لي كىچياڭنىڭ ۇكىمەت قىزمەتىنەن جاساعان بايانداماسى (ءۇزىندى)
2018.03.08 15:37 كەلۋ قاينارى : شينجياڭ گازەتى
وتكەن 5 جىلداعى قىزمەتتەرگە شولۋ
12 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنەن بەرگى 5 جىل − ەلىمىزدىڭ دامۋ اياق الىسىنداعى ايرىقشا 5 جىل. ەرەكشە كۇردەلى ىشكى جانە حالىقارالىق جاعدايدا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلىمىزدەگى ءار ۇلت حالقىن ىنتىماقتاستىرىپ جانە باستاپ ۇدىرە العا تارتىپ، «بەستى ءبىرتۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاي وتىرىپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسىندا جاپپاي جاڭا جاعداي جاراتتى.
ەكونوميكالىق قۋات تىڭ بەلەسكە كوتەرىلدى. ىشكى ءوندىرىستىڭ جالپى قۇنى 54 تريلليون يۋاننان 82 تريلليون 700 ميلليارد يۋانعا ارتىپ، جىلدىق ورتاشا ارتۋ مولشەرى ％7.1 بولىپ، دۇنيە ءجۇزى ەكونوميكاسىندا يەلەگەن سالىستىرماسى ％11.4تەن ％15 اينالاسىندا جوعارىلاپ، دۇنيە ءجۇزى ەكونوميكاسىنىڭ ارتۋىنا قوسقان ۇلەسى ％30تەن استى. قازىنالىق كىرىس 11 تريلليون 700 ميلليارد يۋاننان 17 تريلليون 300 ميلليارد يۋانعا ارتتى. تۇرعىنداردىڭ تۇتىنۋ باعاسى جىلىنا ورتا ەسەپپەن ％1.9 ارتىپ، ءبىرشاما تومەن دەڭگەيىن ساقتادى. قالا - قالاشىقتا 66 ميلليوننان استام ادام تىڭنان جۇمىستانىپ، ءبىر ميلليارد 300 ميلليوننان ارتىق جان سانى بار ءىرى ەلدە نەداۋىر تولىق جۇمىستانۋ جۇزەگە استى.
ەكونوميكالىق قۇرىلىمدا وراسان زور وزگەرىس تۋىلدى. تۇتىنۋدىڭ قوسقان ۇلەسى ％54.9تەن ％58.8كە، قىزمەت كورسەتۋ كاسىبىنىڭ سالىستىرماسى ％45.3تەن ％51.6كە جوعارىلاپ، ەكونوميكانىڭ ارتۋىنداعى نەگىزگى قوزعاۋشى كۇشكە اينالدى. جوعارى تەحنيكالى جاساۋ كاسىبى جىلىنا ورتا ەسەپپەن ％11.7ارتتى. استىق ءوندىرىس قۋاتى ءبىر تريلليون 200 ميلليارد جىڭعا جەتتى. قالا - قالاشىقتاندىرۋ مولشەرى ％52.6تەن ％58.5كە جوعارىلاپ، اۋىل شارۋاشىلىعىنان اۋىسقان 80 ميلليوننان استام حالىق قالا - قالاشىق تۇرعىنىنا اينالدى.
جاڭالىق اشۋ ارقىلى دامۋدى جەبەۋ جەتىستىگى مول بولدى. جالپى قوعامدا زەرتتەپ اشۋعا قوسىلعان قارجى جىلىنا ورتا ەسەپپەن ％11 ارتىپ، كولەمى دۇنيە ءجۇزى بويىنشا 2 - ورىنعا كوتەرىلدى. عىلىم - تەحنيكا العاباسارلىعىنىڭ قوسقان ۇلەسى ％52.2تەن ％57.5كە جوعارىلادى. عارىشقا ادام الىپ ۇشۋ، تەڭىز ءتۇبىن بارلاۋ، كۆانتتىق حابارلاسۋ، الىپ ۇشاق سياقتى ماڭىزدى جاڭالىق اشۋ تابىستارىنا ارت - ارتىنان قول جەتتى. جوعارى قارقىندى تەمىر جول جەلىسى، ەلەكتروندىق ساۋدا، جىلجىمالى تولەۋ، ەكونوميكادان ورتاق يگىلىكتەنۋ سياقتىلار دۇنيە ءجۇزى اۋقىمىن جەتەلەدى. «ينتەرنەت+» ءارقايسى كاسىپتەرگە كەڭىنەن ءسىڭىرىلدى. كوپ بولىپ شارۋاشىلىق قۇرىپ، جالپى جۇمىلىپ جاڭالىق اشۋ قارىشتاپ دامىپ، كۇنىنە ورتا ەسەپپەن جاڭادان قۇرىلعان كاسىپورىنداردىڭ سانى 5000نان استامنان كوبەيىپ، 16 مىڭنان استامعا جەتتى.
رەفورما جۇرگىزىپ، ەسىك اشۋدا ماڭىزدى قادام تاستالدى. رەفورما جاپپاي تەبىندى جۇرگىزىلىپ، كوپ تۇيىندە تابىسقا جەتىپ، ىشكەرىلەي ىلگەرىلەپ، ماڭىزدى سالالار مەن شەشۋشى بۋىندار رەفورماسىندا تىڭ ىلگەرىلەۋشىلىككە قول جەتتى. ۇكىمەتتى ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت كورسەتۋ سياقتى رەفورمالار ۇكىمەت فۋنكتسياسىندا تەرەڭ بۇرىلىس بولۋعا قوزعاۋشىلىق ەتىپ، بازاردىڭ ومىرشەڭدىگى مەن قوعامنىڭ جاسامپازدىق قۋاتى كورنەكتى ارتتى. «ءبىر بەلدەۋ، ءبىر جول» قۇرىلىسىنىڭ ناتيجەسى كورنەكتىلەنىپ، سىرتقى ساۋدا مەن شەتەل قارجىسىنان پايدالانۋ قۇرىلىمىنىڭ ساپالىلانۋى جانە كولەمى دۇنيە ءجۇزى بويىنشا الدىڭعى قاتاردان ورىن الدى.
حالىقتىڭ تۇرمىسى ۇزدىكسىز جاقساردى. كەدەيلىكتەن ارىلتۋدان قامال الۋدا شەشۋشى ىلگەرىلەۋگە قول جەتىپ، كەدەيلەردىڭ سانى 68 ميلليوننان استام ازايدى. باسقا جەرگە كوشىرىلىپ سۇيەمەلدەنگەن كەدەيلەردىڭ سانى 8 ميلليون 300 مىڭ بولدى، كەدەيلەسۋ مولشەرى ％10.2تەن ％3.1كە تومەندەدى. تۇرعىنداردىڭ كىرىسى جىلىنا ورتا ەسەپپەن ％7.4 ارتىپ، بۇل ەكونوميكانىڭ ارتۋ قارقىنىنان اسىپ، دۇنيە جۇزىندەگى ادام سانى ەڭ كوپ ورتاشا كىرىستەگى قاۋىم قالىپتاستى. شەتەلگە ساياحاتتاۋشىلار 83 ميلليون ادام - رەتتەن 130 ميلليون ادام - رەتكە كوبەيدى. قوعامدىق زەينەتكەرلىك قامسىزداندىرۋىنىڭ قامتىمى 900 ميلليون ادامنان اسىپ، نەگىزگى ەمدەلۋ قامسىزداندىرۋىنىڭ قامتىمى ءبىر ميلليارد 350 ميلليون ادامعا جەتىپ، دۇنيە ءجۇزى بويىنشا ەڭ ءىرى قوعامدىق قامتاماسىزداندىرۋ جەلىسى قالىپتاستى. ادامنىڭ ورتاشا مەجەلى عۇمىرى 76.7 جاسقا جەتتى. لاشىقتى اۋماقتارداعى تۇرعىن ۇيلەردەن 26 ميلليوننان ارتىعى جاڭالانىپ، اۋىل - قىستاقتارداعى 17 ميلليوننان ارتىق وتباسىنىڭ حاۋىپتى ۇيلەرى قايتا سالىنىپ، ءجۇز ميلليوننان ارتىق تۇرعىن جاڭا قونىسقا قۋانىشپەن كوشىپ كىردى.
ەكولوگيالىق ورتا جاعدايى بىرتىندەپ جاقساردى. اتموسفەرانىڭ، سۋدىڭ، توپىراقتىڭ لاستانۋىنىڭ الدىن الۋ جانە ونى وڭاۋ جونىندەگى ءۇش «10 تارماق» جاسالىپ اتقارىلدى ءارى تىڭعىلىقتى تابىسقا قول جەتتى. ەنەرگيانىڭ، سۋدىڭ ىشكى ءوندىرىستىڭ جالپى قۇنىنداعى بىرلىكتىك جۇمسالىمى تۇگەلدەي ورتا ەسەپپەن ％20تىڭ ۇستىندە تومەندەدى، باستى لاس زاتتاردىڭ شىعارىلۋ مولشەرى ۇزدىكسىز تومەندەدى، ءتۇيىندى قالالاردىڭ اۋىر دارەجەدە لاستانعان كۇن سانى تەڭ جارىم ازايدى، ورمان - توعايدىڭ كولەمى 163 ميلليون مۋ ارتىپ، قۇمايتتانعان جەردىڭ كولەمى جىلىنا ورتا ەسەپپەن 2000 شارشى كيلومەترگە تاياۋ ازايىپ، جاسىل دامۋدىڭ جاعدايى قۋانارلىقتاي بولدى.
ەندى عانا قوشتاسقان 2017 - جىلى ەكونوميكانىڭ، قوعامنىڭ دامۋىنداعى نىسانالار مەن مىندەتتەرجاپپاي جۇزەگە اسىپ، تولىق ورىندالدى ءارى مەجەدەگىدەن جاقسى بولدى. ىشكى ءوندىرىستىڭ جالپى قۇنى ％6.9 ارتتى، تۇرعىنداردىڭ كىرىسى ％7.3 ارتىپ، الدىڭعى جىلعىدان ءبىرشاما تەزدەدى؛ قالا - قالاشىقتا 13 ميلليون 510 مىڭ ادام تىڭنان جۇمىستانىپ، جۇمىسسىزدىق مولشەرى تالاي جىلدان بەرگى ەڭ تومەن ورەگە تۇستى؛ ونەركاسىپتىڭ ارتۋ قارقىنى جوعارىلاپ، كاسىپورىنداردىڭ پايداسى ％21 ارتتى؛ قازىنالىق كىرىس ％7.4 ارتىپ، ارتۋ قارقىنىنىڭ باياۋلاۋ جاعدايى وڭالدى؛ يمپورت - ەكسپورت ％14.2ارتتى، ناقتى پايدالانىلعان شەتەل قارجىسى 136 ميلليارد 300 ميلليون دوللار بولىپ، تاريحتاعى تىڭ جوعارى دەڭگەيگە جەتتى. ەكونوميكانىڭ اينالىمىندا، ارتۋ ساپامەن، قۇرىلىممەن، ونىمدىلىكپەن سايكەسكەن تاماشا جاعداي جارىققا شىقتى.
5 جىلدان بەرى نەگىزىنەن تومەندەگى قىزمەتتەر ىستەلدى
1. قىزمەتتىڭ ورنىقتىلىق بارىسىندا ىلگەرىلەۋ سىندى نەگىزگى اۋەنىنەن جازباي، ەكونوميكا اينالىمىندا ورنىقتىلىق بارىسىندا جاقسى جاققا قاراي دامۋشىلىقتار بولدى
قىزمەتتىڭ ورنىقتىلىق بارىسىندا ىلگەرىلەۋ سىندى نەگىزگى اۋەنىنەن جازباي، ماكرولىق تىزگىندەۋدە كۇش سالا جاڭالىق اشىلىپ جانە كەمەلدەندىرىلىپ، ەكونوميكا اينالىمىنىڭ ۇيلەسىمدى كولەمى ساقتالىپ، ورنىقتىلىق بارىسىندا جاقسى جاققا قاراي دامۋشىلىقتار بولدى.
بەلسەندى قازىنا ساياساتى مەن ورنىقتى، اقاۋسىز اقشا ساياساتىن اتقارۋ باتىل جالعاستىرىلدى. ەلىمىز الدىمەن باجىنى بارىنشا تومەندەتتى. تيجارات باجىسىنىڭ ورنىنا ارتقان قۇن باجىسىن الۋ كەزەڭگە ءبولىپ جالپىلاستىرىلىپ، 66 جىلعا سوزىلعان تيجارات باجىسىن الۋ تاريحى اياقتاپ، جيىنى 2 تريلليون يۋاننان استام باجى كەمەيتىلدى، وعان شاعىن، تابىسى ماردىمسىز كاسىپورىنداردان باجى الۋدا تيىمدىلىك جاساۋ، ءتۇرلى اقىلاردى اداقتاۋ سياقتى شارالار قوسىلىپ، بازار سۋبيەكتتەرىنىڭ اۋىرتپالىعى جيىنى 3 تريلليون يۋاننان استام جەڭىلدەدى. جەرگىلىكتى ۇكىمەتتەردىڭ قارىز ىستەرىن باسقارۋ كۇشەيتىلىپ،ءبىر تريلليون 200 ميلليارد يۋان ءوسىم اۋىرتپالىعى جەڭىلدەتىلدى. قازىنالىق قىزىل سيفر مولشەرى ％3 كولەمىندە تىزگىندەلدى.
2. قامداۋ جاعىنداعى قۇرىلىمدىق رەفورمانى نەگىزگى جەلى ەتۋ باتىل جالعاستىرىلىپ، ەكونوميكالىق قۇرىلىمنىڭ ساپالىلانۋى جەدەلدەدى، دارەجەسى جوعارىلاتىلدى
قامداۋ جاعىنداعى قۇرىلىمدىق رەفورمانى نەگىزگى جەلى ەتۋ باتىل جالعاستىرىلىپ، دامۋدىڭ تىڭ يقۋاتى كۇش سالا جەتىلدىرىلىپ جانە ۇلعايتىلىپ، ەكونوميكالىق قۇرىلىمنىڭ ساپالىلانۋى جەدەلدەدى، دارەجەسى جوعارىلاتىلدى. ەكونوميكانىڭ دامۋى مەن قۇرىلىمىنداعى تەپە - تەڭدىكتىڭ بۇزىلۋى سىندى قيىن ماسەلە رەفورماعا مىقتاپ سۇيەنۋ ارقىلى شەشىلدى، گۇلدەنىپ كەلە جاتقان شارۋاشىلىقتار كۇش سالا دامىتىلىپ، ءداستۇرلى شارۋاشىلىقتار قايتا قۇرىلدى جانە دارەجەسى جوعارىلاتىلدى، قامداۋ جۇيەسىنىڭ ساپاسى مەن ونىمدىلىگى جوعارىلادى.
ارتىق ءوندىرىس قۋاتىن قاتاردان قالدىرۋ، ىركىندىلەردى، سۇيمەندەردى ازايتۋ، وزىندىك قۇندى تومەندەتۋ، ولقىلىقتاردى تولىقتاۋ تىڭعىلىقتى ىلگەرىلەتىلدى. ورتالىق قازىنادان 100 ميلليارد يۋان ارناۋلى سيلاۋ جانە كومەك قارجىسى ورنالاستىرىلىپ، قولداۋ بەرۋگە جۇمسالدى. 170 ميلليون توننادان استام بولات - تەمىر، 800 ميلليون توننادان استام كومىر ءوندىرۋ قۋاتى قاتاردان قالدىرىلدى، ءبولىپ ورنالاستىرىلعان ادام ءبىر ميلليون 100 مىڭنان استى. ۇكىمەتتىك قور نىساندارى ％30 ازايتىلدى، ورتالىقتىڭ ۇكىمەت جاعىنان ورنالاستىرعان كاسىپورىنداردان الىناتىن اقىعا ساياتىن نىسانىنان ％60تەن استامى ىقشامدالدى.
دامۋدىڭ جاڭا جانە كونە قوزعاۋشى كۇشتەرىنىڭ ۇلاسۋى جانە اۋىسۋى تەزدەتىلدى. ەگىمشىلىكتىڭ لايىقتى كولەمدى تيجاراتىنىڭ ارا سالماعى ％30تەن ％40تەن استامعا جوعارىلادى. جەلىلىك بولشەك ساتۋ مولشەرى جىلىنا ورتا ەسەپپەن ％30تىڭ ۇستىندە ارتتى، قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى جىلىنا ورتا ەسەپپەن ％11.3ارتتى. جوعارى قارقىندى تەمىر جول تاسىمالىنىڭ ارالىعى 9000 قانشا كيلومەتردەن 25 مىڭ كيلومەترگە جەتىپ، دۇنيە جۇزىندەگىنىڭ ۇشتەن ەكىسىن يەلەدى. جوعارى قارقىندى تاس جول ارالىعى 96 مىڭ كيلومەتردەن 136 مىڭ كيلومەترگە جەتتى، اۋىل - قىستاق تاس جولىنان ءبىر ميلليون 270 مىڭ كيلومەترى تىڭنان سالىندى، جاڭادان 46 حالىقتىق اۋەجاي سالىندى، ءىرى سۋ يگىلىگى ينجەنەرياسىنان 122 سى سالىنا باستادى.
مەملەكەتتىك كەڭەس تاراۋلارىنىڭ اكىمشىلىك تەكسەرىپ بەكىتۋ تۇرلەرىنىڭ ％44ى ازايتىلىپ، اكىمشىلىك رۇقساتقا جاتپايتىن تەكسەرىپ بەكىتۋ تۇبەگەيلى اياقتادى. ورتالىق ۇكىمەت دەڭگەيىندە تەكسەرىپ بەكىتىلەتىن كاسىپورىن قارجىلاندىرۋ نىسانىنان ％90ى ازايتىلدى، اكىمشىلىك تەكسەرىپ بەكىتۋ جونىنەن دانەكەرلىك قىزمەت كورسەتۋ تۇرلەرىنىڭ ％74ى ىقشامدالىپ، كاسىپتىك تولىمدىلىق رۇقساتى جانە ونى تانۋ ىستەرى زور مولشەردە ازايدى. ورتالىق ۇكىمەت باعا بەلگىلەيتىن تۇرلەر ％80، جەرگىلىكتى ۇكىمەت باعا بەلگىلەيتىن تۇرلەر ％50تەن استام كەمەيتىلدى. ونەركاسىپ ساۋدا ىستەرىن تىزىمدەۋ، كاپيتال تىركەۋ سياقتىلاردى اقىلداسۋ ءىسى تۇزىمىنە جاپپاي رەفورما جاسالىپ، كاسىپورىنداردىڭ قۇرىلۋ ۋاقىتى ۇشتەن ءبىردىڭ ۇستىندە قىسقارتىلدى.
3. دامۋدى جاڭالىق اشۋ جولىمەن جەتەكتەۋگە تاباندى بولىپ، تۇتاس جاڭالىق اشۋ قابىلەتى مەن ءونىمى كورنەكتى جوعارىلادى
دامۋدى جاڭالىق اشۋ جولىمەن جەتەكتەۋگە تاباندى بولىپ، قوعامنىڭ جاسامپازدىق قۋاتىن تاسقىنداتىپ، تۇتاس جاڭالىق اشۋ قابىلەتى مەن ءونىمى كورنەكتى جوعارىلادى.
دامۋدى جاڭالىق اشۋ ارقىلى جەبەۋ ستراتەگياسى اتقارىلىپ، جاڭالىق اشۋ ەكولوگياسى ساپالىلاندىرىلىپ، كوپ سۋبيەكت سايكەسەتىن، جان - جاقتى ىلگەرىلەتەتىن جاڭالىق اشۋ اۋقىمى قالىپتاستى. بەيجيڭ، شاڭحايدا عىلىم - تەحنيكادا جاڭالىق اشۋ ورتالىعىن قۇرۋعا قولداۋ بەرىلدى، جاڭادان مەملەكەتتىك دەربەس جاڭالىق اشۋ ۇلگى رايونىنان 14ى تىڭنان قۇرىلدى. ءار ءتۇرلى بازار سۋبيەكتتەرى 98 ميليوننان استامعا جەتىپ، 5 جىل ىشىندە ％70تىڭ ۇستىندە ارتتى. ەل ىشىندە جارامدى تاپقىرلىق پاتەنتىنىڭ سانى 2 ەسە ارتىپ، تەحنيكا ساۋداسى ءبىر قاتتالدى.
4. رەفورمانى جاپپاي تەرەڭدەتۋگە تاباندى بولىپ، دامۋدىڭ قۋاتى ۇزدىكسىز كۇشەيدى
رەفورمانى جاپپاي تەرەڭدەتۋگە تاباندى بولىپ، ءتۇزىلىس پەن مەحانيزمدەگى كىناراتتاردى جويۋعا كۇش سالىپ، دامۋدىڭ قۋاتى ۇزدىكسىز كۇشەيدى.
مەملەكەت مەنشىگىندەگى كاسىپورىندار مەن مەملەكەت مەنشىگىندەگى كاپيتال رەفورماسى تىڭعىلىقتى ىلگەرىلەتىلىپ، سەرىكتەستىك ءتۇزىمى رەفورماسى نەگىزىنەن ورىندالىپ، بىرىكتىرىپ قايتا قۇرۋ، ساتىلار بويىنشا قىسىمدى ازايتۋ، ساپانى كوتەرىپ ونىمدىلىكتى ارتتىرۋدا بەلسەندى ىلگەرىلەۋشىلىكتەرگە قول جەتكىزىلدى. مەملەكەت مەنشىگىندەگى كاسىپورىنداردىڭ تيىمدىلىگى كورنەكتى جاقساردى، بىلتىر پايدا مولشەرى ％5.23 ارتتى. ەنەرگيا، تەمىر جول، تۇز شارۋاشىلىعى قاتارلى سالالار رەفورماسى تەرەڭدەدى. جالپىلىق مەنشىككە جاتپايتىن شارۋاشىلىقتىڭ بازارعا كىرۋ رۇقساتى جەڭىلدەتىلدى. جىلجىمايتىن مۇلىكتى ءبىر تۇتاس تىزىمگە الۋ ءتۇزىمى ورناتىلدى. مال - مۇلىك ۇقىعىن قورعاۋ ءتۇزىمى كەمەلدەندى.
قازىنالىق باجى رەفورماسىندا زور دامۋشىلىقتارعا قول جەتتى، ورتالىقتىڭ جەرگىلىكتى ورىنعا جاي اۋدارىپ تولەۋ كولەمى زور مولشەردە ۇلعايدى، ارناۋلى اۋدارىپ تولەۋ تۇرلەرىنىڭ ۇشتەن ەكىسى ازايتىلدى.
ءوسىم مولشەرى تەجەمى نەگىزىنەن بوساتىلدى، امانات قويىلعان اقشانى قامسىزداندىرۋ ءتۇزىمى ورناتىلدى.
قالا، اۋىلداردىڭ مىندەتتى وقۋ - اعارتۋىنىڭ بىركەلكى دامۋىن جەبەۋ مەحانيزمى كەمەلدەندىرىلىپ، ەمتيحان ارقىلى وقۋشى قابىلداۋ ءتۇزىمى رەفورمالاندى. قالا - اۋىل تۇرعىندارىنىڭ بىرلىككە كەلگەن نەگىزگى زەينەتكەرلىك قامسىزداندىرۋ ءتۇزىمى، ەمدەلۋدى قامسىزداندىرۋ ءتۇزىمى ورناتىلىپ، ورگاندار مەن ءىسورىندارىنىڭ، كاسىپورىنداردىڭ زەينەتكەرلىك قامسىزداندىرۋ ءتۇزىمى بىرىكتىرىلدى. مەملەكەت مەنشىگىندەگى كاپيتالدىڭ ءبىر ءبولىمىن ايىرىپ، قوعامدىق قامتاماسىزداندىرۋ قورىن تولىقتىرۋ جوباسى شىعارىلدى. ەمدەۋدى، ەمدەلۋدى قامسىزداندىرۋدى، ءدارى - دارمەكتى ءوزارا ۇشتاستىرۋ رەفورماسى جۇرگىزىلىپ، ۇكىمەتتىك شيپاحانالار جونىندەگى جان - جاقتى رەفورما جالپى بەتتىك ورىستەتىلىپ، ۇزاقتان بەرى اتقارىلىپ كەلگەن ءدارى - دارمەككە ۇستەمەلەپ باعا قوسۋ ساياساتى كۇشىنەن قالدىرىلدى، ءدارى - دارمەك، ەمدەۋ اسپاپتارىن تەكسەرىپ بەكىتۋ ءتۇزىمى رەفورماسىندا تابىستارعا قول جەتتى. اۋىل - قىستاق جەرىن كوتەرمەگە الۋداعى «ءۇش ۇقىقتى» ايىرۋ رەفورماسى جەدەلدەتىلىپ، ۇقىعى تۇراقتاندىرىلعان جەر كولەمى ％80تەن ارتتى، نەگىزگى تۇلعالىق فۋنكتسيالىق رايوندار ءتۇزىمى كەمەلدەندىرىلدى، ەكولوگيالىق وركەنيەت ناتيجەسىن باعالاۋ جانە جاۋاپكەرشىلىگىن قۋزاستىرۋ ءتۇزىمى ورناتىلدى.
5. سىرتقا ەسىك اشۋ سىندى مەملەكەتتىڭ نەگىزگى ساياساتىندا تاباندى بولىپ، ىنتىماقتاستىق جاساپ، اشىق ۇستالاتىن شارۋاشىلىق ورەسى كورنەكتى جوعارىلادى
سىرتقا ەسىك اشۋ سىندى مەملەكەتتىڭ نەگىزگى ساياساتىندا تاباندى بولىپ، ىنتىماقتاستىق جاساپ، تەڭ يگىلىكتەنۋدى ىسكە اسىرۋعا كۇش سالىپ، اشىق ۇستالاتىن شارۋاشىلىق ورەسى كورنەكتى جوعارىلادى.
«ءبىر بەلدەۋ، ءبىر جول» قۇرىلىسىن بىرگە جۇرگىزۋ دارىپتەلىپ جانە ىلگەرىلەتىلىپ، ازيا نەگىزدىك قۇرىلعىلاردى قارجىلاندىرۋ بانكەسىن اشۋ باستاماسىن كوتەردىك، جىبەك جولى قورىن قۇرىپ، شاڭحاي قاتارلى 11 قالادا ەركىن ساۋدا سىناق رايونى قۇرىلىپ، ەكسپورتتان قايتارىلاتىن باجىنى ورتالىق قازىنا ۇستىنە الۋ مەحانيزمىنە رەفورما جۇرگىزىلىپ، قايتارىلاتىن باجىنىڭ ارتقان بولەگىن تۇگەل ورتالىق قازىنا كوتەرەتىن بولدى، ەل اتتاعان ەلەكتروندىق ساۋدا ۋنيۆەرسال سىناق رايوندارىنان 13 ى قۇرىلدى، حالىقارالىق ساۋداداعى «ءبىر تەرەزەدەن» قىزمەت كورسەتۋ بۇكىل ەلدى قامتىپ، زاتتىڭ كەدەننەن ءوتۋ ۋاقىتىنىڭ جارىمنان استامى قىسقاردى، شەتەل ساۋداگەرلەرىنىڭ قارجى قوسۋىن تەكسەرىپ بەكىتۋ ءتۇزىمى بازارعا كىرۋدە رۇقسات ەتىلمەيتىندەر تىزىمدىگى بويىنشا باسقارۋعا وزگەرتىلىپ، شەكتەۋ سيپاتىنداعى شارالاردىڭ ۇشتەن ەكىسى قىسقاردى. اقىل - پاراسات ەنگىزۋ تەبىنى كۇشەيتىلىپ، جۇڭگوعا كەلىپ جۇمىس ىستەيتىن شەتەلدىك ماماندار ％40 ارتتى. ەركىن ساۋدا جونىندە 8 كەلىسىمگە تىڭنان قول قويىلدى جانە دارەجەسى جوعارىلاتىلدى.
6. وڭىرلەردىڭ سايكەستى دامۋى مەن جاڭاشا قالا - قالاشىقتانۋ ستراتەگياسىن اتقارۋعا تاباندى بولىپ، تىڭ ارتۋ ۇيەك - بەلدەۋلەرىنىڭ جەتىلۋى تەزدەتىلدى
وڭىرلەردىڭ سايكەستى دامۋى مەن جاڭاشا قالا - قالاشىقتانۋ ستراتەگياسىن اتقارۋعا تاباندى بولىپ، بىركەلكى دامۋدى ىلگەرىلەتۋگە كۇش سالىپ، تىڭ ارتۋ ۇيەك - بەلدەۋلەرىنىڭ جەتىلۋى تەزدەتىلدى.
بەيجيڭ - تيانجين - حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى بەلسەنە ىلگەرىلەتىلدى. باتىس بولىكتى اشۋ، شىعىس سولتۇستىكتى گۇلدەندىرۋ، ورتا بولىكتى كوركەيتۋ جانە شىعىس بولىكتى الدىمەن دامىتۋدى جەبەيتىن رەفورمالاۋ، جاڭالىق اشۋدىڭ ءبىر قىدىرۋ تىڭ شارالارى جارىققا شىعارىلدى. بايىرعى توڭكەرىستىك رايونداردى، ۇلتتىق رايونداردى، شەكارا رايونداردى جانە كەدەي رايونداردى سۇيەمەلدەۋ تەبىنى كۇشەيتىلدى، شيزاڭعا، شينجياڭعا، چيڭحايعا باعىتتامالى كومەكتەسۋ قىزمەتى كۇشەيتىلدى. تەڭىز - مۇحيتتى قورعاۋ جانە اشۋ تارتىپپەن جۇرگىزىلدى. ءتۇيىندى قالالار شوعىرىن دامىتۋ پلانى اتقارىلدى، ۇلكەن، ورتا، شاعىن قالالار مەن شاعىن قالاشىقتاردى سايكەستى دامىتۋ جەدەلدەتىلدى. باسىم كوپ ساندى قالا نوپوسقا قوندىرۋداعى شەكتەمەلەردى بوساتتى، قونىستانۋ كۋالىگى ءتۇزىمى جالپى بەتتىك اتقارىلدى، قالا - قالاشىقتاردا نەگىزگى الەۋمەتتىك قىزمەت كورسەتۋ تۇراقتى حالىقتى تولىق قامتۋعا بەت الدى.
7. حالىقتى وزەك ەتكەن دامۋ يدەياسىنا تاباندى بولىپ، حالىق جۇرتشىلىعىنىڭ تابىس سەزىمى ۇزدىكسىز ارتتى
حالىقتى وزەك ەتكەن دامۋ يدەياسىنا تاباندى بولىپ، حالىق تۇرمىسىن قامتاماسىزداندىرۋعا جانە جاقسارتۋعا كۇش سالىنىپ، حالىق جۇرتشىلىعىنىڭ تابىس سەزىمى ۇزدىكسىز ارتتى.
حالىق تۇرمىسىنا قوسىلىم ۇزدىكسىز مولايتىلدى. ورتالىق قازىنادان 5 جىلدا قوسىلعان كەدەيلەردى سۇيەمەلدەۋ قوسىلىمى 280 ميلليارد يۋاننان استى.
جۇمىستانۋدىڭ بەلسەندى ساياساتى اتقارىلدى. وقۋ - اعارتۋدى الدىمەن دامىتۋ باتىل جالعاستىرىلىپ، قازىنالىق وقۋ - اعارتۋ شىعىسىنىڭ ىشكى ءوندىرىستىڭ جالپى قۇنىندا يەلەيتىن ارا سالماعى تاعى دا ％4تەن استى. اۋىل - قىستاق مىندەتتى وقۋ - اعارتۋىنداعى نەگىزى ءالسىز مەكتەپتەردىڭ مەكتەپ باسقارۋ شارت - جاعدايى جاقسارتىلىپ، اۋىل - قىستاقتاعى وقىتۋشىلاردىڭ يگىلىگى جوعارىلاتىلىپ، وقۋشىلاردىڭ ازىقتانۋىن جاقسارتۋ جوسپارىنان 36 ميلليوننان استام بالا يگىلىكتەندى. ءتۇيىندى جوعارى مەكتەپتەرگە اۋىل - قىستاقتاردان جانە كەدەي وڭىرلەردەن ارناۋلى قابىلدانعان وقۋشىلاردىڭ سانى 10 مىڭنان 100 مىڭعا ارتتى. ءتۇرلى مەكتەپتەردەگى وتباسىندا قيىنشىلىعى بار وقۋشىلارعا اقشالاي جاردەم بەرۋ تەبىنى كۇشەيتىلىپ، ودان 430 ميلليون ادام - رەت يگىلكتەندى. ەڭبەك جاسىنداعىلاردىڭ ءبىلىم الۋىنىڭ ورتاشا جىل شەگى 10.5جىلعا كوتەرىلدى. قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋعا بەرىلەتىن ورتاشا قازىنالىق كومەك قاراجات ولشەمى 240 يۋاننان 450 يۋانعا كوتەرىلدى، سالماقتى ناۋقاستاردى قامسىزداندىرۋ ءتۇزىمى نەگىزىنەن ورناتىلدى، ودان 17 ميلليوننان استام ادام - رەت يگىلىكتەندى، باسقا جەردە ەمدەلۋ، شيپاحاناعا جاتۋ اقىسى جونىنەن توتە ەسەپ جابۋ ىسكە اسىرىلدى. زەينەتكەرلەردىڭ نەگىزگى زەينەتاقىسى ءۇرتىس ۇيلەسىمدى جوعارىلاتىلدى. ەڭ تومەنگى تۇرمىستىق قامتاماسىزدىق، ءناپاقا ولشەمى جوعارىلاتىلدى، قوعامدىق قۇتقارۋ ءتۇزىمى كەمەلدەندىرىلىپ، ەڭ تومەنگى قامتاماسىزدىقپەن قامدالاتىن جانە ەرەكشە قيىنشىلىقتاعى بۇقارادان 60 ميلليونعا جۋىق ادامنىڭ نەگىزگى تۇرمىسى قامتاماسىزداندىرىلدى. قيىنشىلىعى بار جانە اۋىر دارەجەدە مۇگەدەك ادامدارعا «2 ءتۇرلى جاردەم قاراجات» بەرۋ ءتۇزىمى ورناتىلىپ، ودان 21 ميلليوننان استام ادام يگىلىكتەندى. تۇگەل 2 بالالى بولۋعا رۇقسات ەتۋ ساياساتى اتقارىلدى. مادەنيەت شارۋاشىلىعى جىلىنا ورتا ەسەپپەن ％13تەن استام ارتتى.
8. ادام مەن تابيعاتتىڭ جاراسىمدى دامۋىنا تاباندى بولىپ، ەكولوگيالىق وركەنيەت قۇرىلىسىندا كورنەكتى ناتيجەلەرگە قول جەتتى
ادام مەن تابيعاتتىڭ جاراسىمدى دامۋىنا تاباندى بولىپ، ورتانىڭ لاستانۋىن جونگە سالۋعا كۇش سالىپ، ەكولوگيالىق وركەنيەت قۇرىلىسىندا كورنەكتى ناتيجەلەرگە قول جەتتى.
اتموسفەرانىڭ لاستانۋى بارىنشا قاتاڭ جونگە سالىنىپ، ءتۇيىندى رايونداردا شاڭ - توزاڭنىڭ (5. PM2 ) جىلدىق ورتاشا قويۋلىعى ％30تەن استام تومەندەدى. بىتىراندى كومىردى جونگە سالۋ كۇشەيتىلدى، ءتۇيىندى كاسىپ سالالارىنىڭ ەنەرگيانى ۇنەمدەپ، لاس زاتتاردىڭ شىعارىلۋىن ازايتۋى ىلگەرىلەتىلىپ، ءتۇتىندى بارىنشا از شىعاراتىن كومىر ەلەكتر اگراگاتتارى ％71كە جەتكىزىلدى. ەنەرگيا قۇرىلىمى ساپالىلاندىرىلىپ، كومىر تۇتىنۋ ارا سالماعى8.1 پايىز تومەندەپ، تازا ەنەرگيا تۇتىنۋ ارا سالماعى 6.3 پايىز جوعارىلادى. جانار ماي ساپاسى جوعارىلاتىلىپ، گازدى ولشەمنەن ارتىق شىعاراتىن كولىك پەن ەسكى كولىكتەردەن 20 ميلليوننان استامى قاتاردان شىعارىلدى. حيميالىق تىڭايتقىشتاردىڭ، اۋىل شارۋاشىلىق دارىلەرىنىڭ پايدالانىلۋ مولشەرىن مۇلدە ارتتىرماۋ ىسكە اسىرىلدى.
9. ۇكىمەت فۋنكتسياسىن زاڭ بويىنشا جاپپاي اتقارۋعا تاباندى بولىپ، قوعامدىق وڭاۋدى كۇشەيتۋگە جانە وندا جاڭالىق اشۋعا باسا كۇش سالىندى
ۇكىمەت فۋنكتسياسىن زاڭ بويىنشا جاپپاي اتقارۋعا تاباندى بولىپ، قوعامدىق وڭاۋدى كۇشەيتۋگە جانە وندا جاڭالىق اشۋعا باسا كۇش سالىنىپ، قوعامدا جاراسىمدىلىق پەن ورنىقتىلىق ساقتالدى.
مەملەكەتتىك حالىق قۇرىلتايى تۇراقتى كوميتەتىنىڭ جاساۋىنا، وزگەرىس ەنگىزۋىنە 95 زاڭ ۇسىنىلدى، اكىمشىلىك زاڭدىق ەرەجەدەن 195ى جاسالدى جانە وزگەرىس ەنگىزىلدى، تاراۋلاردىڭ ەرەجە - ۋستاۆتارىنان ءبىر توبىنا وزگەرىس ەنگىزىلدى، كۇشىنەن قالدىرىلدى.
10. ۇلت، ءدىن، مۇھاجىر سياقتى جاقتارداعى قىزمەتتەر جاڭالىق اشا ىلگەرىلەتىلدى
11. پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ باسشىلىعىندا، ارميانى قۇدىرەتتەندىرۋ مەن گۇلدەندىرۋدە جاڭا جاعداي جاراتىلدى
12. شياڭگاڭ، اۋمىن، تايۋان قىزمەتىندە تىڭ ىلگەرىلەۋشىلىكتەر قولعا كەلدى
13. جۇڭگوشا ءىرى ەلدىك ديپلوماتيا جان - جاقتى ىلگەرىلەتىلدى2017-جىلى
ەكونوميكالىق، قوعامدىق دامۋدىڭ باستى نىسانالىق مىندەتتەرى جاپپاي ورىندالدى ءارى مەجەدەگىدەن جاقسىراق بولدى
ەل ءىشى ءوندىرىس جالپىءونىم قۇنى %6.9 ارتتى.
تۇرعىنداردىڭ كىرىسى %7.3 ارتتى. ارتۋ قارقىنى الدىڭعى جىلداعىدان تەز بولدى.
قالا - قالاشىقتارداعى جاڭادان جۇمىستانعاندار 13 ميلليون 510 مىڭ ادامعا جەتتى. جۇمىسسىزدىق مولشەرى تالاي جىلدان بەرگى ەڭ تومەنگى شەككە ءتۇستى.
ونەركاسىپتىڭ وركەندەۋى قايتا تەبىندەدى. كاسىپورىن پايداسى %21 ارتتى.
قازىنالىق كىرىس %7.4 ارتتى. ارتۋدىڭ باسەڭدەۋ جاعدايىندا وزگەرىس بولدى.
يمپورت - ەكسپورت %14.2 ارتتى. ناقتى پايدالانىلعان شەتەل قارجىسى 136 ميلليارد 300 ميلليون دوللار بولىپ تاريحتاعى ەڭ جوعارى ورەگە جەتتى.
ەكونوميكالىق دامۋدا ارتۋ ساپامەن، قۇرىلىممەن، ونىمدىلىكپەن قابىسقان تاماشا جاعداي قالىپتاستى.
2018 - جىلعى ۇكىمەت قىزمەتىنىڭ جالپى تۇلعالىق ورنالاستىرىلۋى
بيىلعى ەكونوميكالىق، قوعامدىق دامۋدىڭ جالپى تالابى
بيىل − پارتيا 19 - قۇرىلتايى رۋحىن جاپپاي دايەكتىلەندىرۋدىڭ باستاما جىلى، رەفورما جاسالىپ، ەسىك اشىلعاندىعىنىڭ 40 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، «13 - بەسجىلدىق» جوبانى اتقارۋدا الدىڭعىلارعا مۇراگەر، كەيىنگىلەرگە بۇيداگەر بولۋدىڭ شەشۋشى جىلى، ۇكىمەت قىزمەتىن ويداعىداي ىستەۋدە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە ج ك پ 19 - كەزەكتى ورتالىق كوميتەتى ەكىنشى، ءۇشىنشى جالپى ءماجىلىسىنىڭ رۋحىن جاپپاي ىشكەرىلەي دايەكتىلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن دايەكتىلەندىرىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىنا تاباندى بولىپ، ەلىمىزدەگى قوعامدىق باستى قايشىلىقتىڭ وزگەرىسىن ارقاۋ ەتىپ، جوعارى ساپالى دامۋ تالابى بويىنشا، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس جوسپارلاپ، ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قامداۋ جاعىنداعى قۇرىلىمدىق رەفورمانىڭ نەگىزگى جەلىسىنە تاباندى بولىپ، ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس جوسپارلاپ، ىلگەرىلەتىپ، رەفورما جاساپ، ەسىك اشۋدى بارىنشا ىلگەرىلەتىپ، ماكرولىق رەتتەۋ - مەڭگەرۋدى جاڭارتىپ جانە كەمەلدەندىرىپ، ساپا وزگەرىسىن، ونىمدىلىك وزگەرىسىن، ديناميكا وزگەرىسىن ىلگەرىلەتۋ، اسىرەسە، كەلەلى حاۋىپ - قاتەرلەردەن ساقتانۋ، ونى باسەڭدەتۋ، كەدەيلىكتەن دالمە - ءدال قۇتىلدىرۋ، لاستانۋدان ساقتانۋ جانە ونى تىزگىندەۋدەن قامال الۋ شايقاسىن ويداعىداي جۇرگىزۋ جاعىندا تىڭعىلىقتى ىلگەرىلەۋشىلىكتەرگە قول جەتكىزىپ، مەجەگە جەتەكشىلىك ەتىپ جانە ونى ورنىقتىرىپ، حالىق تۇرمىسىن كۇشەيتىپ جانە جاقسارتىپ، ەكونوميكانىڭ، قوعامنىڭ ءۇرتىس، اقاۋسىز دامۋىن جەبەۋ كەرەك.
2018 - جىلعى دامۋداعى باستى مەجەلى نىسانالار مىنالار:
ىشكى ءوندىرىستىڭ جالپى قۇنىن ％6.5 شاماسىندا ارتتىرۋ؛
تۇرعىنداردىڭ تۇتىنۋ باعاسىنىڭ قىمباتتاۋ مولشەرىن ％3 شاماسىندا تىزگىندەۋ؛
قالا - قالاشىقتا تىڭنان جۇمىستاناتىنداردىڭ سانىن 11 ميلليوننان اسىرۋ، قالا - قالاشىقتاعى انىقتالاتىن جۇمىسسىزدىق مولشەرىن ％5.5تەن، تىزىمگە الىنعان جۇمىسسىزدىق مولشەرىن ％4.5تەن اسىرماۋ؛
تۇرعىندار كىرىسىن ەكونوميكانىڭ ارتۋىمەن نەگىزىنەن تەڭ ارتتىرۋ؛
يمپورت - ەكسپورتتى ورنىقتى بولۋدان ارتۋعا باستاۋ، حالىقارالىق كىرىس - شىعىستا نەگىزىنەن تەپە - تەڭدىكتى ساقتاۋ؛
ىشكى ءوندىرىستىڭ جالپى قۇنىنداعى ەنەرگيانىڭ بىرلىكتىك سارىپ ەتىلۋىن ％3تەن استام ازايتۋ، باستى لاس زاتتاردىڭ شىعارىلۋىن ۇزدىكسىز ازايتۋ؛
قامداۋ جاعىنداعى قۇرىلىمدىق رەفورمادا ناقتى ىلگەرىلەۋشىلىككە قول جەتكىزۋ، ماكرولىق سۇيمەن شاماسىنىڭ ورنىقتىلىعىن نەگىزىنەن ساقتاۋ، ءتۇرلى حاۋىپ - قاتەرلەردەن جۇيەلى، ۇتىمدى تۇردە ساقتانۋ جانە ونى تىزگىندەۋ.
قازىنا ساياساتى مەن اقشا ساياساتى
بەلسەندى قازىنا ساياساتىنىڭ باعدارى وزگەرمەيدى، ونىمدىلىكتى ارتتىرۋعا بارىنشا كۇش سالىنادى.
قىزىل سيفر مولشەرى ％2.6 بويىنشا ورنالاستىرىلىپ، وتكەن جىلعى مەجە ەسەپتەگىدەن0.4 پايىز تومەندەتىلەدى؛
قازىنالىق قىزىل سيفر 2 تريلليون 380 ميلليارد يۋان بولىپ، بۇكىل ەل بويىنشا قازىنا شىعىسى 21 تريلليون يۋان بولادى، ورنىقتى اقشا ساياساتىنىڭ ورتاشالىعىن ساقتاپ، اينالىمداعى اقشانىڭ كوبەيتىلۋى مەن ازايتىلۋى لايىقتى بولۋ كەرەك.
اقشامەن قامداۋدىڭ باس كومەيىن ويداعىداي باسقارىپ، كەڭ ماعىناداعى اقشا M2، سەنىمدى قارىز جانە قوعامدىق قارجى قۇراۋ كولەمىنىڭ ۇيلەسىمدى ارتۋىن ساقتايدى.
بيىلعى قىزمەتتەردى ويداعىداي ورىنداۋ ءۇشىن، قىزمەتتىڭ ورنىقتىلىق بارىسىندا ىلگەرىلەۋ سىندى نەگىزگى اۋەنىنەن جازباۋ
جوعارى ساپالى دامۋدى زور كۇشپەن ىلگەرىلەتۋ.
رەفورمالاۋ مەن ەسىك اشۋدىڭ تەبىنىن ارتتىرۋ.
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدەگى ءۇش ۇلكەن قامال الۋ شايقاسىن ويداعىداي مىقتى يگەرۋ.
2018 - جىلعى ۇكىمەت قىزمەتى تۋرالى ۇسىنىستار
قامداۋ جاعىنداعى قۇرىلىمدىق رەفورما ىشكەرىلەي ىلگەرىلەتىلەدى
جاساۋ كاسىبى وركەندەگەن قۋاتتى ەل قۇرۋ تەزدەتىلەدى.
ءونىمسىز قامداۋ ۇزدىكسىز قالدىرىلادى. بيىل تاعى دا 30 ميلليون توننا شاماسىندا بولات - تەمىر ءوندىرىس قۋاتى ەكشەلەدى، 150 ميلليون توننا شاماسىندا كومىر ءوندىرىس قۋاتى قىسقارتىلادى، 300 مىڭ كيلوۆاتتان تومەن ولشەمگە جەتپەگەن كومىر - ەلەكتر اگراگاتتارى قاتاردان قالدىرىلادى نەمەسە توقتاتىلادى.
اكىمشىلىكتى ىقشامداپ، ۇقىقتى تومەنگە بەرۋ، باسقارۋ مەن تومەنگە بەرۋدى ۇشتاستىرۋ، قىزمەت كورسەتۋدى جاقسارتۋ رەفورماسى تەرەڭدەتىلەدى.
كاسىپورىنداردىڭ باجى اۋىرتپالىعى اناعۇرلىم جەڭىلدەتىلەدى. تۇتاس جىلدا كاسىپورىندار مەن جەكەلەر ءۇشىن تاعى دا 800 ميلليارد يۋاننىڭ ۇستىندە باجى كەمەيتىلەدى.
كاسىپورىنداردىڭ باجىعا جاتپايتىن اۋىرتپالىعى بارىنشا جەڭىلدەتىلەدى. تۇتاس جىلدا بازار سۋبيەكتتەرىنىڭ باجىعا جاتپايتىن اۋىرتپالىعى 300 ميلليارد يۋاننىڭ ۇستىندە جەڭىلدەتىلەدى.
جاڭاشىل ەل قۇرۋ جەدەلدەتىلەدى
مەملەكەتتىڭ جاڭالىق اشۋ جۇيەسى قۇرىلىسى كۇشەيتىلەدى.
جاڭالىق اشۋعا شابىتتاندىرۋ ساياساتى تياناقتاندىرىلادى جانە كەمەلدەندىرىلەدى.
كوپ بولىپ شارۋاشىلىق قۇرىپ، جالپى جۇمىلىپ جاڭالىق اشۋ ورەسى جوعارىلاتىلادى.
نەگىزدىك ءتۇيىندى سالالارداعى رەفورما تەرەڭدەتىلەدى
مەملەكەت مەنشىگىندەگى مال - مۇلىك جانە مەملەكەت مەنشىگىندەگى كاسىپورىن رەفورماسى ىلگەرىلەتىلەدى.
حالىق باسقارۋىنداعى كاسىپورىنداردىڭ دامۋىنا قولداۋ كورسەتىلەدى.
مال - مۇلىك ۇقىعى ءتۇزىمى جانە فاكتورلاردى بازارلاندىرۋ جولىمەن جايعاستىرۋ مەحانيزمى كەمەلدەندىرىلەدى.
قازىنا - باجى ءتۇزىلىسى رەفورماسى تەرەڭدەتىلەدى.
فينانس ءتۇزىلىسى رەفورماسى جەدەلدەتىلەدى.
قوعامدىق ءتۇزىلىس رەفورماسى ىلگەرىلەتىلەدى.
ەكولوگيالىق وركەنيەت ءتۇزىلىسى اقاۋسىزداندىرىلادى.
قامال الۋدىڭ 3 ءىرى شايقاسى باتىل ويداعىداي جۇرگىزىلەدى
ءىرى حاۋىپ - قاتەردەن ساقتانۋدى جانە ونى جويۋدى ىلگەرىلەتۋدە ەلەۋلى ىلگەرىلەۋ بولادى. بيىل جەرگىلىكتى ارناۋلى زايوم ءۇشىن ءبىر تريلليون 350 ميلليارد يۋان ورنالاستىرىلادى، بۇل بىلتىرعىدان 550 ميلليارد يۋان ارتىق، مۇندا سالىنىپ جاتقان قۇرىلىستاردىڭ ورنىقتى جۇرگىزىلۋىنە الدىمەن قولداۋ كورسەتىلىپ، ارناۋلى زايومداردىڭ قولدانىلۋ كولەمى لايىقتى كەڭەيتىلەدى. ەلىمىزدىڭ ەكونوميكاسى نەگىزىنەن جاقسى، ساياساتتىق قۇرالى كوپ، جۇيەلىك حاۋىپ - قاتەردىڭ تۋىلماۋىنىڭ تومەنگى شەگىن ساقتاۋعا قارىمى قاپتال جەتەدى.
كەدەيلىكتەن شىن مانىندە ارىلتۋ سەرپىنى ارتتىرىلادى. بيىل اۋىل - قىستاقتارداعى كەدەيلەردەن تاعى دا 10 ميلليوننان استام ادام كەدەيلىكتەن ارىلادى، 2 ميلليون 800 مىڭ ادام وزگە جەرگە كوشىرىپ سۇيەمەلدەۋ بويىنشا كوشىرىلەدى.
لاستانۋدىڭ الدىن الۋدى جانە ونى جونگە سالۋدى ىلگەرىلەتۋدە ءتىپتى دە زور تابىسقا قول جەتكىزىلەدى. كوك اسپاندى قورعاۋ كۇرەسىنىڭ تابىستارى بەكەمدەلەدى، مۇندا بيىل كۇكىرت قوس توتىعىنىڭ، ازوتتى اممياكتىڭ شىعارىلۋ مولشەرى ％3 تومەندەتىلەدى، ءتۇيىندى رايونداردا شاڭ - توزاڭنىڭ (5. PM2 ) قويۋلىعى ۇزدىكسىز تومەندەتىلەدى. حيميالىق وتتەگى قاجەتسىنۋ مولشەرى، ازوتتى اممياك شىعارۋ مولشەرى ％2 تومەندەتىلەدى. 100 ميلليون مۋ جەرگە ورمان وتىرعىزۋ ورىندالادى، ەگىستىك جەردى الما - كەزەك ەگىپ تىڭايتۋ سىناق تۇيىندەرىنىڭ كولەمى 30 ميلليون مۋعا ارتتىرىلادى.
اۋىل - قىستاقتى كوركەيتۋ ستراتەگياسى زور كۇشپەن اتقارىلادى
اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسى ىلگەرىلەتىلەدى. 80 ميلليون مۋدان استام جوعارى ولشەمدى ەگىس اتىزى، سۋ ۇنەمدەلۋ ونىمدىلىگى جوعارى 20 ميلليون مۋ سۋارمالى اتىز تىڭنان ارتتىرىلادى.
اۋىل - قىستاق رەفورماسى جاپپاي تەرەڭدەتىلەدى.
اۋىل - قىستاقتىڭ ءتۇرلى ىستەرىنىڭ جاپپاي دامۋى ىلگەرىلەتىلەدى. سۋمەن، ەلەكترمەن قامداۋ، ينفورماتسيا قاتارلى نەگىزدىك قۇرىلعىلار جاقسارتىلىپ، اۋىل - قىستاقتاردا 200 مىڭ كيلومەتر تاس جول جاڭادان جاسالادى نەمەسە جاڭالانادى.
وڭىرلەردى سايكەستى دامىتۋ ستراتەگياسى تىڭعىلىقتى ىلگەرىلەتىلەدى
وڭىرلىك دامۋدىڭ جاڭا جۇلگەسى قالىپتاستىرىلادى.
جاڭاشا قالا - قالاشىقتانۋ ساپاسى جوعارىلاتىلادى. بيىل تاعى دا 13 ميلليون ادام قالاعا كىرىپ قونىستانادى، اۋىل شارۋاشىلىعىنان ويىسقانداردى قالا تۇرعىنىنا اينالدىرۋ جەدەلدەتىلەدى.
تۇتىنۋدى بەلسەنە ۇلعايتۋ جانە ۇتىمدى قارجى قوسۋ جەبەلەدى
تۇتىنۋدىڭ ەكونوميكانىڭ دامۋىندا اتقاراتىن نەگىزدىك رولى كۇشەيتىلەدى. جاڭا ەنەرگيالى اۆتوكولىك ساتىپ الۋ باجىسى جاعىندا جەڭىلدىك جاساۋ ساياساتى تاعى 3 جىل ۇزارتىلادى، كونەتوز اۆتوكولىكتى سىرت وڭىردەن ەنگىزۋ شەكتەمەسى جاپپاي كۇشىنەن قالدىرىلادى.
قارجى قوسۋدىڭ قامداۋ جاعىنداعى قۇرىلىمىن ساپالىلاندىرۋدا اتقاراتىن شەشۋشى رولى ساۋلەلەندىرىلەدى. بيىل تەمىر جولعا 732 ميلليارد يۋان، تاس جول مەن سۋ تاسىمالىنا ءبىر تريلليون 800 ميلليارد يۋان اينالاسىندا قارجى قوسىلادى، سۋ يگىلىگىندە سالىنىپ جاتقان قۇرىلىسقا قارجى قوسۋ كولەمى ءبىر تريلليون يۋانعا جەتەدى. ورتالىقتىڭ مەجە ەسەبى كولەمىندە ورنالاستىرىلعان قارجى 537 ميلليارد 600 ميلليون يۋان بولىپ، بىلتىرعىدان 30 ميلليارد يۋان ارتتى.
جاپپاي ەسىك اشۋ جاڭا جاعدايىنىڭ قالىپتاسۋى ىلگەرىلەتىلەدى
«ءبىر بەلدەۋ، ءبىر جول» حالىقارالىق ىنتىماقتاستىق ىلگەرىلەتىلەدى.
شەتەل ساۋداگەرلەرىنىڭ قارجى قوسۋىنىڭ ورنىقتى ارتۋى جەبەلەدى.
سىرتقى ساۋدانىڭ ورنىقتىلىق بارىسىندا وڭالۋ ارىنى ساقتالادى.
ساۋدا مەن قارجى قوسۋدىڭ ەركىندىگى، قولايلىلانۋى جەبەلەدى.
حالىق جۇرتشىلىعىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلاتىلادى
جۇمىستانۋدى، شارۋاشىلىق قۇرۋدى جەبەۋگە كۇش سالىنادى.
تۇرعىنداردىڭ كىرىس دەڭگەيى ورنىقتى جوعارىلاتىلادى.
ءادىل دە ساپالى وقۋ - اعارتۋ دامىتىلادى.
حالقى ساۋ - سالامات جۇڭگو ستراتەگياسى اتقارىلادى. تۇرعىنداردىڭ نەگىزگى ەمدەلۋ قامسىزداندىرۋ بويىنشا جان باسىنا قازىنادان قوسىلاتىن قوسىمشا كومەك قاراجات ولشەمى تاعى دا 40 يۋان ارتىپ، ونىڭ تەڭ جارتىسى سالماقتى اۋرۋلارعا جۇمسالادى.
جۇرتشىلىقتىڭ تۇرعىن ءۇي ماسەلەسى ءتىپتى دە ويداعىداي شەشىلەدى. لاشىق ۇيلەردى جاڭالاۋدا قامال الۋدىڭ جاڭا 3 جىلدىق جوسپارى اتقارىلىپ، بيىل 5 ميلليون 800 مىڭ تۇرعىن ءۇي قۇرىلىسى باستالادى.
حالىق تۇرمىسىن جاپپاي قامتاماسىزداندىرۋ كۇشەيتىلەدى.
قوعامدى جونگە سالۋدا بىرگە قۇرىپ، بىرگە باسقارىپ، ورتاق يگىلىكتەنەتىن جاڭا جاعداي قالىپتاستىرىلادى.
حالىقتىڭ تاماشا تۇرمىسقا كەنەلۋ ارمان - تىلەگىن مول رۋحاني ازىقپەن قامدايدى.
ۇكىمەتتىڭ وزىندىك قۇرىلىسىن كۇشەيتىپ، ۇكىمەت فۋنكتسياسىندا بۇرىلىس جاساۋدى تەرەڭدەتەدى
بيلىكتى نەگىزگى زاڭ بويىنشا، اكىمشىلىكتى زاڭ بويىنشا جۇرگىزۋ جاپپاي ىلگەرىلەتىلەدى.
پارتيا ستيلى، پاكتىك قۇرىلىسى جاپپاي كۇشەيتىلەدى.
ۇكىمەتتىڭ قىزمەت ونىمدىلىگى جاپپاي جوعارىلاتىلادى.
ۇلت،ءدىن جانە مۇھاجىرلار قىزمەتى
ۇلتتىق تەرريتوريالىق اۆتونوميا تۇزىمىنە تاباندى بولىپ جانە ونى كەمەلدەندىرىپ، پارتيانىڭ ۇلت ساياساتى جاپپاي دايەكتىلەندىرىلەدى.
پارتيانىڭ ءدىن قىزمەتىنىڭ نەگىزگى باعىتىن جاپپاي دايەكتىلەندىرىپ، ەلىمىزدەگى دىندەردىڭ جۇڭگوشالانۋ بەتالىسىنا تاباندى بولۋ كەرەك.
مۇھاجىرلار قىزمەتى ساياساتىن مۇقيات تياناقتاندىرۋ كەرەك.
مەملەكەت قورعانىسى جانە ارميا قۇرىلىسى
ارميانى قۇدىرەتتەندىرۋدىڭ جۇڭگوشا جولىمەن جۇرۋدەن بۇلجىماي، اسكەردى ماشىقتاندىرىپ، سوعىسقا دايىندالۋ قىزمەتىن جاپپاي ىلگەرىلەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋىمىز كەرەك.
شياڭگاڭ، اۋمىن، تايۋان قىزمەتى
«ءبىر ەل، ەكى ءتۇزىم» باعىتىن ۇزدىكسىز جان - جاقتى، دۇرىس دايەكتىلەندىرىپ، جۇمىستى نەگىزگى زاڭ مەن ءتۇبىرلى زاڭ بويىنشا قاتاڭ ىستەۋىمىز كەرەك. تايۋان قىزمەتى جونىندەگى كەلەلى باعىت - ساياساتتاردى ۇزدىكسىز دايەكتىلەندىرىپ، وتاننىڭ بەيبىت جولمەن بىرلىككە كەلۋىن ىلگەرىلەتۋىمىز كەرەك.
قاي - قاشان دا بەيبىت دامۋ جولىمەن جۇرەمىز
(جۇڭگو ۇلتتار ءتىل اۋدارما مەكەمەسى اۋدارعان)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
