بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ «دۇنيە جۇزىلىك باس اتقارۋشى ديرەكتورلار كوميتەتىنىڭ» ەرەكشە دوڭگەلەك ۇستەل باس قوسۋىنا قاتىناسقان شەتەلدىك ۋاكىلدەرمەن كەزدەستى جانە اڭگىمەلەستى

2018.06.22 16:29     كەلۋ قاينارى : حالىق تورابى


  «حالىق گازەتى»، 21 – ماۋسىم، بەيجيڭ (ءتىلشى لي ۋەيحۇڭ). مەملەكەت ءتوراعاسى شي جينپيڭ 21 - ماۋسىمدا دياۋيۇيتاي مەملەكەتتىك قوناق ۇيىندە جۇڭگوعا كەلىپ «دۇنيە جۇزىلىك باس اتقارۋشى ديرەكتورلار كوميتەتىنىڭ» ەرەكشە دوڭگەلەك ۇستەل باس قوسۋىنا قاتىناسقان ايگىلى ەل اتتاعان كاسىپورىنداردىڭ جاۋاپتىلارىمەن كەزدەستى ءارى ولارمەن اڭگىمەلەسىپ، پىكىر اۋىستى.

  كەزدەسۋدە بولعان كاسىپورىنشىلار ۋاكىلدەرى باس قوسۋدىڭ «اشىقتىق، سەلبەستىك، ءوزارا تيىمدىلىك» باس تاقىرىبىن ارقاۋ ەتە وتىرىپ، ىلگەرىندى - كەيىن «ءبىر بەلدەۋ، ءبىر جول»، جاڭالىق اشۋ جانە پاراساتتىق جاساۋ، جاسىل دامۋ، دۇنيە جۇزىلىك باسقارۋ سياقتى كەڭەستىك تاقىرىپتار جونىندە كوزقاراس ءبىلدىردى. شي جينپيڭ ولاردىڭ لەبىزىن مۇقيات تىڭدادى ءارى ولاردىڭ ۇسىنىس - پىكىرلەرىنە بىردەن - بىردەن جاۋاپ قايتاردى.شي جينپيڭ مىنالاردى اتاپ كورسەتتى: جۇڭگونىڭ دۇنيە جۇزىنە قاقپانى كەڭ اشىپ، رەفورما جۇرگىزۋ، قاقپا اشۋدى جولعا قويعانىنا 40 جىل بولدى. وسىندا وتىرعان ارىپتەستەر جۇڭگونىڭ رەفورما جۇرگىزىپ، قاقپا اشۋىنىڭ ماڭىزدى قاتىناسۋشىسى، كۋاگەرى، ۇلەس قوسۋشىسى، پايدا الۋشىسى، جۇڭگومەن اجىراماس بايلانىس ورناتقان. 40 جىلدىڭ ىشىندە جۇڭگودا وراسان زور وزگەرىس جارىققا شىقتى، جۇڭگونىڭ ەكونوميكاسى ءۇرتىس جوعارى جىلدامدىقپەن ارتتى، 700 ميلليوننان كوبىرەك ادام ب م ۇ ولشەمى بويىنشا كەدەيلىكتەن ارىلدى. جاڭا ساپارعا كوز جىبەرگەندە، ءبىزدىڭ رەفورما جۇرگىزىپ، قاقپا اشۋعا سەنىمىمىز نىعايا تۇسەدى، سىرتقا قاقپا اشۋ جۇڭگونىڭ دامۋىنداعى شەشۋشى امالداردىڭ ءبىرى ەكەنىنە سەنىمىمىز ارتا تۇسەدى.

  شي جينپيڭ مىنالاردى دارىپتەدى: 2017 - جىلدان بەرى دۇنيە جۇزىلىك ەكونوميكادا ورنىعۋ، جاقسارۋ بەتالىسى جارىققا شىقتى، ءبىراق دۇنيە جۇزىلىك ەكونوميكالىق ءوسىم ءالى دە ءالسىز، ساۋدا قورعانىمپازدىعى، وقشاۋلىق، حالىقشىلدىق سياقتى وي اعىمدارى ۇزدىكسىز باس كوتەرۋدە، دۇنيە جۇزىلىك بەيبىتشىلىك پەن دامۋ ءدوپ كەلىپ وتىرعان سىناق بارعان سايىن وتكىرلەنۋدە. وعان الىستان مىسال ىزدەۋدىڭ قاجەتى جوق. جاڭا جاعدايدا، قاقپا اشۋدا ماڭگى توقىراماي، ساپاعا ۇمتىلىس جاساۋ، ىنتىماقتاستىقتا بەرەكە - بىرلىكپەن ءوزارا كومەكتەسىپ، سىن - سايىسقا بىرگە توتەپ بەرۋ، ءوزارا تيىمدىلىكتە بولاشاقتى بەتكە الىپ، قول ۇستاسا العا ىلگەرىلەۋ كەرەك. حالىقارالىق قوعام − جەر شارى قىستاعى، تايتالاسۋدىڭ قاجەتى جوق. دۇنيە ءجۇزى تاعدىرىن ءار ەل بىرگە مەڭگەرۋى، حالىقارالىق قاعيدالاردى ءار ەل بىرگە بەلگىلەۋى، دۇنيە جۇزىلىك ىستەردى ءار ەل بىرگە جونگە سالۋى، دامۋ تابىسىنان ءار ەل بىرگە يگىلىكتەنۋى كەرەك. جۇڭگو جاق دۇنيە ءجۇزى ەلدەرىمەن بىرگە ادامزاتتىڭ تاعدىرلاس ورتاق تۇلعاسىن قول ۇستاسا بىرگە قۇرۋدى قالايدى.

  شي جينپيڭ مىنالاردى اتاپ كورسەتتى: «ءبىر بەلدەۋ، ءبىر جول» باستاماسى العا قويىلعان 5 جىلدان بەرى ءار جاقتىڭ كومەسكى مۇمكىندىكتەرى تولىق اشىلىپ، جەلى بويىنداعى ءار ەل حالقىنا باقىت جاراتىلدى. «ءبىر بەلدەۋ، ءبىر جول» توماعا - تۇيىق ەمەس، اشىق جانە قامتىمدى؛ ول جۇڭگونىڭ عانا جەكە ءىسى ەمەس، جەلى بويىنداعى ەلدەردىڭ ورتاق ءىسى. ءبىز ەل اتتاعان سەرىكتەستىكتەردى جۇڭگو كاسىپورىندارىمەن سەلبەستىك ورىستەتۋ ارقىلى ءوزارا تيىمدىلىك جاساپ، ورتاق پايداعا كەنەلۋگە، اناعۇرلىم ناقتى تابىسقا جەتۋگە شابىتتاندىرامىز.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار