لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ماجىلىستە كوك اسپاندى قورعاۋ شايقاسىنىڭ 3 جىلدىق ارەكەت جوسپارىن اتقارىپ، اۋا ساپاسىن تىنباي جاقسارتۋ ورنالاستىرىلدى؛ يمپورتتى اناعۇرلىم كەڭەيتۋ شارالارى تۇراقتاندىرىلىپ، قۇرىلىمدى رەتتەۋ، حالىققا تيىمدىلىك جاراتۋ جانە سىرتقى ساۋدانى بارابار دامىتۋ جەبەلدى
2018.06.14 14:37 كەلۋ قاينارى : حالىق تورابى
شينحۋا اگەنتتىگى، 13 – ماۋسىم، بەيجيڭ. مەملەكەتتىك كەڭەستىڭ زۇڭليى لي كىچياڭ 13 - ماۋسىمدا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە كوك اسپاندى قورعاۋ شايقاسىنىڭ 3 جىلدىق ارەكەت جوسپارىن اتقارىپ، اۋا ساپاسىن تىنباي جاقسارتۋ ورنالاستىرىلدى؛ يمپورتتى اناعۇرلىم كەڭەيتۋ شارالارى تۇراقتاندىرىلىپ، قۇرىلىمدى رەتتەۋ، حالىققا تيىمدىلىك جاراتۋ جانە سىرتقى ساۋدانى بارابار دامىتۋ جەبەلدى.
ماجىلىستە مىنالار اتاپ كورسەتىلدى: پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارى بويىنشا، بۇقارانىڭ تىلەگىنە جانە ساپالى دامۋدىڭ قاجەتىنە ۇيلەسىپ، اتموسفەرانى جونگە سالۋدىڭ ون تارماقتى نىساناسىن ۋاعىندا ىسكە اسىرۋ، اۋا ساپاسىن جالپى جاقتان جاقسارتۋ نەگىزىندە بەيجيڭ، تيانجين، حىبەي جانە ونىڭ توڭىرەگىندەگى رايوندار، چاڭجياڭ اتىراۋى رايونى سياقتى ءتۇيىندى وڭىرلەردى نەگىزگى شايقاس الاڭى ەتىپ، 3 جىل قۇلشىنۋ ارقىلى ۇساق تۇيىرشىك زاتتىڭ قويۋلىعىن كورنەكتى تومەندەتۋ، لاستانۋ اۋىر بولعان كۇن سانىن كورنەكتى تومەندەتۋ كەرەك. بىرىنشىدەن، قاينارىنان ساقتانىپ جانە تەجەپ، ءتۇيىندى جونگە سالۋ كەرەك. ءتۇيىندى وڭىرلەردە بولات – تەمىر، كوكستەندىرۋ، ەلەكتروليزدەندىرىلگەن اليۋمين سياقتى ءوندىرىس قۋاتىن تىڭنان ارتتىرۋدى قاتاڭ شەكتەپ، قالىپتان تىس اسىپ قالعان ءوندىرىس قۋاتىن قاتاردان قالدىرۋ ولشەمىن جوعارىلاتۋ كەرەك. كۇشتى شوعىرلاندىرىپ بىتىراڭقى كومىر كەندەرىن جونگە سالۋدى ىلگەرىلەتۋ كەرەك. تەمىر جول زات تاسىمالى سالىستىرماسىن زور مولشەردە جوعارىلاتۋ كەرەك. پايدالانىلعانىنا 20 جىلدان اسقان ىشكى وزەن تاسىمال كەمەلەرىن كەرەكتەن شىعارۋعا شابىت بەرۋ كەرەك. كەلەر جىلى 1 – قاڭتاردان باستاپ ەل بويىنشا مەملەكەتتىڭ 6 ولشەمىنە ۇيلەسەتىن اۆتوموبيلگە پايدالانىلاتىن بەنزين، سالەركامەن جاپپاي قامداۋ كەرەك. ەنەرگيا ۇنەمدەيتىن، جوعارى ءونىمدى تەحنيكا جانە ونىمدەردى اشىپ، جالپىلاستىرىپ، ەنەرگيا ۇنەمدەيتىن، جاسىل، ورتانى قورعايتىن كاسىپتەردى جەتىلدىرۋ، دامىتۋ كەرەك. ەكىنشىدەن، لاستانۋدى عىلميلىقپەن، ۇيلەسىمدى، تارتىپپەن وڭاۋ كەرەك. ءتۇيىندى وڭىرلەردە كومىردىڭ تۇتىنۋ جالپى مولشەرىن ءۇرتىس تەجەپ، ولشەمگە تولمايتىن كومىر سارىپ ەتىلەتىن گەنەراتور اگراگراتتارىن جانە كومىر سارىپ ەتىلەتىن شاعىن پار قازانداردى تارتىپپەن پارمەندى قاتاردان قالدىرۋ كەرەك. تۇراقتى بىلعانىش قاينارى بولىپ وتىرعان كاسىپورىنداردى تولىق شارپيتىن لاس زاتتاردى ىعىستىرۋعا رۇقسات بەرۋ ءتۇزىمىن ورناتىپ، لاس زاتتاردى ىعىستىرۋ ولشەمىنە جەتە الماعاندارىن زاڭ بويىنشا قاتاڭ جونگە سالۋ كەرەك. شاڭدى جانە اشىق كومىر كەندەرىن جونگە سالۋدى كۇشەيتىپ، ەگىس داقىلدارىن ورتەۋگە تيىم سالۋ شارالارىن كەمەلدەندىرۋ كەرەك. امالياتتى شىعار ءتۇيىن ەتۋدەن جازباي، ەلەكتر، گاز، كومىر، جەر جىلۋى سياقتى ەنەرگيا كوزدەرىنىڭ قايسىسى ۇيلەسسە، سودان لايىقتى پايدالانىپ، سولتۇستىك وڭىردەگى بۇقارانىڭ قىستا جىلۋمەن حاۋىپسىز قامدالۋىنا كەپىلدىك ەتۋ كەرەك. ۇشىنشىدەن، ورتانى باقىلاپ – باسقارۋ تاسىلىندە جاڭالىق جاراتۋ كەرەك. «كەز كەلگەن ۋاقىتتا تەكسەرۋ، بىردە جاريالى بولۋ» سياقتى باقىلاپ – باسقارۋ شارالارىن جالپىلاستىرىپ، بۇقارانى ورتانى قورعاۋداعى زاڭعا قايشى ارەكەتتەردى اشكەرەلەۋگە شابىتتاندىرۋ كەرەك. ورتانى قورعاۋ بويىنشا زاڭنىڭ اتقارىلۋىن قۋزاۋدى قاتاڭداتىپ، ءتۇيىندى وڭىرلەردە كۇز، قىس ماۋسىمدارىندا اتموسفەرانىڭ بىلعانۋىن، ديزەلدى جۇك ماشينالارىنىڭ بىلعاۋىن، ونەركاسىپ قۇمداندارىن جانە بۋلانعىش ورگانيكالى زاتتاردى جونگە سالۋ سياقتى كەلەلى قامال الۋ قيمىلدارىن ورىستەتۋ كەرەك. زاڭ – بەلگىلەمە، ولشەمدەردى جانە ورتانى ولشەۋ – باقىلاۋ تورابىن كەمەلدەندىرىپ، ينفورماتسيادا جاريالى بولۋدى جانە باعالاۋ جاۋاپكەرلىگىن قۋزاۋدى كۇشەيتىپ، تۇتاس قوعامدى جۇمىلدىرىپ، كوك اسپاندى قول ۇستاسا قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
