شي جينپيڭ 19 - كەزەكتى ورتالىق كوميتەتتىڭ ارميا مەن حالىق توعىسا دامۋ كوميتەتىنىڭ ءبىرىنشى جالپى ءماجىلىسىن باسقارىپ اشقاندا مىنانى دارىپتەدى
شىنايى يگەرىپ، ناقتى ىستەپ، ارميا مەن حالىق توعىسا دامۋ ستراتەگياسىن باتىل اتقارىپ، جاڭا داۋىردەگى ارميا مەن حالىقتىڭ توعىسا، ىشكەرىلەي دامۋىنىڭ جاڭا جاعدايىن اشۋ كەرەك
لي كىچياڭ، جاڭ گاۋلي، ۋاڭ حۋنيڭ ماجىلىسكە قاتىناستى
2018.03.03 15:07 كەلۋ قاينارى : حالىق تورابى
شينحۋا اگەنتتىگى، 2 – ناۋرىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق ارميا مەن حالىق توعىسا دامۋ كوميتەتىنىڭ مەڭگەرۋشىسى شي جينپيڭ 2 - ناۋرىز تۇستەن بۇرىن 19 - كەزەكتى ورتالىق كوميتەتتىڭ ارميا مەن حالىق توعىسا دامۋ كوميتەتىنىڭ ءبىرىنشى جالپى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: پارتيا 19 - قۇرىلتايىندا «ارميا مەن حالىق توعىسا دامۋ ستراتەگياسىن باتىل اتقارىپ، ارميا مەن حالىقتىڭ توعىسا، ىشكەرىلەي دامۋ جاعدايىن قالىپتاستىرىپ، ءبىر تۇلعالانعان مەملەكەتتىك ستراتەگيا جۇيەسى مەن قابىلەتىن تۇلعالاۋ كەرەك» دەپ دارىپتەلدى. ءبىز پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ، بورىشتىلىق سەزىم مەن جاۋاپكەرلىك سەزىمدى كۇشەيتىپ، شىنايى يگەرىپ، ناقتى ىستەپ، جەدەل يگەرىپ، تەز ىستەپ، جاڭا داۋىردە ارميا مەن حالىقتىڭ توعىسا، ىشكەرىلەي دامۋىنىڭ جاڭا جاعدايىن ۇزدىكسىز اشۋىمىز كەرەك.
لي كىچياڭ، جاڭ گاۋلي، ۋاڭ حۋنيڭ ماجىلىسكە قاتىناستى.
ءماجىلىس «ارميا مەن حالىق توعىسا دامۋ ستراتەگيالىق باعدارلاماسىن»، «ورتالىق ارميا مەن حالىق توعىسا دامۋ كوميتەتىنىڭ 2018 - جىلدىق قىزمەت تۇيىندەرىن»، «مەملەكەتتىڭ ارميا مەن حالىقتىڭ توعىسۋىندا جاڭالىق اشۋ، ۇلگى كورسەتۋ رايوندارى قۇرىلىسىن جۇرگىزۋ جوباسىن» جانە 1 - توپتاعى جاڭالىق اشۋ، ۇلگى كورسەتۋ رايوندارى قۇرىلىسىنىڭ تىزىمدىگىن قاراپ ماقۇلدادى.
ءماجىلىس بىلاي دەپ قارادى: پارتيانىڭ 18 - قۇرىلتايىنان بەرى پارتيا ورتالىق كوميتەتى ارميا مەن حالىقتىڭ توعىسا دامۋىن مەملەكەتتىك ستراتەگيا دەڭگەيىنە كوتەرىپ، پارتيا مەن مەملەكەت ىستەرىنىڭ دامۋ جالپى جاعدايى تۇرعىسىنان جالپى تۇلعالىق جوبا جاساپ، ۇيىمداستىرۋ - باسقارۋ جۇيەسىن نەگىزىنەن قالىپتاستىرىپ، ستراتەگيالىق جوسپاردىڭ جەتەكشىلىگىن ۇزدىكسىز كۇشەيتىپ، ءتۇيىندى رەفورمالاردى تىڭعىلىقتى ىلگەرىلەتىپ، زاڭمەن جونگە سالۋ قۇرىلىسىنىڭ اياق الىسىن جەدەلدەتىپ، ارميا مەن حالىق توعىسا دامۋدا تۇتاس تۇلعا بويىنشا ىلگەرىلەگەن، جەدەل دامىعان تاماشا جاعداي قالىپتاستىردى.
ءماجىلىس مىنالاردى اتاپ كورسەتتى: ارميا مەن حالىق توعىسا دامۋ ستراتەگياسىن باتىل اتقارۋدا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭنىڭ ارميانى قۇدىرەتتەندىرۋ يدەياسىن جان - جاقتى دايەكتىلەندىرىپ، جالپى تۇلعالىق مەملەكەت حاۋىپسىزدىگى كوزقاراسى مەن جاڭا جاعدايداعى اسكەري ىستەر ستراتەگيالىق باعىتىن تياناقتاندىرىپ، جاڭا دامۋ ۇستانىمدارىن دايەكتىلەندىرىپ، مەملەكەتتى بايىتۋ مەن ارميانى قۇدىرەتتەندىرۋدىڭ بىرلىگىندە تاباندى بولىپ، ارميا مەن حالىقتىڭ توعىسا، ىشكەرىلەي دامۋ جاعدايىن قالىپتاستىرىپ، ءبىر تۇلعالانعان مەملەكەتتىك ستراتەگيا جۇيەسى مەن قابىلەتىن تۇلعالاپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋعا قۇدىرەتتى قوزعاۋشى كۇش جانە ستراتەگيالىق تىرەك ازىرلەۋ كەرەك. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىندا تاباندى بولىپ، رەفورمانى تەرەڭدەتۋدەن، جاڭالىق اشۋدان، ارميا مەن حالىقتىڭ بىرگە ىلگەرىلەۋىنەن، ءتارتىپتى تۇردە اشىق بولۋدان، سەلبەستىكتەن جازباۋ كەرەك. ەلىمىزدىڭ مەملەكەت جاعدايىن تياناق ەتىپ، ءداۋىردىڭ بەتالىسىنا ۇيلەسىپ، بەتالىستى عىلمي مەڭگەرىپ، ستراتەگيالىق نىسانانى ايقىنداپ، ستراتەگيالىق شارالاردى كۇشەيتىپ، كورنەكتى ماسەلەلەردى شەشۋ بارىسىندا ستراتەگيالىق قامال الىپ، جالپى جاعدايدى جوبالاۋ بارىسىندا ستراتەگيالىق باسىمدىققا قول جەتكىزۋ كەرەك. ارميا مەن حالىقتىڭ توعىسا دامۋىن ۇيىمدىق باسقارۋ جۇيەسىن، قىزمەت جۇرگىزۋ جۇيەسىن، ساياسات - ءتۇزىم جۇيەسىن جەدەل قالىپتاستىرىپ، ءتۇيىندى سالالارداعى ارميا مەن حالىقتىڭ توعىسا دامۋىن جەبەۋدە ناقتى ىلگەرىلەۋشىلىككە قول جەتكىزىپ، ارميا مەن حالىق توعىسا دامۋىنىڭ تۇتاس فاكتورلى، كوپ سالالى، جوعارى ونىمدىلىكتى جاعدايىن قالىپتاستىرىپ، ءبىر تۇلعالانعان مەملەكەتتىك ستراتەگيا جۇيەسى مەن قابىلەتىن العاشى ادىمدا تۇلعالاۋ كەرەك.
ءماجىلىس مىنالاردى دارىپتەدى: ارميا مەن حالىقتىڭ توعىسا دامۋىنىڭ ستراتەگيالىق مىندەتتەرىن دۇرىس يگەرىپ، نەگىزدىك قۇرىلعىلاردى ءبىر تۇتاس جوسپارلاپ سالۋ مەن بايلىقتى ورتاقتاسۋدى، مەملەكەت قورعانىسى عىلىم - تەحنيكاسىن، ونەركاسىبىن جانە قارۋ - جاراقتى دامىتۋدى، ارميا مەن حالىقتىڭ عىلىم - تەحنيكالىق سەلبەستىگىن، جاسامپازدىعىن، ارميا مەن جەرگىلىكتى ورىن دارىندىلارىن قوس باعىتتا تاربيەلەۋدى، اۋىس - كۇيىس جاساۋدى، ىستەتۋدى، قوعامدىق قىزمەت كورسەتۋ مەن اسكەري ىستەر ارتقى شەپ قامداۋىن ءبىر تۇتاس جوسپارلاپ دامىتۋدى، مەملەكەت قورعانىسىنا جۇمىلدىرۋدى وسىزامانداندىرۋ قۇرىلىسىن، جاڭادان كوركەيگەن سالالارداعى ارميا مەن حالىقتىڭ ىشكەرىلەي توعىسۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: ءتۇيىندى كورنەكتىلەندىرۋدەن جازباي، باتىلدىقپەن قامال الىپ، قيىنشىلىقتى جەڭىپ، 2018 - جىلعى قىزمەتتەردى بار كۇشپەن جاقسى ىستەۋ كەرەك. يدەيالىق، ستراتەگيالىق جەتەكشىلىكتى كۇشەيتىپ، ارميا مەن حالىق توعىسا دامۋ ستراتەگياسىنىڭ وڭىرلەردە، تاراۋلاردا تياناقتانۋىن جەبەپ، ءتۇيىندى سالالاردا، ءتۇيىندى وڭىرلەردە، ءتۇيىندى كاسىپتەردە ناقتى ونىمدىلىككە قول جەتكىزۋ كەرەك. شەشۋشى سيپات الاتىن رەفورمادا ناتيجەگە قول جەتكىزىپ، مەملەكەت قورعانىسى عىلىم - تەحنيكاسى، ونەركاسىبى ءتۇزىلىسى، جابدىق ساتىپ الۋ ءتۇزىمى، اسكەري بۇيىمداردىڭ باعاسى مەن سالىعى سياقتى شەشۋشى سيپاتقا يە رەفورمالاردى جەدەلدەتىپ، «حالىقتىق كاسىپورىنداردىڭ اسكەري ءوندىرىس سالاسىنا قاتىسۋىنداعى»، «اسكەري ءوندىرىس سالاسىنىڭ حالىقتىق ءوندىرىس سالاسىنا ويىسۋىنداعى» بوگەتتەردى جەدەل الاستاۋ كەرەك.
نازاردى تۇيىنگە اۋدارىپ، دالمە - ءدال كۇش سالىپ، ءبىر توپ تيپ جەتىلدىرىپ، ۇلگى كورسەتۋدى، جەتەكتەۋدى كۇشەيتىپ، ارميا مەن حالىقتىڭ توعىسا دامۋىنىڭ تۇتاس تۇلعالىق ورەسىن تۇيىندەر ارقىلى جالپىنى ىلگەرىلەتە وتىرىپ جوعارىلاتۋ كەرەك. زاڭمەن جونگە سالۋ قۇرىلىسىنىڭ تەبىنىن ارتتىرىپ، ارميا مەن حالىقتىڭ توعىسا دامۋىنداعى كەشەندى زاڭ شىعارۋ مەن ءتۇيىندى سالالارداعى زاڭ شىعارۋ اياق الىسىن جەبەۋ كەرەك.
ءماجىلىس مىنالاردى دارىپتەدى: مەملەكەتتىڭ ارميا مەن حالىق توعىسۋىنىڭ جاڭالىق اشۋ، ۇلگى كورسەتۋ رايوندارى ارميا مەن حالىقتىڭ توعىسا، ىشكەرىلەي دامۋىنىڭ تاجىريبە بازاسى، تۇزىمدە جاڭالىق اشۋدى ءتۇيىندى مىندەت ەتىپ، ارميا مەن حالىقتىڭ توعىسا دامۋىنا ىقپال ەتەتىن جانە ونى شەكتەيتىن تۇزىلىستىك كەدەرگىلەردى، قۇرىلىمدىق قايشىلىقتاردى، ساياساتتىق ماسەلەلەردى جويۋدى نەگىزگى قامال الۋ باعىتى ەتىپ، جاڭا جول، جاڭا ۇلگى جاعىندا ىزدەنىس جاساپ، جالپىلاستىرىپ پايدالانۋعا بولاتىن تاجىريبەلەردى، ءادىس - امالداردى تابۋ كەرەك. جوعارى دەڭگەيدە ءبىر تۇتاس جوسپارلاپ ىلگەرىلەتۋ مەن جەرگىلىكتى ورىنداردىڭ ىرىقتى ىزدەنىس جاساۋىن ۇشتاستىرۋدان جازباي، جوعارى باستامادا جوسپارلاپ، جوعارى ولشەممەن اتقارىپ، جوعارى ساپادا قۇرىپ، جوعارى ونىمدىلىكپەن ىلگەرىلەتىپ، ءتۇزىلىس - مەحانيزمدە جاڭالىق اشۋ، ساياسات - تۇزىمدە جاڭالىق اشۋ، دامۋ ۇلگىسىندە جاڭالىق اشۋ سياقتى جاقتاردا كورسەتكىش ورناتۋعا كۇش سالۋ كەرەك. ارميا مەن جەرگىلىكتى ورىندارداعى قاتىستى تاراۋلار بايلىقتى بىرىكتىرۋدى، كۇشتى بىرىكتىرۋدى، ساياساتتى جيناقتاۋدى كۇشەيتۋ كەرەك. جەرگىلىكتى پارتكومدار مەن ۇكىمەتتەر ىرىقتىلىقپەن ىسكە كىرىسىپ، جاڭالىق اشۋدا، ۇلگى كورسەتۋدە ناقتى ونىمدىلىكتەرگە قول جەتكىزۋ كەرەك.
ورتالىق ارميا مەن حالىق توعىسا دامۋ كوميتەتىنىڭ ورىنباسار مەڭگەرۋشىلەرى، مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنداعى جانە اسكەري ىستەر كوميتەتى ورگانىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
