بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ 73 – كەزەكتى ب م ۇ قۇرىلتايىنڭ توراعاسىمەن كەزدەستى

2018.08.09 16:41     كەلۋ قاينارى : حالىق تورابى

  «حالىق گازەتى»، 8 – تامىز، بەيدايحى (ءتىلشى لي ۋەيحۇڭ). مەملەكەتتىك كەڭەستىڭ زۇڭليى لي كىچياڭ 8 – تامىز تۇستەن كەيىن بەيدايحىدا جۇڭگوعا رەسمي ساپارمەن كەلگەن 73 – كەزەكتى ب م ۇ قۇرىلتايىنڭ ءتوراعاسى ەسپينوسامەن كەزدەستى.


  لي كىچياڭ بىلاي دەدى: جۇڭگو بىرلەسكەن مەملەكەتتەر ۇيىمىنىڭ قۇرۋشى مۇشە ەلى، حاۋىپسىزدىك القالار كەڭەسىنىڭ تۇراقتى مۇشەسى جانە دامۋ ۇستىندەگى ەڭ ۇلكەن مەملەكەت رەتىندە ب م ۇ - نىڭ قىزمەتىن باستان - اياق قولداپ كەلەدى. ءتوراعا شي جينپيڭ 2015 – جىلى ب م ۇ – نىڭ باس شتابىندا ساپاردا بولدى ءارى ب م ۇ قۇرىلعانىنىڭ 70 جىلدىعىن قۇتتىقتاۋعا ارنالعان جەلىلەس فورۋمعا قاتىناستى. جۇڭگو ب م ۇ – نىڭ بەدەلىن بۇلجىماستان قورعايدى، ب م ۇ – نىڭ حالىقارالىق ىستەردە ۇيىتقىلىق رول اتقارۋىن قولدايدى، ب م ۇ – نىڭ ساياسي، ەكونوميكا، قوعام، دامۋ، بەيبىتشىلىكتى قورعاۋ سياقتى سالالارداعى قىزمەتىنە جان – جاقتى، ىشكەرىلەي قاتىناسادى، وتەۋگە ءتيىستى حالىقارالىق بورىشىن ءۇرتىس وتەپ، دۇنيە ءجۇزى بەيبىتشىلىگىنىڭ كوركەيتۋشىسى، جەر شارى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولادى.


  لي كىچياڭ بىلاي دەدى: ب م ۇ قۇرىلعان 70 نەشە جىلدان بەرى دۇنيە ءجۇزىنىڭ بەيبىتشىلىگى جالپى جاقتان قورعالدى، ءبىر ميللياردتان استام ادام كەدەيلىكتەن ارىلدى، ءتىپتى دە كوپ مەملەكەت دامىپ – كوركەيۋ جولىنا ءتۇستى. بۇلار دۇنيە ءجۇزىنىڭ عالامدانۋعا جانە كوپ ۇيەكتەنۋگە بەت الۋىمەن تىعىز بايلانىستى، مۇنى سونداي – اق ءار ەلدىڭ كوپ جاقتىلىقتان جازباي، سايىسقا قول ۇستاسىپ توتەپ بەرۋىنەن دە بولە قاراۋعا بولمايدى. قازىرگى حالىقارالىق جاعدايدا ءبىز بۇرىنعى ءارقانداي كەزدەگىمەن سالىستىرعاندا كوپ جاقتى دۇنيەگە ءتىپتى دە ءزارۋمىز. ءار ەل قاعيدانى نەگىز ەتكەن حالىقارالىق ءتارتىپتى قورعاۋى، ب م ۇ ەرەجەسىنىڭ باس ماقساتى مەن قاعيداسىنا بويسۇنۋى، الاۋىزدىقتى پىكىرلەسۋ، كەڭەسۋ جولىمەن شەشۋدەن جازباۋى كەرەك. دۇنيە جۇزىلىك ساۋدا ۇيىمىنىڭ نەگىزگى ەرەجەسىن قورعاپ، ەركىن ساۋدا تۇزىلىسىندە تاباندى بولۋى جانە ونى كەمەلدەندىرۋى، ساۋدا مەن قارجى قوسۋدىڭ ەركىندەنۋىن جانە قولايلىلانۋىن جەبەۋى كەرەك. حالىقارالىق قاتىناستىڭ دەموكراتيالانۋىن جانە زاڭمەن باسقارىلۋىن ىلگەرىلەتىپ، قورعانىمپازدىققا قارسى تۇرۋى كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار