شي جينپيڭ تەبىندى ەلدەر ونەركاسىپ - ساۋدا تالقى مىنبەسىنە قاتىناستى ءارى ماڭىزدى ءسوز سويلەدى
2018.07.26 15:42 كەلۋ قاينارى : حالىق تورابى
«حالىق گازەتى»، 25 – شىلدە، يوحاننەسبۋرگ (تىلشىلەر گۋان كىجياڭ، دۋ شاڭزى، حۋ زىشي). مەملەكەت ءتوراعاسى شي جينپيڭ 25 - شىلدەدە وڭتۇستىك افريكانىڭ يوحاننەسبۋرگ قالاسىندا وتكىزىلگەن تەبىندى ەلدەر ونەركاسىپ - ساۋدا تالقى مىنبەسىنە ۇسىنىس بويىنشا قاتىناستى ءارى «ءداۋىر اعىمىنا ۇيلەسىپ، بىرگە دامۋدى ىسكە اسىرايىق» دەگەن تاقىرىپتا ماڭىزدى ءسوز سويلەپ، مىنالاردى باسا دارىپتەدى: تەبىندى ەلدەر تاريحتىڭ ۇلى بەتالىسىنا ۇيلەسىپ، پايدالى سەلبەستىككە، جاڭالىق اشۋ ارقىلى جەتەكشىلىك ەتۋگە، قامتىمدىلىق پەن جالپىعا بىردەي يگىلىكتە، كوپ جاقتىلىقتا تاباندى بولىپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن ورناتۋدا سىندارلى رول اتقارۋى كەرەك.
شي جينپيڭ ساندتون حالىقارالىق ءماجىلىس ورتالىعىنا كەلگەندە، وڭتۇستىك افريكانىڭ پرەزيدەنتى راماپوسا ىستىق ىقىلاسپەن قارسى الدى، ەكى ەلدىڭ مەملەكەت باسشىسى ءماجىلىس زالىنا بىرگە كىردى. شاتىرلاعان شاپالاق ۇنىندە شي جينپيڭ ماڭىزدى ءسوز سويلەدى.
شي جينپيڭ مىنالاردى اتاپ كورسەتتى: تەبىندى ەلدەر مەحانيزمىنىڭ دۇنيەگە كەلۋى مەن دامۋى − دۇنيە جۇزىلىك ەكونوميكانىڭ وزگەرىسى مەن حالىقارالىق جاعدايدىڭ قۇبىلۋىنىڭ تۋىندىسى. ءبىرىنشى 10 جىلدىقتا تەبىندى ەلدەر سەلبەستىگى ۇتىمدى جاعدايدا العا ىلگەرىلەپ، دۇنيە جۇزىلىك ەكونوميكانىڭ ورنىعۋى مەن قايتا قالپىنا كەلۋىنە ءارى ارتۋ جولىنا ورالۋىنا كورنەكتى ۇلەس قوستى. قازىر دۇنيە ءبىر عاسىردان بەرى بولماعان ۇلى وزگەرىس جاعدايىندا تۇر. قالىڭ جاڭادان وركەندەگەن بازار ەلدەرى مەن وركەندەپ كەلە جاتقان ەلدەر ءۇشىن، بۇل دۇنيە ورايعا تولى ءارى سىن - سايىستار دا ورىن تەۋىپ وتىر. ءبىز حالىقارالىق جاعدايدىڭ وزگەرىسىنىڭ تاريحي اياق الىسىندا تەبىندى ەلدەر سەلبەستىگىن جوبالاپ، دۇنيە ءجۇزىنىڭ دامۋى مەن تەبىندى ەلدەردىڭ بىرگە دامۋىنىڭ تاريحي ۇدەرىسىندە وزىندىك دامۋدى قاراستىرىپ، ەكىنشى «التىن 10 جىلدىقتا» جاڭا سەكىرىستى ىسكە اسىرۋىمىز كەرەك.
شي جينپيڭ مىنالاردى دارىپتەدى: الداعى 10 جىل − دۇنيە جۇزىلىك ەكونوميكانىڭ جاڭا، كونە قوزعاۋشى كۇشتەرىنىڭ الماسۋىنداعى شەشۋشى 10 جىل، حالىقارالىق جاعداي مەن كۇشتەردىڭ شاماسى جەدەل وزگەرەتىن 10 جىل، عالامدىق جونگە سالۋ جۇيەسى تەرەڭدەي قايتا قالىپتاساتىن 10 جىل. مەن تەبىندى ەلدەردىڭ باسشىلارىمەن بىرگە، تەبىندى ەلدەر سەلبەستىگىنىڭ يوحاننەسبۋرگتەن ساپارعا قايتا اتتانۋىن ىلگەرىلەتىپ، دامۋ ورايىن يگەرىپ، سايىستاردى كۇش بىرىكتىرە جەڭىپ، جاڭاشا حالىقارالىق قاتىناستىڭ، ادامزاتتىڭ تاعدىرلاس ورتاق تۇلعاسىنىڭ قالىپتاسۋىندا سىندارلى رول اتقارۋدى ءۇمىت ەتەمىن.
ءبىرىنشى، تەڭ پايدالى سەلبەستىكتە تاباندى بولىپ، اشىق ەكونوميكا قۇرۋ. تەبىندى ەلدەر دۇنيە جۇزىلىك اشىق ەكونوميكانى تاباندىلىقپەن قۇرىپ، سىڭار جاقتىلىق پەن قورعانىمپازدىققا ايقىن تۋ ۇستاي وتىرىپ قارسى تۇرىپ، ساۋدا مەن قارجى سالۋدىڭ ەركىندەنۋى مەن قولايلىلانۋىن جەبەپ، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا بىردەي، تەپە - تەڭ، پايدالى بەتالىسپەن دامۋىنا بىرگە جەتەكشىلىك ەتۋ كەرەك. جاڭادان وركەندەگەن بازار ەلدەرى مەن وركەندەپ كەلە جاتقان ەلدەردىڭ، اسىرەسە، افريكا ەلدەرى مەن ەڭ دامىماعان ەلدەردىڭ حالىقارالىق كاسىپ بولىسىنە ءونىمدى ات سالىسۋىنا كومەكتەسىپ، ەكونوميكانىڭ جاھاندانۋىنىڭ ۇلەس پايداسىن تەڭ يگىلىكتەنۋ كەرەك.
ەكىنشى، جاڭالىق اشۋ ارقىلى جەتەكشىلىك ەتۋدە تاباندى بولىپ، دامۋ ورايىن يگەرۋ. تەبىندى ەلدەر جاڭالىق اشۋ ۇسىنىلىمىن ارتتىرىپ، جاڭا - كونە قوزعاۋشى كۇشتەردىڭ الماسۋىن ىسكە اسىرىپ، قۇرىلىمدىق رەفورمانى بار كۇشپەن ىلگەرىلەتىپ، حالىقارالىق جاڭالىق اشۋ اۋىس - كۇيىسى مەن سەلبەستىگىن تەرەڭدەتىپ، عىلىم - تەحنيكالىق العاباسارلىقتىڭ اناعۇرلىم كوپ مەملەكەت پەن حالىقتاردى يگىلىككە كەنەلتۋىنە مۇمكىندىك جاساۋ كەرەك.
ءۇشىنشى، قامتىمدىلىق پەن جالپىعا بىردەيلىكتە تاباندى بولىپ، ءار ەل حالىقتارىن يگىلىككە كەنەلتۋ. تەبىندى ەلدەر ءوز - ءوزىنىڭ مەملەكەت جاعدايىن تياناق ەتىپ، 2030 - جىلعا دەيىنگى باياندى دامۋ كۇن ءتارتىبىن ءوز ەلىنىڭ دامۋ ستراتەگياسىمەن تەرەڭدەي ۇشتاستىرىپ، حالىقتى وزەك ەتۋدە تاباندى بولىپ، ەكونوميكانىڭ، قوعامنىڭ، قورشاعان ورتانىڭ دامۋىن ءبىر تۇتاس جوسپارلاپ، حالىق جۇرتشىلىعىنىڭ تابىس سەزىمى مەن باقىت سەزىمىن ۇزبەي نىعايتۋ كەرەك. حالىقارالىق دامۋ سەلبەستىگىن بەلسەندىلىكپەن ىلگەرىلەتىپ، افريكا ەلدەرىمەن سەلبەستىكتى كۇشەيتىپ، افريكانىڭ دامۋىنا قولداۋ كورسەتىپ، تەبىندى ەلدەردىڭ افريكامەن سەلبەستىگىن وڭتۇستىك - وڭتۇستىك سەلبەستىگىنىڭ ۇلگىسىنە اينالدىرۋعا قۇلشىنۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
