بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ چاڭجياڭ شارۋاشىلىق بەلدەۋىنىڭ دامۋىن ىشكەرىلەي جەبەۋ اڭگىمە ماجىلىسىندە مىنانى دارىپتەدى

رەفورمادا جاڭالىق جاراتۋ ستراتەگياسىمەن ءبىر تۇتاس جوسپار جاساپ، جەتەكشىلىك ەتۋدى كۇشەيتىپ، چاڭجياڭ شارۋاشىلىق بەلدەۋىنىڭ دامۋىمەن ساپالى دامۋدى ىلگەرىلەتۋ كەرەك

حان جىڭ ماجىلىسكە قاتىناسىپ، ءسوز سويلەدى

2018.04.27 16:20     كەلۋ قاينارى : حالىق تورابى


  «حالىق گازەتى»، 26 – ءساۋىر، ۋ – حان (ءتىلشى ۋاڭ بيشۋە). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 26 ـ ساۋىردە ۋ - حاندا چاڭجياڭ شارۋاشىلىق بەلدەۋىنىڭ دامۋىن ىشكەرىلەي جەبەۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: چاڭجياڭ شارۋاشىلىق بەلدەۋىنىڭ دامۋىن ىشكەرىلەي جەبەۋ ــ پارتيا ورتالىق كوميتەتى شىعارعان كەلەلى شەشىم، مەملەكەت دامۋىنىڭ جالپى جاعدايىنا ساياتىن كەلەلى ستراتەگيا. جاڭا جاعدايدا چاڭجياڭ شارۋاشىلىق بەلدەۋىنىڭ دامۋىن ىشكەرىلەي جەبەۋدەگى تەتىك جالپى جاقتان ىلگەرىلەتۋ مەن ماڭىزدى تۇيىندە قامال الۋ، ەكولوگيالىق ورتانى قورعاۋ مەن ەكونوميكانى گۇلدەندىرۋ، جالپىلىق جوسپارلاۋ مەن ۇزاققا دەيىن ەڭبەك ءسىڭىرۋ، كونە قۋاتتى ءبىتىرۋ مەن جاڭا قۋاتتى جەتىلدىرۋ، ءوزىن دامىتۋ مەن سايكەستى دامىتۋدىڭ قاتىناسىن دۇرىس يگەرىپ، جاڭا دامۋ يدەياسىندا، ورنىقتىلىق بارىسىندا ىلگەرىلەۋ نەگىزگى قىزمەت ريتىمىندە، بىرگە يگەرىپ، كەڭ كولەمدە قورعاۋ، كەڭ كولەمدە اشپاۋدا تاباندى بولىپ، رەفورمادا جاڭالىق جاراتۋ، ستراتەگيالىق جاقتان ءبىر تۇتاس جوسپارلاۋدى كۇشەيتىپ، جوسپارمەن جەتەكتەپ، چاڭجياڭ شارۋاشىلىق بەلدەۋىنىڭ دامۋىمەن ساپالى دامۋدى ىلگەرىلەتۋ كەرەك.


  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، چاڭجياڭ شارۋاشىلىق بەلدەۋىنىڭ دامۋىن جەبەۋ باسشىلىق گرۋپپاسىنىڭ باستىعى حان جىڭ اڭگىمە ماجىلىسىنە قاتىناستى ءارى ماڭىزدى ءسوز سويلەدى.


  وسى رەتكى اڭگىمە ءماجىلىسىن ويداعىداي اشۋ ءۇشىن، 24-، 25- ءساۋىر كۇندەرى شي جينپيڭ حۋبەي ولكەلىك پارتكومنىڭ شۋجيى جياڭ چاۋلياڭنىڭ، ولكە باستىعى ۋاڭ شياۋدۇڭنىڭ، حۋنان ولكەلىك پارتكومنىڭ شۋجيى دۋ جياحاۋدىڭ، ولكە باستىعى شۇي داجىنىڭ جولسەرىك بولۋىندا ىلگەرىندى - كەيىندى حۋبەي ولكەسىنىڭ ي - چاڭ، جيڭجوۋ، حۋنان ولكەسىنىڭ يۋەياڭ اۋداندارى جانە ءۇش قىساڭ توسپا رايونى قاتارلى جەرلەرگە بارىپ، حيميالىق ونەركاسىپ كاسىپورىندارىن كوشىرۋ، زاڭسىز اشىلعان كەمەجايلاردى جونگە سالۋ، وزەن سۋلارىن لاستاۋدى وڭاۋ، وزەن تەجەۋ جانە جاعالاۋداعى ينجەنەريا قۇرىلىستارىن قورعاۋ، كەمى تاسىمال جولىن باسقارۋدى جونگە سالۋ، ساز جەرلەر ەكولوگياسىن قالپىنا كەلتىرۋ، سۋ رايى پۋنكتتەرىنىڭ سۋ رايىن باقىلاۋ قىزمەتى قاتارلى جاعدايلاردى كوزدەن كەشىرىپ، چاڭجياڭ شارۋاشىلىق بەلدەۋىن دامىتۋ ستراتەگياسىن اتقارۋ جاعدايىن ناق مايداندا تەكسەردى.


  24 - ءساۋىر تۇستە شي جينپيڭ ۇشاقتان تۇسە سالىسىمەن شيڭفا كاسىپورىن توبىنىڭ جاڭا ماتەريالدار كاسىپ باقشاسىنا بارىپ، حيميالىق ونەركاسىپ كاسىپورىندارىن كوشىرۋ، وزگەرتىپ قۇرۋ جانە كەمەجايلاردى جاسىلداندىرۋ جاعدايلارىن كوزدەن كەشىردى ءارى حۋبەي ولكەسىنىڭ جانە ي - چاڭ قالاسىنىڭ حيميالىق ونەركاسىپ كاسپورىندارىن كوشىرۋ، بىلعانىشتى وڭاۋ جالپى جاعدايى جونىندەگى مالىمەتىن تىڭدادى. ول توپ سەرىكتىكتىڭ ورتالىق مەڭگەرۋ بولىمىندە كاسىپورىن سەحتارىنىڭ جۇمىس اينالىم ناق مايدان جاعدايىن ەكراننان كورىپ تەكسەردى، كاسىپورىننىڭ تەحنيكا جاڭالاۋ جانە كاسىپتى ساپالىلاندىرۋ، اينالمالى كاسىپتى جوسپارلاۋ قۇرىلىسى جاعدايى جونىندەگى مالىمەتتى تىڭدادى ءارى ناق مايداندا تەحنيكتەرمەن بۇكپەسىز اڭگىمەلەستى. شي جينپيڭ وزەن جاعاسىنداعى كەمەجايعا شىعاتىن ورلەۋ جولدى بويلاي ءجۇرىپ، وزەن جاعالاۋىنداعى قۇرىلعىلاردى بۇزۋ، كەمەجايدى جاسىلداندىرۋ، بىلعانىش زاتتار ءبولىپ شىعارۋدى وڭاۋ جاعدايلارىن ناق مايداندا تەكسەردى. ول مىنالاردى دارىپتەدى: چاڭجياڭ ــ جۇڭحۋا ۇلتتارىنىڭ انا وزەنى، ونى ويداعىداي قورعاۋ كەرەك. كاسىپورىندار چاڭجياڭنىڭ ەكولوگياسىن قورعاۋ قۇرىلىسىنداعى ماڭىزدى تۇلعالار جانە ماڭىزدى كۇشتەر ەسەپتەلەدى، كاسىپورىن جاۋاپكەرشىلىگىن كۇشەيتۋ، تەحنيكا جاڭالاۋدى جەدەلدەتۋ، مەشەۋ وندىرگىش كۇشتەردى ەكشەۋ، زالالسىز ءوندىرىسى دامىتۋ، كاسىپورىننىڭ ەكولوگيالىق ورتانى قورعاۋ قۇرىلىس قۋاتىن جوعارىلاتۋ كەرەك. چاڭجياڭ جاعالاۋىنداعى ورتا بىلعانىشىن تۋدىراتىن كاسىپورىنداردى كوشىرۋگە بەل بايلاۋ، كاسىپورىن كوشىرۋدە ادامداردى، اسپاپتاردى كوشىرىپ، قوقسىقتاردى تازالاپ، توپىراقتى تازارتۋدى ويداعىداي ورىنداپ، چاڭجياڭ ەكولوگياسىن بىلعايتىن كىناراتتاردى تۇبەگەيلى ارىلتۋ كەرەك. مەن بۇل رەت باستىسى چاڭجياڭ شارۋاشىلىق بەلدەۋىن كوركەيتۋ، قۇرۋ جاعدايىن كورۋگە كەلدىم، مۇندا ەڭ اۋەلى ەرەجە بەلگىلەۋ، جالپى جۇزدىك قورعاۋدى ورتاق يگەرۋ، بايلىقتى اياۋسىز اشپاۋ كەرەك. بايلىقتى اياۋسىز اشپاۋ دەگەندىك زور دامۋدى توقتاتۋ دەگەندىك ەمەس، قايتا ول عىلمي دامىتۋ، تارتىپپەن دامىتۋ كەرەك دەگەن ماعىنادا ايتىلىپ وتىر. چاڭجياڭ جونىنەن ايتقاندا، ماڭداي الدى مىندەتىمىز انا وزەندى قورعاۋ بولىپ تابىلادى، ول جۇڭحۋا ۇلتتارىنىڭ اناسى ىسپەتتى، ءبۇلدىرۋ سيپاتىن الاتىن بايلىق اشۋ قيمىلدارىمەن شۇعىلدانۋعا بولمايدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار