شي جينپيڭ ناميبيانىڭ پرەزيدەنتى گەينگوبپەن كەڭەس وتكىزدى
ەكى ەل باسشىلارى جۇڭگو مەن ناميبيانىڭ جالپى بەتتىك ستراتەگيالىق ارىپتەستىك قاتىناسىن ورناتۋدى ءبىر اۋىزدان ۇيعاردى
2018.03.30 16:38 كەلۋ قاينارى : حالىق تورابى
«حالىق گازەتى»، 29 – ناۋرىز، بەيجيڭ (ءتىلشى لي ۋەيحۇڭ). مەملەكەت ءتوراعاسى شي جينپيڭ 29 - ناۋرىز تۇستەن كەيىن حالىق سارايىندا ناميبيانىڭ پرەزيدەنتى گەينگوبپەن كەڭەس وتكىزدى. ەكى ەل باسشىلارى جۇڭگو مەن ناميبيانىڭ جالپى بەتتىك ستراتەگيالىق ارىپتەستىك قاتىناسىن ورناتۋدى ءبىر اۋىزدان ۇيعاردى.
شي جينپيڭ بىلاي اتاپ كورسەتتى: جۇڭگو مەن ناميبيا ەلدەرىنىڭ، پارتيالارىنىڭ ءداستۇرلى دوستىعى تەرەڭگە تامىر تارتقان، يمپەرياليزمگە، وتارشىلدىققا قارسى كۇرەستە تىزە قوسا شايقاس جۇرگىزىپ، مەملەكەت قۇرىلىسىندا ءبىر – ءبىرىن قولداپ، دوستىق، سەلبەستىكتى ۇزدىكسىز بەكەمدەدى، بۇل ەكى جاقتىڭ ايرىقشا قاستەرلەۋىنە تاتيدى. قازىر جۇڭگونىڭ دا، ناميبيانىڭ دا دامۋى تىڭ ساتىعا قادام تاستادى، دامۋ ستراتەگياسى ءوزارا ۇيلەسەدى، بيلىك جۇرگىزۋ ۇستانىمىندا دا كوپتەگەن ۇقساستىق بار، ەكونوميكالىق سەلبەستىك باسىمدىعىمەن دە ءبىر – ءبىرىن تولىقتايدى. جان – جاقتى دوس رەتىندە جۇڭگو ناميبيامەن بىرگە قۇلشىنىپ، جۇڭگو مەن ناميبيا قاتىناسىنىڭ ورنىقتى، بەلسەندى دامۋىن ۇزدىكسىز ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
شي جينپيڭ مىنالاردى دارىپتەدى: جۇڭگو مەن ناميبيا جالپى بەتتىك ستراتەگيالىق ارىپتەستىك قاتىناستىڭ جاڭا باستاماسىندا تۇرىپ، جوعارى جىكتەگىلەردىڭ بارىس – كەلىسىن جانە ءار دارەجەلىلەردىڭ دوستىق قارىم – قاتىناسى مەن سەلبەستىگىن كۇشەيتىپ، ساياسي سەنىمدىلىكتى ۇزدىكسىز نىعايتىپ، ءبىر – ءبىرىنىڭ وزەكتى مۇددەسىنە جانە باسا نازار اۋدارىپ وتىرعان ىستەرىنە ساياتىن كەلەلى ماسەلەلەردە ءبىر – ءبىرىن قولداۋ كەرەك. الدىمەن ويلاستىرىلاتىن سالالار مەن ءتۇيىندى نىسانداردى مىقتى يگەرىپ، ءوز ابزالدىعىنا ۇشتاستىرىپ، كومەسكى مۇمكىندىكتى اشىپ، ەكى ەلدىڭ ءوزارا تيىمدىلىك جەتكىزەتىن، تەڭ يگىلىككە كەنەلەتىن سەلبەستىگىن ۇزدىكسىز تەرەڭدەتۋ كەرەك. جۇڭگو ناميبيانىڭ «ءبىر بەلدەۋ، ءبىر جول» قۇرىلىسىنا بەلسەنە ات سالىسۋىن قارسى الادى، ناميبيامەن بىرگە ورايدى مىقتى يگەرىپ، ساياسات جاعىنداعى تىلدەسۋدى جانە جوبالاردى توعىستىرۋدى كۇشەيتىپ، ءتۇيىندى سالالارداعى سەلبەستىكتى ىلگەرىلەتۋدى قالايدى. گۋمانيتارلىق اۋىس – كۇيىستى نىعايتىپ، ەكى ەل دوستىعىنىڭ قوعامدىق نەگىزى مەن جۇرت رايى نەگىزىن بەكەمدەۋ كەرەك. جۇڭگو ناميبيامەن بىرگە جابايى حايۋاناتتاردى قورعاۋ سەلبەستىگىن كۇشەيتىپ، جابايى حايۋاناتتاردان جاسالعان بۇيىمدار اتكەزشىلىگى سياقتى زاڭعا قايشى ارەكەتتەردى باتىل تيۋدى قالايدى. حالىقارالىق، وڭىرلىك ىستەردەگى تىلدەسۋدى، سايكەسۋدى كۇشەيتىپ، افريكا ەلدەرى مەن دامۋ ۇستىندەگى ەلدەردىڭ ورتاق مۇددەسىن اناعۇرلىم ويداعىداي قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
