شي جينپيڭ: دۇنيە ءجۇزى بويىنشا ماڭداي الدى ورىندا تۇراتىن جۇڭگوشا ۋنيۆەرسيتەتتى قۇلشىنا قۇرىپ شىعۋ كەرەك
2018.05.03 14:44 كەلۋ قاينارى : حالىق تورابى
«حالىق گازەتى»، 2 – مامىر، بەيجيڭ. «4 – مامىر» جاستار مەرەكەسى جانە بەيجيڭ ۋنيۆەرسيتەتى قۇرىلعانىنىڭ 120 جىلدىق مەرەيتويى قارساڭىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭ ۋنيۆەرسيتەتىندە قىزمەت تەكسەردى. شي جينپيڭ پارتيا ورتالىق كوميتەتى اتىنان بەيجيڭ ۋنيۆەرسيتەتىندەگى بارلىق وقىتۋشى - وقۋشىلارعا، جۇمىسشى - قىزمەتكەرلەرگە جانە ەل ءىشى - سىرتىنداعى مەكتەپتەستەرگە، بۇكىل ەلدەگى ءار ۇلت جاستارىنا، بۇكىل ەلدەگى جاستار قىزمەتىمەن شۇعىلدانۋشىلارعا مەرەكەلىك سالەم جولدادى. ول مىنالاردى دارىپتەدى: جۇڭگوشا سوتسياليزمدە ويداعىداي تاباندى بولىپ جانە ونى ويداعىداي دامىتىپ، ەلىمىزدى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ − ۇزاق مەرزىمدى مىندەت، ول ۇرپاقتار بويى تالماي كۇرەس جۇرگىزۋدى تالاپ ەتەدى. قالىڭ جاستار جۇڭحۋا ۇلتتارىنىڭ ۇلى گۇلدەنۋىن ىسكە اسىرۋدىڭ جالىندى كۇشى بولىپ، مەملەكەت پەن ۇلتتىڭ ءۇمىتىن ارقالاۋى كەرەك. جوعارى مەكتەپتەر سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ ءتۇبىرلى مىندەتىن مىقتى يگەرىپ، مەكتەپ باسقارۋدىڭ دۇرىس ساياسي بەتالىسىنان جازباي، ساپالى وقىتۋشىلار قوسىنىن قۇرىپ، دارىندىلاردى تاربيەلەۋدىڭ ورەلى جۇيەسىن قالىپتاستىرىپ، دۇنيە ءجۇزى بويىنشا ماڭداي الدى ورىندا تۇراتىن جۇڭگوشا ۋنيۆەرسيتەتتى قۇلشىنا قۇرىپ شىعۋى كەرەك.
كوكتەم ماۋسىمىندا بەيجيڭ ۋنيۆەرسيتەتى گۇلمەن كومكەرىلىپ، جاسىل جەلەك جامىلىپ، جالىندى تىرشىلىك تىنىسى ەسەدى. تۇستەن بۇرىن ساعات 9 مولشەرىندە شي جينپيڭ ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، بەيجيڭ ۋنيۆەرسيتەتى پارتكومىنىڭ شۋجيى حاۋ پيڭ، مەكتەپ باستىعى لين جيانحۋالاردىڭ سەرىك بولۋىمەن اۋەلى لينحۋشۋان تۇراعىنا كەلىپ، «جاڭا ءداۋىر − بەيجيڭ ۋنيۆەرسيتەتىنىڭ وتكەن 5 جىلداعى تابىستارى كورمەسىن» تاماشالادى. كونەنىڭ كوزىندەي لينحۋشۋان تۇراعىندا كورمە تاقتايلارى جازۋ - سۋرەتتەرىمەن كوز تارتىپ، ساناق دەرەكتەرى انىق، ءدال سىر شەرتەدى. شي جينپيڭ جاعداي جونىندەگى تانىستىرۋدى مۇقيات تىڭداپ، بەيجيڭ ۋنيۆەرسيتەتىنىڭ گۋمانيتارلىق جانە جاراتىلىستىق عىلىمدارداعى تابىستارى، دارىندى تاربيەلەۋ، قوسىن قۇرىلىسى، حالىقارالىق بايلانىس، الەۋمەتتىك قىزمەت كورسەتۋ سياقتى جاقتارداعى ماڭىزدى تابىستارى جونىندەگى كورمەنى دەن قويا كورىپ، بەيجيڭ ۋنيۆەرسيتەتىنىڭ ناتيجەلەرىن تولىق تۇراقتاندىردى. ول مىنالاردى ءبىلدىردى: پارتيانىڭ 18 - قۇرىلتايىنان بەرى بەيجيڭ ۋنيۆەرسيتەتى داڭقتى داستۇرگە مۇراگەرلىك ەتىپ، سوتسياليستىك مەكتەپ باسقارۋ باعىتىندا تاباندى بولدى، مورالمەن ادام تاربيەلەۋ جاعىنداعى تابىستارى قوماقتى، ەكىدە ماڭداي الدى ۋنيۆەرسيتەت قۇرۋداعى تابىستارى كورنەكتى، ەكونوميكالىق، قوعامدىق دامۋعا قىزمەت كورسەتۋدەگى ناتيجەسى ەلەۋلى، مەكتەپتىڭ دامۋ وي جۇلگەسى انىق بولدى، مەكتەپ باسقارۋ قۋاتى مەن ىقپال كۇشى ايتارلىقتاي نىعايدى، بۇل كىسىنى قۋانتادى. ول مىنالاردى دارىپتەدى: مەملەكەتتىڭ دامۋى مەن ۋنيۆەرسيتەتتىڭ دامۋى ءبىر - ءبىرىن سۇيەنىش ەتەدى جانە تولىقتىرادى. ءبىز مەملەكەتتىڭ دامۋ اياق الىسىندا جوعارى وقۋ - اعارتۋدى جاقسى باسقارىپ، دۇنيە ءجۇزى بويىنشا ماڭداي الدى ۋنيۆەرسيتەت قۇرۋ ءۇشىن، ەڭ اۋەلى، جۇڭگوشا ەرەكشەلىكتى ايگىلەۋگە كۇش سالۋىمىز قاجەت.
لينحۋشۋان تۇراعىنىڭ سولتۇستىگىندەگى شاعىن اۋلانىڭ ىرگەسى اتسىز كولگە ءتيىپ تۇر، كوركى كوز سۇرىندىرەدى. شي جينپيڭ اۋلاعا بارىپ، ءبىر ءبولىم ساقا پروفەسسورلارمەن، جاس جانە ورتا جاستاعى وقىتۋشىلاردىڭ ۋاكىلدەرىمەن امانداستى ءارى شۇيىركەلەسە اڭگىمەلەستى. ولاردىڭ اراسىندا دىڭ شياۋنان، ۋاڭ جيسى، لين ي - فۋ، چيان چىڭدان، شىن دان، دۋ ۋەيميڭ، ان لىجى سياقتى ساقا پروفەسسورلار دا، پىڭ فىڭ، چۇي جيڭدۇڭ، يۇي مياۋجيە، جياڭ لاڭلاڭ سياقتى ۇزدىك جاس جانە ورتا جاستاعى وقىتۋشىلار دا بار. شي جينپيڭ ولارعا بىلاي دەدى: دەنساۋلىقتارىڭىزدى جاقسى، رۋحتارىڭىزدىڭ كوتەرىڭكى ەكەنىن كورىپ وتە قۋاندىم، سىزدەر ونداعان جىلداردى ءبىر كۇنگىدەي وتكىزىپ، قولدارىڭىزدان قالام تاستاماي، ۇقىپتىلىقپەن ادام تاربيەلەپ، پارتيا مەن حالىق قاجەت ەتكەن ۇزدىك دارىندىلاردى تاربيەلەۋگە بەلسەندى ۇلەس قوستىڭىزدار، سىزدەرگە قۇرمەت بىلدىرەمىن. ا ق ش ازاماتى، سينولوگ، ۇستاز ان لىجى مىرزا «كۇڭزى عاقىليالارى»، «سۇنزىنىڭ اسكەري تاكتيكاسى» سياقتى جۇڭگونىڭ ءداستۇرلى كلاسسيكالىق شىعارمالارىن اۋدارعان، 2013 - جىلى 6 - كەزەكتى دۇنيە جۇزىلىك كۇڭزى تاعىلىمى قۇرىلتايى تاعايىنداعان «كۇڭزى مادەنيەت سيلىعىنىڭ» يەگەرى. شي جينپيڭ ونىڭ قايسى ۋنيۆەرسيتەتتەن كەلگەنىن، جۇڭگوعا كەلگەنىنە قانشا ۋاقىت بولعانىن، وسى جەردىڭ تۇرمىسىنا كوندىگۋ جاعدايىن تاپتىشتەپ سۇرادى ءارى ونىڭ شەتەلگە جۇڭگونىڭ تاڭداۋلى ءداستۇرلى مادەنيەتىن كوبىرەك تانىستىرۋىن ءۇمىت ەتتى. باس شۋجي جاس جانە ورتا جاستاعى وقىتۋشىلاردى اعا بۋىن مامان - وقىمىستىلاردان ۇيرەنىپ، وقىتۋ مەن عىلمي زەرتتەۋ ىستەرىندە دەن قويا ەڭبەكتەنۋگە شابىتتاندىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
