لي كىچياڭ مەن جاپونيانىڭ باس ءۋازىرى شينزو ابە جۇڭگو – جاپونيا دوستىق شارتى جاسالعانىنىڭ 40 جىلدىعىن قۇتتىقتاپ ءبىر – بىرىنە تەلەگرامما جولدادى
2018.08.13 16:10 كەلۋ قاينارى : حالىق تورابى
شينحۋا اگەنتتىگى، 12 – تامىز، بەيجيڭ. مەملەكەتتىك كەڭەستىڭ زۇڭليى لي كىچياڭ مەن جاپونيانىڭ باس ءۋازىرى شينزو ابە 12 - تامىزدا ءبىر – بىرىنە قۇتتىقتاۋ تەلەگرامماسىن جولداپ، جۇڭگو – جاپونيا دوستىق شارتى جاسالعانىنىڭ 40 جىلدىعىن قۇتتىقتادى.
لي كىچياڭ قۇتتىقتاۋ تەلەگرامماسىندا بىلاي دەدى: 40 جىلدىڭ الدىندا ەكى ەلدىڭ اعا بۋىن باسشىلارى مەن ساياساتشىلارى جۇڭگو – جاپونيا دوستىق شارتىن جاساسۋ ۇيعارىمىن جاساپ، زاڭ فورماسىمەن جۇڭگو – جاپونيا بىرلەسكەن مالىمدەمەسىندەگى ءتۇرلى پرينسيپتى تۇراقتاندىرىپ، جۇڭگو – جاپونيا قاتىناسىن ماڭىزدى بەلەسكە كوتەردى. 40 جىلدان بەرى جۇڭگو – جاپونيا قاتىناسىندا جۇرت نازارىن اۋدارارلىق دامۋشىلىق بولىپ، ەكى ەل حالىقتارىنا باقىت جاراتىلىپ، ءوڭىردىڭ، دۇنيە ءجۇزىنىڭ گۇلدەنۋىنە، ورنىقتىلىعىنا ۇلەس قوسىلدى.
لي كىچياڭ بىلاي دەدى: بيىل مامىردا ۇسىنىس بويىنشا جاپونياعا بارىپ جۇڭگو، جاپونيا، وڭتۇستىك كورەيا باسشىلارىنىڭ 7 – رەتكى ماجىلىسىنە قاتىناستىم ءارى جاپونيادا رەسمي ساپاردا بولىپ، جۇڭگو – جاپونيا قاتىناسىنىڭ قالىپتى دامۋ ارناسىنا تۇسۋىنە جەبەۋشى بولدىم. جۇڭگو جاپونيامەن بىرگە تاريحتى اينا ەتۋ، بولاشاققا بەت الۋ رۋحىمەن جۇڭگو مەن جاپونيانىڭ 4 ساياسي قۇجاتىنداعى ءتۇرلى پرينسيپكە بويسۇنىپ، ساياسي نەگىزدى قورعاپ، ءتيىمدى سەلبەستىكتى ىشكەرىلەي جۇرگىزىپ، الاۋىزدىقتى لايىقتى مەڭگەرىپ، جۇڭگو – جاپونيا قاتىناسىنىڭ باياندى، اقاۋسىز، ورنىقتى دامۋىن ىلگەرىلەتۋگە پەيىل.
شينزو ابە قۇتتىقتاۋ تەلەگرامماسىندا بىلاي دەدى: 40 جىلدىڭ الدىندا جاپونيا مەن جۇڭگو ەكى ەلدىڭ ۇلى اعا بۋىندارى ەكى ەل قاتىناسىنىڭ ۇزاق ۋاقىتتىق قىبلاناماسى رەتىندەگى بەيبىتشىلىك، دوستىق رۋحىن شارتقا ماڭگىلىك جازىپ قالدىردى. وسىدان كەيىن جاپونيا مەن جۇڭگو وسى نەگىزدە بىرگە قۇلشىنىپ، ەكى ەل قاتىناسىنىڭ ساياسي، ەكونوميكا، مادەنيەت، ادامدار بارىس – كەلىسى سياقتى كەڭ سالاسىندا ناقتى دامۋشىلىققا قول جەتكىزىلۋىن ىلگەرىلەتتى. جاپونيا مەن جۇڭگو ءوڭىردىڭ جانە دۇنيە ءجۇزىنىڭ بەيبىتشىلىگىندە، گۇلدەنۋىندە ماڭىزدى جاۋاپكەرلىك ارقالاپ وتىر. ەكى جاق ءۇرتىس قول ۇستاسىپ ىشكەرىلەي سەلبەستىك جاساپ، حالىقارالىق قوعام ءدوپ كەلگەن ءتۇرلى ماسەلەلەردى شەشۋگە ۇلەس قوسۋى، ءار جاقتىڭ ءۇمىتىن اقتاۋى كەرەك.
شينزو ابە بىلاي دەدى: بيىل مامىردا لي كىچياڭ زۇڭلي جاپونيادا رەسمي ساپاردا بولدى، وسى رەتكى ساپار جاپونيا – جۇڭگو قاتىناسىنىڭ بۇدان سوڭعى دامۋىندا اسا ماڭىزدى مانگە يە. وسى رەتكى ساپار ارقىلى جاپونيا – جۇڭگو قاتىناسى قالىپتى دامۋ ارناسىنا ءتۇستى. جىل ىشىندە جۇڭگوعا ساپارلاي بارىپ، جاپونيا – جۇڭگو قاتىناسىنىڭ جاڭا ساتىعا كوتەرىلۋىن ىلگەرىلەتۋدى ويعا الىپ وتىرمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
