شي جينپيڭ: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، حالىق تەڭىز ارمياسىن دۇنيە ءجۇزى بويىنشا بىرەگەي تەڭىز ارمياسى ەتىپ جاپپاي قۇرىپ شىعۋ كەرەك
2018.04.13 16:40 كەلۋ قاينارى : حالىق تورابى
شينحۋا اگەنتتىگى، 12 – ءساۋىر، سانيا (تىلشىلەر لي شۋانلياڭ، ۋ دىڭفىڭ). ۇدىرە العا تارتقان جاڭا ءداۋىر تىڭ ساپاردىڭ جەلكەنىن جايدى. 12 – ءساۋىر تۇستەن بۇرىن ورتالىق اسكەري ىستەر كوميتەتى نانحاي تەڭىز ايدىنىندا سالتاناتتى اسكەري پارات وتكىزىپ، حالىق تەڭىز ارمياسىنىڭ شىت جاڭا بەينەسىن ايگىلەپ، مەملەكەتتى قۇدىرەتتەندىرۋدەگى، ارميانى قۇدىرەتتەندىرۋدەگى مىعىم سەنىمدى تاسقىنداتتى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري قوسىندى كوزدەن كەشىردى ءارى ماڭىزدى ءسوز سويلەدى. ول مىنالاردى دارىپتەدى: جاڭا ءداۋىر ساپارىندا جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋ كۇرەسى بارىسىندا قۇدىرەتتى حالىق تەڭىز ارمياسىن كوركەيتۋ مىدنەتى ءدال بۇگىنگىدەي كوكەيتەستى بولعان ەمەس. جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ساياسيدى باسشىلىققا الىپ ارميا قۇرۋدا، رەفورمامەن ارميانى قۇدىرەتتەندىرۋدە، عىلىم – تەحنيكامەن ارميانى كوركەيتۋدە، ارميانى زاڭمەن جونگە سالۋدا تاباندى بولىپ، تەڭىز ارمياسىن وسىزامانداندىرۋ اياق الىسىن تاباندىلىقپەن جەدەلدەتىپ، جاڭالىق اشۋعا شەبەر، وزگەدەن وزۋعا باتىل بولىپ، حالىق تەڭىز ارمياسىن دۇنيە ءجۇزى بويىنشا بىرەگەي تەڭىز ارمياسى ەتىپ جاپپاي قۇرىپ شىعۋعا قۇلشىنۋ كەرەك.حايناندا گۇل – بايشەشەك قۇلپىرىپ، نانحاي تەڭىزىن كوكتەم تولقىنى تەربەدى. ساعات 9 مولشەرىندە شي جينپيڭ تەڭىز ارمياسى بەلگىلى قۋعىنداۋشى كەمە بولىمشە اترەتىنىڭ كەمە تۇعىرىنا كەلىپ، كوزدەن كەشىرۋ مىندەتىن ورىندايتىن چاڭشا كەمەسىنە شىقتى. كوزدەن كەشىرۋشى كەمەگە تەڭىز ارمياسىنىڭ ەڭ جوعارعى قۇرمەتى بويىنشا تۋلار ءىلىنىپ، كەمەدە بەس جۇلدىزدى قىزىل تۋ، 1 – تامىز ارميا تۋى جەلبىرەپ، اسكەري وركەستر جۇڭحۋا حالىق رەسپۋبليكاسىنىڭ مەملەكەت گيمنىن ورىندادى. شي جينپيڭ ۇشۋ الاڭقىسىندا سوعىس كەمەسىنىڭ قۇرمەت قاراۋىلدارىن كوزدەن كەشىردى. وسىدان سوڭ كوزدەن كەشىرۋشى كەمە گۋدوك شالىپ ورنىنان قوزعالىپ، قورعاۋشى كەمەلەردىڭ قورعاۋىندا اسكەري پارات وتەتىن تەڭىز ايدىنىنا قاراي ءجۇزدى.
وسى كەزدە حالىق تەڭىز ارمياسىنىڭ 48 سوعىس كەمەسى قۇرىش بەينەمەن ايبىن كورسەتىپ، 76 سوعىس ۇشاعى ۇشۋعا قومداندى، باتىر تۇلعالى 10 مىڭنان استام كوماندير – جاۋىنگەر ساپ تۇزەپ تۇردى... بۇل جاڭا جۇڭگو تاريحىندا تەڭىزدە وتكەن كولەمى ەڭ زور اسكەري پارات، جاڭا داۋىردەگى حالىق تەڭىز ارمياسىنىڭ اسقاق ايبىنمەن كورىنىس بەرۋى سانالادى.
كەمەلەر قۇراماسى ايبىندى ايبات كورسەتىپ، تولقىن جارىپ ارىنداي العا تارتتى... كوك تەڭىزدە تولقىن جارعان كەمەلەردىڭ سالتانات شەرۋى 70 جىلعا جۋىق ۋاقىتتان بەرگى حالىق تەڭىز ارمياسىنىڭ قاجىمات كۇرەسىن ايشىقتاپ، پارتيانىڭ 18 – قۇرىلتايىنان بەرگى قۇدىرەتتى حالىق تەڭىز ارمياسىن قۇرۋدىڭ وراسان زور تابىسىن ايگىلەدى.
ساعات 10 مولشەرىندە كوزدەن كەشىرۋشى كەمە بەلگىلەنگەن تەڭىز ايدىنىنا جەتتى. تەڭىز ارمياسىنىڭ باس قولباسشىسى شىن جينلۇڭ، كوميسسارى چين شىڭشياڭ تەڭىزدەگى قۇراما ساپتىڭ ساقاداي سايلانىپ بولعانىن مالىمدەدى، شي جينپيڭ كوزدەن كەشىرۋدى باستاۋ بۇيرىعىن ءتۇسىردى.
ساپقا ءبولىنۋ مارىشىنىڭ ەكپىندى اۋەنىندە پاراتتان وتەتىن كەمەلەر سوعىستىق قۇراما توپتارى بويىنشا ستراتەگيالىق سوققى بەرۋشىلەر، سۋ استىنان شابۋىلداۋشىالر، قيىر تەڭىزدە سوعىس جۇرگىزۋشىلەر، اۆياماتكەمەن سوققى بەرۋشىلەر، قوس مەكەندى قۇرلىققا شىعۋشىلار، تاياۋ تەڭىزدە قورعانۋشىلار، جالپىلىق قامتاماسىز ەتۋشىلەر سىندى 7 شايقاس توبىنا ءبولىنىپ، تاۋ قوپارىپ، تەڭىز قوتارارداي ەكپىنمەن تولقىن جارا ءجۇزىپ ءوتتى. پاراتتان وتەتىن ۇشاقتار كەمەگە قوناتىن تىك ۇشارلار، سۇڭگۋىر كەمەگە قارسى بارلاۋ – شايقاس جۇرگىزۋشىلەر، الدىن الا ساقتاندىرۋ بويىنشا قولباسشىلىق ەتۋشىلەر، قيىر تەڭىزدە سوعىس جۇرگىزۋشىلەر، تەڭىزدە ەكپىندى ۇرىس سالۋشىلار، الىستان كومەك بەرىپ قورعاۋشىلار، اۋەنى مەڭگەرىپ سوعىس جۇرگىزۋشىلەر سىندى 10 اۆياتسيالىق ساپ قۇراپ پاراتتان وتەتىن كەمەلەر قۇراماسىنىڭ ۇستىنەن ۇشىپ ءوتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
