شي جينپيڭ ج ك پ ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ، جيلين ولكەسى چاڭچۇن قالاسى چاڭچىڭ سەرىكتەستىگىنىڭ كادىكتى ۆاكسينا دەلوسىنىڭ احۋالى جونىندەگى مالىمەتتى تىڭدادى
2018.08.17 16:17 كەلۋ قاينارى : حالىق تورابى
شينحۋا اگەنتتىگى، 16 – تامىز، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 16 – تامىزدا ءماجىلىس اشىپ، جيلين ولكەسى چاڭچۇن قالاسى چاڭچىڭ سەرىكتەستىگىنىڭ كادىكتى ۆاكسينا دەلوسىن تەكسەرۋ جانە قاتىستى جاۋاپكەرلىكتى قۋزاۋ احۋالى جونىندەگى مالىمەتتى تىڭدادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ماجىلىستە بىلاي دەپ اتاپ كورسەتىلدى: وسى رەتكى كادىكتى ۆاكسينا دەلوسى تۋىلعاننان بەرى باس شۋجي شي جينپيڭ ايرىقشا نازار اۋدارىپ، كوپ رەت ماڭىزدى نۇسقاۋ بەرىپ، ءىستىڭ انىق - قانىعىنا تەزدەن كوز جەتكىزىپ، قاتاڭ جاۋاپقا تارتىپ، زاڭ بويىنشا قاتاڭ جازالاپ، حاۋىپسىزدىكتىڭ تومەنگى شەگىن باتىل ساقتاپ، بۇقارانىڭ ءتول مۇددەسىن جانە قوعامنىڭ حاۋىپسىز، ورنىقتى جالپى جاعدايىن بار كۇشپەن قامتاماسىز ەتۋدى تالاپ ەتتى. پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك كەڭەس تالاي رەت ءماجىلىس اشىپ، زەرتتەۋ جۇرگىزىپ، تەكسەرۋ گرۋپپاسىن تەكسەرۋ جۇرگىزۋگە جىبەردى، قازىر دەلونىڭ جاعدايى جانە قاتىستى تاراۋلاردىڭ، كادرلاردىڭ مىندەتىن وتەۋ جاعدايى نەگىزىنەن انىقتالدى.
ماجىلىستە مىنالار دارىپتەلدى: ۆاكسينا حالىق بۇقاراسىنىڭ دەنساۋلىعىنا، الەۋمەتتىك دەنساۋلىق ساقتاۋدىڭ حاۋىپسىزدىگىنە جانە مەملەكەتتىڭ حاۋىپسىزدىگىنە سايادى. وسى رەتكى كادىكتى ۆاكسينا دەلوسى ــ ۆاكسينانى ءوندىرۋشى پايدانى كوزدەپ زاڭدى بۇزعان، مەملەكەتتىڭ ءدارى – دارمەك ولشەمى مەن ءدارى – دارمەك ءوندىرۋ ساپاسىن باسقارۋ ەرەجەسىنە قايشىلىق جاساعان، ءوندىرىس تەكسەرۋ ەستەلىگىن جالعاننان جاساعان، جەرگىلىكتى ۇكىمەت پەن باقىلاپ – باسقارۋ تاراۋلارى قىزمەت مىندەتىن اتقارماعان، باقىلاپ – تەكسەرۋ جۇرگىزبەگەن، ءىشىنارا قىزمەتكەرلەر قىزمەتتە قاتەلىك وتكىزگەن، ۆاكسينا وندىرىسىندە زاڭعا، بەلگىلەمەگە اۋىر قيعاشتىق جاساعان ەلەۋلى دەلو سانالادى، وسىلايشا اۋىر قىلمىس وتكىزىلىپ، جيرەنىشتى جاعداي، اۋىر ناشار ىقپال تۋىلعان، بۇل باقىلاپ – باسقارۋدىڭ تياناقتى بولماۋى سياقتى كوپتەگەن ساڭلاۋدى اشىپ كورسەتۋدەن تىس، ۆاكسينانى ءوندىرۋ، تاسىمالداۋ، پايدالانۋ جاقتارىندا ورىن تەپكەن تۇزىمدىك جەتەرسىزدىكتى دە بەينەلەپ بەردى. بۇدان اشتى ساباق الىپ، بىرەۋىن سوققىلاپ، مىڭىنا ساباق بەرىپ، بىلىقپالىقتى قاتاڭ جونگە سالۋ، قىلمىستىلاردىڭ سازايىن تارتقىزىپ، ۆاكسينانى، ءدارى – دارمەكتى باقىلاپ – باسقارۋدىڭ باياندى مەحانيزمىن كەمەلدەندىرۋدى تەزدەتۋ، الەۋمەتتىك حاۋىپسىزدىكتىڭ تومەنگى شەگىن باتىلدىقپەن ساقتاپ، قالىڭ حالىقتىڭ دەنساۋلىعىن باتىلدىقپەن قورعاۋ كەرەك.
ماجىلىستە مىنالار دارىپتەلدى: زاڭ – ءتۇزىمدى جانە زاڭدىق ەرەجەلەردى ىشكەرىلەي كەمەلدەندىرىپ، باقىلاپ – باسقارۋ جاۋاپكەرلىگىن ايقىن بەلگىلەپ جانە تياناقتاندىرىپ، ءوندىرىس بارىسىن ناق مايداندا تەكسەرۋدى كۇشەيتىپ، كاسىپورىنداردىڭ تۇلعالىق جاۋاپكەرلىكتى، بورىشتى اتقارۋىنا قۋزاۋشىلىق ەتىپ، ساپا حاۋىپسىزدىگىن تەكتەۋ جۇيەسىن ورناتىپ، ءونىم قاتەرى مالىمەت ءتۇزىمىن تياناقتاندىرۋ كەرەك. قاتەرى جوعارى، كاسىپتىك سيپاتى كۇشتى ۆاكسينا، ءدارى – دارمەككە قاراتا باقىلاپ – باسقارۋ ءىس ۇقىعىن ايقىنداۋ كەرەك، جەرگىلىكتى ورىنداردا جەرگىلىكتى ورىنداردىڭ ءوزى باسقارۋى نەگىزىندە قۇرىلىم جىبەرىپ تەكسەرۋ جۇرگىزۋ كەرەك. باقىلاپ – باسقارۋ قوسىنىنىڭ قۋات قۇرىلىسىن كۇشەيتىپ، ۆاكسينا، ءدارى – دارمەكتىڭ ارنايىلاعان تەكسەرۋ قوسىنىن قۇرۋدى تەزدەتۋ كەرەك. زاڭعا قايشىلىق جاساۋدىڭ وزىندىك قۇنىن جوعارىلاتىپ، پايدا جولىندا بۇلكەك قاققان، پايدانى كوزدەپ زاڭدى بۇزعان كاسىپورىندارعا، مورالمەن ويناپ، ىزگىلىكتەن جۇرداي بولعاندارعا قاتاڭ سوققى، اۋىر جازا بەرۋ، استە ىرقىنا جىبەرمەۋ كەرەك. ۆاكسينا، ءدارى – دارمەك قاتارلى جاقتاردا الەۋمەتتىك حاۋىپسىزدىككە قاتەر توندىرگەن زاڭعا قايشى قىلمىستىلارعا قاراتا زاڭ بويىنشا قاتاڭ جازا بەرۋ، وراسان زور ايىپ سالۋ، كاسىپپەن شۇعىلدانۋىنا ءومىر بويى تيىم سالۋ كەرەك. كادرلاردىڭ قوسىن قۇرىلىسىن كۇشەيتىپ، ءىستى تىڭعىلىقتى ىستەۋگە شابىت بەرىپ، قىزمەت جاۋاپكەرلىگىن شىنايى اتقارىپ، قىزمەت مىندەتىن وتەمەگەندەردىڭ، قىزمەتتە قاتەلىك وتكىزگەندەردىڭ جاۋاپكەرلىگىن قاتاڭ قۋزاۋ كەرەك.
ءماجىلىس جيىن يۇيحۇيدى (جيلين ولكەسىنىڭ ورىنباسار ولكە باستىعى، 2017 – جىلى ساۋىردەن باستاپ جيلين ولكەسىنىڭ ازىق – تۇلىك، ءدارى – دارمەك ىستەرىن باقىلاپ – باسقارۋ قىزمەتىنە جاۋاپتى بولعان) قىزمەتىنەن قالدىرۋعا، لي جينشيۋدى (جيلين ولكەلىك ساياسي كەڭەستىڭ ورىنباسار ءتوراعاسى، 2015 – جىلى جەلتوقساننان 2017 – جىلى ساۋىرگە دەيىن جيلين ولكەسىنىڭ ازىق – تۇلىك، ءدارى – دارمەك ىستەرىن باقىلاپ – باسقارۋ قىزمەتىنە جاۋاپتى ورىنباسار ولكە باستىعى بولعان) قىزمەتىنەن بوساۋعا بۇيىرۋعا، ليۋ چاڭلۇڭنان (چاڭچۇن قالاسىنىڭ قالا باستىعى، 2016 – جىلى قىركۇيەكتە چاڭچۇن قالاسىنىڭ ۋاقىتتىق قالا باستىعى بولعان، 2016 – جىلى قىركۇيەكتەن قازىرگە دەيىن چاڭچۇن قالاسىنىڭ قالا باستىعى بولعان)، بي جيڭچۋاننان (بازار باقىلاپ – باسقارۋ باس مەكەمەسىنىڭ پارتگرۋپپا شۋجيى، ورىنباسار مەكەمە باستىعى، 2015 – جىلى اقپاننان 2018 – جىلى ناۋرىزعا دەيىن بۇرىنعى ازىق – تۇلىك، ءدارى – دارمەك باقىلاپ – باسقارۋ باس مەكەمەسىنىڭ باستىعى بولعان) كىناسىن تانىپ مىندەتىنەن بوساۋدى تالاپ ەتۋگە، جياڭ جى – يىڭنەن (جيلين ولكەلىك پارتكومنىڭ تۇراقتى مۇشەسى، يانبيان چاۋشيان اۆتونوميالى وبلىستىق پارتكومنىڭ شۋجيى، 2012 – جىلى ناۋرىزدان 2016 – جىلى مامىرعا دەيىن چاڭچۇن قالالىق پارتكومنىڭ ورىنباسار شۋجيى، قالا باستىعى بولعان)، جياۋ حۇڭنان (مەملەكەتتىك ءدارى – دارمەك باقىلاپ – باسقارۋ مەكەمەسىنىڭ باستىعى) ىشكەرىلەي تەكسەرۋ جاساۋدى تالاپ ەتۋگە؛ باسقارۋشى ورتا ساتى كادرىنا جاتپايتىن 35 كادردىڭ جاۋاپكەرلىگىن قۋزاۋعا ماقۇل بولدى؛ ورتالىق ءتارتىپ تەكسەرۋ كوميتەتى مەملەكەتتىك باقىلاۋ كوميتەتىنىڭ ۋ جىنگە (بۇرىنعى ازىق – تۇلىك، ءدارى – دارمەك باقىلاپ – باسقارۋ باس مەكەمەسىنىڭ ورىنباسار مەكەمە باستىعى، بۇرىنعى دەنساۋلىق ساقتاۋ، جوسپارلى تۋىت كوميتەتىنىڭ ورىنباسار مەڭگەرۋشىسى، ءدارى – دارمەكتى تىركەۋگە الدىرۋدى باسقارۋ، ءدارى – دارمەك باقىلاپ – باسقارۋ جانە تەكسەرىپ بەكىتۋ سياقتى قىزمەتتەرگە جاۋاپتى بولعان) دەلو تۇرعىزىپ تەكسەرۋ جۇرگىزۋىن ۇيعاردى. ءماجىلىس جيلين ولكەلىك پارتكوم مەن ۇكىمەتتى، مەملەكەتتىك ءدارى - دارمەك باقىلاۋ - باسقارۋ مەكەمەسىن ج ك پ ورتالىق كوميتەتىنە، مەملەكەتتىك كەڭەسكە ىشكەرىلەي تەكسەرۋ جاساۋعا مىندەتتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
