مەملەكەتتىك 13 - كەزەكتى حالىق قۇرىلتايىنىڭ 1 – ماجىلىسىندە مەملەكەتتىڭ جاڭا كەزەكتى باسشىلارى سايلانىپ شىقتى
شي جينپيڭ تولىق داۋىسپەن مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى بولىپ سايلاندى
لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىعى بولىپ سايلاندى ۋاڭ چيشان مەملەكەتتىڭ ورىنباسار ءتوراعاسى بولىپ سايلاندى جاڭا سايلانعان مەملەكەت باسشىلارى نەگىزگى زاڭ الدىندا سەرت بەردى
2018.03.18 16:49 كەلۋ قاينارى : حالىق تورابى
شينحۋا اگەنتتىگى، 17 – ناۋرىز، بەيجيڭ. مەملەكەتتىك 13 - كەزەكتى حالىق قۇرىلتايىنىڭ 1 – ءماجىلىسى 17 – ناۋرىز تۇستەن بۇرىن شي جينپيڭدى جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميەتىنىڭ ءتوراعالىعىنا سايلادى.
سايلاۋ ناتيجەسى جاريالانعاندا تۇتاس الاڭدا كۇركىرەگەن شاپالاق ءۇنى ۇزاققا دەيىن جالعاستى.
ماجىلىستە تاعى لي جانشۋ مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ كوميتەت باستىعى بولىپ سايلاندى، ۋاڭ چيشان جۇڭحۋا حالىق رەسپۋبليكاسىنىڭ ورىنباسار ءتوراعاسى بولىپ سايلاندى.
تۇستەن بۇرىن ساعات 9 دا مەملەكەتتىك 13 - كەزەكتى حالىق قۇرىلتايىنىڭ 1 – ءماجىلىسى حالىق سارايىندا بەسىنشى جالپى جيىنىن وتكىزدى.
شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جيىنعا قاتىناستى.
جيىنعا قاتىناسۋعا ءتيىستى ۋاكىل 2980 ادام، قاتىناسقاندار 2970 ادام، 10 ادام قاتىناسا المادى، قاتىناسقاندار سانى زاڭدا بەلگىلەنگەن ادام سانىنا ۇيلەسەدى. ء
ماجىلىستىڭ اتقارۋشى ءتوراعاسى، ءتوراعالار القاسىنىڭ تۇراقتى ءتوراعاسى ۋاڭ چىن جيىندى باسقاردى. جيىننىڭ اتقارۋشى ءتوراعالارى ۋاڭ دۇڭميڭ، شۇي چيلياڭ، جاڭ شۋان، لوۋ چينجيان، لو حۇينيڭ، جياڭ چاۋلياڭ ءتوراعالار مىنبەسىنىڭ اتقارۋشى ءتوراعالار قاتارىنان ورىن الدى.
جيىندا اۋەلى مەملەكەتتىك 13 - كەزەكتى حالىق قۇرىلتايى 1 – ءماجىلىسىنىڭ مەملەكەتتىك كەڭەستىڭ قۇرىلىم رەفورماسى جوباسى جونىندەگى قاۋلىسى داۋىسقا سالىپ ماقۇلداندى. جيىندا مەملەكەتتىك كەڭەستىڭ پارتيا ورتالىق كوميتەتىنىڭ شوعىرلى ءبىر تۇتاس باسشىلىعىندا تاباندى بولىپ، مۇقيات ۇيىمداستىرىپ، دەن قويا ورنالاستىرىپ، مەملەكەتتىك كەڭەستىڭ قۇرىلىم رەفورماسى مىندەتىن ورىنداۋعا كەپىلدىك ەتۋى تالاپ ەتىلدى.
جيىندا مەملەكەتتىك 13 - كەزەكتى حالىق قۇرىلتايى 1 – ءماجىلىسىنىڭ سايلاۋ جانە مىندەتكە تاعايىنداۋ ءادىسى داۋىسقا سالىپ ماقۇلداندى.
ساعات 9 دان 23 مينۋت وتكەندە سايلاۋ رەسمي باستالدى. بەلەت باقىلاۋشىلار اۋەلى الاڭعا ورنالاستىرىلعان 28 ەلەكتروندى بەلەت ساندىعىن، ەلەكتروندى سايلاۋ جۇيەسىن تەكسەردى. وسىدان سوڭ قىزمەتكەرلەر سايلاۋ بەلەتىن تاراتا باستادى. 4 ءتۇرلى رەڭدەگى سايلاۋ بەلەتى ءاربىر ۋاكىلدىڭ قولىنا تابىس ەتىلدى. سايلاۋ بەلەتىندەگى جازۋعا حانزۋ جازۋى مەن 7 از ۇلتتىڭ جازۋى قولدانىلدى.
وسىدان كەيىن ۋاكىلدەر بەلەت جازا باستادى. ءماجىلىستىڭ ارتقى رايونىنا قۇپيا بەلەت جازۋ ورنى ورنالاستىرىلعان.
سايلاۋ جانە مىندەتكە تاعايىنداۋ ادىسىنە ساي جۇڭحۋا حالىق رەسپۋبليكاسىنىڭ ءتوراعاسى، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى، مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ كوميتەت باستىعى، ورىنباسار كوميتەت باستىقتارى، باس حاتشىسى، جۇڭحۋا حالىق رەسپۋبليكاسىنىڭ ورىنباسار ءتوراعاسى تەڭ سان بويىنشا سايلاندى.
ساعات 9 دان 41 مينۋت وتكەندە باس بەلەت باقىلاۋشىلار، بەلەت باقىلاۋشىلار الدىمەن بەلەت تاستادى. وسىدان سوڭ ۋاكىلدەر بەلەت تاستاي باستادى. بەلەت تاستالىپ بولعان سوڭ باس بەلەت باقىلاۋشىلار تاراتىلعان بەلەت پەن جينالعان بەلەت جاعدايىن حابارلاندىردى، سايلاۋ كۇشكە يە بولدى.
قىزمەتكەرلەر بەلەت ەسەپتەۋ ناتيجەسىن جاريالادى.
بەلەت ەسەپتەۋ ناتيجەسىندە كورسەتىلۋىنشە، مەملەكەت ءتوراعاسىن، ورتالىق اسكەري ىستەر كوميتەتىنىڭ ءتوراعاسىن سايلاۋدا شي جينپيڭ 2970 داۋىستىڭ تولىق قۇپتاۋىنا يە بولعان، مۇنى كورىپ تۇتاس الاڭداعىلار شاپالاق سوعىپ قىزۋ قۇتتىتقادى.
باسقارۋشى: شي جينپيڭ جولداس جۇڭحۋا حالىق رەسپۋبليكاسىنىڭ ءتوراعالىعىنا سايلاندى، __ دەپ جاريالادى.
شي جينپيڭ ورنىنان تۇرىپ، ۋاكىلدەرگە ءيىلىپ قۇرمەت ءبىلدىردى. ۋاكىلدەر تۇتاستاي ورىندارىنان تۇرىپ، قىزۋ شاپالاق سوعىپ شي جينپيڭگە قۇرمەت ءبىلدىردى. قاسىندا تۇرعان لي كىچياڭ، جاڭ دىجياڭ شي جينپيڭمەن جەكە – جەكە قول الىسىپ ونى قۇتتىقتادى.
باسقارۋشى: شي جينپيڭ جولداس جۇڭحۋا حالىق رەسپۋبليكاسى ورتالىق اسكەري ىستەر كوميەتىنىڭ ءتوراعالىعىنا سايلاندى، __ دەپ جاريالاعاندا، تۇتاس الاڭدا تاعى دا شاتىرلاعان شاپالاق ءۇنى كوتەرىلدى، شي جينپيڭ تاعى دا ورنىنان تۇرىپ، ۋاكىلدەرگە ءيىلىپ قۇرمەت ءبىلدىردى.
وسىدان كەيىن باسقارۋشى رەتىمەن بىلاي دەپ جاريالادى:
لي جانشۋ جولداس مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ كوميتەت باستىعى بولىپ سايلاندى.
ۋاڭ چيشان جولداس جۇڭحۋا حالىق رەسپۋبليكاسىنىڭ ورىنباسار ءتوراعاسى بولىپ سايلاندى.
ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا جولداستار مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ ورىنباسار كوميتەت باستىقتارى بولىپ سايلاندى.
ياڭ جىن – ۋ جولداس مەملەكەتتىك 13 – كەزەكتى حالىق قۇرىلتايى تۇراقتى كوميتەتىنىڭ باس حاتشىسى بولىپ سايلاندى.
ءار رەتكى سايلاۋ ناتيجەسى جاريالانعان سايىن تۇتاس الداڭدا شاتىرلاعان شاپالاق ءۇنى كوتەرىلىپ تۇردى.
شاپالاق ءۇنى ىشىندە جاڭادان مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىعى بولىپ سايلانعان لي جانشۋ ورنىنان تۇرىپ، ۋاكىلدەرگە ءيىلىپ قۇرمەت ءبىلدىردى. وسىدان كەيىن ول شي جينپيڭگە قاراي ءجۇردى، ەكەۋى ىقىلاسپەن قول الىستى، شي جينپيڭ ونى قۇتتىقتادى. لي جانشۋ ەندىگىدە مەملەكەتتىك 12 – كەزەكتى حالىق قۇرىلتايى تۇراقتى كوميتەتىنىڭ كوميتەت باستىعى جاڭ دىجياڭمەن قول الىستى، ولار ءبىر – بىرىنە قۇرمەت ءبىلدىردى. جاڭ دىجياڭ دا شي جينپيڭمەن قول الىسىپ، راقىمەت ايتىپ، قۇرمەت ءبىلدىردى.
شاپالاق ءۇنى ىشىندە جاڭادان مەملەكەتتىڭ ورىنباسار ءتوراعاسى بولىپ سايلانعان ۋاڭ چيشان ۋاكىلدەرگە ءيىلىپ قۇرمەت ءبىلدىردى. شي جينپيڭ ونىمەن ىقىلاسپەن قول الىسىپ، قۇتتى بولسىن ايتتى.
مەملەكەتتىك 13 - كەزەكتى حالىق قۇرىلتايى 1 - ءماجىلىسى ءتوراعالار القاسىنىڭ نەگىزگى زاڭعا سەرت بەرۋ ۇيىمدىق ادىسىنە ساي، جالپى ءماجىلىستىڭ ءتۇرلى كۇن ءتارتىبى تولىق اياقتالعان سوڭ جۇڭحۋا حالىق رەسپۋبليكاسى مەملەكەتتىك 13 - كەزەكتى حالىق قۇرىلتايى 1 – ءماجىلىسىنىڭ نەگىزگى زاڭعا سەرت بەرۋ سالتى وتكىزىلدى.
ساعات 10 نان 49 مينۋت وتكەندە جۇڭگو حالىق ازاتتىق ارمياسىنىڭ وركەسترى ناق مايداندا سەرت بەرۋ سالتىنىڭ مۋزىكاسىن ورىندادى.
قۇرلىق، تەڭىز، اۋە ارميالارىنىڭ 12 قۇرمەت جاساعى 2 قاتارعا ءتىزىلىپ ءماجىلىستىڭ ارتقى جاعىنان مارىش قاداممەن ءتوراعالار مىنبەسىنىڭ الدىنا قاراي ءجۇردى.
تۇتاس الاڭداعىلار ورىندارىنان تۇردى. ءتوراعالار مىنبەسىندە 3 قۇرمەت جاساعى مارىش قاداممەن «جۇڭحۋا حالىق رەسپۋبليكاسىنىڭ نەگىزگى زاڭىن» الاڭعا الىپ كىردى ءارى نەگىزگى زاڭدى سەرت بەرۋ تەكشەسىنە قويدى.
اسكەري وركەستردىڭ سۇيەمەلدەۋىندە تۇتاس الاڭدا جۇڭحۋا حالىق رەسپۋبليكاسىنىڭ مەملەكەت ءانى اسقاق شىرقالدى.
وسىدان كەيىن قىزمەتكەر: قازىر جۇڭحۋا حالىق رەسپۋبليكاسىنىڭ ءتوراعاسى، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى شي جينپيڭ سەرت بەرەدى، __ دەپ جاريالادى.
ءتوراعا الاڭعا شىعادى دەگەن ۇندەۋگە ىلەسە جۇڭحۋا حالىق رەسپۋبليكاسىنىڭ ءتوراعاسى، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى بولىپ جاڭادان سايلانعان شي جينپيڭ ءتوراعالار مىنبەسىنەن قوزعالىپ سەرت بەرۋ تەكشەسىنە قاراي ايالداپ ءجۇردى.
ءتوراعالار مىنبەسىنىڭ ارتقى ساحناسىندا مەملەكەت گەربى اسقاقتاپ، نۇر شاعىلىستىرىپ تۇر. تۇتاس الاڭداعى مەملەكەتتىك حالىق قۇرىلتايىنىڭ 3000 ۋاكىلى وسى كيەلى ساتكە كۋاگەر بولدى.
شي جينپيڭ سول قولىمەن نەگىزگى زاڭدى ۇستاپ، وڭ قولىن كوتەرىپ، ايبىنمەن سەرت بەردى.
«مەن مىناداي سەرت بەرەمىن: جۇڭحۋا حالىق رەسپۋبليكاسىنىڭ نەگىزگى زاڭىنا ادال بولامىن، نەگىزگى زاڭنىڭ بەدەلىن قورعايمىن، نەگىزگى زاڭداعى بورىشىمدى وتەيمىن، وتانعا، حالىققا ادال بولامىن، بورىشىمدى ادا ەتىپ، ۇكىمەت ىسىندە پاك بولىپ، حالىقتىڭ باقىلاۋىن قابىلداپ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ جولىندا قۇلشىنا كۇرەسەمىن!»اسقاق بەرىلگەن سەرت ءۇنى حالىق سارايىن جاڭعىرىقتىردى.سەرت بەرۋ اياقتالعان سوڭ شي جينپيڭ تۇتاس الاڭداعىلارعا ءيىلىپ قۇرمەت ءبىلدىردى. تۇتاس الاڭدا كۇندەي كۇركىرەگەن شاپالاق ءۇنى ۇزاققا دەيىن تولاستامادى.
وسىدان كەيىن جاڭادان سايلانعان مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىعى لي جانشۋ، جاڭادان سايلانعان جۇڭحۋا حالىق رەسپۋبليكاسىنىڭ ورىنباسار ءتوراعاسى ۋاڭ چيشان جەكە – جەكە نەگىزگى زاڭعا سەرت بەردى، جاڭادان سايلانعان مەملەكەتتىك حالىق قۇرىلتايى تۇراقتى كوميتەتىنىڭ ورىنباسار كوميتەت باستىقتارى، باس حاتشىسى توپتىق سەرت بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
