شي جينپيڭنىڭ شياڭگاڭنىڭ ەكى اكادەمياسىنىڭ اكادەميكتەرىنىڭ حاتىنا جازعان ماڭىزدى نۇسقاۋى شياڭگاڭنىڭ عىلىم - تەحنيكا سالاسىندا كۇشتى اڭىس قوزعادى
عىلمي زەرتتەۋدە بىرەگەي ناتيجە جاراتىپ، عىلىم – تەحنيكادا قۇدىرەتتى ەل قۇرۋعا كۇش قوسامىز
2018.05.15 16:34 كەلۋ قاينارى : حالىق تورابى
«حالىق گازەتى»، 14 – مامىر، شياڭگاڭ (تىلشىلەر ليان جينتيان، جاڭ چيڭبو، چىن ران). ءتوراعا شي جينپيڭنىڭ شياڭگاڭنىڭ ەكى اكادەمياسىنىڭ اكادەميكتەرىنىڭ حاتىنا جازعان ماڭىزدى نۇسقاۋى جونىندەگى حابار تارالعان سوڭ شياڭگاڭنىڭ عىلىم - تەحنيكا سالاسىندا كۇشتى اڭىس قوزعادى. ءتوراعا شي جينپيڭگە حات جازۋعا قاتىناسقان كوپتەگەن شياڭگاڭدىق عالىم بىلاي دەستى: ءتوراعا شي جينپيڭنىڭ بىزگە قامقورلىق جاساعانىنا راقىمەت، حاتتا اڭىس ەتىلگەن مەملەكەتتىڭ عىلمي زەرتتەۋ ءتۇر قاراجاتىن شەكارادان وتكىزىپ شياڭگاڭدا پايدالانۋ، عىلمي زەرتتەۋ جابدىقتارىن شەكارادان كىرگىزۋدە كەدەن باجىسىنان جەڭىلدىك جاراتۋ سياقتى ماسەلەلەر نەگىزىنەن شەشىلدى، بۇل مەملەكەتتىڭ ءمان بەرۋىن بەينەلەدى، شياڭگاڭنىڭ عىلىم - تەحنيكا سالاسىنا زور شابىت بولدى. ءتوراعا شي جينپيڭنىڭ نۇسقاۋى شياڭگاڭنىڭ عىلىم - تەحنيكا قىزمەتكەرلەرىنىڭ مەملەكەتتىڭ عىلىم – تەحنيكانى دامىتۋ زور قوزعالىسىنا قاتىناسىپ، عىلىم – تەحنيكادا قۇدىرەتتى ەل قۇرۋعا كۇش قوسۋىنا شابىت بەرەدى، ىشكى ولكەلەر مەن شياڭگاڭنىڭ عىلىم – تەحنيكا سالاسى قول ۇستاسا قيمىلداسا، ءتىپتى دە كوپ بىرەگەي عىلىم – تەحنيكا تابىسىن جاراتاتىن بولادى.
«ازياداعى ەلەكترلى ۆەلەسيپەدتىڭ اتاسى» دەپ اتالعان جۇڭگو ينجەنەريا اكادەمياسىنىڭ اكادەميگى چىن چيڭچۋان وسى حاتتىڭ جازىلۋىنداعى باستاماشى بولاتىن. ول تىلشىگە بىلاي دەدى: بىلتىر شياڭگاڭنىڭ وتان قۇشاعىنا ورالعانىنىڭ 20 جىلدىعى كەزىندە قۇتتىقتاۋ قيمىلىنا قاتىناسىپ ەرەكشە اسەرلەندىم، «ءبىر ەلدە ەكى ءتۇزىم» شياڭگاڭدا دۇنيە ءجۇزى مويىنداعان تابىسقا قول جەتكىزدى. قازىر ىشكى ولكەلەر مەن شياڭگاڭنىڭ عىلىم – تەحنيكا اۋىس – كۇيىسى كۇن سايىن جيىلەپ وتىرعانىمەن، كەيبىر كەدەرگىلەر دە بار ەدى. سوندىقتان شياڭگاڭداعى 23 اكادەميكپەن بىرگە ءتوراعا شي جينپيڭگە حات جازىپ، شياڭگاڭنىڭ عىلىم – تەحنيكا قىزمەتكەرلەرىنىڭ وتانعا قارىمجى قايتارۋ سىندى كوكەيتەستى تىلەگى مەن عىلىم – تەحنيكادا جاڭالىق جاراتۋداعى وراسان زور ىنتاسىن بەينەلەدىك. ءتوراعا شي جينپيڭ كوپ وتپەي نۇسقاۋ بەردى، مەملەكەتتىڭ قاتىستى تاراۋلارى نۇسقاۋدىڭ رۋحىن جەدەل تياناقتاندىردى، بۇعان شياڭگاڭنىڭ عىلىم – تەحنيكا سالاسى ايرىقشا شاتتاندى. وسى نۇسقاۋ «ءبىر ەلدە ەكى ءتۇزىم» امالياتىنىڭ مازمۇنىن بايىتتى.
چىن چيڭچۋان بىلاي دەدى: قازىر ەلىمىز عىلىم – تەحنيكا ۇسىنىلىمىندا دۇنيە ءجۇزى بويىنشا 2 – ۇلكەن ەلگە اينالدى، قوزعاۋشى كۇشتە جاڭالىق جاراتا دامۋ ستراتەگياسىن اتقارىپ وتىر. شياڭگاڭ كەزىندە ىشكى ولكەلەرمەن سەلبەسىپ عىلىم – تەحنيكادا جاڭالىق جاراتۋ ورايىن وتكىزىپ الدى. بۇل كۇندە گۋاڭدۇڭ، شياڭگاڭ، اۋمىن ءوڭىرى عىلىم – تەحنيكادا جاڭالىق جاراتۋدى دامۋدىڭ قوزعاۋشى كۇشى ەتىپ وتىر، تاعى ءبىر تاريحي ورايدى قارسى الىپ وتىرمىز، ءبىز ۋاقىت كۇتىپ تۇرمايدى دەيتىن شۇعىلدىق تانىمىمەن وسى ۇلكەن اعىمعا ىلەسۋىمىز قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
