شي جينپيڭ: كوپ پارتيانىڭ سەلبەستىگىندە تاباندى بولىپ، سوتسياليستىك دەموكراتيالىق ساياسيدى دامىتىپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ جولىندا ىنتىماقتاسا كۇرەسۋ كەرەك
2018.03.05 16:23 كەلۋ قاينارى : حالىق تورابى
«حالىق گازەتى»، 4 – ناۋرىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 – ناۋرىز تۇستەن كەيىن ساياسي كەڭەس مەملەكەتتىك 13 – كەزەكتى كوميتەتىنىڭ 1 – ماجىلىسىنە قاتىناسىپ جاتقان جۇڭگو دەموكراتيالىق وداعى، ادىلەت پارتياسى، پارتيا – توپتا جوق قايراتكەرلەر، وتانعا قايتقان مۇھاجىرلار بىرلەستىگى سالاسىنداعى مۇشەلەرگە امانداسا باردى ءارى بىرلەسكەن گرۋپپا جيىنىنا قاتىناسىپ، پىكىر – ۇسىنىس تىڭدادى. ول مىنالاردى دارىپتەدى: جۇڭگوشا سوتسياليزم جاڭا داۋىرگە قادام تاستادى، بۇل بىزدەن جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىن بۇلجىماستان بەكەمدەۋدى جانە دامىتۋدى، كوپ پارتيا سەلبەستىگىنىڭ وزگەشە ابزالدىعىن ساۋلەلەندىرۋدى، سوتسياليستىك دەموكراتيالىق ساياسيدى دامىتىپ، جاپپاي دوڭگەلەك داۋلەتتى قوعام قۇرىپ شىعۋدىڭ شەشۋشى جەڭىسىنە جەتۋ جولىندا ىنتىماقتاسا كۇرەسۋدى تالاپ ەتەدى. ەلىمىزدەگى دەموكراتيالىق پارتيا – توپتار، پارتيادا جوق قايراتكەرلەر «ءتورت سەنىمدى» كۇشەيتىپ، ساياسي يرادانى بەكەمدەپ، بەلسەندىلىكپەن پىكىر – ۇسىنىس بەرىپ، جۇرت تىلەگىن، كۇش – قۋاتىن كەڭ كولەمدە ۇيىستىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جاڭا داۋىردەگى جۇڭگوشا سوتسياليزم ۇلى ىستەرىنىڭ جەڭىسىنە قول جەتكىزۋگە ءتىپتى دە زور ۇلەس قوسۋلارى كەرەك.
شي جينپيڭ جولداستاردىڭ ءسوزىن تىڭداعان سوڭ ماڭىزدى ءسوز سويلەدى. ول بىلاي دەدى: ساياسي كەڭەس ماجىلىسىنە قاتىناسىپ جاتقان جۇڭگو دەموكراتيالىق وداعى، ادىلەت پارتياسى، پارتيا – توپتا جوق قايراتكەرلەر، وتانعا قايتقان مۇھاجىرلار بىرلەستىگى سالاسىنداعى مۇشەلەرگە امانداسا كەلىپ، كوپشىلىكپەن پىكىر الماستىرعانىما توتەنشە قۋانىشتىمىن. كوپشىلىك سوزدەرىندە وتە جاقسى پىكىر، ۇسىنىستاردى قويدى، قاتىستى تاراۋلار بۇعان ايرىقشا ءمان بەرىپ، مۇقيات زەرتتەۋ جۇرگىزۋى كەرەك. ول پارتيا ورتالىق كوميتەتى اتىنان سونداعى ساياسي كەڭەس مۇشەلەرىنەن، دەموكراتيالىق پارتيا – توپتاردىڭ مۇشەلەرىنەن، پارتيادا جوق قايراتكەرلەردەن، شەتەلدەگى مۇھاجىر باۋىرلاستاردان، وتانعا قايتقان مۇھاجىرلاردان، ساياسي كەڭەستىڭ جالپى مۇشەلەرىنەن شىن ىقىلاسپەن حال سۇرادى.
شي جينپيڭ مىنالاردى دارىپتەدى: ج ك پ - نىڭ 18 – قۇرىلتايىنان بەرگى 5 جىل ەرەكشە 5 جىل بولدى، ءبىز جۇڭگوشا سوتسياليزم ۇلى تۋىن بۇلجىماستان بيىك ۇستاپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ءبىرقىدىرۋ كەلەلى باعىت – ساياسات بەلگىلەپ، ءبىرقىدىرۋ كەلەلى شارانى ورتاعا قويىپ، ءبىرقىدىرۋ كەلەلى قىزمەتتى ىلگەرىلەتىپ، ءبىرقىدىرۋ كەلەلى سايىستى جەڭىپ، ۇزاق ۋاقىتتان بەرى شەشۋدى ويلاعانمەن شەشىلمەي كەلگەن كوپتەگەن قيىن ماسەلەنى شەشىپ، بۇرىن ىستەۋدى ويلاعانمەن ىستەلمەي كەلگەن كوپتەگەن ءىرى ءىستى ىستەدىك، مەملەكەتتىڭ ەكونوميكالىق قۋاتى، عىلىم – تەحنيكالىق قۋاتى، قورعانىس قۋاتى، جالپىلىق قۋاتى، حالىقارالىق ىقپالى جانە حالىقتىڭ تابىس سەزىمىن كورنەكتى جوعارىلادى، جۇڭگوشا سوتسياليزم قۇرىلىسىندا تاريحي تابىسقا قول جەتكىزدىك، پارتيامىزدىڭ، مەملەكەتىمىزدىڭ، حالقىمىزدىڭ، ارميامىزدىڭ بەت – بەينەسىندە تاريحي وزگەرىس تۋىلدى. وڭاي – وسپاق قولعا كەلمەگەن وسى تابىستار ــ ج ك پ ورتالىق كوميتەتىنىڭ پارمەندى باسشىلىعىنىڭ ناتيجەسى، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنىڭ ناتيجەسى، بۇعان تاعى دەموكراتيالىق پارتيا – توپتاردىڭ، پارتيادا جوق قايراتكەرلەردىڭ، حالىقتىڭ توپتاردىڭ جانە حالىڭ ساياسي كەڭەس مۇشەلەرىنىڭ قان – تەرى مەن اقىل – پارساتى سىڭگەن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
