شي جينپيڭ ۋاڭ جيساي جولداستىڭ ىزگى ىستەرى جونىندە ماڭىزدى نۇسقاۋ بەرىپ، مىنانى دارىپتەدى
وتاندى ءسۇيۋ، ۇلەس قوسۋ رۋحىن بارىنشا اسپەتتەپ، جاڭا داۋىردەگى كۇرەسكەرلەردىڭ قۇن تالپىنىسىنا اينالدىرۋ كەرەك
2018.08.07 15:46 كەلۋ قاينارى : حالىق تورابى
شينحۋا اگەنتتىگى، 6 – تامىز، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ۋاڭ جيساي جولداستىڭ ىزگى ىستەرى جونىندە ماڭىزدى نۇسقاۋ بەرىپ، مىنالاردى دارىپتەدى: ۋاڭ جيساي جولداس 32 جىل بويى ارالدى كۇزەتىپ، وتاندى قورعاپ، قالتقىسىز تاباندىلىق كورسەتىپ جانە ەڭبەك ەتىپ، قاراپايىم جۇمىس ورنىندا كەرەمەت ءومىر داستانىن جازدى. ءبىز وسىنداي وتاندى ءسۇيۋ، ۇلەس قوسۋ رۋحىن بارىنشا اسپەتتەپ، جاڭا داۋىردەگى كۇرەسكەرلەردىڭ قۇن تالپىنىسىنا اينالدىرۋىمىز كەرەك.
شي جينپيڭ مىنانى اتاپ كورسەتتى: قاتىستى جاقتار ۋاڭ جيساي جولداستىڭ ءۇي ىشىندەگىلەرگە كوڭىل ءبولۋى، قامقورلىق جاساۋى كەرەك، ءار دارەجەلى ۇيىمدار ۋاڭ جيساي جولداس سياقتى ۇزاق ۋاقىت بويى جاپالى جۇمىس ورنىندا قالتقىسىز ۇلەس قوسىپ جاتقان جولداستاردىڭ ءىس جۇزىندىك قيىنشىلىقتارىن بەلسەنە، ىرىقتىلىقپەن شەشىپ، يدەيادا، قىزمەتتە جانە تۇرمىستا ولارعا كوبىرەك كوڭىل ءبولۋى، ولاردى ايالاۋى كەرەك.
ۋاڭ جيساي تىرشىلىگىندە جياڭسۋ ولكەسى گۋانيۇن اۋدانى كايشان ارالى حالىق جاساعى قاراۋىل ورنىنىڭ باستىعى بولاتىن. كايشان ارالى ەلىمىزدىڭ حۋاڭحاي تەڭىزىندەگى الدىڭعى قاراۋىل، اۋدانى نە ءبارى ەكى پۋتبول الاڭىنداي عانا بولعانىمەن، ستراتەگيالىق ورنى ەرەكشە ماڭىزدى. 1985 - جىلى اسكەري قۇرىلىم قىسقارتىلىپ، حالىق جاساعى قاراۋىل ورنى قۇرىلدى، ايتسە دە شارت - جاعدايى جاپالى بولعاندىقتان، بۇل ارالعا ىلگەرىندى - كەيىندى كەلگەن ون نەشە حالىق جاساعى ۇزاق ۋاقىت كۇزەتتە تۇرۋدى قالامادى. 1986 - جىلى 26 جاستاعى ۋاڭ جيساي ارالدى كۇزەتۋ مىندەتىن تاپسىرىپ الدى، سودان كەيىن جۇبايى ەكەۋى ارالدى ءوز ۇيلەرىندەي كورىپ، ەل - جۇرتتان اۋاشا ءومىر وتكىزدى، سۋ دا، توك تە جوق، وسىمدىكتىڭ ءوسۋى دە قيىن وقشاۋ ارالدى ءۇن - ءتۇنسىز تاباندىلىقپەن كۇزەتىپ، جاستىق كوكتەمىن تۇگەلدەي وتانىمىزدىڭ تەڭىز قورعانىسى ىستەرىنە ارنادى. 2014 - جىلى ۋاڭ جيساي مەن جۇبايى مەملەكەت بويىنشا «ءداۋىر ۇلگىسى» بولىپ باعالاندى. بيىل 27 - شىلدەدە ۋاڭ جيساي مىندەت وتەپ جاتقان شاقتا تۇتقيىل سىرقاتتانىپ، قۇتقارۋ ءونىم بەرمەي، 58 جاسىندا دۇنيەدەن ءوتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
