شي جينپيڭ قىرعىزستاننىڭ پرەزيدەنتى سورونباي جيەنبەكوۆ پەن كەڭەس وتكىزدى
ەكى ەل باسشىلارى جۇڭگو مەن قىرعىزستاننىڭ جالپى بەتتىك ستراتەگيالىق ارىپتەستىك قاتىناسىن ورناتۋعا ءبىر اۋىزدان ماقۇل بولدى
2018.06.07 15:29 كەلۋ قاينارى : حالىق تورابى
«حالىق گازەتى»، 6 – ماۋسىم، بەيجيڭ (ءتىلشى لي ۋەيحۇڭ). مەملەكەت ءتوراعاسى شي جينپيڭ 6 – ماۋسىمدا حالىق سارايىندا قىرعىزستاننىڭ پرەزيدەنتى سورونباي جيەنبەكوۆ پەن كەڭەس وتكىزدى. ەكى ەل باسشىلارى جۇڭگو مەن قىرعىزستاننىڭ جالپى بەتتىك ستراتەگيالىق ارىپتەستىك قاتىناسىن ورناتۋعا ءبىر اۋىزدان ماقۇل بولىپ، ەكى ەلدىڭ دوستىق سەلبەستىگىنىڭ جاڭا پاراعىن اشتى.
شي جينپيڭ سورونباي جيەنبەكوۆتىڭ جۇڭگودا مەملەكەتتىك ساپاردا بولۋىن جانە شاڭحاي سەلبەستىك ۇيىمىنىڭ چيڭداۋ سامميتىنە قاتىناسۋىن قارسى الدى. شي جينپيڭ مىنالاردى دارىپتەدى: جۇڭگو مەن قىرعىزستاننىڭ جالپى بەتتىك ستراتەگيالىق ارىپتەستىك قاتىناسىن ورناتۋى − ەكى ەل قاتىناسى تاريحىنداعى بەلەستىك مانگە يە ءىرى ءىس، مىنە، ەندى ەكى ەل قاتىناسىنىڭ تىڭ پاراعى اشىلدى. جاڭا تاريحي باستالۋ تۇيىنىندە جۇڭگو قىرعىزستانمەن بىرگە ەكى ەلدىڭ ۇرپاقتان ۇرپاققا جالعاسقان دوستىعىنىڭ رۋحىن اسقاقتاتىپ، جالپى بەتتىك دوستىق سەلبەستىكتى دامىتۋدى تياناق ەتىپ، دامىپ – گۇلدەنۋدى ىسكە اسىرۋ جولىندا بىرگە قۇلشىنىپ، ەكى ەل حالىقتارىنا ءتىپتى دە زور باقىت جاراتۋعا پەيىل.
شي جينپيڭ مىنالاردى اتاپ كورسەتتى: قىرعىزستان − «ءبىر بەلدەۋ، ءبىر جول» قۇرىلىسىنا ەڭ الدىمەن قولداۋ ءبىلدىرىپ قاتىناسقان مەملەكەتتەردىڭ ءبىرى. جۇڭگو قىرعىزستانمەن بىرگە وي ءورىسىن كەڭەيتىپ، كومەسكى كۇشتەردى اشىپ، ەكى جاقتىڭ سەلبەستىگىن ۇزدىكسىز تىڭ بەلەسكە كوتەرۋدى قالايدى. دامۋ ستراتەگياسىن ۇشتاستىرۋدى جانە ساياساتتى سايكەستىرۋدى كۇشەيتىپ، ءتىپتى دە كوپ مۇددە توعىسۋ تۇيىندەرى مەن ارتۋ تۇيىندەرىن قاراستىرىپ، ەكى ەل سەلبەستىگىنىڭ ءتۇيىندى سالالارى مەن نىساندارىن قاتار وتىرىپ ويداعىداي جوسپارلاپ، ەكونوميكا – ساۋدا قارجىلاندىرۋىن كەڭەيتىپ، ءىرى نىساندارداعى سەلبەستىكتى تەزدەتۋ؛ گۋمانيتارلىق جانە جەرگىلىكتى ورىندار سەلبەستىگىن كەڭەيتىپ، كورشىلىك دوستىقتى بەكەمدەۋ؛ حاۋىپسىزدىك سەلبەستىگى دەڭگەيىن جوعارىلاتىپ، «ءۇش ءتۇرلى كۇشكە» جانە ەل اتتاعان ۇيىمدىق قىلمىسقا سوققى بەرۋ كەرەك.
شي جينپيڭ قىرعىزستاننىڭ جۇڭگونىڭ شاڭحاي سەلبەستىك ۇيىمىنا كەزەكتى ءتوراعا ەل بولۋىن زور كۇشپەن قولداعانىن جوعارى باعالاپ، جۇڭگونىڭ قىرعىزستانمەن بىرگە قۇلشىنىپ، شاڭحاي سەلبەستىك ۇيىمىنىڭ اقاۋسىز ورنىقتى ارنامەن دامۋىن جەبەۋگە پەيىل ەكەنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
