بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى

2018.08.23 16:32     كەلۋ قاينارى : حالىق تورابى

  شينحۋا اگەنتتىگى، 22 – تامىز، بەيجيڭ. مەملەكەتتىك كەڭەستىڭ زۇڭليى لي كىچياڭ 22 - تامىزدا مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى، ماجىلىستە ۇساق كاسىپورىنداردىڭ قارجى قۇراۋى قيىن بولۋىن ىشكەرىلەي باسەيتۋدەگى ساياساتتى تياناقتاندىرىپ، ءونىمىن كورۋ ورنالاستىرىلدى؛ نەگىزدىك ەمدەلۋ قامسىزداندىرۋى بويىنشا ولكە اتتاپ ەمدەلىپ، بالنيتسادا جاتۋ قاراجاتىنىڭ ەسەبىن تىكەلەي ءۇزۋ كولەمىن كەڭەيتۋ، بۇقارانىڭ جاقىن ارادان ەمدەلۋىنە قولايلىلىق جاراتۋ ۇيعارىلدى؛ تابيعي گازدى سايكەستى، ورنىقتى دامىتۋ شاراسى مەن بيولوگيالىق جانارزات ەتيل كاسىبىن جەبەۋ جونىندە جالپىلىق ورنالاستىرۋ جاسالدى.


  ماجىلىستە مىنالار اتاپ كورسەتىلدى: ورتالىق كوميتەتىنىڭ، مەملەكەتتىك كەڭەستىڭ كەلەلى ورنالاستىرۋلارى بويىنشا قاتىستى تاراۋلار ۇساق كاسىپورىنداردىڭ قارجى قۇراۋى قيىن بولۋىن باسەيتۋدە ءبىرقىدىرۋ شارانى بەلگىلەپ اتقاردى. فينانستىڭ ناقتى ەكونوميكاعا ءتىپتى دە ويداعىداي قىزمەت وتەۋىن ىلگەرىلەتىپ، كاستىپتەندىرۋدىڭ ورنىعۋىن، كاسىپورىنداردىڭ گۇلدەنۋىن جەبەۋ ءۇشىن، ماجىلىستە مىنالار دارىپتەلدى: بىرىنشىدەن، ورنىقتى اقشا ساياساتىنان جازباي، «قاپتاتىپ سۋارۋدان» ساقتانىپ، دالمە – ءدال شارا قولدانۋعا دەن قويىپ، ساياساتتىڭ جەتكىزىلۋ مەحانيزمىن ىركىلىسسىزدەندىرىپ، فينانس قۇرىلىمدارىنىڭ ۇساق كاسىپورىندارعا بەىرلەتىن قارىزدى كوبەيتۋىنە شابىت بەرىپ، قارجى قۇراۋدىڭ وزىندىك قۇنىن تومەندەتۋ كەرەك. ۇساق كاسىپورىنداردىڭ قارىز اقشا الۋ مەرزىمىن، قايتارۋ ءتاسىلىن ۇيلەسىمدى بەلگىلەپ، قارىزدى تەكسەرىپ بەكىتۋ پەريودىن قىسقارتىپ، ورتا، ۇزاق مەرزىمدى قارىزدىڭ سالىستىرماسىن لايىقتى جوعارىلاتۋ كەرەك. ورتا، شاعىن كاسىپورىندارعا پايداسى جوعار زايوم، جەكە زايوم بەرۋ كاسىبىن ورنىقتى دامىتۋ كەرەك. ەكىنشىدەن، فينانس قۇرىلىمدارىنىڭ ونىمدىلىك باعالاۋىن ۇساق كاسىپورىندارعا قارىز تاراتۋىمەن ماتاپ شابىت بەرۋ مەحانيزمىن ورناتۋ كەرەك. ۇساق كاسىپورىنداردىڭ قارىز ءوسىمى كىرىسىنەن ارتقان قۇن باجىسىن الماۋ ساياساتىن جەدەل تياناقتاندىرۋ كەرەك. قارىز اقشا جانە امانات اقشا سالىستىرما كورسەتكىشىنە جول بەرۋ شاماسىن لايىقتى جوعارىلاتۋ كەرەك. ۇساق كاسىپورىندارعا قارىز اقشا قارجىلىق قولداۋى اكتسياسىن تاراتۋدى قولداۋ كەرەك. ۇشىنشىدەن، دامۋدى جەبەۋ مەن قاتەردەن ساقتانۋعا بىردەي ءمان بەرۋدەن جازباي، باقىلاپ – باسقارۋ باعالاۋىن ساپالىلاندىرىپ، ۇساق كاسىپورىندار امانات قارىزىن ارناۋلى تەكسەرۋ كورسەتكىشىن قوسىپ، ۇساق كاسىپورىندارعا ناقتى تيىمدىلىك جاراتىپ، امانات قويۋ مەن قارىز الۋدى ماتاۋ، الىم – بەرىمدى ماتاۋ ارەكەتتەرىن تەجەپ، فينانس نەسيەسىنىڭ قاتەرىنەن ويداعىداي ساقتانۋ جانە ونى باسەيتۋ كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار