ليۋ حى 2018 – جىلعى دۇنيە جۇزىلىك روبوت تەحنيكاسى ءماجىلىسىنىڭ اشىلۋ سالتىندا مىنانى باسا دارىپتەدى
دۇنيە ءجۇزىنىڭ روبوت تەحنيكاسى سالاسىنداعى اشىق سەلبەستىگىن دامىتۋدى ىلگەرىلەتەيىك
2018.08.16 15:03 كەلۋ قاينارى : حالىق تورابى
شينحۋا اگەنتتىگى، 15 – تامىز، بەيجيڭ. 2018 – جىلعى دۇنيە جۇزىلىك روبوت تەحنيكاسى ءماجىلىسىنىڭ اشىلۋ سالتى 15 – تامىز كۇنى بەيجيڭدە وتكىزىلدى، ق ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ حى ماجىلىسكە قاتىناستى ءارى ءسوز سويلەدى. ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي، مەملەكەتتىك ساياسي كەڭەس ءتوراعاسىنىڭ ورىنباسارى، جۇڭگو عىلىم – تەحنيكا قوعامىنىڭ ءتوراعاسى ۋان گاڭ اشىلۋ سالتىنا قاتىناستى.
ليۋ حى مىنانى اتاپ كورسەتتى: روبوت تەحنيكاسى — قازىرگى عىلىم – تەحنيكا توڭكەرىسىندەگى ەڭ ماڭىزدى سالالاردىڭ ءبىرى، بۇل سالا بولاشاقتا ادامزاتتىڭ ءوندىرىس فورماسى مەن تۇرمىس تاسىلىنە تەرەڭ ىقپال جاسايدى. قازىر دۇنيە جۇزىندە جان سانى مەن قوعامدىق ءتۇزىلىس وزگەرگەن، «عىلىمنىڭ تەحنيكاعا» وزگەرۋ ءۇردىسى جەدەلدەگەن، ەكونوميكانىڭ دامۋى جاڭا دامۋ نۇكتەسىن شۇعىل قاجەت ەتىپ وتىرعان جاعدايدا، روبوت تەحنيكاسىنىڭ دامۋىنا كەڭ كولەمدە ءمان بەرىلۋدە. قازىر روبوت تەحنيكاسى سالاسىندا اۋقىمدىق سيپاتتاعى قۇبىلىستار جارىققا شىعۋدا، روبوت ءوندىرىسىنىڭ دامۋى كورنەكتى تەزدەدى، روبوت تەحنيكاسى مەن جاڭا ۇرپاق ينفورماتسيا تەحنيكاسى ىشكەرىلەي توعىسىپ، قولدانۋ كولەمى ۇزدىكسىز كەڭەيۋدە، روبوت تەحنيكاسى سالاسىنداعى حالىقارالىق سەلبەستىك اناعۇرلىم تىعىز بولا تۇسۋدە.
ليۋ حى مىنانى باسا دارىپتەدى: جۇڭگونىڭ روبوت تەحنيكاسى سالاسىنىڭ ۇزدىكسىز اقاۋسىز دامۋىن ىلگەرىلەتۋ ءۇشىن، جۇڭگونىڭ ءىس جۇزىندىك جاعدايىن شىعار ءتۇيىن ەتۋ كەرەك، قاجەتتىلىكتى باعدار، حالىقتى وزەك ەتۋگە تاباندى بولىپ، قامداۋ ساپاسى مەن ورەسىن ۇزدىكسىز جوعارىلاتۋ كەرەك. ۇكىمەت پەن نارىق اراسىنداعى قارىم – قاتىناستى ويداعىداي ءبىرجاقتىلى ەتىپ، نارىقتىڭ بايلىق قاينارىن ورنالاستىرۋ سىندى شەشۋشى رولىن ساۋلەلەندىرىپ، ەركىن ويلاۋ مەن تولىق زەرتتەۋگە مۇمكىندىك بەرىپ، ءادىل باسەكەلەسەتىن نارىق ورتاسىن قالىپتاستىرۋ كەرەك، زياتكەرلىك ۇقىعىن قورعاۋدا بۇلجىماستان كۇشەيتۋ كەرەك. وقۋ – اعارتۋدى كۇشەيتۋگە كۇش سالىپ، روبوت تەحنيكاسى سالاسىنداعى دامۋعا قاجەتتى دارىندىلاردى اناعۇرلىم كوپ تاربيەلەۋ، حالىقتىق وقۋ – اعارتۋدىڭ ورەسىن كۇش سالا جوعارىلاتىپ، روبوت تەحنيكاسى داۋىرىندەگى جاڭا تالاپتارعا سايكەسۋ كەرەك. ءمورال – ەتيكا جانە زاڭ – ءتۇزىم جاقتارىنداعى جاڭا بايقالعان ماسەلەلەردى ويداعىداي ءبىرجاقتىلى ەتىپ، تيىمدىلىكتەردى تولىق پايدالانىپ، تيىمسىزدىكتەردى جويۋ كەرەك. حالىقارالىق سەلبەستىكتى بەلسەندى ورىستەتىپ، ءتۇرلى سىناقتارعا دۇنيە جۇزىندەگى ءارقايسى ەلدەرمەن بىرگە توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
