لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2018.03.29 16:39 كەلۋ قاينارى : حالىق تورابى
شينحۋا اگەنتتىگى، 28 – ناۋرىز، بەيجيڭ. مەملەكەتتىك كەڭەستىڭ زۇڭليى لي كىچياڭ 28 - ناۋرىزدا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە ارتقان قۇن باجىسى رەفورماسىن ىشكەرىلەي جۇرگىزۋ شارالارى تۇراقتاندىرىلىپ، بازار تۇلعاسىنىڭ باجى اۋىرتپالىعىن اناعۇرلىم جەڭىلدەتۋ بەلگىلەندى؛ مەملەكەتتىڭ قارجى قۇراۋ كەپىلدىك قورىن ورناتۋ ۇيعارىلىپ، شاعىن، ۇساق كاسىپورىنداردىڭ، اۋىل شارۋاشىلىعى، اۋىل – قىستاق، شارۋالار جۇيەسىنىڭ قارجى قۇراۋ قيىن بولۋ ماسەلەسى باسەڭدەتىلەتىن بولدى؛ مەملەكەتتىك كەڭەس قۇرىلىم رەفورماسىنىڭ اياق الىسى جونىندەگى مالىمەت تىڭدالىپ، قۇرىلىمدى قايتا ورنالاستىرۋ، فۋنكتسيانى رەتتەۋ ىستەرىنىڭ ۋاعىندا تياناقتانۋىنا كەپىلدىك ەتىلدى؛ «مەملەكەتتىك كەڭەستىڭ قىزمەت ەرەجەسى (تۇزەتۋ ەنگىزۋ جوباسى)» تالقىلانىپ ماقۇلداندى.
ماجىلىستە بىلاي دەلىندى: وتكەن 5 جىلدا تيجارات باجىسىن ارتقان قۇن باجىسىنا وزگەرتۋ رەفورماسى ارقىلى جالپى 2 تريلليون 100 ميلليارد يۋان باجى كەمەيتىلدى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارى بويىنشا باجى ءتۇزىمى اناعۇرلىم كەمەلدەندىرىلىپ، جاساۋ كاسىبى، شاعىن، ۇساق كاسىپورىندار سياقتى ناقتى ەكونوميكانىڭ دامۋىنا قولداۋ كورسەتىلىپ، بازار تۇلعاسىنىڭ اۋىرتپالىعى ءۇرتىس جەڭىلدەتىلدى، ماجىلىستە مىنالار ۇيعارىلدى، 2018 – جىلى 1 – مامىردان باستاپ بىرىنشىدەن، جاساۋ كاسىبى سياقتى كاسىپتەردىڭ ارتقان قۇن باجىسىنىڭ باجى شاماسى ٪17 تەن ٪16 كە تۇسىرىلەدى، قاتىناس – تاسىمال، قۇرىلىس، نەگىزدىك تەلەگراف قىزمەت وتەۋى سياقتى كاسىپتەردە جانە اۋىل شارۋاشىلىق ونىمدەرى سياقتى زاتتاردا ارتقان قۇن باجىسىنىڭ باجى شاماسى ٪11 تەن ٪10 كە تۇسىرىلەدى، وسىلاي بولعاندا مەجەمەن تۇتاس جىلدا 240 ميلليارد يۋان باجى ازايادى. ەكىنشىدەن، ارتقان قۇن باجىسىنىڭ شاعىن كولەم ىشىندەگى باجى تاپسىرۋشىلارىنىڭ ولشەمى بىرلىككە كەلتىرىلەدى. ونەركاسىپ كاسىپورىندارى مەن ساۋدا كاسىپورىندارىنىڭ شاعىن كولەم ىشىندەگى باجى تاپسىرۋشىلارىنىڭ جىلدىق ساتۋ سوماسى ولشەمى 500 مىڭ يۋان مەن 800 مىڭ يۋاننان 5 ميلليون يۋانعا جوعارىلاتىلادى ءارى بەلگىلى ۋاقىت شەگىندە بۇرىن ادەتتەگى باجى تاپسىرۋشى دەپ تىزىمدەلگەن كاسىپورىنداردىڭ شاعىن كولەمدە باجى تاپسىرۋشى دەپ وزگەرتىپ تىزىمگە الىنۋىنا رۇقسات ەتىلىپ، ءتىپتى دە كوپ كاسىپورىن تيىمدىلىكتەن يگىلىكتەندىرىلەدى. ۇشىنشىدەن، جابدىقتاۋ، جاساۋ قاتارلى وزىق جاساۋ كاسىبىنە، زەرتتەپ تاپقىرلىق جاراتۋ قاتارلى وسىزامانعى قىزمەت وتەۋ كاسىبىنە ۇيلەسەتىن كاسپورىندار مەن ەلەكتر توراپ كاسپورىندارىنىڭ بەلگىلى مەرزىمدە باجىسى تارتىلىپ بولماعاندارىنىڭ باجى سوماسى ءبىر جولدا قايتارىلادى. جوعارىداعى ءۇش ءتۇرلى شارانى اتقارعاندا بۇكىل جىلدا بازار نەگىزگى تۇلعالارىنىڭ باجى اۋىرتپالىعى 400 ميلليارد يۋاننان استام جەڭىلدەتىلىپ، ەل ءىشى - سىرتى قارجىلاندىرعان كاسپورىنداردىڭ ءبارى ۇقساس دارەجەدە يگىلىككە كەنەلەدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
