جۇڭحۋا حالىق رەسپۋبليكاسىنىڭ نەگىزگى زاڭى
2018.03.22 16:38 كەلۋ قاينارى : حالىق تورابى
(1982 - جىلى 4 - جەلتوقساندا 5 - رەتكى مەملەكەتتىك حالىق قۇرىلتايى بەسىنشى ءماجىلىسى ماقۇلداعان، 1982 - جىلى 4 - جەلتوقساندا مەملەكەتتىك حالىق قۇرىلتايىنىڭ حابارلاندىرۋى اتقارۋعا جاريالاعان، 1988 - جىلى 12 - ساۋىردە 7 - كەزەكتى مەملەكەتتىك حالىق قۇرىلتايىنىڭ ءبىرىنشى ءماجىلىسى ماقۇلداعان «جۇڭحۋا حالىق رەسپۋبليكاسى نەگىزگى زاڭىنا وزگەرىس ەنگىزۋ جوباسىنا»، 1993 - جىلى 29 - ناۋرىزدا 8 - كەزەكتى مەملەكەتتىك حالىق قۇرىلتايىنىڭ ءبىرىنشى ءماجىلىسى ماقۇلداعان «جۇڭحۋا حالىق رەسپۋبليكاسى نەگىزگى زاڭىنا وزگەرىس ەنگىزۋ جوباسىنا»، 1999 - جىلى 15 - ناۋرىزدا 9 - كەزەكتى مەملەكەتتىك حالىق قۇرىلتايىنىڭ ەكىنشى ءماجىلىسى ماقۇلداعان «جۇڭحۋا حالىق رەسپۋبليكاسى نەگىزگى زاڭىنا وزگەرىس ەنگىزۋ جوباسىنا»، 2004 - جىلى 14 - ناۋرىزدا 10 - كەزەكتى مەملەكەتتىك حالىق قۇرىلتايىنىڭ ەكىنشى ءماجىلىسى ماقۇلداعان «جۇڭحۋا حالىق رەسپۋبليكاسى نەگىزگى زاڭىنا وزگەرىس ەنگىزۋ جوباسىنا» جانە 2018 - جىلى 11 - ناۋرىزدا 13 - كەزەكتى مەملەكەتتىك حالىق قۇرىلتايىنىڭ ءبىرىنشى ءماجىلىسى ماقۇلداعان «جۇڭحۋا حالىق رەسپۋبليكاسى نەگىزگى زاڭىنا وزگەرىس ەنگىزۋ جوباسىنا» ساي وزگەرىس ەنگىزىلدى)
مازمۇنى
العى ءسوز
ءبىرىنشى تاراۋ جالپى پروگرامما
ەكىنشى تاراۋ ازاماتتاردىڭ نەگىزگى ۇقىقتارى مەن بورىشتارى
ءۇشىنشى تاراۋ مەملەكەت قۇرىلىمى
ءبىرىنشى تاراۋشا مەملەكەتتىك حالىق قۇرىلتايى
ەكىنشى تاراۋشا جۇڭحۋا حالىق رەسپۋبليكاسىنىڭ ءتوراعاسى
ءۇشىنشى تاراۋشا مەملەكەتتىك كەڭەس
ءتورتىنشى تاراۋشا ورتالىق اسكەري ىستەر كوميتەتى
بەسىنشى تاراۋشا جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرى
التىنشى تاراۋشا ۇلتتىق اۆتونوميالى جەرلەردىڭ اۆتونوميا ورگاندارى
جەتىنشى تاراۋشا باقىلاۋ كوميتەتى
سەگىزىنشى تاراۋشا حالىق سوت مەكەمەلەرى جانە حالىق پروكۋراتۋراسى
ءتورتىنشى تاراۋ مەملەكەت تۋى، مەملەكەت ءانى، ملەكەت بەلگىسى، استانا
العى ءسوز
جۇڭگو __ دۇنيە جۇزىندەگى تاريحى ەڭ ۇزاق ەلدەردىڭ ءبىرى. جۇڭگونىڭ داڭقتى توڭكەرىستىك داستۇرگە يە شۇعىلالى مادەنيەتىن ءار ۇلت حالقى بىرگە جاراتقان.
1840 - جىلدان سوڭ فەودالدىق جۇڭگو بىرتە - بىرتە جارتىلاي وتار، جارتىلاي فەودالدىق مەملەكەتكە اينالدى. جۇڭگو حالقى ەلىنىڭ تاۋەلسىزدىگى، ۇلتىنىڭ ازاتتىعى، دەموكراتيا جانە بوستاندىق جولىندا الدىڭعىلارى جىعىلسا، ارتقىلارى ءىزىن باسىپ، ەرلىكپەن كۇرەس جۇرگىزدى.
20 - عاسىردا جۇڭگودا دۇنيەنى ءدۇر سىلكىنتكەن ۇلى تاريحي وزگەرىس بولدى.
1911 - جىلى سۇن جۇڭشان مىرزا باسشىلىق ەتكەن شينحاي توڭكەرىسى فەودالدىق يمپەريالىق ءتۇزىمدى جويىپ، جۇڭحۋا مينگونى قۇردى. ءبىراق، جۇڭگو حالقىنىڭ يمپەرياليزمگە، فەوداليزمگە قارسى تاريحي مىندەتى ونىمەن اياقتالمادى.
ءتوراعا ماۋ زىدۇڭدى كوسەم ەتكەن جۇڭگو كوممۋنيستىك پارتياسى جۇڭگونىڭ ءار ۇلت حالقىن باستاپ، ۇزاق ۋاقىتتىق جاپالى دا كۇردەلى قارۋلى كۇرەس پەن باسقا فورماداعى كۇرەستەر ارقىلى 1949 - جىلى يمپەرياليزمنىڭ، فەوداليزمنىڭ جانە بيۋروكرات كاپيتاليزمنىڭ ۇستەمدىگىن اقىرى اۋدارىپ، جاڭا دەموكراتيالىق توڭكەرىستىڭ ۇلى جەڭىسىنە قول جەتكىزىپ، جۇڭحۋا حالىق رەسپۋبليكاسىن قۇردى. جۇڭگو حالقى وسىدان تارتىپ مەملەكەت بيلىگىن قولىنا الىپ، مەملەكەتتىڭ قوجاسى بولدى.
جۇڭحۋا حالىق رەسپۋبليكاسى قۇرىلعاننان كەيىن ەلىمىزدىڭ قوعامى جاڭا دەموكراتيزمنەن بىرتىندەپ سوتسياليزمگە ءوتتى. ءوندىرىس قۇرال - جابدىقتارىنا بولعان جەكە مەنشىككە سوتسياليستىك وزگەرىس جاساۋ ءىسى ورىندالدى، ادامدى ادام قانايتىن ءتۇزىم جويىلدى، سوتسياليستىك ءتۇزىم ورنادى. جۇمىسشى تابى باسشىلىعىنداعى، جۇمىسشى - ديقان وداعىن نەگىز ەتكەن حالىق دەموكراتياسى ديكتاتۋراسى، ءمانى جاعىنان پرولەتاريات ديكتاتۋراسى نىعايدى جانە دامىدى. جۇڭگو حالقى جانە جۇڭگو حالىق ازاتتىق ارمياسى يمپەرياليستەردىڭ، زورەكەرلەردىڭ شاپقىنشىلىعىن، بۇلدىرۋشىلىگىن جانە قارۋلى ارانداتۋشىلىعىن جەڭدى، مەملەكەتتىڭ تاۋەلسىزدىگى مەن حاۋىپسىزدىگىن قورعادى، مەملەكەت قورعانىسىن كۇشەيتتى. ەكونوميكالىق قۇرىلىس ىستەرىندە كەسەك تابىستارعا قول جەتتى، دەربەس، ءبىرشاما كەمەلدى سوتسياليستىك ونەركاسىپ جۇيەسى نەگىزىنەن قالىپتاستى، اۋىل شارۋاشىلىق ءوندىرىسى كورنەكتى تۇردە ارتتى. وقۋ - اعارتۋ، عىلىم، مادەنيەت ىستەرىندە اسا زور دامۋلار بولدى، سوتسياليستىك يدەيالىق تاربيەدە كورنەكتى تابىستارعا قول جەتتى. قالىڭ حالىقتىڭ تۇرمىسى نەداۋىر جاقساردى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
