شي جينپيڭ قىرعىزستاننىڭ بۇرىنعى پرەزيدەنتى اتامبايەۆپەن كەزدەستى
2018.04.12 14:32 كەلۋ قاينارى : حالىق تورابى
حالىق تورابى، 12 – ءساۋىر، بەيجيڭ. مەملەكەت ءتوراعاسى شي جينپيڭ 11 – ءساۋىر كۇنى حاينان ولكەسى بو – اۋ مەملەكەتتىك سارايىندا، جۇڭگوعا كەلىپ بو – اۋ ازيا تالقى مىنبەسى 2018 – جىلعى جىلدىق ماجىلىسىنە قاتىناسقان قىرعىزستاننىڭ بۇرىنعى پرەزيدەنتى اتامبايەۆپەن كەزدەستى.
شي جينپيڭ كونە كوز دوسىنا كەزىككەنىنە اسا قۋانىشتا ەكەنىن بىلدىرە كەلىپ بىلاي دەدى: جۇڭگو – قىرعىزستان ەكى ەل ستراتەگيالىق دوستىق قاتىناسىن دامىتۋ جۇڭگونىڭ ماڭايىنداعى كورشى ەلدەرمەن تاعدىرلاس ورتاق تۇلعا قۇرۋىنداعى ماڭىزدى بولەگى. جۇڭگو جاق قىرعىزستاننىڭ ءوز ەل جاعدايىنا ساي ءوزىنىڭ دامۋ جولى مەن ىشكى – سىرتقى ساياساتىن بەلگىلەگەنىن قولدايدى ءارى قىرعىزستاننىڭ قول جەتكىزگەن جەتىستىكتەرىنە قۋانادى. جۇڭگو قىرعىزستانمەن بولعان سەلبەستىگىندە، ەڭ الدىمەن تاتۋ كورشى بولۋ جولىن ماڭگى العا قويادى. جاقىنعى جىلداردان بەرى، جۇڭگو – قىرعىزستان «ءبىر بەلدەۋ ءبىر جولدى»بىرلىكتە قۇرىپ سەلبەستىك جاساۋدا العاشقى ادىمداعى ماڭىزدى جەتىستىكتەرگە قول جەتكىزدى، بۇل ەكى ەل ەكونوميكاسى مەن قوعامىنىڭ دامۋىندا اسا جوعارى ماڭىزعا يە. جۇڭگو جاق قىرعىزستانمەن بىرگە قاتىستى نىسانداردى جاقسى ىستەۋگە، ەكى ەل سەلبەستىگىن جاڭا ورەگە كوتەرۋگە پەيىلدى. ءسىزدىڭ قىرعىزستان بيىلىك باسىنداعى پارتيا ءتوراعاسى رەتىندە، جۇڭگو – قىرعىزستان قاتىناسىنىڭ دامۋىنا جالعاستى بەلسەندى رولىڭىزدى ساۋلەلەندىرۋىڭىزدى ءۇمىت ەتەمىن.
اتانبايەۆ بىلاي دەدى: شي جينپيڭ ءتوراعا كەشە كەرەمەت لەكسيا جاساپ، ادامزات قوعامىنىڭ دامۋىنا انىق باعىت كورسەتكەنى قالىڭ جۇرتتى تامساندىردى. قازىرگى كەزدە قىرعىزستان – جۇڭگو قاتىناسى ستراتەگيالىق سەرىكتەستىك دەڭگەيىنە دامىدى. جۇڭگو جاقتىڭ قىرعىزستان ەكونوميكاسى مەن قوعامىنىڭ دامۋىنا جاساعان كومەگىنە العىس بىلدىرەم. مەن ەكى ەلدىڭ سەلبەستىگىنىڭ دامۋىنا، ەكى ەل حالقىنا باقىت جاراتۋعا بار كۇشىمدى سالامىن.
ديڭ شۋەشياڭ، لي حى، ياڭ جيەشى، ۋاڭ – ي قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
