كوممۋنيستىك جاستار وداعىنىڭ مەملەكەتتىك 18 - قۇرىلتايى بەيجيڭدە اشىلدى
شي جينپيڭ، لي كىچياڭ، لي جانشۋ، ۋاڭ ياڭ، جاۋ لىجي، حان جىڭ ماجىلىسكە قاتىناسىپ قۇتتىقتادى، ۋاڭ حۋنيڭ پارتيا ورتالىق كوميتەتى اتىنان ارناۋ ءسوز سويلەدى
2018.06.27 16:26 كەلۋ قاينارى : حالىق تورابى
«حالىق گازەتى»، 26 – ماۋسىم، بەيجيڭ (ءتىلشى لي چاڭيۇي). جۇڭگو كوممۋنيستىك جاستار وداعىنىڭ مەملەكەتتىك 18 - قۇرىلتايى 26 – ماۋسىم تۇستەن بۇرىن حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ ياڭ، جاۋ لىجي، حان جىڭ قاتارلى پارتيا مەن مەملەكەت باسشىلارى ماجىلىسكە قاتىناسىپ قۇتتىقتادى، ۋاڭ حۋنيڭ پارتيا ورتالىق كوميتەتى اتىنان ارناۋ ءسوز سويلەدى.
حالىق سارايىنىڭ 10 مىڭ ادامدىق ۇلكەن زالى ەرەكشە دۋمانعا بولەندى. ءتوراعالار مىنبەسىنىڭ تورىنە «جۇڭگو كوممۋنيستىك جاستار وداعىنىڭ مەملەكەتتىك 18 - قۇرىلتايى دەگەن كەرمە تۋ اسىلعان. ونىڭ ارتىنداعى پەردەنىڭ ورتاسىن الا وداق گەربى نۇر شاشا كوزگە ۇرىلىپ، ەكى جاعىنا نارت قىزىل 10 تۋ قويىلعان. ەكىنشى قاباتتاعى مىنبەگە «شي جينپيڭنىڭ جاڭا داۋىردەگى جۇڭگوشا سوتسياليزم يدەياسى ۇلى تۋىن بيىك كوتەرىپ، جۇڭگو كوممۋنيستىك پارتياسىنىڭ پارمەندى باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدىڭ، جالپى بەتتىك سوتسياليستىك وسىزامانداعان ەل قۇرۋدىڭ ايبىندى جاستىق جىرىن جازايىق» دەگەن ۇلكەن كەرمە تۋ اسىلعان. ماجىلىسكە بۇكىل ەلدىڭ جەر-جەرىندەگى وداق ۇيىمدارىنىڭ ءبىر مىڭ 500 دەن استام ۋاكىلى 81 ميلليوننان استام كوممۋنيستىك جاستار وداعى مۇشەسىنىڭ تاپسىرىعىن الا كەلىپ قاتىناستى.
تۇستەن بۇرىن ساعات 9 دان 30 مينۋت وتكەندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەت ءتوراعاسى شي جينپيڭ قاتارلىلار ءماجىلىس الاڭىنا كىرگەندە نايزاعايداي شاتىرلاعان شاپالاق ءۇنى كوتەرىلدى.
قۇرىلتاي ءتورالقاسى تۇراقتى كوميتەتىنىڭ مۇشەسى حى جۇنكى قۇرىلتايدىڭ باستالعانىن جاريالادى. بارلىق ادام ورىندارىنان تۇرىپ، مەملەكەت ءانى، وداق ءانى شىرقالدى.
وسىدان سوڭ، 10 پيونەر قۇرىلتايعا ارناۋ سوزدەر وقىدى. ولاردىڭ كەيبىرەۋى ۇلتتىق رايونداردان كەلگەن، كەيبىرەۋى قاجىرلىلىقپەن ۇيرەنىپ، ۇلكەندەرگە قايىرىمدى بولۋدىڭ ۇلگىلەرى ەدى، كەيبىرەۋى ورتانى قورعاۋعا قىزۋ ىنتامەن اتسالىسقان ۇلگىلى ورەندەر بولاتىن. پيونەرلەر اترەتى ورىنداعان اسقاق ءۇن ولاردىڭ كوركەم بولاشاققا دەگەن تىلەگىن، جاپپاي جەتىلۋ ەرىك – جىگەرىن، جۇڭحۋا ۇلتتارىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا ازىرلەنۋ بەكىمىن بەينەلەدى.
ۋاڭ حۋنيڭ پارتيا ورتالىق كوميتەتى اتىنان «شىعىس سامالى ەسكەن جاڭا داۋىردە جاستىق كوكتەمنىڭ اسقاق ارمانىنا قانات قاعا سامعايىق» دەگەن تاقىرىپتا ارناۋ ءسوز سويلەدى. ۋاڭ حۋنيڭ اۋەلى قۇرىلتايدىڭ اشىلعانىن قۇتتىقتاپ، بۇكىل ەلدەگى ءار ۇلت جاستارىنا، جالپى كوممۋنيستىك جاستار وداق مۇشەلەرىنە جانە جاستار – ورەندەر قىزمەتكەرلەرىنە ىستىق ىقىلاستى سالەم جولدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
