شي جينپيڭ سولتۇستىك كورەيا ەڭبەك پارتياسى ورتالىق كوميتەتىنىڭ باستىعى كيم جوڭ - ۇنمەن كەزدەستى
2018.06.21 16:36 كەلۋ قاينارى : حالىق تورابى
شينحۋا اگەنتتىگى، 20 – ماۋسىم، بەيجيڭ (ءتىلشى لي جۇڭفا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 20 - ماۋسىمدا دياۋيۇيتاي مەملەكەتتىك قوناق ۇيىندە سولتۇستىك كورەيا ەڭبەك پارتياسى ورتالىق كوميتەتىنىڭ باستىعى، مەملەكەت ىستەرى كوميتەتىنىڭ باستىعى كيم جوڭ - ۇنمەن كەزدەستى.
جاز ورتاسىنداعى دياۋيۇيتايدا اعاش - شوپتەر نۋ بولىپ جايقالىپ، گۇلدەر جايناپ تۇر. ەكى پارتيانىڭ، ەكى مەملەكەتتىڭ ەڭ جوعارى باسشىلارى ىقىلاستى، دوستىق مەرەيمەن بىرگە وتىرىپ شاي ءىشىپ، ىشكەرىلەي پىكىرلەستى.
شي جينپيڭ مىنالاردى دارىپتەدى: كوميتەت باستىعى كيم جوڭ - ۇن 100 كۇن ىشىندە جۇڭگوعا 3 رەت كەلىپ، مەنىمەن كەزدەسۋ وتكىزدى، ەكى جاق جۇڭگو مەن سولتۇستىك كورەيانىڭ جوعارى جىكتەگىلەرى ارا بارىس - كەلىسىنىڭ جاڭا تاريحىن بىرگە اشتى. ءبىز جۇڭگو مەن سولتۇستىك كورەيا كەلىسكەن ماڭىزدى ورتاق تانىمنىڭ بىرتىندەپ تياناقتانىپ كەلە جاتقاندىعىن، جۇڭگو مەن سولتۇستىك كورەيانىڭ دوستىق ىنتىماقتاستىق قارىم - قاتىناسىنىڭ جاڭا ومىرشەڭدىك كۇش جالىنداتقانىن،كورەي تۇبەگىندە ديالوگ جانە باسەيۋ بەتالىسى پارمەندى بەكەمدەلگەنىن، سولتۇستىك كورەيا ەڭبەك پارتياسىنىڭ جاڭا ستراتەگيا - لۋشيانىنىڭ سولتۇستىك كورەيانىڭ سوتسياليزم ىستەرىنىڭ جاڭا جورىققا اتتانۋىن ىلگەرىلەتكەنىن قۋانىشپەن كورىپ وتىرمىز. مەن جۇڭگو مەن سولتۇستىك كورەيا ەكى جاعىنىڭ بىرگە قۇلشىنۋىندا جۇڭگو - سولتۇستىك كورەيا قارىم - قاتىناسىنىڭ، ءسوز جوق، ەكى ەلدى جانە ەكى ەل حالقىن اناعۇرلىم جاقسى باقىتقا كەنەلتەتىندىگىنە، جۇڭگو مەن سولتۇستىك كورەيانىڭ قاتىستى جاقتارىنىڭ بىرگە قۇلشىنۋىنداكورەي تۇبەگىنىڭ جانە شىعىس سولتۇستىك ازيا ءوڭىرىنىڭ، ءسوز جوق، بەيبىت، ورنىقتى، دامىعان، گۇلدەنگەن جارقىن بولاشاعىن قارسى الاتىندىعىنا سەنەمىن.
شي جينپيڭ مىنالاردى اتاپ كورسەتتى: قازىر جۇڭگوشا سوتسياليزم جاڭا داۋىرگە ءوتىپ، جۇڭگو كوممۋنيستىك پارتياسى مەن جۇڭگوداعى ءار ۇلت حالقى پارتيانىڭ توڭىرەگىنە تىعىز ىنتىماقتاسىپ، «ەكى 100 جىلدىق» كۇرەس نىساناسىن جانە جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەسۋدە. جۇڭگو سولتۇستىك كورەيامەن بىرگە ءوزارا ۇيرەنىپ، ءبىر - بىرىنەن ۇلگى الۋدى، ىنتىماقتاسىپ سەلبەسۋدى، ەكى ەل سوتسياليزم ىستەرىنىڭ اناعۇرلىم جارقىن بولاشاعىنا بىرگە جول اشۋدى قالايدى.
كيم جوڭ - ۇن بىلاي دەدى: قازىر سولتۇستىك كورەيا مەن جۇڭگو ءبىر وتباسىنىڭ ادامىنداي جاقىن دوستىقپەن ءوزارا كومەكتەسۋدە، باس شۋجي شي جينپيڭ جولداس بىزگە ىقىلاستى دا اسەرلى قامقورلىق جاساپ، قولداۋ كورسەتىپ وتىر. مەنىڭ بۇل جولعى جۇڭگوعا ساپارىم باس شۋجي جولداس ەكەۋىمىز ارا دوستىقتى جانە سولتۇستىك كورەيا - جۇڭگو قارىم - قاتىناسىن ونان ارى تەرەڭدەتۋدىڭ ءتيىمدى ورايى بولدى. مەن جۇڭگولىق جولداستارمەن بىرگە بار كۇشىمدى سالىپ، سولتۇستىك كورەيا - جۇڭگو قارىم - قاتىناسىن جاڭا بيىككە كوتەرەمىن، سونداي - اق دۇنيە ءجۇزىنىڭ جانە ءوڭىردىڭ بەيبىتشىلىگى مەن ورنىقتىلىعىن قورعاۋ ءۇشىن ءتيىستى رول اتقارامىن. شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ پارمەندى باسشىلىعىندا جانە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانى ءساتتى جۇزەگە اسادى دەپ سەنەمىن.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
