بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ جۇڭگو – اراب ەلدەرى وداعى سەلبەستىك تالقىسى 8 – كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناستى ءارى ماڭىزدى ءسوز سويلەدى

2018.07.11 16:25     كەلۋ قاينارى : حالىق تورابى


  «حالىق گازەتى»، 10 – شىلدە، بەيجيڭ (ءتىلشى جاۋ چىڭ). جۇڭگو – اراب ەلدەرى وداعى سەلبەستىك تالقىسى 8 – كەزەكتى مينيستر دارەجەلىلەر ءماجىلىسى 10 – ماۋسىمدا حالىق سارايىندا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «قول ۇستاسا وتىرىپ جاڭا داۋىردەگى جۇڭگو – اراب ەلدەرى ستراتەگيالىق ارىپتەستىك قاتىناسىن ىلگەرىلەتەيىك» دەگەن تاقىرىپتاعى ماڭىزدى ءسوزىن ورتاعا سالىپ، جۇڭگو مەن اراب ەلدەرىنىڭ جالپى بەتتىك سەلبەستىك جاساۋ، بىرگە دامۋ، بولاشاققا بەت الۋ سىندى جۇڭگو – اراب ەلدەرى ستراتەگيالىق ارىپتەستىك قاتىناسىن ورناتۋعا ءبىر اۋىزدان ماقۇل بولعانىن جاريالادى.

  شي جينپيڭ مىنالاردى اتاپ كورسەتتى: جۇڭگو مەن اراب ەلدەرىنىڭ دوستىعى تەرەڭنەن باستاۋ الادى، تاريحى ۇزاق. ەكى جاق بايىرعى جىبەك جولىندا ساۋدا كەمەلەرىن جۇرگىزىپ، ساۋدا ەلشىلەرىن جىبەرىپ، ۇلتتىڭ تاۋەلسىزدىگىنە جانە حالىقتىڭ ازاتتىعىنا قول جەتكىزۋ كۇرەسىندە قول ۇستاسىپ، قيىنشىلىقتى بىرگە ارقالاپ، وزدەرىنىڭ مەملەكەت قۇرىلىسى ىستەرىندە ءبىر - ءبىرىن قولداپ، ءتيىمدى سەلبەستىك جاساپ، سەلبەستىك جاساپ بىرگە يگىلىكتەنۋدىڭ شۇعىلالى داستانىن جازدى. تاريح پەن اماليات حالىقارالىق جاعدايدا قانداي تولقۋ بولسا دا، قانداي قيىنشىلىق پەن كەدەرگى تۋىلسا دا، جۇڭگو مەن اراب ەلدەرىنىڭ باستان – اياق ءبىر – بىرىنە پايدا جەتكىزەتىن سەنىمدى سەرىك، جاپا – ماشاقاتتا بىرگە بولاتىن ابزال دوس بولا بەرەتىنىن دالەلدەدى.

  شي جينپيڭ مىنالاردى دارىپتەدى: جۇڭگو «ءبىر بەلدەۋ، ءبىر جول» دارىپتەمەسىن ورتاعا قويىپ، اراب دۇنيەسىن قامتىعان حالىقارالىق قوعامنىڭ كەڭ كولەمدە قولداۋىنا جانە بەلسەنە قاتىناسۋىنا قول جەتكىزدى. تاريحتاعى جىبەك جولى وركەنيەتىنىڭ ماڭىزدى قاتىناسۋشىلارىنىڭ جانە قۇرۋشىلارىنىڭ ءبىرى رەتىندە اراب ەلدەرى «ءبىر بەلدەۋ، ءبىر جولدىڭ» توعىسۋ تۇيىنىندە تۇرىپ، «ءبىر بەلدەۋ، ءبىر جولدى» بىرگە قۇرۋدىڭ تابيعي سەلبەستىك سەرىگىنە اينالدى. ەكى جاق قول ۇستاسا العا باسىپ، «ءبىر بەلدەۋ، ءبىر جولدى» ءوڭىردىڭ امالياتىمەن ۇشتاستىرىپ، كوللەكتيۆ ارەكەتتى ەكى جاقتى سەلبەستىكپەن ۇشتاستىرىپ، دامۋدى جەبەۋدى بەيبىتشىلىكتى قورعاۋمەن ۇشتاستىرىپ، ابزالدىقتى تولىقتاپ، سەلبەستىك نەگىزىندە يگىلىكتەن بىرگە كەنەلىپ، ءوڭىر حالىقتارىنا جانە دۇنيە ءجۇزى حالىقتارىنا باقىت جاراتتى. «ءبىر بەلدەۋ، ءبىر جول» قۇرىلىسى جۇڭگو – اراب ەلدەرى قاتىناسىنىڭ دامۋىن جاپپاي جەبەۋشى بولدى، جۇڭگو مەن اراب ەلدەرىنىڭ جالپى بەتتىك سەلبەستىگى جاڭا ساتىعا قادام تاستادى. جۇڭگو اراب ەلدەرىمەن بىرگە ستراتەگيا جانە ارەكەت جاعىنداعى ۇشتاستاسۋدى كۇشەيتىپ، «ءبىر بەلدەۋ، ءبىر جول» قۇرىلىسىن قول ۇستاسا ىلگەرىلەتىپ، ورتا شىعىستىڭ بەيبىتشىلىگىنىڭ، ورنىقتىلىعىنىڭ قورعاۋشىسى، ادىلدىكتىڭ، ادىلەتتىلىكتىڭ جارشىسى، بىرگە دامۋدىڭ جەبەۋشىسى، ءوزارا ۇيرەنىپ، ۇلگى الاتىن ابزال دوس بولۋعا پەيىل.

  شي جينپيڭ مىنالاردى اتاپ كورسەتتى: جۇڭگو مەن اراب ەلدەرى __ حالىقارالىق ساحناداعى ماڭىزدى ساياسي كۇشتەر، ءبىز تاريحتىڭ جالپىلىق اعىمىن دۇرىس يگەرىپ، حالىقتىڭ ۇنىنە شىن نيەتپەن سايكەسىپ، ورتا شىعىس رايونىنىڭ جاپپاي گۇلدەنۋدىڭ جاڭا جولىنا ءتۇسۋىن بىرگە جەبەۋىمىز كەرەك. ورتا شىعىستىڭ كوپ تۇرلىلىگى ءوڭىردىڭ ومىرشەڭدىك قۋاتىنىڭ قاينارىنا اينالۋعا ءتيىس. ءاربىر مەملەكەتتىڭ جاعدايىنداعى پارىققا جانە دەربەس تالعامعا قۇرمەت ەتۋ، بارابار مامىلە جاساۋ، ورتاقتىققا ۇمتىلىپ، پارىقتى دا ەسكەرۋ پرينسيبىندە تاباندى بولىپ، ورتاق، جالپىلىق، سەلبەستىك، باياندى بولۋ سىندى حاۋىپسىزدىك جۇلگەسىن قالىپتاستىرۋ كەرەك. دامۋ __ ورتا شىعىستاعى كوپتەگەن جونگە سالۋ ماسەلەسىن شەشۋدىڭ كىلتى، ءارقايسى جاق باستان – اياق شىن نيەتپەن سەلبەستىك جاساپ، ورتاق يگىلىكتەن كەنەلۋدىڭ مۇمكىندىگىن كوپتەپ قاراستىرىپ، ابزالدىقتى تولىقتاپ، بىرگە دامىپ – گۇلدەنۋى كەرەك. شي جينپيڭ قاتىستى جاقتارى حالىقارالىق ورتاق تانىمعا قۇرمەت ەتىپ، پالەستين ماسەلەسىن ادىلدىكپەن ءبىر جاقتى ەتۋگە ۇندەدى، جۇڭگونىڭ «ەكى ەل جوباسىن» جانە «اراب ەلدەرىنىڭ بەيبىتشىلىك دارىپتەمەسىن» نەگىز ەتۋدەن جازباي، پالەستين، يزرايل كەلىسسوزىندە جاڭا جاعداي جاراتىلۋىن ىلگەرىلەتۋدى قولدايتىنىن دارىپتەدى.

  شي جينپيڭ ەڭ سوڭىندا مىنالاردى دارىپتەدى: جۇڭگو – اراب ەلدەرى تالقى مىنبەسى پىكىرلەسۋ، سەلبەستىكتى كۇشەيتۋ جاقتارىندا ەلەۋلى رول اتقارادى. جاڭا داۋىردەگى جۇڭگو - اراب ەلدەرى قاتىناسىنىڭ دامۋىنا سايكەسۋ كەرەك، تالقى مىنبەسى قۇرىلىسىندا جاڭا لەپ، تىڭ بەينە بولۋى كەرەك. اۋىس – كۇيىستى كۇشەيتۋ ارقىلى ەكى جاقتىڭ يدەياسىندا كوپتەگەن ورتاقتىق قالىپتاستىرۋ كەرەك. بارلىعىمىز جىبەك جولى رۋحىن اسقاقتاتىپ، نىساناعا نىق قادام تاستاپ، جۇڭگو – اراب ەلدەرى حالىقتارىنىڭ ۇلى گۇلدەنۋىن ىسكە اسىرۋ، جۇڭگو مەن اراب ەلدەرىنىڭ مۇددەلەس، تاعدىرلاس ورتاق تۇلعاسىن قۇرۋدى ىلگەرىلەتۋ جولىندا قاجىماي – تالماي قۇلشىنايىق!

  كەلۋ قاينارى: حالىق تورابى

جاۋاپتى رەداكتورى : مۇحيت امانتاي ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار