بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

پىڭ لييۋان بالالار تاربيەسى مۇعالىمدەرىن تاربيەلەۋ كۋرسىنىڭ وقۋ تاۋىسۋ سالتىنا قاتىناستى

2018.07.25 13:51     كەلۋ قاينارى : حالىق تورابى


  حالىق گازەتتى، 24 – شىلدە، پرەتوريا (حۋ زىشي، شيە ياحۇڭ) مەملەكەت ءتوراعاسى شي جينپيڭنىڭ حانىمى، يۋنەسكونىڭ قىز بالالار مەن ايەلدەر وقۋ – اعارتۋى ەلشىسى پىڭ لييۋان جەرگىلىكتى ۋاقىت بويىنشا 24 – شىلدە كۇنى تۇستەن بۇرىن پرەتوريادا وتكىزىلگەن بالالار تاربيەسى مۇعالىمدەرىن تاربيەلەۋ كۋرسىنىڭ وقۋ تاۋىسۋ سالتىنا قاتىناستى.


  پىڭ لييۋان وڭتۇستىك افريكا پرەزيدەنتىنىڭ حانىمى موسايپەيدىڭ سەرىك بولۋىندا وقۋ تاۋىسۋ سالتى وتكىزىلەتىن جەرگە باردى، افريكا وزىندىك كومەك قورى قوعامىنىڭ جاۋاپتىسى قاقپا الدىنا شىعىپ قارسى الدى. پىڭ لييۋان سالت وتكىزىلەتىن جەرگە كىرگەندە، بالالار تاربيەسى مۇعالىمدەرى وڭتۇستىك افريكانىڭ ۇلتتىق ءانىن توپتىق شىرقاپ، ويناقى بيگە باسىپ، سول جەردىڭ ىستىق ىقىلاستى سالتىمەن جۇڭگودان كەلگەن قۇرمەتتى قوناقتى قارسى الدى. جايعاسىپ وتىرعاننان كەيىن، قور قوعامىنىڭ جاۋاپتىسى مەن موسايپەي ىلگەرىندى – كەيىندى قارسى الۋ ءسوزىن سويلەدى. ىلە – شالا، پىڭ لييۋان مىنبەرگە كوتەرىلىپ، بىلاي دەدى: ۇستازدىق ـ ارداقتى كاسىپ. ۇستاز بولعان ادام مەملەكەت پەن ۇلتتىڭ ءۇمىتى مەن اماناتىن ەستە بەرىك ساقتاپ، ءمورالدى ۇرپاق تاربيەلەپ، مورالىمەن ۇلگى كورسەتىپ، مەيىرىمدىلىكتى باستان – اقىر جۇرەككە ۇيالاتىپ، ۇزدىكسىز قۇلشىنا ۇيرەنىپ، قاجىرلىلىقپەن زەرتتەۋ جۇرگىزگەندە عانا، وقۋشىلاردىڭ ەرجەتۋىنە جانە دارىندى بولۋىنا، ارماندارىن ىسكە اسىرۋىنا، مەملەكەتتى گۇلدەندىرۋ مەن ۇلتتى قۇدىرەتتەندىرۋ ءىسىنىڭ ءىزباسارلارى بولىپ جەتىلۋىنە ويداعىداي كومەكتەسە الادى. وسىندا وتىرعان مۇعالىمدەر مەن ساباقتاستاردىڭ جۇڭگو مەن وڭتۇستىك افريكانىڭ دوستىعى جانە سەلبەستىگى ىستەرىنە بەلسەندى اتسالىسىپ، جۇڭگو مەن وڭتۇستىك افريكا قارىم – قاتىناسىنىڭ دامۋىنا ءبىر كىسىلىك ۇلەسىن قوسۋىن ءۇمىت ەتەمىن.


  بالالار تاربيەسى مۇعالىمدەرىن جەتىلدىرۋ ـــ افريكا وزىندىك كومەك قور قوعامىنىڭ سابيلەردى ەرتە باستان تاربيەلەۋ نىسانىنا ارالاسۋداعى باستى فورماسى، قازىرگە دەيىن قيىنشىلىعى باسىم جانە كەدەي الەۋمەتتىك وڭىرلەردەگى بالالار تاربيەسىمەن شۇعىلداناتىن مۇعالىمدەردەن مىڭنان استام ادامعا كۋرس ۇيىمداستىردى ءارى كۋرستى تاۋىسقان مۇعالىمدەرگە مەرزىم بويىنشا وقۋ تاۋىسۋ سالتىن وتكىزىپ وتىردى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار