بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى جابىلدى

شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى،  ۋاڭ ياڭ ءسوز سويلەدى

2018.03.16 16:18     كەلۋ قاينارى : حالىق تورابى


  شينحۋا اگەنتتىگى، 15 – ناۋرىز، بەيجيڭ. جۇڭگو حالىق ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى كەڭەستىك تارتىپتەرىن تابىسپەن ورىنداعاننان كەيىن، 15 – ناۋرىزدا حالىق سارايىندا جابىلدى. ءماجىلىس حالىق ساياسي كەڭەسىنىڭ ءار دارەجەلى ۇيىمدارىن، قاتىناسۋشى ورىنداردى جانە ساياسي كەڭەستىڭ بارلىق مۇشەلەرىن شي جينپيڭ جولداس ۇيىتقى بولعان ج ك پ ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، ءبىر نيەت، ءبىر تىلەكپەن جۇمىلىپ، تىڭعىلىقتى قىزمەت ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەسۋگە ۇندەدى.


  ءماجىلىستى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.


  شي جينپيڭ، لي كىچياڭ، جاڭ دىجياڭ، يۇي جىڭشىڭ، جاڭ گاۋلي، لي جانشۋ، ۋاڭ حۋنيڭ، جاۋ لىجي، حان جىڭ ءتوراعالار مىنبەسىنە جايعاستى.


  تۇستەن بۇرىن ساعات 9 دان 30 مينۋت وتكەندە جابىلۋ جينالىسى باستالدى. ۋاڭ ياڭ ساياسي كەڭەس مەملەكەتتىك 13 - كەزەكتى كوميتەتىنىڭ 1 - ماجىلىسىنە قاتىناسۋعا ءتيىستى مۇشە 2158 ادام، قاتىناسقانى 2142 ادام، بۇل بەلگىلەمەدەگى ادام سانىنا ۇيلەسەدى دەپ جاريالادى.


  ءماجىلىس ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ جۇڭگو حالىق ساياسي كەڭەسىنىڭ ۋستاۆىنا وزگەرىس ەنگىزۋ جوباسى جونىندەگى قاۋلىسىن، ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسى ۇسىنىس جوبالاردى تەكسەرۋ كوميتەتىنىڭ ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ ۇسىنىس جوبالارىن تەكسەرۋ جاعدايى جونىندەگى بايانداماسىن، ساياسي كەڭەس مەملەكەتتىك 13 - كەزەكتى كوميتەتى 1 - ءماجىلىسىنىڭ ساياسي قاۋلىسىن ماقۇلدادى.


  ۋاڭ ياڭ سوزىندە بىلاي دەدى: ساياسي كەڭەس مەملەكەتتىك 13 - كەزەكتى كوميتەتىنىڭ 1 - ءماجىلىسى بۇكىل ەلدەگى ءار ۇلت حالقى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن ج ك پ 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاعان ماڭىزدى ساتتە اشىلدى. ج ك پ ورتالىق كوميتەتىنىڭ ايرىقشا ءمان بەرۋىندە، قاتىستى جاقتاردىڭ زور كۇشپەن قولداۋىندا، بارلىق مۇشەلەردىڭ بىرگە قۇلشىنۋى ارقىلى ءتۇرلى كەڭەستىك تارتىپتەر تولىق تابىسپەن ورىندالدى.


  ۋاڭ ياڭ مىنالاردى اتاپ كورسەتتى: ءماجىلىس كەزىندە ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەت باسشىلارى ءماجىلىستىڭ اشىلۋ جينالىسىنا جانە جابىلۋ جينالىسىنا قاتىناسىپ، سالالىق گرۋپپالارعا بارىپ مەملەكەت ءىسىن مۇشەلەرمەن بىرگە اقىلداستى. مۇشەلەر وسكەلەڭ ساياسي جاۋاپكەرشىلىكپەن ۇكىمەت قىزمەتىنەن باياندامانى جانە باسقا دا باياندامالاردى ىشكەرىلەي تالقىلاپ، نەگىزگى زاڭعا وزگەرىس ەنگىزۋ جوباسىنىڭ العاشقى نۇسقاسىن جانە باقىلاۋ - تەكسەرۋ زاڭى جوباسىن، سونداي - اق مەملەكەتتىك كەڭەس قۇرىلىمدارىنا رەفورما جاساۋ جوباسىن تالقىلاپ، ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەتىنەن بايانداما، ساياسي كەڭەس ۋستاۆىنا وزگەرىس ەنگىزۋ جوباسىنىڭ العاشقى نۇسقاسى سياقتى حۇجاتتاردى مۇقيات قارادى، مىندەت اتقارىپ، اقىل - كەڭەس بەرۋدە مول تابىسقا جەتتى. بۇل دەموكراتيالى، ىنتىماقتى، شىندىققا تالپىنعان، ىسكەرلىككە ۇمتىلعان ءماجىلىس بولىپ، جۇڭگوشا سوتسياليستىك دەموكراتيانىڭ جالىندى ومىرشەڭدىگىن تولىق ايگىلەدى.


  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار