شي جينپيڭ چاۋشيان ەڭبەك پارتياسى ورتالىق كوميتەتىنىڭ باستىعى كيم جوڭ - ۇنمەن كەڭەس وتكىزدى
لي كىچياڭ، ۋاڭ حۋنيڭ، ۋاڭ چيشان قاتىستى قيمىلدارعا قاتىناستى
2018.06.20 15:18 كەلۋ قاينارى : حالىق تورابى
شينحۋا اگەنتتىگى، 19 – ماۋسىم، بەيجيڭ (ءتىلشى لي جۇڭفا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 19 - ماۋسىمدا جۇڭگودا مەملەكەتتىك ساپاردا بولۋ ءۇشىن سول كۇنى بەيجيڭگە كەلگەن چاۋشيان ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەڭەس وتكىزدى. ەكى ەل باسشىلارى قازىرگى جۇڭگو - سولتۇستىك كورەيا قارىم - قاتىناسىنىڭ دامۋى جانە كورەي تۇبەگىنىڭ جاعدايى جونىندە بۇكپەسىز، ىشكەرىلەي پىكىر الماستىرىپ، ءبىر اۋىزدان بىلاي دەستى: جۇڭگو - چاۋشيان قارىم - قاتىناسىن ويداعىداي قورعاپ، بەكەمدەپ، دامىتىپ، كورەي تۇبەگىنىڭ بەيبىتشىلىگى مەن ورنىقتىلىعىندا ءدوپ كەلگەن تاماشا بەتالىستى دامىتۋدى بىرلەسە ىلگەرىلەتىپ، دۇنيە ءجۇزىنىڭ جانە ءوڭىردىڭ بەيبتىشىلىگى مەن ورنىقتىلىعىن، گۇلدەنۋى مەن دامۋىن قورعاۋ ءۇشىن بەلسەنە ۇلەس قوسۋ كەرەك.
شي جينپيڭ مىنالاردى اتاپ كورسەتتى: ءبىز كوميتەت باستىعى كيم جوڭ - ۇن جولداستىڭ پرەزيدەنت ترامپپەن سينگاپۋردا ماڭىزدى كەزدەسۋ وتكىزىپ، تۇبەكتى يادروسىزداندىرۋ، تۇبەكتىڭ باياندى بەيبىتشىلىك مەحانيزمىن ورناتۋ جونىندە پرينسيپتىك ورتاق تانىمعا كەلىسىپ، بەلسەندى تابىسقا قول جەتكىزگەنىن قۋانىشپەن كورىپ وتىرمىز، جۇڭگو بۇنى جوعارى باعالايدى. كوميتەت باستىعى كيم جوڭ - ۇن جولداستىڭ ارنايى ساپارمەن جۇڭگوعا كەلۋى جۇڭگو مەن چاۋشيان پارتيالارىنىڭ، ەلدەرىنىڭ ستراتەگيالىق پىكىرلەسۋىنە ايرىقشا ءمان بەرەتىنىن ايگىلەدى، مەن مۇنى جوعارى باعالايمىن.
شي جينپيڭ مىنالاردى دارىپتەدى: 3 ايعا جەتپەيتىن ۋاقىت ىشىندە كوميتەت باستىعى جولداس ەكەۋىمىز 3 رەت كەزدەسۋ وتكىزىپ، ەكى پارتيا، ەكى ەل قارىم - قاتىناسىنىڭ دامۋىنا ايقىن باعىت كورسەتىپ، جۇڭگو - چاۋشيان قارىم - قاتىناسى دامۋىنىڭ تىڭ پاراعىن اشتىق. جۇڭگونىڭ پارتياسى مەن ۇكىمەتى جۇڭگو - چاۋشيان دوستىق سەلبەستىك قارىم - قاتىناسىنا ايرىقشا ءمان بەرەدى، حالىقارالىق جانە وڭىرلىك جاعداي قالاي وزگەرسە دە، جۇڭگونىڭ پارتياسى مەن ۇكىمەتىنىڭ جۇڭگو - چاۋشيان قارىم - قاتىناسىن بەكەمدەيتىن، دامىتاتىن بەرىك تۇرعىسى وزگەرمەيدى، جۇڭگو حالقىنىڭ چاۋشيان حالقىنا دەگەن دوستىق سۇيىسپەنشىلىگى وزگەرمەيدى، جۇڭگونىڭ سوتسياليستىك چاۋشياندى قولداۋى وزگەرمەيدى. مەن كوميتەت باستىعى جولداسپەن بىرگە ەكى جاق كەلىسكەن ماڭىزدى ورتاق تانىمداردى ويداعىداي تياناقتاندىرۋدى جالعاستىرىپ، جۇڭگو - چاۋشيان قارىم - قاتىناسىنىڭ ۇزاق ۋاقىت اقاۋسىز، ورنىقتى دامۋىن ىلگەرىلەتىپ، ەكى ەلدى جانە ەكى ەل حالىقتارىن باقىتقا كەنەلتۋدى قالايمىن.
شي جينپيڭ مىنالاردى اتاپ كورسەتتى: بيىل − جۇڭگونىڭ رەفورما جۇرگىزىپ، قاقپا اشقانىنىڭ 40 جىلدىعى. رەفورما جۇرگىزىپ، قاقپا اشقاننان بەرى جۇڭگو حالقى مەملەكەت جاعدايىن تياناق ەتىپ، دۇنيە جۇزىنە كوز تاستاپ، باتىلدىقپەن ءوز - وزىنە توڭكەرىس جۇرگىزىپ، ءوز - وزىنە وزگەرىس جاساپ، ىزدەنۋ ارقىلى ءوز مەملەكەت جاعدايىنا ۇيلەسەتىن دامۋ جولىن تاپتى. ءبىز چاۋشياننىڭ قىزمەت سالماعىن ەكونوميكالىق قۇرىلىسقا اۋدارۋ جونىندە ماڭىزدى شەشىم جاساعانىن، چاۋشياننىڭ سوتسياليزم ىستەرىنىڭ دامۋى جاڭا تاريحي كەزەڭگە وتكەنىن قۋانىشپەن كورىپ وتىرمىز. ءبىز چاۋشياننىڭ ەكونوميكانى دامىتۋىن، حالىق تۇرمىسىن جاقسارتۋىن قولدايمىز، چاۋشياننىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايمىز. كيم جوڭ - ۇن باس شۋجي شي جينپيڭمەن كوپ وتپەي تاعى كەزدەسكەنىنە ايرىقشا قۋانىشتى ەكەنىن ءبىلدىردى. ول مىنالاردى دارىپتەدى: جۇڭگو − ءبىزدىڭ ۇلى دوس كورشىمىز، باس شۋجي شي جينپيڭ جولداس − ءبىز ايرىقشا قۇرمەتتەيتىن جانە سەنەتىن ۇلى باسشى. باس شۋجي شي جينپيڭ جولداستىڭ جانە جۇڭگونىڭ پارتياسىنىڭ، ۇكىمەتىنىڭ، حالقىنىڭ ماعان جانە چاۋشيان پارتياسىنا، ۇكىمەتىنە، حالقىنا دەگەن ەجەلدەن بەرگى شىنايى دوستىق سۇيىسپەنشىلىگىنە جانە قاستەرلى قولداۋىنا العىس ايتامىن. مەن ەڭبەك پارتياسىنىڭ بارلىق مۇشەلەرىن جانە بارشا چاۋشيان حالقىن باستاپ، باس شۋجي جولداس ەكەۋىمىز كەلىسكەن ماڭىزدى ورتاق تانىمدى مۇقيات، ويداعىداي تياناقتاندىرىپ، چاۋشيان مەن جۇڭگونىڭ مىزعىماس قارىم - قاتىناسىن جاڭا دەڭگەيگە كوتەرەمىن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
