بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

قاقپا اشىپ، بىرگە گۇلدەنەيىك، جاڭالىق اشۋمەن بولاشاققا جەتەكشىلىك ەتەيىك

__ بو - اۋ ازيا تالقى مىنبەسىنىڭ 2018 - جىلعى جىلدىق ءماجىلىسىنىڭ اشىلۋ سالتىنداعى ارقاۋ لەكسيا

(2018 – جىلى 10 – ءساۋىر، حاينان بو – اۋ)

2018.04.11 16:36     كەلۋ قاينارى : حالىق تورابى

  قۇرمەتتى مەملەكەت باسشىلارى، ۇكىمەت باسشىلارى، حالىقارالىق ۇيىمداردىڭ جاۋاپتىلارى، مينيسترلەر، بو - اۋ ازيا تالقى مىنبەسىنىڭ قازىرگى جانە بۇرىنعى قۇرمەتتى القالارى، قوناقتار، حانىمدار، مىرزالار، دوستار:

  كوكتەم ساتىندە حاينان كوك تەڭىزبەن قىمتالىپ، كۇن شۋاعىنا شومىلىپ وتىر. وسىنداي تاماشا مەزگىلدە ءار ەلدەن كەلگەن سيلى قوناقتار ءبىر ارادا باس قوسىپ بو - اۋ ازيا تالقى مىنبەسىنىڭ 2018 - جىلعى جىلدىق ماجىلىسىنە قاتىناسۋدامىز. حايناننىڭ ءبىر حالىق انىندە: «كورىسپەگەن دوستارمەن كورىسەرمىز، كۇندە بىرگە جۇرسەڭ، ساعىنىش قايدان بولسىن» دەگەن ولەڭ جولدارى بار. بۇگىن ءساتى ءتۇسىپ جاڭا، كونە دوستارمەن كەزدەسكەنىمەن ايرىقشا قۋانىشتىمىن.

  اۋەلى مەن جۇڭگو ۇكىمەتى مەن حالقى اتىنان، سونداي – اق ءوز اتىمنان سيلى قوناقتاردى قىزۋ قارسى الامىن! جىلدىق ءماجىلىستىڭ اشىلۋىن قىزۋ قۇتتىقتايمىن!

  بو - اۋ ازيا تالقى مىنبەسى قۇرىلعاننان بەرى ازيانى تياناق ەتىپ، دۇنيە جۇزىنە بەت الىپ، ازيانىڭ ورتاق تانىمىن ۇيىستىرۋ، ءار جاقتىڭ سەلبەستىگىن جەبەۋ، ەكونوميكانىڭ عالامدانۋىن ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋعا دەم بەرۋ جاقتارىندا اقىل قوسىپ، قۇنى زور كوپتەگەن «بو – اۋ جوباسىن» ورتاعا قويىپ، بەلسەندى ۇلەس قوستى. بيىل __ تالقى مىنبەسىنىڭ القالار كەڭەسى كەزەك الماستىراتىن جىل. وسى ورايدا مىندەتىنەن بوسايتىن القالارعا شىن جۇرەكتەن راقىمەت ايتامىن! جاڭادان القا بولىپ سايلانۋشىلاردى قىزۋ قۇتتىقتايمىن!

  وسى كەزەكتى جىلدىق ءماجىلىس «قاقپا اشىپ، بىرگە گۇلدەنەيىك، جاڭالىق اشۋمەن بولاشاققا جەتەكشىلىك ەتەيىك» دەگەن باس تاقىرىپپەن ءداۋىر اعىمىنا ۇيلەستى، ءار جاقتىڭ تىلەگىنە ساي كەلدى. سيلى قوناقتاردىڭ جانە ءار سالادان كەلگەن قايراتكەرلەردىڭ اقتارىلا پىكىر ءبىلدىرىپ، قۇندى ۇسىنىستاردى ورتاعا قوياتىنىنا سەنەمىن.

  حانىمدار، مىرزالار، دوستار!

