تىڭ ورتاق تانىم، جاڭا جوسپار، سونى كۇش
شاڭحاي سەلبەستىك ۇيىمىنىڭ دامۋىنا جاڭا جوبا ازىرلەدى (شاڭحاي سەلبەستىك ۇيىمىنىڭ چيڭداۋ سامميتىنە نازار)
«حالىق گازەتىنىڭ» تىلشىلەرى گۋان كىجياڭ، ۋاڭ يۋان، چى بين، ۋاڭ حايلين
2018.06.06 16:13 كەلۋ قاينارى : حالىق تورابى
حۋاڭحاي تەڭىزىنىڭ قايراڭى، كوكپەڭبەك ارال قالاسى. شاڭحاي سەلبەستىك ۇيىمى مۇشە ەلدەرى باسشىلارى القالار كەڭەسىنىڭ 18 – ءماجىلىسى 9 – ماۋسىمنان 10 – ماۋسىمعا دەيىن وسىندا وتكىزىلەدى، جۇڭگونىڭ مەملەكەت ءتوراعاسى شي جينپيڭ ءماجىلىستى باسقارادى ءارى قاتىستى قيمىلداردى وتكىزەدى.
شاڭحايدا ىرگەسىن قالاعان شاڭحاي سەلبەستىك ۇيىمى 17 جىلدان بەرى كوپتەگەن تاريحي بارىستى باستان كەشىرىپ، حالىق سانى ەڭ كوپ، شارپىعان جەر اۋماعى ەڭ كەڭ وڭىرلىك حالىقارالىق ۇيىمعا اينالدى؛
5 جىلدان بەرى جۇڭگو شاڭحاي سەلبەستىك ۇيىمىنىڭ دامۋىنا ۇزدىكسىز تىڭ كۇش قوستى، كوپتەگەن ناقتى دارىپتەمە ءوزارا تيىمدىلىك جەتكىزىپ، ورتاق يگىلىككە كەنەلۋدى ىلگەرىلەتتى.
شاڭحاي سەلبەستىك ۇيىمىنىڭ چيڭداۋ سامميتى جاڭا دامۋ تۇرعىسىنان، جاڭا تاريحي باستامادان تىڭ جورىقتىڭ بەتاشارىن اشپاق.
«شاڭحاي رۋحىنا» جاڭا مازمۇن قوسادى
قانشاما تابىستى قولعا كەلتىرسەك تە، اۋەلگى ماقساتتى ۇمىتۋىمىزعا بولمايدى.
قۇرىلعان 17 جىلدان بەرى سەنىم ارتۋ، پايدا جەتكىزۋ، بارابار بولۋ، كەڭەسۋ، الۋان مادەنيەتكە قۇرمەت ەتۋ، ورتاق دامۋعا تالپىنۋ سىندى «شاڭحاي رۋحى» شاڭحاي سەلبەستىك ۇيىمى دامۋىنىڭ بارىسىندا باستان – اياق دايەكتىلەنىپ وتىردى. وسىنداي رۋحتىڭ جەتەكشىلىگىندە شاڭحاي سەلبەستىك ۇيىمىنداعى ەلدەر ءارقايسى سالاداعى سەلبەستىكتى ىلگەرىلەتىپ، حالىقارالىق جانە وڭىرلىك ىستەردە سىندارلى رول اتقارىپ، ءوزارا قۇرمەت ەتۋ، ءادىل، ادىلەتتى بولۋ، سەلبەسە وتىرىپ تەڭ يگىلىككە كەنەلۋ سىندى جاڭاشا حالىقارالىق قارىم – قاتىناستىڭ ۇلگىسىن ورناتىپ، شاڭحاي سەلبەستىك ۇيىمىنىڭ كەڭ كولەمدە ىقپالى بار جالپىلىق وڭىرلىك ۇيىمعا اينالۋىن ىلگەرىلەتتى.
«‹شاڭحاي رۋحى› تۋدىرعان پارمەندى جۇمىلعىشتىق كۇش − وسى ۇيىمنىڭ دامۋىنىڭ كەپىلى. ءبىز ىنتىماق پەن سەلبەستىكتى تاماشا ءداستۇر رەتىندە جالعاستىرۋىمىز، جاڭا جانە كونە مۇشە ەلدەر ءبىر - بىرىنە بالداي باتىپ، سۋداي ءسىڭىپ، ساياسي سەنىمدىلىكتى تەرەڭدەتىپ، ءوزارا قولداۋدى كۇشەيتىپ، تەرەزەسى تەڭ، ءوزارا قارايلاساتىن، قۋانىش پەن قايعىنى، حاۋىپ پەن قاتەردى تەڭ كوتەرەتىن تاعدىرلاس ورتاق تۇلعا ورناتۋىمىز كەرەك».
ءتوراعا شي جينپيڭنىڭ وسى سارا پايىمداۋى «شاڭحاي رۋحىنىڭ» ءداۋىر جانە ءوڭىر شەكتەمەسىن بۇزعان ومىرشەڭدىك قۋاتى مەن قۇنىن ايگىلەدى. «شاڭحاي رۋحى» تاتۋ كورشىلىك قاتىناسقا جانە بىرگە گۇلدەنۋگە تالپىنعان بارلىق ەلگە ءتيىمدى ۇلگى كورسەتتى، سونداي – اق حالىقارالىق قوعامنىڭ سەلبەسە وتىرىپ تەڭ يگىلىككە كەنەلۋدى وزەك ەتكەن جاڭاشا حالىقارالىق قارىم – قاتىناستى ورناتۋىنا مىعىم كۇش قوستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
