شي جينپيڭ اراب بىرىككەن امىرلىگىنىڭ اقپارات دانەكەرلەرىندە اۆتورلى ماقالا جاريالادى
قول ۇستاسا العا باسىپ، بولاشاقتى بىرگە جاراتايىق
2018.07.19 16:19 كەلۋ قاينارى : حالىق تورابى
شينحۋا اگەنتتىگى، 18 – شىلدە، بەيجيڭ. اراب بىرىككەن امىرلىگىندە مەملەكەتتىك ساپاردا بولۋ قارساڭىندا، اتاپ ايتقاندا 18 - شىلدەدە مەملەكەت ءتوراعاسى شي جينپيڭ اراب بىرىككەن امىرلىگىندە شىعاتىن «فەدەراتسيا گازەتى» مەن «ەل گازەتىندە» «قول ۇستاسا العا باسىپ، بولاشاقتى بىرگە جاراتايىق» دەگەن تاقىرىپتا اۆتورلى ماقالا جاريالادى.
ماقالا تومەندەگىدەي:
قول ۇستاسا العا باسىپ، بولاشاقتى بىرگە جاراتايىق
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
اراب بىرىككەن امىرلىگىنىڭ پرەزيدەنتى حاليفانىڭ ۇسىنىسىنا ساي 19 – شىلدەدە اراب بىرىككەن امىرلىگىندە مەملەكەتتىك ساپاردا بولامىن. بۇل __ بيىلعى العاشقى ساپارىمنىڭ ءبىرىنشى ايالداماسى، سونداي – اق جۇڭگونىڭ مەملەكەت ءتوراعاسى بولىپ قايتا سايلانعاننان كەيىنگى ساپارىمداعى ءبىرىنشى اراب ەلى.
جۇڭگو مەن اراب بىرىككەن امىرلىگى حالىقتارىنىڭ دوستىق تاريحى ۇزاق. سوناۋ ەكى مىڭ جىلدان استام ۋاقىتتىڭ الدىندا اتا - بالالارىمىز بايىرعى جىبەك جولى ارقىلى اۋىس – كۇيىس جاساپ، ەتەنە ارالاسقان. 7 – عاسىردا ەكى جاق تاعى تەڭىزدەگى ساۋدا بارىس – كەلىس جولىن اشتى، جۇڭگونىڭ جىبەگى، فارفور بۇيىمدارى اراب تۇبەگىنە، شىعىس افريكاعا، ەۆروپاعا ساتىلدى، ارابتاردىڭ قوش ءيىستى ماتەريالدارى مەن مەرەۋرەتى دە كەمەگە تيەلىپ يندى مۇحيتى ارقىلى جۇڭگوعا جەتكىزىلدى.
1984 - جىلى جۇڭگو اراب بىرىككەن امىرلىگىمەن ديپلوماتيالىق قاتىناس ورناتىپ، اۋىس – كۇيىس پەن سەلبەستىكتىڭ تىڭ پاراعىن اشتى. وتكەن 34 جىل ەكى ەلدىڭ ءداستۇرلى دوستىعى ىشكەرىلەي دامىپ، حالىقتىق بارىس - كەلىس بارعان سايىن جيىلەگەن مەزگىل بولدى. جۇڭگو حالقى 2008 – جىلى جۇڭگو سىچۋان ولكەسىنىڭ ۋىنچۋان اۋدانىندا ەرەكشە اۋىر سىلكىنىسى تۋىلعاندا اراب بىرىككەن امىرلىگى ۇكىمەتىنىڭ 50 ميلليون ا ق ش دوللارىندىق كومەك بەرگەن شىنايى سۇيىسپەنشىلىگىن ۇمىتا المايدى. وتكەن 34 جىل ەكى ەل جەدەل دامىپ، ەۆرو – ازيا ۇلى قۇرلىعىنىڭ ەكى شەتىندە دامۋدىڭ كەرەمەت تابىسىن جاراتقان مەزگىل بولدى، بۇل كۇندە جۇڭگو دۇنيە ءجۇزى ەكونوميكاسى ارتۋىنىڭ ماڭىزدى تىرەگىنە اينالدى، اراب بىرىككەن امىرلىگى دە اراب دۇنيەسى دامۋىنىڭ جاسىل جازيراسىنا اينالدى. وتكەندە 34 جىل ەكى ەلدىڭ ءوز جاعدايلارىنا ۇيلەسەتىن دامۋ جولدارىن ىزدەۋ مەزگىلى بولدى، ەكى ەل وسىزاماندانۋعا قادام تاستاۋ قارقىنىن تەزدەتۋمەن بىرگە، ءوز دەربەستىكتەرىن دە ساقتادى. ەكى ەلدىڭ دامۋ تانىمى ءبىر – بىرىنە جاقىن، ساياساتتىق نىسانالارى دا قابىسادى، سەلبەستىك تۇيىندەرى بارعان سايىن تىعىز ۇشتاسۋدا، ەكى ەل دامۋ، كوركەيۋ بارىسىندا ابزالدىقتارىن تولىقتايتىن ادال دوسقا، حالىقارالىق جانە وڭىرلىك ىستەردە پىكىرلەسىپ، سايكەسىپ وتىراتىن ماڭىزدى ارىپتەسكە اينالدى.
2012 – جىلى اراب بىرىككەن امىرلىگى جۇڭگومەن ستراتەگيالىق ارىپتەستىك قاتىناس ورناتقان شىعاناق وڭىرىندەگى تۇڭعىش اراب ەلىنە اينالدى، ەكى جاقتى سەلبەستىك جەدەل دامىدى، سەلبەستىك مازمۇنى بايي ءتۇستى. اسىرەسە 2015 – جىلى جەلتوقساندا ءابۋ - ءدابيدىڭ تاق مۇراگەرى مۇحاممەد جۇڭگوعا ساپارلاي كەلگەندە، ەكەۋىمىز جۇڭگو مەن اراب بىرىككەن امىرلىگىنىڭ قاتىناسى جونىنەن ورتاق تانىمعا كەلىپ، ەكى ەلدىڭ دوستىق سەلبەستىگىنىڭ ءبىرقىدىرۋ بوگەنايلىق تابىسقا قول جەتكىزۋىنە باستاماشى بولدىق (ەگجەي – تەگجەيلى مازمۇنىن حالىق تورابىنىڭ حانزۋشا ارناسىنان وقي الاسىزدار).
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
