بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

باس شۋجي شي جينپيڭنىڭ ەكى اكادەميانىڭ جينالىسىنداعى ماڭىزدى ءسوزى شياڭگاڭ عالىمدارىنا شابىت بەردى

سەلبەستىكتى كۇشەيتىپ، ابزالدىقتى ساۋلەلەندىرىپ، وتانعا ۇلەس قوسىپ، شياڭگاڭنىڭ تابىسىن ايگىلەيمىز

2018.06.04 14:03     كەلۋ قاينارى : حالىق تورابى

  «حالىق گازەتى»، 3 – ماۋسىم، شياڭگاڭ (ءتىلشى چىن ران). باس شۋجي شي جينپيڭ جۇڭگو عىلىم اكادەمياسى 19 - رەتكى اكادەميكتەر جينالىسىندا، جۇڭگو ينجەنەريالىق عىلىمدار اكادەمياسى 14 - رەتكى اكادەميكتەر جينالىسىندا ماڭىزدى ءسوز سويلەگەننەن كەيىن، شياڭگاڭنىڭ عىلىم – تەحنيكا سالاسىنداعىلار زور شابىت الىپ: «ءورىس اشا العا باسىپ، وتانعا ۇلەس قوسىپ، شياڭگاڭنىڭ تابىسىن ايگىلەيمىز» دەستى.


  «ازيانىڭ ەلەكترلى ۆەلوسيپەد اتاسى» دەپ اتالعان چىن چيڭچۋان اكادەميك اقپارات دانەكەرلەرىنىڭ تىلشىلىگىن قابىلداعاندا بىلاي دەدى: ءتوراعا شي جينپيڭنىڭ ماڭىزدى سوزىندە عىلىم – تەحنيكا قىزمەتىنە ايرىقشا ءمان بەرىلەتىنى اڭعارىلدى، وندا تاعى اكادەميكتەرگە زور ءۇمىت ارتىلعان. «شياڭگاڭداعى اكادەميكتەر گۋاڭدۇڭ، شياڭگاڭ، اۋمىن ۇلكەن شىعاناق وڭىرىندە جانە مەملەكەت قۇرىلىسىندا قايتكەندە ءتىپتى دە زور رول اتقارۋعا بولاتىنىن بەلسەندىلىكپەن ويلاسۋى كەرەك». ول شياڭگاڭنىڭ عىلىم – تەحنيكا قىزمەتكەرلەرىن ءورىس اشا العا باسىپ، ۇلكەن شىعاناق رايونىنداعى قۇرىلىس قارقىنى تەزدەۋ، عىلىم – تەحنيكادا جاڭالىق اشۋدا اۋىس – كۇيىس كۇشەيۋ جاعدايىندا مەملەكەتتىڭ دۇنيە ءجۇزى بويىنشا عىلىم – تەحنيكادا قۇدىرەتتى ەل قۇرۋ جورىعىنا دەم بەرۋگە ۇندەدى.


  شياڭگاڭ عىلىم – تەحنيكا ۋنيۆەرسيتەتى حيميا فاكۋلتەتىنىڭ پروفەسسورى تاڭ بىنجۇڭ بىلاي دەدى: جۇڭگونىڭ عىلىم – تەحنيكاسىن دامىتۋدا كۇش الۋ نىساناسىن ايقىنداۋ كەرەك، عالىمدار قيىندىقتان قامال الۋعا باتىل بولعانى ءجون.


  شياڭگاڭ قالا ۋنيۆەرسيتەتىنىڭ مەكتەپ باستىعى گو ۋەي بىلاي دەدى: تاياۋدا ءتوراعا شي جينپيڭ ەكى اكادەميانىڭ شياڭگاڭداعى 24 اكادەميگىنىڭ حاتىنا ماڭىزدى نۇسقاۋ بەرىپ، سونداي – اق عىلىم – تەحنيكا مينيسترلىگى، قازىنا مينيسترلىگى قاتىستى ورنالاستىرۋ جاساپ، شياڭگاڭنىڭ عىلىم – تەحنيكا قىزمەتكەرلەرىنە وراسان زور شابىت بەردى، وسىلاردىڭ شياڭگاڭنىڭ جوعارى مەكتەپتەرىنىڭ عىلمي زەرتتەۋ اۋانىن قويۋلاتۋعا تۇرتكى بولارىنا سەنەمىن.


  شياڭگاڭ عىلىم اكادەمياسىنىڭ باستىعى شۇي ليجى بىلاي دەدى: شياڭگاڭ ەگەر ءوز ارتىقشىلىعىن ءۇرتىس ساۋلەلەندىرىپ، عىلمي زەرتتەۋ نەگىزىن جاقسى قالاپ، ورەلى عىلمي زەرتتەۋ ابزالدىعىن ساۋلەلەندىرسە، سونىمەن بىرگە گۋاڭدۇڭ، شياڭگاڭ، اۋمىن ۇلكەن شىعاناق وڭىرىندەگى جوعارى عىلىم – تەحنيكا كاسىبىمەن ۇتىمدى ۇشتاسسا، ەكونوميكانىڭ جاڭا ەكولوگيالىق تىزبەگىن، ءسوزسىز، قالىپتاستىرا الادى.


  شياڭگاڭنىڭ «ادەبي جيناق گازەتى» باسماقالا جاريالاپ بىلاي دەدى: ءتوراعا شي جينپيڭنىڭ ماڭىزدى ءسوزى شياڭگاڭ جونىنەن ءارى ۇندەۋ، ءارى تاماشا وراي سانالادى. شياڭگاڭ مەملەكەتتىڭ عىلىم – تەحنيكانى دامىتۋىنا قولداۋ كورسەتۋدە، وزەكتى تەحنيكانى يگەرۋدە ءىرى ىستەردى تىندىرا الادى.


  شياڭگاڭ «ادىلەت گازەتىنىڭ» باسماقالاسىندا بىلاي دەلىندى: شياڭگاڭنىڭ بولاشاق تاعدىرى قاشان دا مەملەكەتتىڭ تاعدىرىمەن تىعىز بايلانىستى، مەملەكەتتى عىلىم – تەحنيكامەن قۇدىرەتتەندىرۋ جورىعىندا شياڭگاڭ سىرت كوز بولمايدى، قايتا كەم بولسا بولمايتىن ءبىر مۇشە سانالادى. شياڭگاڭنىڭ ءارقايسى سالاسىنداعىلار بورىش، جاۋاپكەرلىك، قاتەر جانە شۇعىلدىق تانىمىمەن مەملەكەتتىڭ جالپىلىق ستراتەگيا جاعدايىندا ءوزىنىڭ ەرەكشەلىككە يە ابزالدىعىن ساۋلەلەندىرىپ، مەملەكەتتىڭ عىلىم – تەحنيكادا قۇدىرەتتى ەل قۇرۋىنا، شياڭگاڭنىڭ حالىقارا بويىنشا جاڭالىق جاراتۋ ورتالىعىن قۇرۋىنا كۇش قوسۋى كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار