شي جينپيڭ رۋاندا رەسپۋبليكاسىنداعى مەملەكەتتىك ساپارىن باستادى
2018.07.24 15:47
«حالىق گازەتى»، 22 - شىلدە، كيگالي (تىلشىلەر دۋ شاڭزى، ۋان يۇي، حان شياۋميڭ). مەملەكەت ءتوراعاسى شي جينپيڭ 22 - شىلدەدە كيگاليگە بارىپ، رۋاندا رەسپۋبليكاسىنداعى مەملەكەتتىك ساپارىن باستادى.
سول جەر ۋاقىتى بويىنشا كەشكى ساعات 8دەن 50 مينۋت وتە بەرگەندە، شي جينپيڭ وتىرعان ارناۋلى ۇشاق كيگالي حالىقارالىق اۋەجايىنا كەلىپ قوندى. شي جينپيڭ مەن حانىمى پىڭ لييۋان ۇشاق ەسىگىنەن شىققاندا، رۋاندانىڭ پرەزيدەنتى كاگامي مەن حانىمى جەاننەتتە قاتارلىلار ىستىق ىقىلاسپەن قارسى الدى. ءساندى كيىنگەن قۇرمەت قاراۋىلى رۋحتى بەينەدە سيلى قوناقتارعا قۇرمەتپەن قاراپ تۇردى. رۋاندالىق ورەندەر شي جينپيڭ مەن پىڭ لييۋانعا گۇل ۇسىندى. كاگامي شي جينپيڭ مەن پىڭ لييۋانعا رۋاندا جاقتان قارسى الا شىققان باسقا كىسىلەردى تانىستىردى. اسەم ۇلتتىق كيىم كيگەن جەرگىلىكتى جۇرتشىلىق قوناقتى قارسى الۋ ءبيىن بيلەپ، شات - شادىمان بەينەدە افريكا بارابانىن سوعىپ، جۇڭگولىق سيلى قوناقتاردى قىزۋ قارسى الدى.
ەكى ەلدىڭ مەملەكەت باسشىلارى مەن حانىمدارى ىقىلاستى دوستىق اڭگىمەدە بولدى. شي جينپيڭ رۋاندا ۇكىمەتى مەن حالقىنا جۇڭگو ۇكىمەتى مەن جۇڭگو حالقىنىڭ ىقىلاستى سالەمىن جانە ىزگى تىلەگىن جەتكىزدى. شي جينپيڭ بىلاي دەپ اتاپ كورسەتتى: مەنىڭ بۇل جولعى ساپارىم − جۇڭگونىڭ مەملەكەت ءتوراعاسىنىڭ رۋانداعا تۇڭعىش ساپارى. رۋاندا توپىراعىنا اياق باسقان ساتىمدە، رۋاندا ۇكىمەتى مەن حالقىنىڭ جۇڭگو حالقىنا دەگەن دوستىق سۇيىسپەنشىلىگىن تەرەڭ سەزىندىم. جۇڭگو مەن رۋاندانىڭ اراسى شالعاي بولعانىمەن، ەكى ەلدىڭ ءداستۇرلى، دوستىق قارىم - قاتىناسى بار، ەكى ەل حالىقتارىنىڭ دوستىعى تەرەڭ. ديپلوماتيالىق قارىم - قاتىناس ورناتقان 47 جىلدان بەرى ەكى جاق شىنايى دوستىققا، تەڭ مامىلە جاساۋدا تاباندى بولدى، جۇڭگو - رۋاندا قارىم - قاتىناسى باستان - اياق اقاۋسىز، ورنىقتى دامىدى. بىلتىر ناۋرىزدا پرەزيدەنت كاگامي جۇڭگوداعى ساپارى كەزىندە، ءبىز جۇڭگو - رۋاندا قارىم - قاتىناسى جانە ءتيىمدى سەلبەستىگى جونىندە ىشكەرىلەي پىكىرلەسكەن ەدىك، كەلىسكەن ورتاق تانىم جاپپاي، ءونىمدى تياناقتاندىرىلۋدا. ەكى ەلدىڭ مەملەكەت باسشىلارىنىڭ ءبىر جىلدان استام ۋاقىتتا ءوزارا ساپاردا بولۋى ەكى جاقتىڭ جۇڭگو - رۋاندا قارىم - قاتىناسىنا ايرىقشا ءمان بەرگەنىن تولىق ايگىلەيدى. پرەزيدەنت كاگامي افريكا وداعىنىڭ كەزەكتى ءتوراعاسى مىندەتىن دە ارقالاپ وتىر، مەن پرەزيدەنت كاگاميمەن بىرگە جاڭا داۋىردەگى ەكى جاقتى قارىم - قاتىناستىڭ دامۋى، جۇڭگو - افريكا سەلبەستىگى، سونداي - اق بىرگە كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرۋدى كۇتەمىن. وسى جولعى ساپاردىڭ مول تابىستارمەن ەكى ەل حالىقتارىنا باقىت جەتكىزەتىنىنە سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
