بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ورتالىق قازىنا - ەكونوميكا كوميتەتىنىڭ 1 - ءماجىلىسىن باسقارىپ اشقاندا مىنانى دارىپتەدى

پارتيا ورتالىق كوميتەتىنىڭ ەكونوميكا قىزمەتىنە ورتالىقتانعان ءبىر تۇتاس باسشىلىعىن كۇشەيتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدەگى 3 ۇلكەن قامال الۋ شايقاسىن ويداعىداي جۇرگىزۋ كەرەك

لي كىچياڭ، ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى

2018.04.03 15:18     كەلۋ قاينارى : حالىق تورابى

  شينحۋا اگەنتتىگى، 2 – ءساۋىر، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 2 - ءساۋىر تۇستەن كەيىن ورتالىق قازىنا - ەكونوميكا كوميتەتىنىڭ 1 - ءماجىلىسىن باسقارىپ اشىپ، 3 ۇلكەن قامال الۋ شايقاسىن ويداعىداي جۇرگىزۋدىڭ وي جەلىسى مەن شارالارىن اقىلداستى، «ورتالىق قازىنا - ەكونوميكا كوميتەتىنىڭ قىزمەت ەرەجەسىن» اقىلداسىپ تەكسەرىپ بەكىتتى. شي جينپيڭ ماجىلىستە ماڭىزدى ءسوز سويلەپ مىنالاردى دارىپتەدى: فينانس حاۋىپ - قاتەرىنەن ساقتانۋ جانە ونى شەشۋ − مەملەكەتتىڭ حاۋىپسىزدىگىنە، دامۋ جالپى جاعدايىنا، حالىقتىڭ مال - مۇلكىنىڭ حاۋىپسىزدىگىنە ساياتىن، جوعارى ساپالى دامۋدى جۇزەگە اسىرۋدا، ءسوز جوق، وتۋگە ءتيىستى ماڭىزدى وتكەل. كەدەيلىكتەن ءدال ارىلتۋدان قامال الۋ شايقاسىندا كەزەڭدىك ىلگەرىلەۋشىلىككە قول جەتتى، ەندى شايقاستىڭ جەڭىسىنە قول جەتكىزۋ عانا قالدى. قورشاعان ورتا ماسەلەسى − بۇكىل قوعام نازار اۋدارىپ وتىرعان ءتۇيىن ءارى جاپپاي دوڭگەلەك داۋلەتتى قوعام قۇرۋدا حالىقتىڭ مويىنداۋىنا يە بولا الۋ - الماۋداعى كىلت، سوندىقتان وسى قامال الۋ شايقاسىن باتىلدىقپەن ويداعىداي، جەڭىسپەن جۇرگىزۋ كەرەك.


  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتىنىڭ ورىنباسار مەڭگەرۋشىسى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى.


  ماجىلىستە جۇڭگو حالىق بانكەسىنىڭ اۋىر حاۋىپ - قاتەردەن ساقتانۋ جانە ونى شەشۋدەن قامال الۋ شايقاسىن ويداعىداي جۇرگىزۋدىڭ وي جەلىسى مەن شارالارى جونىندەگى مالىمەتى، مەملەكەتتىك كەڭەس كەدەيلەردى سۇيەمەلدەۋ كەڭسەسىنىڭ كەدەيلىكتەن ءدال ارىلتۋدان قامال الۋ شايقاسىن ويداعىداي جۇرگىزۋدىڭ وي جەلىسى مەن شارالارى جونىندەگى مالىمەتى، ەكولوگيالىق ورتا مينيسترلىگىنىڭ لاستانۋدان ساقتانۋ مەن ونى وڭاۋدان قامال الۋ شايقاسىنىڭ وي جەلىسى مەن شارالارى جونىندەگى مالىمەتى جەكە - جەكە تىڭدالدى.


  ماجىلىستە بىلاي دەپ اتاپ كورسەتىلدى: فينانس حاۋىپ - قاتەرىنەن ساقتانۋ مەن ونى شەشۋدەن قامال الۋ شايقاسىن ويداعىداي جۇرگىزۋدە تومەنگى شەك بويىنشا ويلاۋدا تاباندى بولىپ، ورنىقتىلىق بارىسىندا ىلگەرىلەۋدەن جازباي، باستى قايشىلىقتى يگەرۋ كەرەك. قۇرىلىمدىق سۇيمەندى ازايتۋدى نەگىزگى وي جەلىسى ەتىپ، تاراۋلار بويىنشا، قارىز تۇرلەرى بويىنشا تۇرلىشە تالاپ قويۋ، جەرگىلىكتى ۇكىمەتتەر مەن كاسىپورىندار، اسىرەسە، مەملەكەت مەنشىگىندەگى كاسىپورىندار سۇيمەندى ازايتىپ، ماكرولىق سۇيمەن سالىستىرماسىنىڭ تۇراقتىلىعىن جانە بىرتىندەپ ازايۋىن قۇلشىنا ىسكە اسىرۋى كەرەك. جالپى جاعدايدى ورنىقتىرىپ، ساپالى دامۋدى ىلگەرىلەتىپ، جالپى فاكتوردىڭ ءوندىرىس سالىستىرماسىن جوعارىلاتىپ، رەفورما، دامۋ بارىسىندا ماسەلەلەردى شەشۋ كەرەك. ءبىر تۇتاس سايكەستىرىپ، قىزمەتتىڭ بىرىككەن كۇشىن قالىپتاستىرىپ، ساياسات شىعارۋدىڭ ريتىمى مەن سەرپىنىن ويداعىداي يگەرۋ كەرەك. تۇرلەر بويىنشا شارا قولدانىپ، تۇرلىشە سالاداعى، تۇرلىشە بازارداعى فينانس حاۋىپ - قاتەرىنىڭ جاعدايىنا قاراي پارىقتى، باعىتتامالى ءادىس قولدانۋ قاجەت. كۇشتى شوعىرلاندىرىپ، ەكونوميكانىڭ، قوعامنىڭ ورنىقتىلىعىنا حاۋىپ ءتوندىرۋى مۇمكىن بولعان جانە جۇيەلىك حاۋىپ - قاتەردى تۋدىرۋى مۇمكىن بولعان ماسەلەلەردى الدىمەن ءبىر جاقتى ەتۋ كەرەك. فينانس حاۋىپ - قاتەرىنەن ساقتانۋدان جانە ونى شەشۋدەن قامال الۋ شايقاسىن ويداعىداي جۇرگىزۋدەگى ۇيىمدىق قامتاماسىزداندىرۋدى كۇشەيتىپ، فينانستى ورنىقتى دامىتۋ كوميتەتىنىڭ ماڭىزدى رولىن ويداعىداي ساۋلەلەندىرۋ كەرەك. ورتالىق پەن جەرگىلىكتى ورىنداردىڭ فينانستى باقىلاۋ - باسقارۋ مەحانيزمىن سايكەستىرىپ قۇرۋدى مىقتى يگەرىپ، جەرگىلىكتى ۇكىمەتتەردىڭ قاراستى جەردە حاۋىپ - قاتەردى ءبىر جاقتى ەتۋ جاۋاپكەرلىگىن كۇشەيتۋ كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار