ورتالىق ۇگىت ءبولىمى سىندى ورىندار ۇقتىرۋ باسىپ تاراتتى
كينو - تەلەۆيزيا فيلمدەرىندە جوعارى باعامەن رولعا شىعىپ ونى «قاراما – قارسى توقتاممەن» جاسىرماق بولعان باجىدان جالتارۋ سياقتى ماسەلەلەر جونگە سالىنادى
2018.06.28 16:25 كەلۋ قاينارى : حالىق تورابى
شينحۋا اگەنتتىگى، 27 – اقپان، بەيجيڭ. تاياۋدا ورتالىق ۇگىت ءبولىمى، مادەنيەت جانە ساياحات مينيسترلىگى، مەملەكەتتىك باجى باس مەكەمەسى، مەملەكەتتىك راديو – كينو – تەلەۆيزيا مەكەمەسى، مەملەكەتتىك كينو مەكەمەسى سىندى تاراۋلار بىرگە «ۇقتىرۋ» باسىپ تاراتىپ، كينو - تەلەۆيزيا كاسىبىندەگى جوعارى جالاقى الۋ، «قاراما – قارسى توقتام ءتۇزۋ»، باجىدان جالتارۋ سىندى ماسەلەلەردى جونگە سالۋدى كۇشەيتىپ، ۇيلەسىمسىز جالاقى الۋدى تىزگىندەۋدى، زاڭ بويىنشا باجى تاپسىرۋدى ىلگەرىلەتۋدى، كينو - تەلەۆيزيا كاسىبىنىڭ اقاۋسىز دامۋىن جەبەۋدى تالاپ ەتتى.
«ۇقتىرۋدا» مىنالار اتاپ كورسەتىلدى: سوڭعى جىلداردان بەرى، ەلىمىزدىڭ كينو - تەلەۆيزيا ىستەرى قارىشتاپ دامىپ، تۇلعالىق جاقتان جاقسى بەينە جارىققا شىقتى. سونىمەن بىرگە، جوعارى جالاقى الۋ، «قاراما – قارسى توقتام ءتۇزۋ»، باجىدان جالتارۋ سىندى ماسەلەلەردە بەلەڭ بەردى. بۇل ماسەلەلەر كينو - تەلەۆيزيا نومىرلەرىن ىستەۋدىڭ وزىندىك قۇنىن اسپانداتىپ جىبەرۋمەن بىرگە، كينو، تەلەۆيزيا شىعارمالارىنىڭ تۇلعالىق ساپاسىنا ىقپال كورسەتىپ، كينو - تەلەۆيزيا كاسىبىنىڭ اقاۋسىز دامۋىن ءبۇلدىردى ءارى اقشاعا تابىنۋ نىسايىن ءورشىتىپ، جاستار مەن وسپىرىمدەردى كينو جۇلدىزدارىنىڭ ارتىنان كوزسىزدەرشە سارپالداڭعا ءتۇسىرىپ، قوعامدىق قۇن كوزقاراسىن بۇرمالادى، سول ءۇشىن، ءسوزسىز، ءونىمدى شارا قولدانىپ شىنايى جونگە سالۋ كەرەك.
«ۇقتىرۋدا» مىنالار دارىپتەلدى: كينو - تەلەۆيزيا نومىرلەرى ەڭبەكاقىسى اتقارۋ ولشەمىن بەلگىلەپ شىعارىپ، اكتەرلەر مەن نومىرگە قاتىناسقان قۇرمەتتى قوناقتاردىڭ ەڭ جوعارى جالاقى الۋ شەگىن بەلگىلەۋدە قازىرگى كەزەڭدە پايدالانىپ وتىرعان بەلگىلەمەنى قاتاڭ تياناقتاندىرىپ، ءاربىر كينو - تەلەۆيزيا، توراپ دىبىس – كەسكىن نومىرلەرىندەگى بارلىق اكتەر، قۇرمەتتى قوناقتاردىڭ جالپى جالاقىسىنىڭ وسى ءنومىردى جاساۋعا كەتكەن وزىندىك قۇننىڭ ٪40 نەن اسىپ كەتپەۋىن، باس اكتەرلەردىڭ جالاقىسى جالپى جالاقىنىڭ ٪70 نەن اسىپ كەتپەۋىن ايقىن بەلگىلەدى. كينو - تەلەۆيزيا كاسىبىن باسقارۋشى ورىندار باقىلاپ – باسقارۋدى كۇشەيتىپ، كينو - تەلەۆيزيا جۇلدىزدارى قاتىناساتىن ۋنيۆەرسالدى كوڭىل اشۋ نومىرلەرى، اكە – بالا تۇرىندەگى نومىرلەر، شىنايى ادامدار شىعاتىن ءنومىر سياقتىلارعا قاراتا رەتتەۋ – تىزگىندەۋ جۇرگىزۋى، توراپ دىبىس – كەسكىن نومىرلەرىن تەكسەرىپ بەكىتۋ ءتۇزىمىن قاتاڭ اتقارۋى، كينو - تەلەۆيزيا نومىرلەرىن، توراپ دىبىس – كەسكىن نومىرلەرى جالاقى توقتامىن باسقارۋدى قاتاڭ ارناعا ءتۇسىرىپ، باجىدان جالتارۋ سىندى نىسايلاردى جازالاۋ سالماعىن ارتتىرۋى كەرەك. تەلەۆيزيا ستانسياسى، كينو – تەلەۆيزيا جاساۋ قۇرىلىمدارى، كينوحانا لەنيالارى، ينتەرنەت دىبىس – كەسكىن توراپ بەكەتتەرى، حالىق باسقارۋىنداعى كينو – تەلەۆيزيا تاراتۋ، قويۋ سەرىكتىكتەرىنىڭ كەسىرلى باسەكەگە سالىنىپ، تاراتىلاتىن كينو – تەلەۆيزيا نومىرلەرىنىڭ ساتىپ الۋ باعاسىن دۇرمەككە ىلەسىپ جوعارىلاتۋىنا بولمايدى، جۇلدىزداردى جوعارى باعامەن ۇسىنىس ەتۋ، ولاردى قالىپسىز باسەكەگە سالۋ سىندى ناشار نىسايلار باتىل تۇزەتىلەدى. ۇكىمەت قارجىسى، باجى كەشىرىم ەتىلەتىن الەۋمەتتىك يگىلىك قورى سىندى قارجىلاردىڭ كوڭىل اشۋ قيمىلدارىنا، ساۋدا سيپاتى كۇشتى كينو – تەلەۆيزيا نومىرلەرى مەن توراپ دىبىس – كەسكىن نومىرلەرىنە، جالاقىنى ەسەلەپ جىبەرۋگە قاتىناسۋىنا بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
