ماركسيزم ۇلى تۋىن بيىك ۇستاپ، دۇنيە ءجۇزى بويىنشا الدىڭعى قاتاردا تۇراتىن ارميا قۇرامىز
− ءتوراعا شي جينپيڭنىڭ ماركس دۇنيەگە كەلگەنىنىڭ 200 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى ازاتتىق ارميادا جانە قارۋلى ساقشى بولىمدەرىندە كۇشتى اڭىس قوزعادى
2018.05.08 16:46 كەلۋ قاينارى : حالىق تورابى
«ماركسيزم باستان - اياق پارتيامىز بەن مەملەكەتىمىزدىڭ جەتەكشى يدەياسى، ءبىزدىڭ دۇنيەنى تانۋداعى، زاڭدىلىقتى يگەرۋدەگى، اقيقاتقا تالپىنۋداعى، دۇنيەنى وزگەرتۋدەگى قۇدىرەتتى يدەيالىق قارۋىمىز بولىپ كەلدى».
ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 4 – مامىردا اشىلعان ماركس دۇنيەگە كەلگەنىنىڭ 200 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى ازاتتىق ارميادا جانە قارۋلى ساقشى بولىمدەرىندە كۇشتى اڭىس قوزعادى. بىرنەشە كۇننەن بەرى كوماندير – جاۋىنگەرلەر ءتوراعا شي جينپيڭنىڭ ماڭىزدى ءسوزىن ءتۇرلى تاسىلمەن مۇقيات ۇيرەنىپ، ىشكەرىلەي تالقىلادى. كوپشىلىك ءبىر اۋىزدان بىلاي دەستى: ءتوراعا شي جينپيڭنىڭ ماڭىزدى ءسوزى − ماركسيزمدىك شۇعىلالى باعدارلامالىق قۇجات. ءسوزدىڭ رۋحىن ۇيرەنۋدە ماركسيزم ۇلى تۋىن ءۇرتىس بيىك ۇستاپ، شىت جاڭا رۋحاني كۇيمەن جانە جاۋىنگەرلىك بەينەمەن قايراتتانا العا ۇمتىلىپ، قىزمەتتى تىڭعىلىقتى ىستەپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن ىسكە اسىرۋ ءۇشىن حالىق ارمياسىن دۇنيە ءجۇزى بويىنشا الدىڭعى قاتاردا تۇراتىن ارميا ەتىپ جاپپاي قۇرىپ شىعۋ جولىندا تايسالماي كۇرەس جۇرگىزەمىز.
داۋىردە قانداي وزگەرىس تۋىلسىن، عىلىم قالاي العا باسسىن، ماركسيزم عىلمي يدەيالىق ۇلى كۇشىن كورسەتە بەرەدى، اقيقات پەن ادامگەرشىلىكتىڭ بيىك تۇعىرىن يەلەپ تۇرا بەرەدىءتوراعا شي جينپيڭ ماڭىزدى سوزىندە: «ماركستىڭ بىزگە قالدىرعان ەڭ باعالى، ەڭ ىقپالدى رۋحاني بايلىعى − ونىڭ اتىمەن اتالعان عىلمي نازاريا ماركسيزم بولدى. بۇل نازاريا ارايلاپ اتقان اق تاڭداي ادامزاتتىڭ تاريحي زاڭدىلىقتاردى ىزدەۋ جانە ءوز ازاتتىعىن تابۋ جولىنا جارىق ءتۇسىردى» دەپ اتاپ كورسەتتى.
سوعىس رايوندارىنىڭ، ارميا تۇرلەرىنىڭ، اسكەري كوميتەتتەردىڭ ورگان، تاراۋلارى، پارتكوم وزەكتى ۇيرەنۋ گرۋپپالارى ۇيرەنۋ، تالقى بارىسىندا بىلاي دەپ قارادى: ماركسيزم − عىلمي نازاريا، حالىقتىڭ نازارياسى، امالياتتىق نازاريا، ۇزدىكسىز داميتىن اشىق نازاريا، ول ادامزات قوعامىنىڭ دامۋ زاڭدىلىعىن اشتى، حالىقتىڭ ءوز ازاتتىعىن ىسكە اسىرۋىنىڭ يدەيالىق جۇيەسىن ورناتتى، حالىقتىڭ دۇنيەنى وزگەرتۋ ارەكەتىنە ءجون سىلتەدى، قاشان دا ءداۋىردىڭ الدىڭعى لەگىندە ءجۇردى. ءتوراعا شي جينپيڭنىڭ ماڭىزدى ءسوزى ماركسيزمنىڭ قۇدىرەتتى اقيقات كۇشىن ىشكەرىلەي ايقىن پايىمادى، جۇڭگو كوممۋنيستەرىنىڭ ماركسيزمدەگى بەرىك سەنىمىن ايقىن كورسەتتى، ءبىزدىڭ جاڭا داۋىردە ماركسيزمدە تاباندى بولۋىمىزعا جانە ونى دامىتۋىمىزعا ايقىن باعدار كورسەتىپ، تىرەكپەن قامدادى، الدا تۇتاس پارتيانىڭ ماركسيزمدىك عىلمي سەنىمدى، كوممۋنيزمدىك ۇلى مۇراتتى، جۇڭگوشا سوتسياليزم ورتاق ارمانىن بەكەمدەۋىن ىلگەرىلەتەتىن بولادى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved