شي جينپيڭ قازاقستاننىڭ پرەزيدەنتى نۇرسۇلتان نازاربايەۆپەن كەڭەس وتكىزدى
ەكى ەل باسشىلارى ۇلتتىڭ گۇلدەنۋى ساپارىندا قول ۇستاسا ىلگەرىلەۋدى ءبىر اۋىزدان ۇيعاردى
2018.06.08 15:53 كەلۋ قاينارى : حالىق تورابى
«حالىق گازەتى»، 7 – ماۋسىم، بەيجيڭ (ءتىلشى لي ۋەيحۇڭ). مەملەكەت ءتوراعاسى شي جينپيڭ 7 – ماۋسىمدا حالىق سارايىندا قازاقستاننىڭ پرەزيدەنتى نۇرسۇلتان نازاربايەۆپەن كەڭەس وتكىزدى. ەكى ەل باسشىلارى جۇڭگو مەن قازاقستاننىڭ ءداستۇرلى دوستىعىن نىعايتىپ، ۇلتتىڭ گۇلدەنۋى ساپارىندا قول ۇستاسا ىلگەرىلەۋدى ءبىر اۋىزدان ۇيعاردى.
شي جينپيڭ مىنالاردى اتاپ كورسەتتى: قازاقستان – جۇڭگونىڭ ماڭىزدى كورشىسى ءارى ىقپالدى وڭىرلىك ءىرى ەل. جۇڭگو – قازاقستان قاتىناسى كورشى ەلدەر اراسىنداعى دوستىق قاتىناستىڭ ۇلگىسىنە اينالىپ وتىر. جۇڭگو قازاقستانمەن ادامزاتتىڭ تاعدىرلاس ورتاق تۇلعاسىن قۇرۋ جولىندا بىرگە ىلگەرىلەپ، ادامزاتتىڭ ءتىپتى دە نۇرلى بولاشاعىن اشۋعا اقىل – پاراسات جانە كۇش – قۋات توپتاۋدى قالايدى. جۇڭگو مەن قازاقستاننىڭ دوستىعى سىندى ۇلى كەرۋەندى وزىڭىزبەن بىرگە باستاۋعا پەيىلمىن.
شي جينپيڭ مىنالاردى دارىپتەدى: جۇڭگو ارمانى مەن قازاقستان ارمانى حالىقتى وزەك ەتكەن دامۋ ۇستانىمىن، سونداي – اق كوركەم بولاشاققا تالپىنىسىمىزدى ايگىلەدى. جۇڭگو مەن قازاقستان قول ۇستاسا ىلگەرىلەپ، ءوزارا دەم بەرىپ، ءبىر - ءبىرىنىڭ ايبىنىن اسىرۋى كەرەك. جۇڭگو قازاقستاننىڭ ىشكى – سىرتقى ساياساتتارىن بۇرىنعىداي باتىل قولداپ، قازاقستانمەن «ءۇش ءتۇرلى كۇشكە» سوققى بەرۋ سياقتى جاقتارداعى سەلبەستىكتى تەرەڭدەتىپ، حالىقارالىق جانە وڭىرلىك ىستەردەگى قارىم – قاتىناس پەن سايكەسۋدى نىعايتۋعا پەيىل.
شي جينپيڭ مىنالاردى اتاپ كورسەتتى: 5 جىلدىڭ الدىندا قازاقستاندا تۇڭعىش ساپاردا بولعانىمدا پرەزيدەنت مىرزانىڭ سەرىك بولۋىمەن نازاربايەۆ ۋنيۆەرسيتەتىندە جىبەك جولى ەكونوميكالىق بەلدەۋى دارىپتەمەسىن العاش ورتاعا قويعان ەدىم. 5 جىلدان بەرى «ءبىر بەلدەۋ، ءبىر جول» دارىپتەمەسى حالىقارالىق قوعامنان بەلسەندى قولداۋ تاپتى. «ءبىر بەلدەۋ، ءبىر جول» دارىپتەمەسىنىڭ بەلسەندى تابىسقا قول جەتكىزۋىندەگى كىلت – دۇنيە ءجۇزىنىڭ بەيبىتشىلىك جانە دامۋ اعىمىنا سايكەسىپ، جەلى بويىنداعى ەلدەردىڭ دامۋ سەلبەستىگىنىڭ رەال قاجەتىنە ۇيلەسكەندىگى. «ءبىر بەلدەۋ، ءبىر جول» دارىپتەمەسى ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ماڭىزدى امالياتىنا اينالىپ وتىر. جۇڭگو مەن قازاقستان 5 جىلدان بەرى «ءبىر بەلدەۋ، ءبىر جولدى» بىرگە قۇرۋ توڭىرەگىندەگى سەلبەستىگى تەرەڭ توعىسۋ، ءوزارا جەبەۋ سىندى جاڭا كەزەڭگە قادام تاستادى. ەكى جاق ساياساتتاردى سايكەستىرۋ سەرپىنىن ارتتىرىپ، جىبەك جولى ەكونوميكالىق بەلدەۋى قۇرىلىسىن «نۇرلى جول» جاڭا ەكونوميكالىق ساياساتىمەن ۇشتاستىرۋ سەلبەستىگى جوباسىن ويداعىداي تياناقتاندىرىپ، وندىرىستىك قۋات، قارجى قوسۋ، ەكونوميكا – ساۋدا، ەنەرگيا، فينانس، ءوزارا بايلانىس قۇرىلىسى، اۋىل شارۋاشىلىعى، جاڭالىق جاراتۋ سەلبەستىگىن ىلگەرىلەتىپ، گۋمانيتارلىق سەلبەستىكتىڭ جاڭا جاعدايىن جاراتتى. جۇڭگو قازاقستانمەن سايكەسۋدى كۇشەيتىپ، شاڭحاي سەلبەستىك ۇيىمىنىڭ ءار سالاداعى سەلبەستىگىنىڭ ۇزدىكسىز تىڭ ساتىعا كوتەرىلە بەرۋىن ىلگەرىلەتىپ، ازياداعى ءوزارا ءىس – قيمىل جانە سەنىم شارالارى جونىندەگى كەڭەستىڭ جالپىلىق سەلبەستىك دەڭگەيىن ۇزدىكسىز جوعارىلاتىپ، ونىڭ ءوڭىردىڭ حاۋىپسىزدىك جانە دامۋ قاجەتىنە ءتىپتى دە جاقسى قىزمەت ەتۋىنە مۇمكىندىك جاراتۋى كەرەك.
نۇرسۇلتان نازاربايەۆ مىنالاردى ءبىلدىردى: جۇڭگو – قازاقستاننىڭ دوس كورشىسى جانە ماڭىزدى سەلبەستىك سەرىگى. قازاقستان قازاقستان مەن جۇڭگونىڭ ءداستۇرلى دوستىعىن توتەنشە قاستەرلەيدى، جۇڭگونىڭ ۇزاق ۋاقىتتان بەرى كۇش سالا قولداپ كەلە جاتقانىنا العىس ايتادى. جۇڭگونىڭ دامۋى قازاقستانعا وراي تۋدىردى. قازاقستان جاڭا داۋىردەگى جۇڭگوشا سوتسيزليزم ىستەرىن قولدايدى، ونىڭ تابىستى بولۋىنىڭ قازاقستاننىڭ مۇددەسىنە دە ۇيلەسەتىنىنە سەنەدى. قازاقستان ءبىر جۇڭگو ساياساتىندا تاباندى بولىپ، «ءۇش ءتۇرلى كۇشكە» باتىل سوققى بەرەدى، جۇڭگومەن حالىقارالىق ىستەردە ءبىر - ءبىرىن ۇزدىكسىز قولداپ، شاڭحاي سەلبەستىك ۇيىمى جانە ازياداعى ءوزارا ءىس – قيمىل جانە سەنىم شارالارى جونىندەگى كەڭەس اياسىندا قارىم – قاتىناس جاساپ، سايكەسۋدى قالايدى. ءتوراعا شي جينپيڭنىڭ 5 جىلدىڭ الدىندا قازاقستاندا تۇڭعىش ورتاعا قويعان جىبەك جولى ەكونوميكالىق بەلدەۋى دارىپتەمەسى وسى وڭىردەگى ەلدەرگە باقىت اكەلەدى. قازاقستان «نۇرلى جول» جاڭا ەكونوميكالىق ساياساتىنىڭ «ءبىر بەلدەۋ، ءبىر جول» قۇرىلىسىمەن ۇشتاسۋىن كۇشەيتىپ، قازاقستان مەن جۇڭگونىڭ ءار سالاداعى سەلبەستىگىن تەرەڭدەتۋگە پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