  تاريحتا قاشان دا كەيبىر ەرەكشە جىلدار ادامدارعا پاراسات سيلاپ، العا باسۋىمىزعا كۇش – قۋات بەرەدى. 2018 – جىل __ جۇڭگونىڭ رەفورما جۇرگىزىپ، قاقپا اشقانىنىڭ 40 جىلدىعى، سونداي – اق حايناننىڭ ولكە دارەجەسىنە كوتەرىلىپ، ەكونوميكالىق ەرەكشە رايون قۇرعانىنىڭ 30 جىلدىعى. حاينان ولكەسىن رەفورما جۇرگىزىپ، قاقپا اشۋدىڭ تۋىندىسى، حاينان ولكەسىنىڭ دامۋىن رەفورما جۇرگىزىپ، قاقپا اشۋدىڭ جەمىسى دەۋگە بولادى. رەفورما جۇرگىزىپ، قاقپا اشقاننان بەرى حاينان ءبىرشاما تۇيىق، مەشەۋ شەكارا ارالدان جۇڭگوداعى قاقپا اشۋ تەبىنى ەڭ زور، ومىرشەڭدىك قۋاتى ەڭ مىعىم رايونداردىڭ بىرىنە اينالدى، ەكونوميكانى، قوعامدى دامىتۋدا وراسان زور ناتيجەگە قول جەتكىزدى.

  ءبىر تامشى سۋدان كۇننىڭ شۇعىلاسىن اڭعارۋعا بولادى، ءبىر جەردەن ءبىر مەملەكەتتىڭ بەت – بەينەسىن بايقاۋعا بولادى. حايناننىڭ دامۋى __ جۇڭگونىڭ 40 جىلدىق رەفورما جۇرگىزىپ، قاقپا اشۋىنىڭ ماڭىزدى ءبىر تاريحي كۋاسى.

  1978 – جىلى دىڭ شياۋپيڭ مىرزانىڭ دارىپتەۋىمەن ج ك پ 11 – كەزەكتى ورتالىق كوميتەتى ءۇشىنشى جالپى ءماجىلىسى جۇڭگونىڭ رەفورما جۇرگىزىپ، قاقپا اشۋىنىڭ تاريحي بەتاشارىن اشتى. اۋىل – قىستاقتان قالالارعا دەيىن، سىناق تۇيىندەرىنەن وزگە وڭىرلەرگە دەيىن، ەكونوميكالىق ءتۇزىلىس رەفورماسىنان رەفورمانى جاپپاي ىشكەرىلەي جۇرگىزۋگە دەيىن، 40 جىل جۇرت تىلەگىنەن قۇرىش قامال ورناتقان، 40 جىل ۇدىرە العا تارتقان، 40 جىل بوران - شاشىندى باسىنان كەشىرگەن جۇڭگو حالقى قوس قولدارىمەن مەملەكەت پەن ۇلتتى دامىتۋدىڭ ايبىندى داستانىن جازدى.

  __ 40 جىلدان بەرى جۇڭگو حالقى باستان - اياق جاپالى كۇرەس جاساپ، قايسارلىقپەن قۇلشىنىپ، جۇڭگونىڭ قوعامدىق وندىرگىش كۇشىن بارىنشا ازات ەتىپ جانە دامىتىپ، جۇڭگودا وراسان زور وزگەرىستەردىڭ تۋىلۋىن جەبەدى. بۇل كۇندە جۇڭگو دۇنيە جۇزىندەگى 2 – ۇلكەن ەكونوميكالىق تۇلعا، ءبىرىنشى ۇلكەن ونەركاسىپ ەلى، ءبىرىنشى ۇلكەن زات ساۋداسى ەلى، ءبىرىنشى ۇلكەن سىرتقى پەرەۆودتى زاپاس ساقتاۋشى ەل بولىپ وتىر. 40 جىلدان بەرى سالىستىرمالى باعا بويىنشا ەسەپتەگەندە، جۇڭگونىڭ ىشكى ءوندىرىس جالپى ءونىم قۇنى جىلىنا ورتا ەسەپپەن ٪9.5 ارتتى؛ امەريكا دوللارىمەن ەسەپتەگەندە، جۇڭگونىڭ سىرتقى ساۋدا سوماسى جىلىنا ورتا ەسەپپەن ٪14.5 ارتىپ وتىردى. جۇڭگو حالقى تاپشىلىقتان مولشىلىققا، كەدەيلىكتەن دوڭگەلەك داۋلەتتى ورەگە قادام تاستادى، ب م ۇ – نىڭ قازىرگى ولشەمى بويىنشا 700 ميلليوننان استام كەدەي كەدەيلىكتەن ءساتتى ارىلدى، بۇل دۇنيە جۇزىندەگى كەدەيلىكتەن ارىلعان جالپى حالىق سانىنىڭ ٪70 تەن استامىن قۇرايدى (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار