاتى قاتاردان قالدىرىلىپ، قاتىستى نىسانالى مىندەت ارتىعىمەن ورىندالعان.

  حالىق تۇرمىسى جاعىندا باياندامادا 2017 – جىلى لاشىق مەكەننەن 6 ميلليون ءۇي قايتادان سالىناتىنى، اۋىل – قىستاقتا 10 ميلليوننان استام ادام كەدەيلىكتەن ارىلتىلاتىنى، اۋىل – قىستاقتا تىڭنان 200 مىڭ كيلومەتر تاس جول سالىناتىنى ايقىن اتاپ كورسەتىلگەن. ءىس جۇزىندە بىلتىر لاشىق مەكەننەن 6 ميلليون 90 مىڭ ءۇي قايتادان سالىندى، اۋىل – قىستاقتا 12 ميلليون 890 مىڭ ادام كەدەيلىكتەن ارىلتىلدى، اۋىل – قىستاقتا تىڭنان 285 مىڭ كيلومەتر تاس جول سالىندى.

  ەكولوگيالىق ورتانى قورعاۋ جاعىندا باياندامدا 2017 - جىلى كۇكىرت قوس توتىعى مەن ازوت توتىعىنىڭ شىعارىلۋ مولشەرى جەكە - جەكە %3 تومەندەتىلەتىنى، ەگىستىككە اينالعان 12 ميلليون مۋ ورمان نەمەسە جايىلىم قالپىنا كەلتىرىلەتىنى ايقىن اتاپ كورسەتىلگەن. تياناقتانۋ ناتيجەسىندە كورسەتىلۋىنشە، بىلتىر كۇكىرت قوس توتىعى مەن ازوت توتىعىنىڭ شىعارىلۋ مولشەرى جەكە - جەكە %8.0 جانە %4.9 تومەندەتىلگەن، ەگىستىككە اينالعان 12 ميلليون 300 مىڭ مۋ ورمان نەمەسە جايىلىم قالپىنا كەلتىرىلگەن.

  36 ءتۇرلى نىسانالى مىندەت تاعى ورتالىق قازىناسىنىڭ كەدەيلەردى سۇيەمەلدەۋ ارناۋلى قاراجاتىن %30 تەن استام ارتتىرۋ، %5 تەن تومەن بولمايتىن شامادا ادەتتەگى شىعىستى ازايتۋ سياقتىلاردى قامتيدى، وسى مىندەتتەردىڭ بارلىعى تولىق ورىندالىپ، ۇكىمەتتىڭ سوزىنە سەنۋگە بولادى، ارەكەتىنىڭ ناتيجەسى كورىنەدى دەيتىن سەنىمدىلىك جاعدايى قالىپتاستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار