بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

ادام كۇشى بايلىعى جانە قوعامدىق قامتاماسىزداندىرۋ مينيسترلىگى «كاسىپورىنداردىڭ زەينەتكەرلىك قامسىزداندىرۋ كەزەڭدىك قاراجات مولشەرىن تومەندەتۋىنە» جاۋاپ قايتاردى

2018.04.10 15:51     كەلۋ قاينارى : حالىق تورابى

  «حالىق گازەتى»، 9 – ءساۋىر، بەيجيڭ (ءتىلشى لي ليحۇي). 9 – ساۋىردە مەملەكەتتىك كەڭەستىڭ اقپارات كەڭسەسى مەملەكەتتىك كەڭەستىڭ ساياساتتان حابارلاندىرۋ جيىنىن اشتى، قازىنا مينيسترلىگىنىڭ ورىنباسار مينيسترى چىڭ ليحۋا، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ مينيسترى يۋ جۇن، تۇرعىن ءۇي جانە قالا – اۋىل قۇرىلىسى مينيسترلىگى جوسپار – قازىنا جانە سىرتقى ىستەر مەڭگەرمەسىنىڭ باستىعى جاڭ شيڭيە ۇكىمەتتىك اقى الۋدى اداقتاپ ارناعا تۇسىرۋگە قاتىستى جاعدايلاردى تانىستىردى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورىنباسار مينيسترى تاڭ تاۋ شەتەلدە وقىپ ەلگە ورالعانداردىڭ جاسامپازدىق جاراتۋ قىزمەتىنە قاتىستى جاعدايلاردى تانىستىردى.

  كاسىپورىن جۇمىسشى – قىزمەتكەرلەرىنىڭ نەگىزدىك زەينەتكەرلىك قامسىزداندىرۋ كەزەڭدىك بىرلىك قاراجات مولشەرىن ءۇرتىس تومەندەتۋىنىڭ قور اينالىمى مەن قامسىزداندىرۋعا قاتىناسۋشىنىڭ زەينەتكەرلىك قامسىزداندىرۋى مامىلە ولشەمىنە ىقپالى بولا ما بولماي ما؟ ماسەلەسى كوپ ادامنىڭ نازارىن اۋداردى. وسىعان وراي يۋ جۇن: «وسى رەت عىلمي ەسەپتەۋ جانە دالەلدەۋ ارقىلى مۇقيات رەتتەۋ جۇرگىزىلدى، زەينەتكەرلىك قامسىزداندىرۋى مامىلە ورەسىنە ەشقانداي سالقىنىن تيگىزبەيدى»، - دەدى.

  وسى رەتكى قوعامدىق قامسىزداندىرۋ قاراجاتىن تومەندەتۋ، نەگىزىنەن، 2016 – جىلدان بەرگى كاسىپورىنداردىڭ زەينەتكەرلىك قامسىزداندىرۋ قاراجات مولشەرىن تومەندەتۋ ساياساتىنىڭ جالعاسى بولىپ، ٪20 تەن ٪19 كە تومەندەتىلدى. ءاسىلى بيىل 30 – ساۋىردە ۋاقىتى تولاتىن، قازىر ءبىر جىلعا ياعني، كەلەسى جىلدىڭ 30 – ساۋىرىنە دەيىن ۇزارتىلدى. «كەزەڭدىك قاراجات مولشەرى تومەندەتىلەتىن وڭىرلەردىڭ شارتى بار: قور جيىنتىعى قالدىعىن 9 ايدان ارتىق تولەۋگە بولادى. مەجە بويىنشا، زەينەتكەرلىك قامسىزداندىرۋ قورىنىڭ قاراجات مولشەرى ءبىر پايىز تومەندەتىلسە، باسىم كوپ ساندى وڭىرلەردىڭ سول ايداعى كىرىسى شىعىستان ارتىپ كەتەدى. از ساندى كىرىسى شىعىسىنا جەتپەيتىن وڭىرلەر جيىنتىقتان ىركىلگەن سومامەن رەتتەي الادى»، - دەدى يۋ جۇن.

  2017 – جىلى كاسىپورىنداردىڭ زەينەتكەرلىك قامسىزداندىرۋ قورىن جيۋ كىرىسىنىڭ ارتۋ مولشەرى ٪17 كە جەتىپ، سوڭعى 5 جىلداعى ەڭ جوعارى ورە جاراتىلدى، جالپى كىرىس 3 تريلليون 300 ميلليارد يۋان، شىعىس 2 تريلليون 850 ميلليارد يۋان بولىپ، وسى ماۋسىمداعى قالدىق سوما 440 ميلليارد يۋانعا تاياپ، جيىنتىق قالدىق سوما 4 تريلليون 140 ميلليارد يۋانعا جەتىپ، تولەۋگە بولاتىن ۋاقىتى 17.4 ايعا جەتتى.

  وسى رەتكى قاراجاتتى تومەندەتۋ ساياساتى - كاسىپورىنداردىڭ تۇرعىن ءۇي الەۋمەتتىك قورى قاراجاتىن تاپسىرۋ سالستىرماسىن كەزەڭدىك تومەندەتۋدى ءۇرتىس ۇزارتۋ سىندى شەكتى مەرزىمدى ساياساتتى دا ءوز ىشىنە الدى. جاڭ شيڭيە تانىستىرىپ بىلاي دەدى: 4 ءتۇرلى شارا قولدانىلادى: ءبىرىنشى، كاسىپورىنداردىڭ تۇرعىن ءۇي الەۋمەتتىك قورى قاراجاتىن تاپسىرۋ سالىستىرماسىن كەزەڭدىك ۇيلەسىمدى تومەندەتۋ شەكتى مەرزىمدى ساياساتى ەكى جىل ياعني، 2020 – جىلى 30 – ساۋىرگە دەيىن ۇزارتىلادى. ەكىنشى، كاسىپورىنداردىڭ تۇرعىن ءۇي الەۋمەتتىك قورىنا اماناتقا قويىلعان ناقتى سانىنىڭ جوعارى شەگى شىنايى ارناعا تۇسىرىلەدى. ءۇشىنشى، تۇرعىن ءۇي الەۋمەتتىك قورىنا اماناتقا قويۋ سالىستىرماسىنىڭ اۋىتقۋ ارالىعى كەڭەيتىلەدى. ءتورتىنشى، تۇرعىن ءۇي الەۋمەتتىك قورىنا اماناتقا قويۋ سالىستىرماسىن تومەندەتۋ مەن كەشىكتىرىپ تاپسىرعان بەكىتۋ ونىمدىلىگى جوعارىلاتىلادى. جوعارىداعى شارالار ارقىلى، 2018 – جىلى كاسىپورىنداردىڭ اۋىرتپالىعىن شامامەن 30 ميلليارد يۋان جەڭىلدەتۋگە بولادى.

  2017 – جىلى مەملەكەتتىك كەڭەس قۇرىلىس سالاسىنداعى ينجەنەريالاردىڭ ساپاسىنا كەپىلدىك ەتۋ اقشاسىنىڭ زاپاس سالىستىرماسى جوعارى شەگىن ٪5 تەن ٪3 كە تومەندەتۋدى ۇيعاردى. سول جىلى وسىنىڭ وزىنەن كاسىپورىنداردان قۇرىلىس ينجەرنەياسى ساپاسىنا كەپىلدىك ەتۋ ءۇشىن جينالاتىن اقشاسى 280 ميلليارد يۋان ازايتىلدى. «الايدا، قازىر قۇرىلىس كاسىپورىندارى تاپسىراتىن ساپاعا كەپىلدىك ەتۋ اقشاسىنا ءالى دە كوبىندە ناق اقشا تاپسىرۋ تالاپ ەتىلىپ، بانكەلەردىڭ كەپىلدىك قاتىناس قاعازىن پايدالانۋ سالىستىرماسى 4/1 ۇلەسكە دە جەتپەدى، ءالى دە اسا زور جوعارىلاتۋ بوستىعى بار»، - دەدى جاڭ شيڭيە. بيىل ينجەنەريا قۇرىلىسى سالاسىنداعى ساپاسىنا كەپىلدىك ەتۋ اقشاسى اناعۇرلىم اداقتالىپ جانە ارناعا ءتۇسىرىلىپ، 2018 – جىلى قۇرىلىس كاسىپورىندارىنىڭ شامامەن 20 ميلليارد يۋاندىق اۋىرتپالىعىن تاعى جەڭىلدەتۋ مەجەلەندى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار