ەگىستىك جەردى ءۇرتىس 30 جىلعا كوتەرمەگە بەرۋ، قورا – جايلىق جەردىڭ «ءۇش ۇقىعىن ءبولۋ»، كورسەتكىشتى ولكە اتتاپ رەتكە سالۋ جونىندە ىزدەنىستەر جاسالماق
ەگىستىك جەر رەفورماسىنىڭ الۋان تۇيىنىنە نازار (ەكونوميكالىق ءتۇيىن، رەفورمالاۋدىڭ ساۋعاسى ②)
«حالىق گازەتىنىڭ» ءتىلشىسى جۋ جۋان
2018.04.09 15:39 كەلۋ قاينارى : حالىق تورابى
پارتيانىڭ 19 – قۇرىلتاي بايانداماسىندا «ەگىستىك جەردى كوتەرمەگە بەرۋ قاتىناسى ورنىقتىلىعىن ساقتايدى ءارى ۇزاق ۋاقىت وزگەرمەيدى، ەگىستىك جەردى 2 – رەت كوتەرمەگە بەرۋ ۋاقىتى اياقتالعان سوڭ تاعى 30 جىلعا ۇزارتىلادى» دەلىنسە، بيىلعى «ۇكىمەت قىزمەتىنەن بەرىلگەن باياندامادا دا» وسى ساياساتتى شىنايى تياناقتاندىرۋ ايقىن ورتاعا قويىلدى. مەملەكەتتىك كەڭەس دامۋدى زەرتتەۋ ورتالىعى اۋىل – قىستاق ەكونوميكاسىن زەرتتەۋ ءبولىمىنىڭ باستىعى يە شيڭچيڭ بىلاي دەدى: «وسى ساياساتتىڭ ورنالاستىرىلۋى ءارى ورنىقتىلىقتى ءارى ومىرشەڭدىكتى ايگىلەدى».
ورنىقتىلىق – رەفورما جۇرگىزىلىپ، قاقپا اشىلعاننان بەرى ەلىمىز اۋىل – قىستاعىنىڭ جەرى ەكى رەت كوتەرمەگە بەرىلدى، 2 – رەتكى كوتەرمەگە بەرۋ ۋاقىتى اياقتالعان سوڭ تاعى 30 جىلعا ۇزارتىلىپ، اۋىل – قىستاقتىڭ كوتەرمەگە بەرەتىن ەگىستىك جەر قاتىناسى 75 جىلعا ورنىقتىرىلدى. يە شيڭچيڭ بىلاي دەدى: «بۇندا ەگىستىك جەردى كوتەرمەگە بەرۋ قاتىناسىنىڭ ورنىقتىلىعى جانە ۇزاق ۋاقىت وزگەرمەيتىندىگى تولىق ايگىلەنىپ، تيەسەلى ەگىستىك جەرىن كوتەرمەگە الاتىن ادەتتەگى ەگىنشى مەن ەگىستىك جەردى اينالمالى كوتەرمەگە الاتىن جاڭاشا اۋىل شارۋاشىلىق تيجارات تۇلعاسى جونىنەن ورنىقتى مەجە رولىن اتقارادى».
ەگىستىك جەردى جاڭادان ارتقان حالىق سانىنا قايتا بولۋگە بولاتىن – بولمايتىندىعىنا قاراتا، تاياۋدا اۋىل شارۋاشىلىعى مينيسترلىگىنىڭ مينيسترى حان چاڭفۋ ايقىن بىلاي دەدى: جالپى پرينسيپ جاقتان ەگىستىك جەردى كوتەرمەگە بەرۋدىڭ ورنىقتىلىعىن ساقتاۋعا، ازىن – اۋلاق رەتتەۋگە، ەگىنشىلەردىڭ تالعامىنا قۇرمەت ەتۋگە تاباندى بولىپ، ۇكىمەتتىڭ جەتەكشىلىك ەتۋىمەن قىستاق كوللەكتيۆى دەموكراتيالىق كەڭەسۋ جولىمەن شەشىم ەتەدى. ەگىستىك جەردى 2 – رەت كوتەرمەگە بەرۋ ۋاقىتى تولعان سوڭ، بۇل ماسەلە زاڭ بويىنشا جانە ەگىنشىلەر بۇقاراسىنىڭ كوللەكتيۆ پىكىرىنە ساي شەشىم ەتىلەدى.
قالاعا قونىستانعان ەگىنشىلەردىڭ كوتەرمەگە العان ەگىستىك جەرى جونىنەن اتقارىلىپ وتىرعان قازىرگى ساياسات - ەگىستىك جەردى قايتارۋ نەمەسە قايتارماۋ ەگىنشىنىڭ ءوز ەركىندە بولىپ، ەگىستىك جەرىن قىستاق كوللەكتيۆىنە زاڭ بويىنشا اقىلى قايتارۋعا شابىت بەرىلەدى. يە شيڭچيڭ بىلاي دەدى: قازىر ۇقىقتى شەگىندىرۋدىڭ بازارلاندىرۋ ارناسى كەمشىل بولۋدا. قىستاق، اۋىل اتتايتىن الەۋمەتتىك يگىلىك سيپاتتى اۋىل – قىستاق جەرىن جيناۋ – ساقتاۋ، جونگە سالۋ قۇرىلىمىن قۇرىپ، اۋىل – قىستاقتان قالاعا قونىستانعان، ءوز ەركىمەن شەگىنگەن ەگىنشى وتباسىلارىنىڭ ەگىستىك جەرىن ساتىپ الىپ جانە جونگە سالىپ، ودان كەيىن ۇيلەسىمدى كولەمدە سىرتقا كوتەرمەگە بەرۋدى ۇسىنىس ەتەمىن.
بيىلعى ورتالىقتىڭ 1 – ءنومىرلى قۇجاتىندا: قورا – جايلىق جەردىڭ مەنشىك ۇقىعى، تولىمدىلىق ۇقىعى، پايدالانۋ ۇقىعى سىندى «ءۇش ۇقىعىن ءبولىپ ورنالاستىرۋ» جونىندە ىزدەنىس جاساپ، قورا – جايلىق جەردىڭ كوللەكتيۆ مەنشىك ۇقىعىن تياناقتاندىرىپ، قورا – جايلىق جەردەگى ەگىنشىلەردىڭ تولىمدىلىق ۇقىعى مەن ەگىنشىلەردىڭ ءۇي مۇلىك ۇقىعىن قامتاماسىزداندىرىپ، قورا – جايلىق جەر مەن ەگىنشىلەردىڭ ءۇي مۇلىكتەن پايدالانۋ ۇقىعىن ۇيلەسىمدى جانداندىرۋ ورتاعا قويىلدى. «<ءۇش ۇقىقتى ءبولىپ ورنالاستىرۋ> رەفورماسى جونىندە ىزدەنىس جاساۋ ەگىنشىلەردىڭ بوس تۇرعان ءۇيى مەن قورا – جايلىق جەردى پايدالانۋعا وراي جاراتادى. كوڭىل بولۋگە ءتيىستىسى، ەگىنشىلەردىڭ بوس تۇرعان ۇيلەرى مەن قورا – جايلىق جەرىن پايدالانۋمەن بىرگە، شىجعىرىپ جىبەرۋدەن ساقتانۋ كەرەك».
يە شيڭچيڭ بىلاي دەدى: بۇندا پايدالانۋ مەن شىجعىرۋعا تۇجىرىم جاساپ، ەڭ ماڭىزدى بۋىنعا كىمنىڭ جەتەكشىلىك ەتەتىندىگىنە ءمان بەرۋ كەرەك. قازىر اتقارىلىپ وتىرعان قورا – جايلىق جەر ءتۇزىمىنىڭ ورنالاستىرۋىنا ساي، تەك اۋىل – قىستاق كوللەكتيۆ ەكونوميكالىق ۇيىمى ىشىندەگى مۇشەلەردىڭ عانا قورا – جايلىق جەردەن پايدالانۋ ۇقىعى بولادى، ەگىنشىلەردىڭ بوس تۇرعان ۇيلەرى مەن قورا – جايلىق جەرىن پايدالانۋدا، اۋىل – قىستاق كوللەكتيۆ ەكونوميكالىق ۇيىمدارىنىڭ جەتەكشى رولىن ويناۋىن باسا دارىپتەۋ ءارى ونەركاسىپ – ساۋدا كاپيتالىن بىرلەسىپ باسقارۋ، سەلبەستىك ورناتۋ ارقىلى بوس تۇرعان بايلىقتى ءونىمدى جانداندىرۋ كەرەك. كاپيتالدىڭ بوس تۇرعان قورا – جايلىق جەرلەرگە تاۋەكەلشىلدىكپەن سالىنۋىنان، ەگىنشى ۇيلەرىن شىجعىرىپ جىبەرۋدەن قاتاڭ ساقتانۋمەن بىرگە، قالالارداعى كاپيتالدى اۋىل – قىستاق جەرلەرىنە داچا جانە جەكەلىك تۇراق سالۋ ءۇشىن تاۋەكەلشىلدىكپەن پايدالانۋدان ءتىپتى دە ساقتانۋ كەرەك.
بيىلعى ورتالىقتىڭ 1 – ءنومىرلى قۇجاتىندا: ەگىستىك جەردى تولىقتاپ بەرۋدى باسقارۋ شاراسىن جاقسارتىپ، جوعارى ولشەمدى ەگىستىك جەر قۇرىلىسى سىندى جاڭادان ارتتىرىلاتىن ەگىستىك جەر كورسەتكىشى مەن قالا - اۋىلداعى قۇرىلىسقا پايدالاناتىن جەردىڭ ارتۋى مەن كەمەيۋى ۇشتاستىرىلعان ۇنەمدەۋ كورسەتكىشىن ولكە اتتاپ رەتتەۋ مەحانيزمى قۇرىلىپ، تۇسكەن كىرىس شىعىس مەجە ەسەبى ارقىلى كەدەيلىكتەن ارىلتۋدان قامال الۋ جەتىستىكتەرىن بەكەمدەۋ جانە اۋىل – قىستاقتى گۇلدەندىرۋ ستراتەگياسىنا قولداۋ كورسەتۋگە جۇمسالاتىندىعى ورتاعا قويىلدى. «ۇكىمەت قىزمەتىنەن بەرىلگەن باياندامادا دا» بۇل جونىندە قايتالاي دارىپتەلدى.
بيىلعى مەملەكەتتىك ەكى ءماجىلىس اياقتالعان سوڭ، مەملەكەتتىك كەڭەس كەڭسەسى « ولكە اتتاپ ەگىستىك جەردىڭ ورنىن تولىقتاۋدى مەملەكەت ءبىر تۇتاس جوسپارلاپ باسقارۋ ءادىسى» مەن «قالا - اۋىلداعى قۇرىلىسقا پايدالانىلاتىن جەردىڭ ارتۋى مەن كەمەيۋى ۇشتاستىرىلعان ۇنەمدەۋ كورسەتكىشىن ولكە اتتاپ رەتتەپ باسقارۋ ءادىسىن» باسىپ تاراتىپ، ەكى ءتۇرلى ساياساتتىڭ اتقارىلۋ ءادىسىن ايقىنداپ، كورسەتكىش ولشەمىن، باعاسىن قالاي بەلگىلەۋ سىندى الەۋمەت كوڭىل ءبولىپ وتىرعان ماسەلەلەرگە جاۋاپ بەردى.
ولكە اتتاپ ەگىستىك جەردىڭ ورنىن تولىقتاۋدى تىلگە تيەك ەتكەندە، «ادىستە» مىنالار بەلگىلەندى: ورتالىقتاعى مينيسترلىكتەر كورسەتكىش رەتتەۋدەگى جاراستىرۋشى رەتىندە، يەمدەنگەن ەگىستىك جەر تيبىنىڭ ولشەمدى باعاسىن بەكىتەدى، قاجەتسىنۋشىنىڭ ەكونوميكالىق دامۋ دەڭگەيى كورسەتكىشىنە ساي، تۇرلىشە تولەم اقىسىن جينايدى، 5 دارەجەدەگى ولكەلەردىڭ كورسەتكىش كوەففيسەنتىن رەتتەۋ بارىسىندا، بەيجيڭ، شاڭحاي ءبىرىنشى دارەجەلى بولىپ، رەتتەۋ كوەففيسەنتى 2، چۇڭچيڭ، سىچۋان، گۇيجوۋ سىندى ولكەلەر 5 – دارەجەدەگى رايوندار بولىپ، رەتتەۋ كوەففيسەنتى 0.5.ارتۋ مەن كەمەيۋ ۇشتاستىرىلعان ۇنەمدەۋ كورسەتكىشىن ولكە اتتاپ رەتتەۋ تىلگە تيەك ەتىلگەندە، «ادىستە» مىنالار ايقىن بەلگىلەندى: مەملەكەت ولكە اتتاپ رەتتەپ پايدالاناتىن قۇرىلىسقا ىستەتىلەتىن جەردىڭ ارتۋى مەن كەمەيۋى ۇشتاستىرىلعان ۇنەمدەۋ كورسەتكىش شەگىن اۋىر كەدەي «ءۇش اۆتونوميالى رايون، ءۇش وبلىس» رايون (شيزاڭ، سىچۋان ولكەسىنىڭ زاڭزۋ ۇلتتىق رايونى، وڭتۇستىك شينجياڭداعى 4 ايماق، وبلىس جانە سىچۋان ولكەسىنىڭ لياڭشان وبلىسى، يۇننان ولكەسىنىڭ نۋجياڭ وبلىسى، گانسۋ ولكەسىنىڭ لينشيا وبلىسى) جانە باسقا اۋىر كەدەي رايوندار بويىنشا ءبىر تۇتاس جوسپارلايدى. بۇنداعى كورسەتكىش مولشەرى مەن باعانى جالپى جاقتان ورتالىقتاعى مينيسترلىك، كوميتەتتەر بەلگىلەيدى، قامداۋ مەن قاجەتسىنۋشى ەكى جاقتىڭ باعانى باسەكەگە سالۋىنا بولمايدى. ماماندار بىلاي دەپ قاراستى: بۇل بەلگىلەمە كورسەتكىشپەن قامداۋشى جاقتىڭ كوزسىزدىگىن ازايتۋعا پايدالى بولىپ، كورسەتكىش باعاسىنىڭ بىردەن قىمباتتاپ كەتۋىنەن ساقتاندىرادى. الايدا كوڭىل بولۋگە تاتيتىنى، ءبولىس جوسپارىنىڭ كورسەتكىش مولشەرى جەر – جەردەگى ۇنەمدەلگەن كورسەتكىشتىك كومەسكى كۇشپەن قامداپ، ويلاعان ويدىڭ ءىس جۇزىندىكتەن الشاقتاۋىنا مۇرىندىق بولىپ، كەيبىر جەرلەردە ۇنەمدەلگەن كورسەتكىشتىڭ «ءوندىرىس مولشەرىن» جوعارىدان تومەنگە قاراي ءبولۋىن كەلتىرىپ شىعارىپ، اكىمشىلىك جاقتان ىلگەرىلەتۋ، بۇيرىق ءتۇسىرۋ، ەگىنشىلەردىڭ ارمان – تىلەگىنە قايشى كەلۋ سىندى جاعدايلاردىڭ تۋىلۋىنا سەبەپ بولۋى مۇمكىن، سول ءۇشىن ءىس جۇزىندىك قىزمەت بارىسىندا الدىن الۋعا ءمان بەرگەن ءجون.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
