شي جينپيڭ رۋاندانىڭ پرەزيدەنتى كاگاميمەن كەڭەس وتكىزدى
2018.07.24 15:44 كەلۋ قاينارى : حالىق تورابى
«حالىق گازەتى»، 23 - شىلدە، كيگالي (تىلشىلەر لي مان، دۋ شاڭزى، لي فىڭ). مەملەكەت ءتوراعاسى شي جينپيڭ 23 - شىلدەدە كيگاليدە رۋاندانىڭ پرەزيدەنتى كاگاميمەن كەڭەس وتكىزدى. ەكى ەلدىڭ مەملەكەت باسشىلارى جۇڭگو مەن رۋاندا ديپلوماتيالىق قارىم - قاتىناس ورناتقان 47 جىلدان بەرگى ەكى جاقتى قارىم - قاتىناستىڭ دامۋ تابىسىنا بەلسەندى باعا بەرىپ، جۇڭگو - رۋاندا دوستىق سەلبەستىگىنىڭ بولاشاعىن بىرگە جوسپارلاپ، ەكى جاقتىڭ ءتيىمدى سەلبەستىگىنىڭ اناعۇرلىم مول جەمىس بەرۋىن بىرگە ىلگەرىلەتۋگە، جۇڭگو مەن رۋاندا حالىقتارىنا، جۇڭگو مەن افريكا حالىقتارىنا ءتىپتى دە زور باقىت سيلاۋعا ءبىر اۋىزدان قوسىلدى.
شي جينپيڭ مىنالاردى دارىپتەدى: بىلتىر ناۋرىزدا پرەزيدەنت مىرزا ەكەۋىمىز ەكى ەلدىڭ قارىم - قاتىناسى جانە دوستىق سەلبەستىگى جونىندە كەڭ كولەمدە ورتاق تانىمعا كەلىپ، جۇڭگو - رۋاندا قارىم - قاتىناسىنىڭ جەدەل دامۋ ارناسىنا ءتۇسۋىن ىلگەرىلەتتىك. جۇڭگو رۋاندامەن قول ۇستاسا قۇلشىنىپ، جۇڭگو مەن رۋاندانىڭ ءداستۇرلى دوستىعىن ەكى ەلگە جانە ەكى ەل حالىقتارىنا پايدالى اناعۇرلىم مول ناقتى تابىسقا اينالدىرۋدى ىلگەرىلەتۋدى، ەكى ەلدىڭ دوستىق سەلبەستىك قارىم - قاتىناسىنىڭ جاڭا پاراعىن بىرگە جازا بەرۋدى قالايدى.
شي جينپيڭ مىنالاردى دارىپتەدى: جۇڭگو مەن رۋاندا ەكى جاقتى قارىم - قاتىناسقا ستراتەگيالىق بيىكتەن جانە ۇزاق بولاشاقتىق تۇرعىدان قاراۋ، قارسى جاق دەربەس تاڭداعان دامۋ جولىنا تاباندىلىقپەن قولداۋ كورسەتۋ، ءبىر - ءبىرىنىڭ وزەكتى مۇددەسىنە ساياتىن ماسەلەلەر مەن نازار اۋدارىپ وتىرعان ماڭىزدى ماسەلەلەردە ءبىرىن - ءبىرى ءتۇسىنۋ جانە قولداۋ كورسەتۋ كەرەك. دامۋ ستراتەگيالارىن ۇشتاستىرۋدى كۇشەيتىپ، ءبىرىن - ءبىرى تولىقتايتىن باسىمدىقتاردى تولىق ساۋلەلەندىرىپ، سىندارلى سەلبەستىكتى كەڭ كولەمدە ىشكەرىلەي جۇرگىزۋ كەرەك. جۇڭگو رۋاندانىڭ «ءبىر بەلدەۋ، ءبىر جولدى» بىرگە قۇرۋ حالىقارالىق سەلبەستىگىنە بەلسەنە قاتىناسۋىن قارسى الادى، جۇڭگو كاسىپورىندارىن رۋانداعا بارىپ قارجى قوسىپ، كاسىپتى وركەندەتۋگە شابىتتاندىرىپ، رۋاندانىڭ ونەركاسىپتەنۋ جانە وسىزاماندانۋ اياق الىسىنا دەم بەرەدى. گۋمانيتارلىق اۋىس - كۇيىس پەن سەلبەستىكتى كۇشەيتىپ، ەكى ەل حالىقتارىنىڭ كوڭىل توعىستىرۋىن جەبەپ، جۇڭگو مەن رۋاندانىڭ ۇرپاقتارعا جالعاسقان دوستىعى ءۇشىن بەرىك قوعامدىق جانە حالىق تىلەگىندىك نەگىز قالاۋ كەرەك. زاڭ اتقارۋ جانە حاۋىپسىزدىك سەلبەستىگىن كۇشەيتىپ، ەكى ەلدىڭ حالىقارالىق جانە وڭىرلىك ىستەردەگى سەلبەسۋىن جيىلەتىپ، دۇنيە جۇزىلىك ماڭىز الاتىن تاقىرىپتاردا سەلبەسۋ مەن سايكەسۋدى كۇشەيتىپ، افريكا مەن وركەندەپ كەلە جاتقان ەلدەردىڭ ورتاق مۇددەسىن ويداعىداي قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
