شي جينپيڭ اراب بىرىككەن امىرلىگى پرەزيدەنتىنىڭ ورىنباسارى ءارى پرەمەر مينيسترى مۇحاممەدپەن، ءابۋدابيدىڭ تاح مۇراگەرى مۇحاممەدپەن كەڭەس وتكىزدى
ەكى جاق جۇڭگو مەن اراب بىرىككەن امىرلىگى اراسىندا جالپى بەتتىك ستراتەگيالىق ارىپتەستىك قارىم - قاتىناس ورناتۋدى ءبىر اۋىزدان ۇيعاردى
2018.07.23 16:10 كەلۋ قاينارى : حالىق تورابى
«حالىق گازەتى»، 20 – شىلدە، ءابۋدابي (تىلشىلەر حۋاڭ پەيجاۋ، دۋ شاڭزى، حان شياۋميڭ). مەملەكەت ءتوراعاسى شي جينپيڭ 20 - شىلدەدە ابۋدابيدە اراب بىرىككەن امىرلىگى پرەزيدەنتىنىڭ ورىنباسارى ءارى پرەمەر مينيسترى مۇحاممەدپەن، ابۋدابيدىڭ تاح مۇراگەرى مۇحاممەدپەن كەڭەس وتكىزدى. ەكى جاق جۇڭگو − اراب بىرىككەن امىرلىگى اراسىندا جالپى بەتتىك ستراتەگيالىق ارىپتەستىك قارىم - قاتىناس ورناتۋدى، ءار سالانىڭ تەرەڭ سەلبەستىگىن كۇشەيتۋدى، ەكى ەل قاتىناسىنىڭ اناعۇرلىم جوعارى دەڭگەيدە، اناعۇرلىم كەڭ سالادا، اناعۇرلىم تەرەڭ ساتىدا ۇزبەي دامۋىن ىلگەرىلەتۋدى ءبىر اۋىزدان ۇيعاردى.
شي جينپيڭ الدىمەن اراب بىرىككەن امىرلىگىنىڭ سالتاناتپەن، ىستىق ىقىلاسپەن كۇتىپ الۋ ورنالاستىرۋىن جاساعانىنا العىس ايتىپ، «بۇل اراب بىرىككەن امىرلىگىنىڭ جۇڭگو حالقىنا دەگەن دوستىق سۇيىسپەنشىلىگىن جانە جۇڭگو - اراب بىرىككەن امىرلىگى قاتىناسىنا ايرىقشا ءمان بەرەتىندىگىن ايگىلەيدى» دەپ اتاپ كورسەتتى. شي جينپيڭ مىنانى دارىپتەدى: 2015 - جىلى جەلتوقساندا مەن پاتشا مۇراگەرى اعزاممەن بەيجيڭدە ەكى ەلدىڭ دوستىق سەلبەستىگىن كۇشەيتۋ جونىندە كوپتەگەن ماڭىزدى ورتاق تانىمعا كەلىپ، ەكى جاقتىڭ قاتىناسىن جاپپاي، جەدەل، ىشكەرىلەي دامىعان تىڭ ساتىعا كوتەرۋگە بىرگە جەتەكشىلىك ەتكەن ەدىك. جۇڭگو - اراب بىرىككەن امىرلىگىنىڭ سەلبەستىك بولاشاعى كەڭ، كومەسكى كۇشى زور. وسى رەتكى مەملەكەتتىك ساپار كەزىندە ەكى ەل جۇڭگو - اراب بىرىككەن امىرلىگىنىڭ جالپى بەتتىك ستراتەگيالىق ارىپتەستىك قارىم - قاتىناسىن رەسمي ورناتادى، بۇل ەكى جاقتىڭ ستراتەگيالىق سەنىمدى تەرەڭدەتۋىنە، پايدا جەتكىزۋ سەلبەستىك دەڭگەيىن جوعارىلاتۋعا پايدالى. جۇڭگو مەن اراب بىرىككەن امىرلىگىنىڭ ءبىر - بىرىنەن ۇيرەنەتىن، ءبىر - بىرىنەن ۇلگى الاتىن، ءبىر - بىرىنە كومەكتەسەتىن جاقسى دوس، جاقسى سەرىك بولىپ، بىرگە دامىپ، گۇلدەنۋدى ىسكە اسىرا الاتىنىنا سەنەمىن. شي جينپيڭ پرەزەيدەنت حاليفاعا ىقىلاستى سالەمىن جەتكىزۋدى ايتىپ، ونىڭ ەرتەرەك ساۋىعۋىن تىلەدى.
شي جينپيڭ مىنانى دارىپتەدى: ەكى جاق جۇڭگو - اراب بىرىككەن امىرلىگىنىڭ جالپى بەتتىك ستراتەگيالىق ارىپتەستىك قارىم - قاتىناسىن شىن مانىندە تياناقتاندىرىپ، ساياسي جاقتاعى ءوزارا سەنىمدى بەكەمدەپ، ءبىر - ءبىرىنىڭ وزەكتى مۇددەسىمەن جانە نازار اۋدارىپ وتىرعان ماڭىزدى تۇيىندەرىمەن ۇزدىكسىز ساناسىپ، قارسى جاقتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولداۋ كەرەك. جۇڭگو مەن اراب بىرىككەن امىرلىگى − «ءبىر بەلدەۋ، ءبىر جولدى» بىرگە قۇرۋدىڭ تابيعي سەلبەستىك سەرىكتەرى، جۇڭگو اراب بىرىككەن امىرلىگىن «ءبىر بەلدەۋ، ءبىر جول» قۇرىلىسىنداعى ماڭىزدى ءتۇيىندى ەل رەتىندە سانايدى، پاتشا مۇراگەرى اعزامنىڭ «جىبەك جولىن قايتا گۇلدەندىرۋ» ويىن العا قويعانىن القايدى. ەكى جاق دامۋ ستراتەگياسىن ۇشتاستىرۋدى جانە كاسىپ سالاسى ساياساتى جونىندە ءتىل تابىسۋدى كۇشەيتىپ، جۇڭگو - اراب بىرىككەن امىرلىگىنىڭ بىرگە قۇراتىن «ءبىر بەلدەۋ، ءبىر جول» باستاۋشى نىساندارىن ويداعىداي جوسپارلاپ، ويداعىداي جۇرگىزىپ، ورتا شىعىس، شىعاناق وڭىرلەرىنىڭ ەكونوميكالىق دامۋىن جەبەۋ كەرەك. جۇڭگو اراب بىرىككەن امىرلىگىمەن جان - جاقتى، سترەولدى ەنەرگيا سەلبەستىك جۇلگەسىن ورناتىپ، قارجى قوسۋ مەن فينانس سەلبەستىگىن تەرەڭدەتىپ، جاڭالىق اشۋ سەلبەستىگىن كەڭەيتۋدى قالايدى. حاۋىپسىزدىك جاعىنداعى سەلبەستىكتى كۇشەيتىپ، ءارقانداي فورماداعى لاڭكەستىككە باتىل قارسى تۇرۋ كەرەك. جۇرت جۇرەگىمەن توعىسۋدان جازباي، گۋمانيتارلىق اۋىس - كۇيىستى جيىلەتىپ، ءتۇرلى ءدىن مەن ءتۇرلى مادەنيەتتەردىڭ قامتىمدىلىعىن، ءوزارا ۇلگى الۋىن كۇشەيتۋ كەرەك. جۇڭگو پاتشا مۇراگەرى اعزام العا قويعان «جاس ەلشىلەر» جۇڭگوعا ساپار نىسانىن ويداعىداي اتقارۋدى قولدايدى، ورىنباسار پرەزەيدەنت، قوسىمشا پرەمەر مينيستر اعزام ورتاعا قويعان «جۇڭگومەن قاۋىشۋ» جوسپارىن القايدى، اراب بىرىككەن امىرلىگىمەن تاجىريبە ورتاقتاسىپ، بىرلەسىپ دۋباي الەمدىك كورمەسىن جۇرتتىڭ نازارىن اۋداراتىنداي سالتاناتتى جينالىس ەتىپ وتكىزۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
