بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە اشىلدى

2018.03.06 16:49     كەلۋ قاينارى : حالىق تورابى


  شينحۋا اگەنتتىگى، 5 – ناۋرىز، بەيجيڭ. مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى 5 - ناۋرىز تۇستەن بۇرىن حالىق سارايىندا اشىلدى. باس كوكتەمنىڭ جىلى لەبى ەسكەن بەيجيڭ قالاسىندا بارشا تىرشىلىك تىڭ تەبىن بايقاتىپ تۇر. حالىق سارايىنىڭ 10 مىڭ كىسىلىك جيىن زالى ايبىندى ءارى دۋماندى بەينەگە ەنىپ، ءتوراعالار مىنبەسىنىڭ ورتاسىنداعى مەملەكەت گەربى بەس جۇلدىزدى نارت قىزىلتۋدىڭ شۇعىلاسىندا ەرەكشە كوز تارتادى. 3 مىڭعا جۋىق جاڭا ءبىر كەزەكتى حالىق قۇرىلتايىنىڭ ۋاكىلى حالىقتىڭ ارمان - تىلەگىن ارقالاپ بۇل رەتكى سالتاناتتى جينالىسقا قاتىناسىپ، نەگىزگى زاڭدا جانە زاڭداردا بەلگىلەنگەن قاسيەتتى بورىشىن مۇقيات اتقاردى.

  مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىنە قاتىناسۋعا ءتيىستى ۋاكىل 2 مىڭ 980 ادام. 5 - ناۋرىز تۇستەن بۇرىنعى ماجىلىسكە قاتىناسقان ۋاكىل 2 مىڭ 970 ادام، 10 ادام قاتىناسپادى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  ءتوراعالار القاسىنىڭ تۇراقتى ءتوراعاسى، ءماجىلىستىڭ اتقارۋشى ءتوراعاسى لي جانشۋ ءماجىلىستى باسقاردى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعالارىنان چىن شي، ۋاڭ چىن، ساۋ جيانميڭ، شىن يۋەيۋە، جي بيڭشيان، ەركىن يمىرباقى، ۋان ى - شياڭ، چىن جۋ قاتارلىلار ءتوراعالار مىنبەسىنىڭ اتقارۋشى ءتوراعالار قاتارىنان ورىن الدى.

  شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، ۋاڭ ياڭ، ۋاڭ حۋنيڭ، جاۋ لىجي، حان جىڭ جانە ءماجىلىس ءتوراعالار القاسىنىڭ مۇشەلەرى ءتوراعالار مىنبەسىنەن ورىن الدى. تۇستەن بۇرىنعى ساعات 9 دا لي جانشۋ: جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى اشىلدى، دەپ جاريالادى. كوپشىلىك ورىندارىنان تۇرىپ، اسكەري وركەستردىڭ سۇيەمەلدەۋىندە مەملەكەت گيمىنىن اسقاقتاتا شىرقادى. ءماجىلىستىڭ كۇنتارتىبىنە ساي لي كىچياڭ مەملەكەتتىك كەڭەس اتىنان ۇكىمەت قىزمەتىنەن بايانداما جاسادى. بايانداما ءۇش بولەككە بولىنگەن: ءبىرىنشى، وتكەن 5 جىلداعى قىزمەتتى ەسكە الۋ. ەكىنشى، 2018 - جىلعى ەكونوميكالىق، قوعامدىق ىستەردى دامىتۋداعى جالپى تالاپ جانە ساياسي بەتالىس. ءۇشىنشى، 2018 - جىلعى ۇكىمەت قىزمەتىنە ۇسىنىس.

  مەملەكەتتىك 12 - كەزەكتى حالىق قۇرىلتايىنىڭ 1 - ماجىلىسىنەن بەرگى 5 جىل ەلىمىزدىڭ دامۋ بارىسىنداعى ەرەكشە 5 جىل بولدى. لي كىچياڭ 9 جاقتان وتكەن 5 جىلداعى قىزمەتكە جالپى شولۋ جاسادى: ورنىقتىلىق بارىسىندا ىلگەرىلەۋ قىزمەت جالپى اۋەنىنەن جازباي، ماكرولىق باسقارۋدا جاڭالىق جاراتۋ جانە كەمەلدەندىرۋگە كۇش سالىنىپ، ەكونوميكالىق اينالىم ۇيلەسىمدى قالىپتى ساقتاپ، ورنىقتى ارتۋ جۇزەگە اسىرىلدى. قامداۋ تۇرىندەگى قۇرىلىمعا رەفورما جۇرگىزۋدى نەگىزگى جەلى ەتۋدەن اۋىتقىماي، جاڭا ەنەرگيا ۇزدىكسىز جەتىلدىرىلىپ ءارى كەمەلدەندىرىلىپ، ەكونوميكالىق قۇرىلىم اناعۇرلىم ساپالىلاندىرىلدى جانە دەڭگەيى جوعارىلاتىلدى. جاڭالىق جاراتۋ ارقىلى دامۋعا جەتەكشىلىك ەتۋدەن اۋىتقىماي، قوعامدىق جاسامپازدىق قۋات كۇشەيتىلىپ، جالپى تۇلعالىق جاسامپازدىق قۋات جانە ونىمدىلىك بارىنشا جوعارىلاتىلدى. رەفورمانى جاپپاي تەرەڭدەتۋدەن اۋىتقىماي، ءتۇزىلىس، مەحانيزمدەگى ولقىلىقتاردى تولىقتاۋعا كۇش سالىنىپ، دامۋداعى قوزعاۋشى كۇش ۇزدىكسىز نىعايتىلدى. قاقپا اشۋ نەگىزگى مەملەكەت ساياساتىنان اۋىتقىماي، سەلبەسىپ، دامۋ تابىسىنان ورتاق يگىلىكتەنۋدى جۇزەگە اسىرۋ جەدەلدەتىلىپ، اشىق فورماداعى ەكونوميكالىق دەڭگەي كورنەكتى جوعارىلاتىلدى. وڭىرلەردىڭ سايكەستى دامۋى جانە جاڭاشا قالا - قالاشىقتاندىرۋ ستراتەگياسىنان اۋىتقىماي، تەڭ تۇرعىدا دامۋ، جاڭاشا دامۋ ارقىلى ارتۋ اياق الىسى ءتىپتى دە جەدەلدەتىلدى. حالىقتى وزەك ەتۋدەي دامۋ يدەياسىنان اۋىتقىماي، حالىق تۇرمىسى قامتاماسىزداندىرىلىپ جانە جاقسارتىلىپ، حالىق بۇقاراسىنىڭ تيىمدىلىكتەن يگىلىكتەنۋ تانىمى ۇزدىكسىز تەرەڭدەتىلدى. ادام مەن تابيعاتتىڭ جاراسىمدى دامۋىنان اۋىتقىماي، ورتانىڭ لاستانۋى ءونىمدى جونگە سالىنىپ، ەكولوگيالىق وركەنيەت قۇرىلىسىندا كورنەكتى ىلگەرىلەۋشىلىككە قول جەتكىزىلدى. ۇكىمەت فۋنكتسياسىن زاڭ بويىنشا جاپپاي اتقارۋدان اۋىتقىماي، قوعامدىق جونگە سالۋدى كۇشەيتۋ جانە بۇل جاعىندا جاڭالىق جاراتۋعا قۇلشىنىس جاسالىپ، قوعامنىڭ جاراسىمدىلىعى مەن ورنىقتىلىعى ساقتالدى.

  لي كىچياڭ باياندامادا 2018 - جىلعى دامۋداعى نەگىزگى نىسانالى مىندەتتەردى ورتاعا قويدى. ول مىنالاردى قامتيدى: ىشكى ءوندىرىس جالپى ءونىم قۇنىن ٪6.5 شاماسىندا ارتتىرىپ، تۇرعىنداردىڭ تۇتىنۋ باعاسىنىڭ جوعارىلاۋ سالىستىرماسىن ٪3 شاماسىندا تەجەپ، قالا - قالاشىقتاعى جاڭادان كاسىپتەنگەندەر سانىن 11 ميلليون ادامنان اسىرىپ، قالا - قالاشىقتاعى تەكسەرىپ - انىقتالعان جۇمىسسىزدىق سالىستىرماسىن ٪5.5 ىشىندە، قالا - قالاشىقتا تىزىمدەلگەن جۇمىسسىزدىق سالىستىرماسىن ٪4.5 اينالاسىندا تەجەپ، تۇرعىنداردىڭ كىرىسىن ارتتىرۋ مەن ەكونوميكانىڭ ارتۋىن نەگىزىنەن قاتارلاستىرۋ، يمپورت - ەكسپورت مولشەرىن ورنىقتى ارتتىرىپ، حالىقارالىق كىرىس - شىعىستاعى تەپە - تەڭدىكتى ساقتاۋ. ەل ىشىندەگى ءوندىرىس جالپى ءونىم قۇنىنىڭ جۇمسالۋ سالىستىرماسىن ٪3 تومەندەتىپ، نەگىزگى لاس زاتتاردىڭ قويا بەرىلۋ سالىستىرماسىن ۇزدىكسىز تومەندەتۋ. قامداۋ تۇرىندەگى قۇرىلىم رەفورماسىندا ناقتى ىلگەرىلەۋشىلىككە قول جەتكىزىپ، ءتۇرلى حاۋىپ - قاتەردەن ءونىمدى ساقتانۋ.

  لي كىچياڭ بىلاي دەدى: 2018 - جىلعى قىزمەتتى جاقسارتۋدا شي جينپيڭنىڭ جاڭا ءداۋىر جۇڭگوشا سوتسياليزم ەكونوميكالىق يدەياسىن مۇقيات دايەكتى تياناقتاندىرىپ، ورنىقتىلىق بارىسىندا ىلگەرىلەۋ جالپى اۋەنىنەن جازباي، ورنىقتىلىق پەن ىلگەرىلەۋدى جالپى تۇلعا رەتىندە مىقتى يگەرىپ، تومەندەگىدەي بىرنەشە تۇيىنگە باسا نازار اۋدارۋ كەرەك: 1. جوعارى ساپالى دامۋدى زور كۇشپەن ىلگەرىلەتۋ. 2. رەفورما جۇرگىزۋ قاقپا اشۋ اياق الىسىن جەدەلدەتۋ. 3. جاپپاي دوڭگەلەك داۋلەتتى قوعام قۇرۋداعى 3 ءىرى قامال الۋدىڭ شەشۋشى شايقاسىندا جەڭىسكە جەتۋدى مىقتى يگەرۋ. 2018 - جىلى 9 ءتۇرلى قىزمەتتى تياناقتى ورىستەتۋ كەرەك: 1. قامداۋ تۇرىندەگى قۇرىلىم رەفورماسىن تەرەڭدەتۋ. 2. جاڭاشىل مەملەكەت قۇرۋدى جەدەلدەتۋ. 3. نەگىزدىك شەشۋشى سالاداعى رەفورمانى تەرەڭدەتۋ. 4. 3 ءىرى قامال الۋ شايقاسىن ويداعىداي ورىستەتۋ.5. اۋىل - قىستاقتى كوركەيتۋ ستراتەگياسىن زور كۇشپەن اتقارۋ. 6. وڭىرلەردى سايكەستى دامىتۋ ستراتەگياسىن تياناقتى ىلگەرىلەتۋ.7. تۇتىنۋ اۋماعىن بەلسەندىلىكپەن كەڭەيتۋ جانە ءونىمدى قارجى قوسۋدى ىلگەرىلەتۋ. 8. جان - جاقتى اشىق فورماداعى جاڭا جۇلگە قالىپتاستىرۋدى جەبەۋ. 9. حالىق تۇرمىسىن قامتاماسىزداندىرۋ جانە جاقسارتۋ دەڭگەيىن جوعارىلاتۋ.

  ءماجىلىستىڭ كۇنتارتىبىنە ساي، 2017 - جىلعى حالىق شارۋاشىلىعى جانە قوعامدىق دامۋ جوسپارىنىڭ اتقارىلۋ جاعدايى مەن 2018 - جىلعى حالىق شارۋاشىلىعى جانە قوعامدىق دامۋ جوسپار جوباسى جونىندەگى دوكلات ءارى 2018 - جىلعى جوسپار جوباسى، 2017 - جىلعى ورتالىق جانە جەرگىلىكتى ورىن مەجە ەسەبىنىڭ اتقارىلۋ جاعدايى مەن 2018 - جىلعى ورتالىق جانە جەرگىلىكتى ورىننىڭ مەجە ەسەپ جوسپار جوباسى جونىندەگى دوكلات ءارى 2018 - جىلعى مەملەكەتتىك مەجە ەسەپ جوباسى قارالدى. ماجىلىستە مەملەكەتتىك 12 - كەزەكتى حالىق قۇرىلتايى تۇراقتى كوميتەتىنىڭ ورىنباسار باستىعى ءارى باس حاتشى ۋاڭ چىننىڭ جۇڭحۋا حالىق رەسپۋبليكاسىنىڭ نەگىزگى زاڭىنا وزگەرىس ەنگىزۋ جوباسى جونىندەگى تۇسىنىگى تىڭدالدى. ورتالىقتىڭ نەگىزگى زاڭعا وزگەرىس ەنگىزۋ جونىندەگى ۇسىنىسى مەن نەگىزگى زاڭعا وزگەرىس ەنگىزۋ جوباسىنىڭ قالىپتاسۋ بارىسىنا تۇسىنىك جاساعان سوڭ ۋاڭ چىن 11 جاقتان نەگىزگى زاڭعا وزگەرىس ەنگىزۋ جوباسىنىڭ ناقتى مازمۇنىن تانىستىردى. ول مىنالاردى قامتيدى: عىلمي دامۋ كوزقاراسىن قالىپتاستىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ مەملەكەتتىڭ ساياسي جانە قوعامدىق تۇرمىستاعى جەتەكشىلىك ورنىن تۇراقتاندىرۋ. جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋىن جانە ەكىنشى 100 جىلدىق كۇرەس نىساناسىنىڭ مازمۇنىن رەتتەۋ ءارى تولىقتىرۋ. ەلىمىز توڭكەرىسىنىڭ جانە قۇرىلىسىنىڭ دامۋ بارسىنداعى مازمۇنداردى تولىقتىرۋ جانە كەمەلدەندىرۋ. سوتسياليستىك وزەكتى قۇن تانىمىنىڭ مازمۇنىن بايىتۋدى دارىپتەۋ. مەملەكەت ءتوراعاسىنىڭ مىندەت اتقارۋى جاعىنداعى قاتىستى بەلگىلەمەلەرگە وزگەرىس ەنگىزۋ. تەكسەرۋ، باقىلاۋ كوميتەتتەرىنە قاتىستى ءتۇرلى بەلگىلەمەلەردى قوسۋ.

  ءتوراعالار مىنبەسىنەن ورىن العانداردان تاعى ديڭ شۋەشياڭ، ما كاي، ليۋ حى، ليۋ ياندۇڭ، شۇي چيلياڭ، سۇن چۇنلان، لي شي، لي چياڭ، لي جيانگو، لي حۇڭجۇڭ، لي يۋانچاۋ، ياڭ جيەچى، ياڭ شياۋدۋ، جاڭ يۋشيا، چىن چۋانگو، چىن مەي ىر، فان چاڭلۇڭ، حۋ چۇنحۋا، گو شىڭكۇن، حۋاڭ كۇنميڭ، ساي چي، ۋاڭ چيشان، يوۋ چۋان قاتارلىلار بار. شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى سۇي شى - ان ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى.

  ساياسي كەڭەس مەملەكەتتىك 13 - كەزەكتى كوميتەتى 1 - ماجىلىسىنە قاتىناسىپ جاتقان ساياسي كەڭەس مۇشەلەرى ماجىلىسكە سىرتتاي قاتىناستى. ورتالىق جانە مەملەكەت ورگاندارىنىڭ قاتىستى تاراۋلارى، ازاتتىق ارميانىڭ قاتىستى مەكەمەلەرى، ءارقايسى حالىقتىق توپتاردىڭ قاتىستى جاۋاپتىلارى ماجىلىسكە سىرتتاي قاتىناستى جانە ءماجىلىستى سىرتتاي تىڭدادى. ءارقايسى ەلدەردىڭ جۇڭگودا تۇراتىن ەلشىلەرى ءماجىلىستى سىرتتاي تىڭدادى.

  كەلۋ قاينارى: حالىق تورابى


جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار