بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 1 – رەتكى ءماجىلىسىن باسقارىپ اشقاندا مىنانى دارىپتەدى

پارتيانىڭ رەفورمانى جاپپاي ىشكەرىلەي جۇرگىزۋگە ءبىر تۇتاس باسشىلىعىن كۇشەيتىپ جانە جاقسارتىپ، رەفورما قىزمەتىن قۇرىلىم رەفورماسىن ىشكەرىلەي جۇرگىزۋمەن تىعىز بىرلەستىرىپ ىلگەرىلەتۋ كەرەك

لي كىچياڭ، ۋاڭ حۋنيڭ، حان جىڭ ماجىلىسكە قاتىناستى

2018.03.29 16:37     كەلۋ قاينارى : حالىق تورابى

  شينحۋا اگەنتتىگى، 28 – ناۋرىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ باستىعى شي جينپيڭ 28 – ناۋرىز تۇستەن كەيىن ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 1 – رەتكى ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنانى دارىپتەدى: پارتيا مەن مەملەكەت قۇرىلىمدارى رەفورماسىن ىشكەرىلەي جۇرگىزۋ باستالدى، بۇل رەفورمانى جاپپاي ىشكەرىلەي جۇرگىزۋدىڭ جاڭا كەزەڭگە وتكەنىنەن دەرەك بەرەدى، رەفورما تەرەڭ قاتپارداعى مۇددە ارناسىنىڭ رەتتەلۋى مەن تۇزىمدىك جۇيەنىڭ وزگەرىسىنە اناعۇرلىم تۇرتكى بولادى، رەفورمانىڭ كۇردەلىلىگى، سەزىمتالدىعى، ماشاقاتتىلىعى اناعۇرلىم كورنەكتىلەنەدى، پارتيانىڭ رەفورمانى جاپپاي ىشكەرىلەي جۇرگىزۋگە ءبىر تۇتاس باسشىلىعىن كۇشەيتىپ جانە جاقسارتىپ، رەفورما قىزمەتىن قۇرىلىم رەفورماسىن ىشكەرىلەي جۇرگىزۋمەن تىعىز بىرلەستىرىپ ىلگەرىلەتۋ كەرەك.

  ورتالىق رەفورمانى جاپپاي ىشكەرىلەي جۇرگىزۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

  ءماجىلىس «ورتالىقتىڭ رەفورمانى جاپپاي ىشكەرىلەي جۇرگىزۋ كوميتەتىنىڭ قىزمەت ەرەجەسىن»، «ورتالىقتىڭ رەفورمانى جاپپاي ىشكەرىلەي جۇرگىزۋ كوميتەتى ارناۋلى گرۋپپالارىنىڭ قىزمەت ەرەجەسىن»، «ورتالىقتىڭ رەفورمانى جاپپاي ىشكەرىلەي جۇرگىزۋ كوميتەتى كەڭسەسىنىڭ ەگجەي - تەگجەيلى قىزمەت ەرەجەسىن» قاراپ ماقۇلدادى.

  ءماجىلىس «ءتارتىپ تەكسەرۋ، باقىلاۋ – تەكسەرۋ ءتۇزىلىسى رەفورماسىن جانە ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ – تەكسەرۋ كوميتەتىنىڭ قۇرىلىم رەفورماسىن ىشكەرىلەي جۇرگىزۋ جاعدايى جونىندەگى باياندامانى»، «ورتالىقتىڭ ەكولوگيالىق ورتانى قورعاۋدى باقىلاۋ – تەكسەرۋىنىڭ ءبىرىنشى كەزەگىن قورىتىندىلاۋ جانە كەلەسى قادامداعى قىزمەتتى ويلاستىرۋ جونىندەگى باياندامانى» قارادى.

  ءماجىلىس «تەكسەرىپ – بەكىتۋدى، قىزمەت وتەۋدى حالىققا اناعۇرلىم قولايلى ەتۋ جونىندەگى جەتەكشى پىكىردى»، «شاڭحاي فينانستىق سوت مەكەمەسىن قۇرۋ جونىندەگى جوبانى»، «حالىقارالىق ماكرولىق ەكونوميكالىق ساياساتتاردى سايكەستىرۋگە قاتىناسۋ مەحانيزمىن قالىپتاستىرىپ، حالىقارالىق ەكونوميكانى جونگە سالۋ قۇرىلىمىن كەمەلدەندىرۋدى ىلگەرىلەتۋ جونىندەگى پىكىردى»، «جۇڭگو (گۋاڭدۇڭ) ەركىن ساۋدا سىناق رايونى رەفورماسىن جۇرگىزۋدى، قاقپا اشۋدى اناعۇرلىم ىشكەرىلەي جۇرگىزۋ جوباسىن»، «جۇڭگو (تيانجين) ەركىن ساۋدا سىناق رايونى رەفورماسىن جۇرگىزۋدى، قاقپا اشۋدى اناعۇرلىم ىشكەرىلەي جۇرگىزۋ جوباسىن»، «جۇڭگو (فۋجيان) ەركىن ساۋدا سىناق رايونى رەفورماسىن جۇرگىزۋدى، قاقپا اشۋدى اناعۇرلىم ىشكەرىلەي جۇرگىزۋ جوباسىن»، «فينانس قۇرىلىمدارىنىڭ مال – مۇلىك باسقارۋ كاسىپتەرىن ارناعا ءتۇسىرۋ جونىندەگى جەتەكشى پىكىردى»، «فينانستىق ەمەس كاسىپورىنداردىڭ فينانس قۇرىلىمدارىنا قارجى قوسۋىن باقىلاۋ – باسقارۋدى كۇشەيتۋ جونىندەگى جەتەكشى پىكىردى»، «مەملەكەت مەنشىگىندەگى كاسىپورىنداردىڭ ەڭبەكاقى بەلگىلەۋ مەحانيزمىنە رەفورما جۇرگىزۋ جونىندەگى پىكىردى»، «قوعام حاۋىپسىزدىگى ورگاندارىنىڭ زاڭ اتقارۋ، مىندەت وتەۋ قىزمەتىندەگى ساقشىلاردىڭ لاۋازىمدىق رەت تارتىبىنە رەفورما جۇرگىزۋ جوباسىن (سىناق رەتىندە اتقارىلادى)، «نىسان باعالاۋ – تەكسەرۋ، دارىندىلاردى باعالاۋ، قۇرىلىمداردى باعالاۋ رەفورماسىن ىشكەرىلەي جۇرگىزۋ جونىندەگى پىكىرلەردى»، «عىلمي زەرتتەۋدەگى ادالدىق قۇرىلىسىن اناعۇرلىم كۇشەيتۋ جونىندەگى پىكىرلەردى»، «ۇكىمەتتىك شيپاحانالارداعى پارتيا قۇرىلىسى قىزمەتىن كۇشەيتۋ جونىندەگى پىكىردى»، «حالىق جاراستىرۋشىلار قوسىنى قۇرىلىسىن كۇشەيتۋ جونىندەگى پىكىردى» قاراپ ماقۇلدادى.

  ءماجىلىس مىنالاردى اتاپ كورسەتتى: ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتى ورگانىنىڭ ىشكى قۇرىلىمدار رەفورماسىن ىشكەرىلەي جۇرگىزۋ __ مەملەكەتتىڭ باقىلاۋ – تەكسەرۋ ءتۇزىلىسى رەفورماسىن ىشكەرىلەي جۇرگىزۋدى دايەكتىلەندىرۋ، تياناقتاندىرۋ جونىندەگى ناقتى شارا. ساپالىلاندىرۋدا، سايكەستىرۋدە، ءونىمدى بولۋدا تاباندى بولىپ، قۇرىلىمداردىڭ، فۋنكتسيالاردىڭ، قىزمەتكەرلەردىڭ، جاپپاي توعىسۋىن ىلگەرىلەتىپ، پارتيا ءبىر تۇتاس باسشىلىق ەتەتىن، جاپپاي قامتيتىن، مەملەكەتتىك باقىلاۋ – تەكسەرۋدىڭ بەدەلدى، ءونىمدى جۇيەسىن ورناتۋ كەرەك. وزىندىك باقىلاۋدى كۇشەيتىپ، ىشكى جاقتا ءوزارا تەجەيتىن مەحانيزم قالىپتاستىرىپ، بيلىكتى ءتۇزىم شەڭبەرىندە مەڭگەرۋ كەرەك.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار